LAMETNA NGAH
Oct 1, 2022
Christie
Christie in Asia gam khat panin a khangkhia khangno khat hi. Biakna nei lo hi. “Nuntakna khiatna in bang hiam, ci-in amah le amah kidong hi. Khat vei bek kinungta ding ahih manin na ut bangbangin nei inla, nuntak ding a ngaihsun hi. Ahi zongin tua zong kimanna nei lo hi; khiatna nei tuan lo hi.
Khuakhal
hun khat vei Manglai hilhna khat ah Mangpau sinin ka om hi . Christie zong
mangpau sinin om hi. Lai hong hilh sia pen USA pan hong pai sia khat hi.
Doctorate degree nei khat hi-in Pasian thuthukte sinna nei khat hi. Thusinna
masa penah amah le amah thu hong genna-ah mawtaw tuahsiatna panin
Pasian in a nuntakna honkhia ahihlam hong pulaak hi. Mawtaw zan
gawpin suangtumpi khat in dal ahihna thu a pulaak hi. A pumpi bangmah liamna
nei het lo ahihlam hong ge hi. Christie in tua thu a zak
ciangin alungsim lawngkha mahmah hi. Laisinna a man khit phetin
sianu tawh kiho pah dinga ngaihsun hi.
Kum 10
bang khit ciangin Christie in Canada gamah zinna khat nei
hi. Vancouver khuapi va tungin a giahna hotel gei-ah biakinn khat
om hi. Tua biakinn mai-ah mi khat dingin om a mu hi. A
khutah “ Inn hong ciahkik in” cih lai kigelh laisuan khat amu hi. Tawl khat
khit ciangin tua nu in tua biakinn ah va paikik a, tua mipa in a
khutah laisuan a tawi “ Inn hong ciah in “ cih amu leuleu hi.
“ Tua ni pen huih
nungnungin, amah in bang hangin tua mipa in khua hun hoih lo kawmkalah tua
bangin lai tawi-in dingding hiam, ci-in lunghimawh hi. Tua mipa in a khuta a
tawi laisuan in Christie lungsim ah kha tampi om den hi. A sawt ciangin
Khristian biakna in ka nuntakna-ah hong hilhnop thu khat om hi ding
hi, ci-in a ngaihsun hi. Inn a tunkik ciangin Christie in sangkahna khat nei
dingin a khensat hi. Tua a sangkahna-ah laihilhsia pa in biakpiakna tawh kisai laibu
khat sangnaupangte tungah hawm kawikawi-in aman zong bu khat a ngahkha hi. Tua
laibu a sim ciangin a lungsim su kha mahmah hi. Bang hang hiam cihleh tua laibu
in ama theihnop thu tampi pulaak hi; nuntakna in mannei ahihlam zong a pulaak
hi. A sia pa laikhak kik a, Jesuh thu a theihbeh nopna a pulaak hi. A siapa in
zong sia khat tungah pulaak a, Christie innah biakpiakna nei dingin vaihawmna
khat nei uh hi. Christie in a innah biakpiakna nuamsa-in Lai Siangtho thusinna
zong kipan hi.Nisimin Lai Siangtho thusinna nei hi.
Tawlkhat khit ciangin Christie in a nuntakna Topa tungah ap dingin a
khensat hi. Biakinn mun tampi-ah zong kikhawm kawikawi-in biakpiaknate zong
kihel kawikawi hi. Hope Channel le Youtube cihte tawntungin Sabbath School
kikhopnate zong ngai kawikawi hi. Tua bangin Hope Channel le Youtubete a ngaih
ciangin a lungnuam mahmah hi. Tua bangin a ngaihtoto kum thum bang
hong cingto hi. Lai SIangtho thusinnate zong nuamsa mahmah hi. Tua bangin
Pasian thuman a kantohtohna tungtawnin Pasian muhtelna khat a nei hi. Pasian in
hehpihna tawh kidim, itna tawh kidim Pasian ahihlam hong thei toto hi. Tua
hi-in Amah a zuan mi khempeuh mawhmaisak dingin hong ngak tawntung ahihna a
thei hi. A tawpna-ah SDA upna sungah kituiphum ding a khensat hi.
“Topa aw,
Hope Channel tungtawnin Nangma thuman nong muhsak manin ka lungdam hi. Kha
khanlawhna nong ngahsak manin ka nuam hi, ci-in Christie in pulaak
hi. “Tu-in ka nuntakna buppi Topa tungah ka pia ta hi. Pasian min
than nading bekin ka nungta nuam hi. Hih in nuntakna manneihna hi.”
2016
kum a Sumpi tawh kibawl Hope Channel tungtawnin New Zealand gamah hothiatna thu
kipulaak hi. Mi tampi in Khrih mu-in hotkhiatna thu a sang thei u
hi. Christie zong tuate lakah khatin kihel hi.
Tu
quarter Sabbath School sumpi in MMCC ah kipuak ding hi.
