Lamet Loh Tv Panin
Minthanna
October 8, 2022
New Zealand
Graeme in lametna om lo hi mah taleh Hope Channel ah mi tampi theih khat hog suak hi. Zu ngolh kisinna (AA) meeting khatah amah zong va pai hi. Tua munah cihmahin a theih ngei loh numei khat in limtakin a na hopihpah hi. “TV ah hong mu ngei ing,” ci-in hopih hi. Tua muna om m 26 bang in Graeme en ngeingai uh hi.
Ama tangthu pulaak dingin
kikhopna khat pai dingin sapna ngah hi. Amah zong tua kikhopna-ah hong pai-in
bangci pulaak ding cih a thei kei hi. TV tunga a thugen a mu kha numei pulaak
thu a phawkvat hi. Ama thu apulaakna-ah “ hun khat lai-in zu tawh kidiahin a
nungta mi khat ka hi hi. Ahi zongin Khrih hong hehpihna tawh zu sila hihna
panin ka suakta hi. Tua kikhopna sungah mi 25 kim bang omin Hope Channel
tungtawnin mi tampi in hotkhiatn thu za thei ahihna a phawk uh hi. Kum 10 sung
zu tawh kidiahin a nuntakna panin a suahtakna thu a pulaak hi. Jesuh
sungah hotkhiatna a ngah theihna hangin innkuan sung hong nuam toto ahihna thu
a pulaak hi. Zu sila hihna pan a suahtak khit ciangin zi nei kik a, a zi
tungah zong hotkhiatna thu a pulaak hi. Nicqui in zong a zak thute um thei-in
SDA sungah kituiphum hi. Tu-in Nicqui in pawl sungah makai khat in om hi.
Graeme in mi itna nei hi. A diakdiakin zu tawh kidiahte a it phadeuh hi.
“Zu ka
dawn loh kum tampi pha khin ta ahih manin midangte tungah zong zu dawn loh ding
ka gen tangtang hi. Zu sila-in aomte a suahtak zawh nadingun deihsakna lianpi
ka nei hi.
Graeme in
Alcoholics Anonymous deihsakna a nei hi. “Ka tuah thute zu sila-in a om lite
tungah ka hawmsawn thei hi. Zu tawh nuntakna (AA) panin Khristian nunna sungah
ka nungta thei hi” ci hi.
“Thupha
sang takpi ka hi hi. Bang hang hiam cihleh biak kikhopna khat ka nei uh a, ka
zi Nicqui tawh hampha ka kisa mahmah uh hi. Ka tuahkhak uhte AA sungah ka
hawmsawn thei uh hi. Hih AA panin ka ngah thute zong midangte tungah ka gen
sawn thei uh hi. Tua bangin ka genna mun khatah Pasian a um lo mi khat
tawh ka kiho kha uh hi. Pasian thu khuppihna ka nei-a, SDA pawlpi min zong a za
ngei nai lo khat hi-in, ni sagih Sabbath tawlngakna thute zong ka gen hi. Tua
hi-in a genna-ah “Ni sagih Sabbath kul lo hi; nisim Sabbath hi sak ding thupi
zaw hong ci zong om hi, ci-in a dawngkik zong mi kimkhat om hi.
Saturday
ni khat kikhopna sungah siavuan nih zong hong kikhawm uh hi. Hih siavuan nihte
in zudawn dawnte a bawl siavuan hi-in, AA thu ka pulaak hi. Keima thu banah zu
sila panin a suakta mite thute zong ka gen hi. Gunkuang tawh mun tuamtuamah ka
pai kawikawi-in hotkhiatna thu ka gen uh hi. Tua bangin nasepnate nuam ka sa
mahmah hi. Inn hong ciahkik ciangin a zi tungah a khualzinna thute a
pulaak kik hi. “Pasian nasepnate lamdangin na um ngam kei liang ding hi” ci-in
kiho uh hi. 2016 kumin Hope Channel, TV tawh thugenna kipan a, New
Zealand gam sung mun khempeuhah kizel hi. Tua bana Radio tawh zong thugenna
kinei hi.
Tu
quarter Sabbath School sumpi in MMCC ah kipuak ding hi.
