KHUA PHAWKLOHNA PANIN KHRIH KIANGAH
November 5, 2022
Peter
Peter in kum 7 a phakin a sangkahna panin inn zuanin a cihna lampi-ah mawtaw in nawkkha hi. Amah in Australia gam Brisbane khuapi-ah teeng hi. Pi 150 val bangah kilawnin liamna lianpi ngah hi. Kha 6 sung tawntung khua phawk lo-in nungta hi. Tua bangin a si lah hi lo, khuaphawk lo-in a om ciangin a pi bel lunghimawh mahmah hi. Kituiphum ding geelna nei khin a, kituiphum nai lo-in tua bangin tuahsiatna hong thuak ciangin hotkhiatna a ngah loh khak ding a pi bel lungpatau mahmah hi.
A pi in
ama biakna zui-in siampipa in a tupa khuaphawk lo pumpi tungah tuitheh hi. Ahi
zongin Peter in khua phawkkikin, mawtaw tuahsiatna thu a mangngilh thei kei hi.
Annek tuidawn a kipan dailenzia cihte kisinkik hi. Lai zong sim thei
pha mel lo-in, a thakin laisin laigelh kipankik hi. Hamsa pipi-in tua bangin
kum 8 sung tawntung tua bangin a kisin ciangin anne thei, laisim laigelh
theihna hong ngahkik hi. Hih kum 8 sung a pi in khat veivei
biakinnah paipihpih thei zel hi. Peter in zong biakinn ah kikhop pai
ding nuamsa suak hi. A nuntakna a hawmpi ahihlam kiphawkin Pasian in
a hawmpi panin a nunna dim ngah ding lunggulhna nei-in nungta toto
hi. A nuntakna hawmpi a lungkim nadingin Topa kiang simloh koi mah
panin ngah thei lo ding ahihlam phawk ahih manin biakinn ah manmanin kikhawm
pai hi. Sunday ni zong biakinnah kikhawm hi mah taleh Sabbath ni zong kikhawm
veve hi. A nu zong thukimin Peter in nipi kaal khatin nga vei bangin biakinn ah
kikhawm hi. Saturday nitakin khat vei, Sunday ni-in thum vei cih bangin kikhawm
hi.
Kum
10 sungin biakinn tuamtuamah kikhawm kawikawi uh hi. Tanu nih nei
zong nei-in Kumpi ulian khat ahih sungin SDA biakinn ah zong kikhawm pai thei
zelzel hi. Tawl khat khit ciangin Peter in mun dang khatah kituahin om hi. Hih
akituahna mun tawh kinai-na khatah SDA baikinnpi khat om a, hih biakinn in
meileng khawlna mun tawh kinai ahih manin biakinn zuan mi zong tam peuhmah hi.
Sabbath ni khat kikhopna-ah kikhawm dingin mawtaw tampi hong tung amu hi. Peter
zong va kikhawm hi. Sabbath School lesson kikupna-ah thu ngai dingin sapna ngah
hi. Meltheih zong mi hong nei toto a, kikhop khit ciangin pawlpi
mite in an ne dingin a inn uhah sam uh hi. Peter in tua bangin Sabbbath khat
khit Sabbath ni ciangin kikhawm va pai pahpah thei hi.
“Pawlpi mite tawh kizopna
hoih nei ahih manin hih pawlpi-ah kikhop ding lawp den hi. Peter in
Lai Siangtho thuman sinna-ah zong kihel hi. Tua bangin Lai Siangtho a sinna
tungtawnin a lungsim hawm bang nawn lo-in lungkimna khat ngah thei hi. A
lunggulh dikna a ngahta hi. Jesuh tung panin dikna ngah thei ahih manin tu-in
lungkimna a ngah thei hi; a nuntakna Jesuh tungah kipia dingin
khensatna nei-in tui kiphum ding a khensat hi. A kituiphum sawng sungin
khuaphawk lo-in om a, bang thu piang bangmah a thei kei hi. Tu-in tui kiphum
dingin khensatna nei hi.
2021 kum
sung Sabbath ni khat SDA pawlpi mi kim khat mai-ah Peter in tui
kiphumna nei hi. Tui sung pan a pusuah ciangin mipite in lungdam kipakin a om
uh hi. Nunna thak tawh nungta-in nuntakna in mannei ahihlam phawk phapha hi.
Jesuh in gilkial dangtak mi in ka kiangah hong pai un, ci-in hong sapna om
bangin Amah a zuan mite in lungkimna a ngah thei uh hi. Khrih in Ama dikna a
hong guan hi. “An duh tui duh bangin dikna a lunggulh mi in
thupha ngah mi hi. Bang hang hiam cihleh amah in dikna a
ngah ding hi (Matthew 5:6).
Sabbath
Sumpite in Australia le South Pacific Division sungah pawlpi nasepna-ah kizang
dingin kipuak ding hi.
Tu
quarter Sabbath School sumpi in MMCC ah kipuak ding hi.
