Huzaap Lianpi nei
Singgahtui Saikhat
December 31, 2022
13th SABBATH: FIJI
Bailoaloa Beach tuipi gei in a min thang mahmah mun hoih khat hi. Khualzinte tun nadingin inn hoih nono tampi om hi. Ansai zong a tuamtuam om hi. A diakdiakin khuamial ciangin zu dawnna le laamna innte zong tampi kimu thei hi.
Covid 19
in Fiju zong nawkkha hi. Hih puul natna hangin sumzonna khempeuh
kikhak khin mang hi. Ansai, van zuakna sai khempeuh kihong nawn lo hi. Hih
tuipi gei khawlna resort munte zong kikhakcip hi. Hih tuipi gei tawh
kinai mun khatah SDA biakinn thum bang a om hi. Cidamna tawh kisai khawlna mun
tuamtuam le singgah tui tuamtuam kizuakna munte zong kikhak hi. Hih
munte-ah cidam na tawh kisai thusinna tuamtuam zong kisin thei kikan thei hi.
Pawlpi mite in hih a kikhak saite thungetna munin zang thei zel uh hi. Hih gam
mite in sikhum natna nei tampi om ahih manun cidamna tawh kisai
thusinnate in mi tampi tungah phattuamna a pia thei khat hong suak hi.
Hih
singgah tui kizuakna sai 10000 val bangin om a, South Pacific Division in
panpihin, hih munte in zu dawn loh dingzia le singgah tui tawh
cidamna ding thusinna kinei thei hi.
Covid 19
second wave hong tun kik ciangin Fiji gam sung khempeuh zong hong baan
kha ahih manin khua sung gam sung ukna nei makaite in kuamah in van
zuak thei lo ding ci-in sai khempeuh khak ding thu a pia uh hi. Nipi kaal nih
sung tua bang van zuakna sai khempeuh kikhak mangin khua sung mite
in nek ding dawn ding kizuakna saite ah dawp kawikawi uh hi. Tua bang teeng
kawmkal ah lamet loh thu piang khat hong tung hi. “Beach Escape Resort” kici
munah nisimn s sia pai hong tam semsem hi. Zu sai sangin
singgahtui kizuakna sai-ah mi tampi hong zuan zaw uh hi. Zu kham a tam ciangin
lamp-ah a tuahsia zong mi hong tam semsem ahihna mipi in mu thei hi.
Tua hangin zu sangin singgah tui a dawn mi hong tam semsem kimu hi.
Hih
sai-ah zu kizuak lo bek tham lo-in zatep a kipan a tuamtuam guih theih kham
theih nam khempeuh zong kizuak vet lo hi. Bitu Wellness Bar kici sai-ah singgah
nam tuamtuam kingah thei ahih manin mi tampi in hih sai hong zuan uh
hi. Pasian lamlahna amu pawlpi mite in lamdangsakna tawh kidim uh
hi. Hih singgah tui sai in mi tampi tungah huzaap lianpi a
nei hi. Kum 2019 sungin Sabbath School sumpi in South Pacific
Division sung pawlpi nasepnate ah kipuakin cidamna tawh kisai sai
tuamtuamte kihong kawikawi thei hi. Tu quarter Sabbath School sumpi in zong
South Pacific Division sungah kipuak ding hi. MUC in MMCC ah puak ding hi.
Tu
Sabbath in quarter cin Sabbath hi. Nung Sabbath a i kizaksaksa om bangin i
khiat ngei sumpi ii a zah thum khia ciat ding hi hang.
