Hiah om ingh Kei hongsawl
in
December 3, 2022
Asiat
Asiata in ta thum le tu thum nei papi khat hi. Amah in ADRA cih za ngei ngei napi, bang hiam cih a thei kei hi. Apia khuapi-ah pai-in nasem siau dingin ADRA zumpi sungah va tungkha hi. Apia in South Pacific gam khuapi Samoa ah teeng hi. Nasep nei lo-in om ahih manin innkuan nuntak khuasak nadingin a zin khia mi khat hi.
Nasep
siauhna-ah ADRA makaipipa in dotna tuamtuam nei hi. ADRA a khiatna bang
hi ding hiam ci-in a dot ciangin Adventist Development
and Relief Agency. Hih ADRA nasep in cimawh dongtuakte banah
khuasung tualsung khantohna nasem lianpi khat hi. Tuiciin, zinlinna cihte
hangin dongtuakte huh phadiak uh hi.
Asiata
in mi huhna thupi ngaihsut peuh mah hi. Cyclone huihpi nunna hangin cimawh
dongtuakte huh mahmah hi. Hih huihpi hangin inn le lo tampi kisia
hi. Mei pai lo, tui siangtho kingah thei lo-in nuntakna lauhuai dinmun hong hi.
TUa bang munte-ah ADRA in huhna tuamtuam pia-in, lampi bawlna a kipan khua sung
puahphatna cihte lim takin nasem hi. Nasem kisamte zong nasep guan thei hi.
Asiat in Australia gamah tawlkhat a om khit ciangin Samoa gam hong zuan kik hi.
A khua sungah beh le phung, bawng kicing pawl ahih banah khua sung khantohna
dingin zong na tampi a sem mi khat hi. Biakinn ah khat lam uh a, pawl sungah
zong makai khatin om hi. Asiata in ADRA ah nasep khat ngah hi. Nasem kipan
dingin hong pai ciangin buai-na khat tawh kituak kha hi. ADRA
director in “biakinnah
thugen masa phot ding tua khit ciangin nasep kipanpah ding ci hi. Ahi zongin
Asiata in tua dingin kiging nai lo hi. Nasem nopna lungsim tampi nei
hi. Sum zong kisam mahmah hi.Laiphi ding zong kigingkhol khin hi. ADRA director
tungah a hamsatna teng va pulaak hi. Director pa in zong thukimpih pah hi. Maikaal
Monday ni ciangin nasep kipan in, ci pulaak hi.
Asiata in
tua thu a zak ciangin a van zangpah hi. Ama kitangsapna zui-in ADRA in zui siam
ahihlam a thei ciangin lungkimpha diak hi. A upna man tak ahihlam zong phawkin
Monday hong tun ciangin nasep kipan theipah hi. Samoa gamah Pasian thugenna
tuam vilvel khat nei dingun geelna khat nei hi. Australia panin “evangelist”
khat hong pai hi. Hall golpi khatah Pasian thugenna kinei hi.
Hih thugenna mun khempeuh
pan kimu kiza thei dingin kikhahkhia hi. A zi le a tanu nihte, a mo nu le
midangte tua khuano-ah Pasian thugenna nei dingin hong pai uh hi. Tua
thugenna-ah a maigualah tutna la pahin tua bangin thu kigente nitak 14 sung
bang ngai thei hi.
Thugenpa
in ki-ap nei dingin mipi a sap ciangin amah zong ki-ap nuamin dingpah hi tui
kiphum nuam ahihlam zong pulaak thei hi. Asiata zi, a tanute, a mote in zong
tui kiphum ding hi. Hih hun sunga thugen pen Samaoa-a Adventist Makaipipa hi.
Hothiatna thu banah cidamna tawh kisai thu tuamtuamte zong a gen hi. Zun khum
sikhum tawh kisai kikepzia kibawlzia, kidalzia cihte zong pulaak hi.
Si khum natna pen mikim neih natna hi phial hi. Sikhum tam luate meima nei-in
khuttan khetan thuak zong om hi.
Asiata in
a veng a pham samin thungai dingin sam kawikawi hi. Ni 14 sung tua bangin
mawtaw tawh veng le paam teng tawh thungai dingin pai uh hi. Tua ciangin mi 6
in tui kiphum uh hi. Tua ciangin, 2021 kum sungin Adventist Pawlpi phuhna mun
tuamtuam nei thei uh hi. Asiata in mi sam kawikawi-in thungaihna
tungtawnin mi nih in kituiphum uh hi. Asiata in hih bang thute
amuh khit hangin lungdam thei lo hi. “Pasian in ADRA ah nasem dingin
hong sam hi, cih ka um hi, ci hi. Pasian in hih ka nasepna mun hong
pia-in Ama sungah ka picin zawk nadingin lampi hong honsak hi, cih ka thei hi,
ci hi.” Asiata in Isaiah 6:8 sunga thute deih pha diakdiak hi. “Topa sapna aw
ka za thei hi.” Eite adingin kua vapai ding hiam, cihna a zak ciangin Isaiah in
“Hiah om ing, kei ka pai ding hi, cih thu siksanin Asiata zong Pasian nasem
dingin akipumpiak khat hong suak hi.
Sabbath
school sumpi in Toes ah mi 10000 bang honkhia thei hi. Hih mite pen sikhum
natna nei vive hi-in sikhum tam luatna hangin khe kitan ding, khut
kitan ding tawh kipelh thei uh hi.
Tu
quarter Sabbath School sumpi in MMCC ah kipuak ding hi.
