I. A BAIH THEI PEN DING KAL DAMNA ZATUI
1. Akguh sawt pianin huan ding.
2. Maipuang phel lang
khat neupianin at inla, khah in huan khawm ding.
3. Ngazohkaung tang 5 su in khah ding.
4. Tua teng amin ciangin nannan kung
thum ding khawng atneu in la khah ding.
5. Pakan kuang sungah koih in la na dawn
kuan ding ciang tampaza phel khat suk in dawn ding.
6. Atawm pen kha khat khatvei ta
maipuang tui huan bawl in dawn ding.
Kal pen mihingte a ding a thupi pen nate hong sep sak
ahih manin athupi mahmah khat ahi hi. Nisim ih nek ih dawn khempeuh te
hong sit khiat sak den hi.
Tu hun ciangin ihnek
ihdawn nidang dan a gamsung a organic sit taktak ngah ding hamsata, abaihsa cih
dante kine ziauziau ta ahih manin sawt pian ciang Kal sung hong sukha thei hi.
Kal in hong sit sak zo nawn kei leh suang apiang hi.
Tua pan kal sung natna cih hong piangin zatopi ah a kibawl kitawm nawnlo hi.
Kawl paunak ah An zong zatui, Zatui zong an a cih mah bangin kal sung damna ding ahoih pen ding meh kuang khat hong hawm sawn hining. Mihing khempeuh damna ngah ciatta hen.
Source: Simon Paumuan
II. Pumvel meima
Hih Pumvel meima pen khanglui lai in a ki lau mahmah ahi hi. Tuhun
ciangin pilna thakthak hong om in tua meima pen meikhuk a vut siangtho la in
ama nuh leng Khatvei, nihvei, thumvei peuhmah nuh leng dam hi. Siavuan ten zong
lamdang sa hi.
III. Dulla
Hih Dulla tawdawk pen atloh phamawh in khanghamsa a veilo
omlo phial hi. Tua pen a vei nailo ten na dailen ciangun sawtpipi daileng
lo ding, man sak pahpah ding hi. Sawt ih tut luat ciangin dawkin sisan
luangliang thei hi. Ih sung pen a hul luat loh na dingin tui tampi dawn kisam
hi. Zingsang sim suak leh suak kei leh dailen ding hoih hi. A dam na dingin
Chloram phenicol a vui nuhnuh leng dam zo sinsen hi. Keima sin ngiat hi.
