A THUPI THU THUMTE
October 15, 2022
NEW ZEALAND
Clifton Glasgow
A lian mahmah thu thumte in Pasian thuhilhna-ah na lianpi sem hi. Tua thu thumte in thungetna, Mimal Kihelna, Hope Channel cihte hi. Pawlpi mite in zingsang nai gukin kituahin Kha Siangtho a kibuah nadingin kha nga sung thungen uh hi.
Memberte
in midang zawn kawikawi uh a, Pasian thugenna vai tuamtuamte-ah mapangin nasem
uh hi. A lawm le gualte sanggam u le nau cih bangin mi kaikhawm uh hi. Ahi
zongin na lianpi a sem phadiak khat in TV tawh Pasian thugenna hi; Hope Channel
tungtawnin Pasian thugenna in mun khempeuh phialah kizelin a muibun mahmah khat
hong suak hi. 2006
Kumin Pawlpi huhna tawh
kivaihawm hih Hope Channel in tuni dongin na lianpi a sem khat hong suak hi. “
Pawlpi mite kikaikhawm uh a, a lawm a gualte samin, Hope Channel a thu kigente
a ngaikhawm u hi, ci-in Clifton Glasgow in pulaak hi. Amah pen Hope Channel
tawh thu genna-ah a makai khat hi-in New Zealand gam mun 15 bangah nasem khat
hi. Hih Pasian thugenna tungtawnin mi 200 in kituiphum thei uh hi. Tui kiphumte
lak panin mi 4 thute i pulaak ding hi.
Tracey
Tracey in
ta nga nei nupi khat hi. Amah pen khamtheih guihtheih
tawh kidiah khat hi. Ni dangin Adventist biakinnah kikhawm zelzel ngei khat hi.
Tua panin Hope Channel TV thu hong theikhia hi. Tracey in hih Hope Channel a
thu kigente zaknopsa mahmah hi. Kha Siangtho in a sungah nasem ahih
manin TV a thu kigente theihbeh nopna lungsim hong hat semsem hi. A sawt lo-in
a nu tawh biakinnah kikhawm dingin hong pai uh hi.
Tracey in
kum 30 kim khawng hi-in, guih theih kham theihte nusia-in Lai Siangtho
thusinna-ah amah zong va kihel hi. Tu-in SDA sungah kituiphum khin
hi. Sangsia sem dingin sangkah laitak hi.
“Amah bel kikhel mahmah ta
hi, ” ci-in Clifton in pulaak hi. “Topa sungah lungdamin a nuntakna
na u ding hi. Pasian thu sungah nopsa mahmahta hi. Lai Siangtho thus
innate-ah zong kihel kawikawi hi.
Owen le Tina
Owen in
pension khin hi. Amah pen Auckland gam Waiheke Tuikulhah khua sung makai khat
hi. A zi Tina in SDA pawlpi upna thute theihnopna lungsim nei hi. Hope Channel
pana thu kigente ngai pahpah a, a dang TV tawh thu kigennate zong ngaihnopsa
hi. Tua TV pan a kigen thute DVD cihte ah guangkik uh a, hawm kawikawi uh
hi. Biakinn khat neih zawh nadingin thungen uh hi.Pawlpi makaiten
Auckland khua sungah Pasian thugenna khat neih ding vaihawmna khat nei uh hi.
Khua sung hall khatah bawl dingin geel uh hi. Kipat nitakin thungai mi 30 bang
hong kikhawm hi. Thugenna akizawh siang khit ciangin Owen le Tina in
kituiphum uh hi; amaute nupa in Waiheke pawlpi-ah pawlpi mi masa pen hong suak
uh hi. Hih khua in tuikulh khat hi-in mun dang panin Pasian thugenna tawh a
kiphut pawlpi hi.
Heath le Simone
Heath in
karate a siam khat hi-in galkap sungah zong karate tawh kisai training pia
ngei hi. Tua bangin a nuntakna-ah ni khat a zi Simone
tawh Hope Channel TV hong en uh hi. Heath in a nasepna
mun khat panin Adventist thu-um tung panin Hope Channel thu a zak
sawt khin hi. Hope Channel amuh a kipan Khrih tungah kipia ding lunggulhna nei
uh hi. Sabbath ni ciangin a nupa-un biakinnah biakpiaknate-ah va
kihel zel uh hi. Pasian thugenna munte-ah zong thungai-in va kikhawm thei
zelzel uh hi. A nihun SDA sungah kituiphum khin uh hi.
Audrey le Don
Don le
Audrey in kum tamta-in uh hi mah taleh Hope Channel panin thu kigente ngai
tangtang uh hi. Hope Channel tungtawnin SDA pawlpi in Lai Siangtho thuman mu
thei uh hi. SDA pawlpi in Lai Siangtho hong hilh bangin kalsuan ahihna mu
thei-in lamdangsa mahmah uh hi. Amau pawlpi in ahihleh Lai Siangtho hilhna
bangin zui lo ahihlam mukhia thei uh hi. Tua hi-in a nupa-un SDA pawlpi-ah
kituiphum ding a khensat uh hi. Don le Audrey in SDA biakinnah kikhawm dingin
ngaihsutna nei uh hi. Pasian thu kigenna a om sungin amaute nupa in kituiphum
uh hi. A tate uh zong New Zealand le France gamah om uh a tate un zong SDA
sungah kituiphum dingin khensat uh hi. Don in
tu-in kum 80 cingkhin hi mah taleh pawl sungah tangzang mahmah lai hi. Hope Channel
en dingin midangte zong hanthawn kawikawi hi. Zato le mun tuamtuamah pai-in
pawlpi laihawmte va h awm kawikawi hi. Clifton in, Hope Channel in
na lianpi a sem khat hi, ci-in pulaakin, “mi tampite tungah Jesuh hong itna
thute a hawmsawn hong suak hi.”
2016 kuma
Sabbath SUmpite tawh Hope Channel tungtawnin Pasian thugenna kinei thei hi. Hih
TV in New Zealand gam sung khempeuhah kizel hi.
Tu
quarter Sabbath 13na sumpi in Papau New Guinea gamah Hope Channel, Radio tawh
nasep nadingin kipuak ding hi.
Tu
quarter Sabbath School sumpi in MMCC ah kipuak ding hi.
