BULUH THUAK MAH TALEH
THUPHA NGAH
Oct 22, 2022
Richard
Kum 81 a cing khin puteek khat in SDA hong suak hi. Hun khatlai-in migilote buluhna a thuak ngei khin puteek khat hi. Tua mi gilote bawlsiatna a thuak hangin a upna kiam tuan lo hi; Tua migilote tungah Jesuh hong itna thu gensawn thei zawsop hi.
Zan khat
khangno thum in Richard inn luh dingin vapai uh hi. Richard in ihmu nuamtakin
inn sungah ihmu-in om hi. Tua khangnote in kongkhak tungah kahto uh a, inn sung
lut ding hanciam uh hi. Richard in tua khangnote thawmging za ahih manin
khanglo pah hi. Tua khangno nihte in kum 16 khawngbek cing pan uh a, khat pen
kum 14 hi pan hi. Richard in alupna panin tho-in kisilna khaan sungah va
lut hi. Tua khangnote in Richard thawhlam thei kha lo uh hi. Richard in
zuntha-in a lupna-ah lum dingin vapai kik hi. Aman zong tua khangnote’n
innluh dingin hong pai ahihlam a phawk kha kei sawnsawn hi. Khangnote in
Richard mawtaw koihna munah lutin a om laitak, Richard khanglo vatin tua buluh
a hong pai khangnote amu hi. A veng a pam mite’n zong a ging za uh ahih
manun hong tai ngeingai uh a, Richard inn kongkhak kiu uh hi. Richard in
kuamah kong hon lo-in om hi. A tawpna-ah a ihmutna panin khanglo-in
Richard hong khanglo hi. “ Na mawtaw hong kiguksaklam thei lo na hiam? ci-in
a vengte khat in dong hi. Richard in a mawtaw koihna a va et ciangin mawtaw na
om lo takpi hi. Heh ding peuhmah ngaihsun lo-in Pasian in a nuntakna a hutna
hangin lungdam zaw hi. Minutes 20 khit ciangin palikte hong tung uh hi.
Richard
mawtaw tawhtang inn sungah om ahih manin a ui khawi in tua khangnote va delh
hi. Tai nih khawng va delh khit uh ciangin tua khangnote pha uh a, palikte in
mawtaw ngahkik thei uh hi; mawtaw le vandangdang a gukte uh zong hong
ciahpihkik uh hi. Richard in hih khangno thumte tawh thum vei bang kimu kikkik
uh hi. A nulepate tawh kimuh ding ngaihsunin ahi zongin tua naupangte in nulepa
nei nawn lo, a pulepi tawh om khawm ahihlam hong thei khia hi. Hih thu a theih
ciangin Richard lungsim sukha mahmah hi. “Amau gamtat ka deih kei hi. Ka inn
nong buluh manun bang mah hong cih lo hing. Gim hong pia lo ding hing. Na
mawhna uh hong maisak ing, ci-in pulaak hi. A zinglam ciangin Palikte Richard
inn ah hong paikik uh a, palikte in lai-ip khat hong tawi uh hi. Lai-ip sungah
U.S.$360 kiguang hi. “Richard in, Ken gap sum deih lo hing, hong sang kei
ning,” ci-in pulaak hi. Ahi zongin palik makaipa in hih sumte pen tua
naupangte’n guk sum hi,” ci-in pulaak hi.
Richard in a lungdamna thu
naupangte pu le pi tungah laigelh hi.
Thum vei
a kimuh khit uhciangin tua naupangte in guta nawn lo uh hi. Richard in tu-in
Tikipunga Adventist Fellowship ah kihel hi. Khangnote’n a vante a guksak khit a
kipan Richard upna hong thaksuah kik hi. Tua naupangte’n van gu dingin
hong pai zanun palikte hong paikhak zenzen uh zong a lamdang mahmah thu ahihlam
a phawkphapha hi. “Kum 80 bang uham khit nungah ka tuah khak thute limtak
ka ciamteh thei lai hi, ci hi. Ka lupna taw-ah mi khat ka mu a, amah om keileh
ka lupna tung pan akia ding ka hihlam ka phawk hi. Tua banah hih naupangnote
tawh a kituahkhak zong thupha ahihlam ka phawk hi, ci hi. Topa hong ompihna
tawh hih naupangnote limtakin ka thu hilh thei hi. Tua akipanin ka upna
hong thak suahin ka upna a kip semsem hi, cih ka thei hi.”
Sabbath
13na sumpi in New Zealand gamah kipuak ding a, khangno laka nasep
nadingin kipuak ding hi. Khangnote adingin laibu bawlna, video bawlna cihte
adingin kizang ding hi.
Tu quarter Sabbath School sumpi in MMCC ah kipuak ding hi.
