LEHSSON 9 AUGUST 20-26
PHATNA TAWH KIDIM NUNNA
Sabbath Nitaak
Tu Kaal Sung
Sim Ding: Phil. 4:4-7,
Josh. 5:13–14; 6:20, Late 145,Sawl.16:16-34, 2 Khang. 20:1-30.
KAMNGAH: “Topa sungah lungdam tawntung un. Ka hong cihkik in lungdam un” ka hong cikik hi (Philippians 4:4).
I nuam ciangin
Topa sungah lungdam tawntung ding hamsa lo hi. Ahi zongin hamsat hun ciangin
Topa tungah lungdamkoh ding hamsa hi. Tua hi mah talehh nuam ta lehng, hamsa ta
lehng a tawntungin Topa tungah a lungdam den ding kisam hi; hamsat hun ciangin
Pasian min phatna in upna hong khauhsak hi. Hi takpi hi. minphatna in khuamial
sahpi kikhelin i tuahkhak dinmun a hong kikhel loh hangin i sungah kikhelna i
ngah thei hi; tua bangin i nuntakna hong kikhel ciangin i tuah thute i kantan
zo thei hi.
Minphatna i
cih in upna tawh kalsuanna hi. Hih bangin kalsuanna pen i pianpih hi khol lo
hi. Ahi zongin tua bangin Pasian min phatna tam semsem hi lehh hamsa i sa nawn
kei ding hi. Minphatna-ah vangliatna om a, siatna kikhelsakin zawhna-ah hong
tunpih thei hi.
Tu kaal sung thusin a tomin etna: Pasian min phatna i cih in bang hi ding hiam? Koi
bangin minphatna in hamsatna do nadingin a vanglian galvan hoih mahmah khat
hong suak hiam? Koi bangin Pasian min phatna in hong khel thei a, i kim leh
paam zong hong khel thei hiam?
SUNDAY August 21
Pasian Min
Phat Zia Ding
Russia mi
laigelh minthang Fyodor Dostoyevski in sihna thuak dingin thukhenna a thuak hi.
A sih madeuhin a sih ding thu kigenpan hi. Thong sungah kum tampi a hun bei hi.
Thong sung a omzia a genkikna khatah “ A tawp dongin um in mi khempeuh in hong
taisanin nangkia bek na om zongin thumanna cihtakna khahsuak kei in. Khat guak
hih hangin Topa tungah biakpiaknate hong paipih inla, Topa min phat in.” Paul in
bawlsiatna, langpanna a thuaknate i mu khin hi. Tu-in amah in Rome thong sung
tung hi. Tua bangin hamsatna tampi a tuah hangin lungkia het lo hi. Bek tham
lo-in Phillipi khua a om thu-um mite thapia –in a hanthawn den hi.
Philippians
4:4-7 sim in. Koi bangin Paul in thong sunga a thuak thute bangci banginh hong
gelh hiam? Hih sungah Pasian daihna ngah thei nading thu bulpi bang teng pulaak
hiam?
Tuahphat ciangin lungdam ding ham salo hi. Ahizongin Paul in atawntungin
lungdam dingin hong hanthawn hi. Hih sawlna lamdangi sa phial dinghi. Paul hong
gen bangin alaimal bang lianlianin lakding hileh tuhun adingin athupi thunih honghilh
hi. Amasa-in tatsat lo-in a lungdamding ihihleh, hamsat hun, lungdamhuai thu hi
kei talehh a lungdamden ding hong deih hi. Nihna-ah a tawntungin lungdam ding
cih ciangin i deih loh thu khat i tuah khak ciangin zong a lungdamthei ding in
kisin ding cihna hi. Lungdam dinga thei lo mihing in Pasian min phat dingin sapna
ngah ihi hi. Khat veivei ciangin tua bang sapna i tel zo kei hi.Ahi zongin
mihingte ngaihsut bang lo hi mah talehh a lungdam dingin a hong sam hi. Pasian
min phatna in upna tawh kalsuanna hi. Upna in mihing dinmun tuamtuamte tungah kinga
hilo hi; Pasian thuman tungah kinga hi zaw hi. Tua hi-in minphatna in lungdamna
tungah kinga hi lo-in, Pasian thuman tungah kinga hi zaw hi; Pasian in kua
hi-a, Ama hong kamciamte siksanin lungdam ding hi zaw hi. Alamdang khat in tua
bangin lungdamna in upna panin hongkipan hi-in, i ngaihsutna, i thuakna leh i
dinmun hong huzaap hi.
Tu-ni-a
thusinna tungtawnin Paul in Pasian thuman bang hong hilh hiam? Thongkia mi mi
khat hi mah talehh lungdamna a piangsak thuman thutakin bang hi ding hiam? Hih
thuman thutak bang teng huam ding hiam, cih gelhkhia in. Pasian min phat nading
thute gualsuak in.Koi bangin tua thute in na nunzia hong khel ding hiam?
MONDAY Aug 22
Hamsatna Khat
Zawh Nadingin Thungtna
Mangpau kammal
khat in “innkiu khat zem” cih khat nei a, inn sung sual khempeuh puah khin
napi, ahi zongin innkiu mun khat kipuah nai lo a om hi; a kipuahsa munte sik
lo-in a kipuahnai lo mun kipuah thei lo hong suak hi; ahi keilehh na puahna mun
a keu mateng na ngak kul ding hi. Khat vei vei ciangin upna in tua innkiu tawh
kibang hi. I tuahkhak dinmun in inn sung sual kipuah khin bang hi-in a kipuah
nai lo innkiu puah kul a, i upna in thang a awk dinmun hong tunpih hi. I tuah
thute en lehhang Pasian nial ding maw, ahih keilehh i upna nusia ding maw, ahih
keilehh i upna in a piang thei lo ding thute piang thei mah ding hi, cih
ngaihsutna hong pia thei hi.
Pasian in
Israelte hamsatna munah a paipih hi. Sehnel gamah kum 40 val bang a khualzinna
hun a bei ciangin Pasian in a nopna mun, lono tamna munah a paipihpah tuan kei
hi. Pasian in a lian mahmah khuapi khatah amaute a paipih hi. Amaute in tua
khuapi kimkot ding uh a, gamdai takin ni guk sung a kimkot ding uh hi. Amaute
in kituak takin awng ding uh a, pengkul tumin Jericho khuapi a zo ding uh hi.
Joshua
5:13–6:20 sim in. Pasian in Israelte tungah bang thu hilh nuam hi ding hiam?
Nakpi takin
otna tawh tua khuapi kisia zo ding hi lo hi; Pasian in awng dingin Israelte a
sawl hi; hih otna in David in Late 66 sunga a pulaak otna tawh a kibang ahi hi.
“Lehitung in Topa tungah lungdamna tawh awng un.Ama vangliatna phat unla, amah
phatna liansak un.”(Late 66:1, 2). Hih otna in Pasian min phatna hi. Ni guk
sung tawntung khulh lianpi a et khit uh ciangin hih kulhpi kicim zo kenteh
ci-in ngaihsunkha ngel ding uh hi.
Koi bangin hih
thu in Hebrews 11:30 pulaak hong theitelsak hiam?
I nuntakna-ah
Pasian in na thak khat a hong sep ciangin mihing in a tel zawh loh thute i
tuakkha zel thei hi. Pasian in i nuntakna-ah Jericho khuapi a hong lutpih hi.
Tua bang hun ciangin Amah in mihing hatna leh mihingte geelna bangin zawhna
kingah lo ahihna hong hilh nuam hi. I kitangsap khempeuh in Pasian tung panin a
hong pai ding ahi hi. Tua hi-in i mai-ah bangbang om mah talehh i masuan in
Pasian min i phat ding ahi hi. Hih in i kisapna khempeuh a bulpi ahi hi. Hih in
upna tawh gamtatna hi.
TUESDAY
August 23
Phatna Tawh
Kidim Nunna
Hun hoih hun
nuam sungah zong Topa min phatna in mihing pian ngei-na hi lo hi; tua hi-in
hamsat hun ciangin Pasian min phatna in bangzahin hamsa zaw kan lai hiam? Hi
mah talehh Pasian min a phat dingin sawlna i ngah hi. Pasian min phatna i cih
in i nuntakna-ah kikhelna khat a hong om matengin i neih tawntung ding ahi hi.
Pasian min phatna i cih in a hun, hihna khat tawh ciangtan nei hi lo hi; Pasian
min phatna i cih in i nuntakna mahmah Pasian minphatna ahih ding kisam hi.
Late 145 sim
in. David in bang thute siksanin David in Pasian min phat ahi hiam? Bangci
bangin tua thute in nangma siksan suak thei ding hiam?
British mi
thugensiam mi minthang Charlehs Haddon Spurgeon in laibu “The Practice of
Praise” cih laibu khat gelh hi. Hih laibu in Late 145 siksanin a gelh ahi hi.
Spurgeon in Pasian minphatna tawh kisai-in i phawk ding a thupi thu thum pulaak
hi. I kim leh paam en hi lehhang Pasian phat nading thu tampi om hi. En lo hi
lehhang Pasian liatna i mu thei kei ding a, Pasian min phat nading thu zong i
mu kei ding hi.Piansak nate in Pasian phat taakcing ahihna hong musak hi lo
hiam? Thu upna sungah zong Pasian phat thamcing ahihna kimu lo hiam? Khristian
khangno khat in upna sungah a khantoh theihna hangin Pasian min phat thamcing
hi lo hiam?
1. Pasian min phatna pen a kisin toto thei thu hi, cih i
phawk ding kisam hi. Minphatna tawh a nungta nuam mi na hihlehh Pasian min phat
nading na mu tawntung ding hi. Bangci bangin Pasian vangliatna na mu thei hiam?
Ama hoihna a hong phawksak limciinna biaknate in Ama hoihna leh thuman tawh a
hong kigamlasak zaw hiam?
2. Minphatna pen i pulaak kawmkawmin a kisin toto hi.
Pasian min phatna pen i lungsimah i ngaihsut thu hi lo hi. I kam panin hong
pusuakkhia- in i kima om mite in a theih ding uh ahi hi. Kam tawh Pasian min
phatna bang siksan ding na hiam? Tua bangin Pasian phatna in kua tungah huzaap
nei a, bang a piangsak hiam?
3. A tunga thu thumte tawh kisai laidal tung khatah
gelhkhia in. Pasian phatna nuamsa thei dingin bangci bangin na kalsuan ding
hiam?
WEDNESDAY August 24
Teci Pang Mi
Zong A Mawh Mi Hi
Sawltak Bu
sungah Pasian phatna a za mite tungah huzaap lian nei ahihna thu kimu thei hi.
Sawl. 16:16-34 sim in. Satna leh vuakna a thuak khit uh ciangin Paul leh Silas
in thongkiatna a thuak uh hi.A pum tung vua liammate sathau a nuhsak ding
kuamah a om kei hi. Nasa-in gimin tawlin om banah a khe uh kol bulhna a thuak
sawnsawn uh hi; tua banah thonginn sung khuamial mahmahna mun khatah kikoih hi.
Thongkia midangte in Paul leh Sila thugetna leh lasaknate a za uh hi. zinling a
tua khit ciangin thong ukpa in thongkia Paul leh Silas a omlohlam a theih
ciangin patau-in dipkua mahmah hi. Paul leh silaste a kipan thongkiate kuamah a
taikhia a om kei uh hi.Amaute lau-na leh linna tawh kidim uh a, Paul leh Silas
mai-ah hong pai uh hi. Tua ciangin Paul in amaute thu a dong hi. “siate aw,
hotkhiatna ka ngah nadingun bang sem pelmawh ding ka hi uh hiam, ci-in a dong
uh hi.” (Sawl. 16:29, 30).
Bang hangin
hih thupiang in thongkia mite sungah hotkhiatna kisapna thu hong om hiam? Paul
leh Silas lasakna leh thungetnate in thongkia mite sungah bang sem hiam? Amaute
taikhia mang lo-in bang thu in amah leh a innkuan buppi un kikhelna a piangsak
hiam?
Pasian phatna
in lamdang mahmahin i kima om mite nunzia kikhelna a piangsak theihi.Azenzen in
Paul leh Silas in tua thonginn mial sungah thongkia midangte bangin lungkia-in
thongkiatna hangin phunphun hilehh tua zanin hotkhiatna ngah mi omin na
ngaihsun hiam? Tua khit ciangin thonginn ukpa leh a innkuanpihte dinmun bangci
ciang hiam cih i thei kei hi.Ahi zongin amaute in thong sunga om mite tung Paul
laikhakte sim ngel ding uh hi. “Khrih a um bek hi lo-in Ama adingin gim na
thuaknate uh ka mu a, keimahmah in zong tudongin gim ka thuaklai hi” (Phil.
1:29, 30). Amaute in hih laikhak simin Paul thuak gimnate a ngaihsut uh ciangin
Paul leh Sila lasakna tungtawnin upna-ah kiptakin ding zo sakin, bangbang piang
talehh Topa
tungah citak
dingin a khensat uh hi.
Lungsim takpi
tawh Pasian phatna hangin kua tungah huzaap lianpi nei dingin na ngaihsun hiam?
Lungsim khempeuh leh lehet khia liang mahin phatna lasa dingin hanciam in.
Phatna lasakin bangzahin huzaap nei hi, cih na thei khol kei hi.
THURSDAY August 25
Zawhna Ngah
Galvante
2Khang.
20:1-30 sim in. Jehoshaphat muhkhiat thu bang mahin phatna in vanglian mahmah
galvan khat hi. Kumpipa langpang dingin galkap honpi khat hong kuankhia hi, cih
thu a zak ciangin, Jehoshaphat in thakhat thu-in va do pah dingin ngaihsun lo
hi. Ahi zongin Topa thu dong masa phot hi. (2 Khang.20:3). Judah mite angtan
nadingin Jerualehmah hong pai uh a,
Jehoshaphat in a thupiangteng khempeuh ahi bangin a sang hi. “ Eite do dingin
hong kuan hih zahin a tam a lehhdo ding galkap i nei kei hi. Bangci kalsuan
ding i hiam ka thei kei hi. Ahi zongin note kong mitsuan uh hi.” (2 Khang.
20:12).
Galkap honpi
in do dingin hong pai amu hi lehcin bangci bangin na om ding hiam? Jehoshaphat
tuahkhak thu 2 Khang. 20:3-12 sim inla, langpanna lianpi na thuak ciangin
bangci bangin na do hiam?
_________________________________________________________
_________________________________________________________
Topa’ Kha
Siangtho in Jahaziel tungah hong tung a, amah in hangtakin
“ Note in hih
gal na do kei ding uh hi. Kiptakin dingun. Topa in note a hong hotkhiatna en
un. Topa in Judah leh Jerusalehm suahtakna a hong pia ding hi. Lau peuhmah kei
unla lungkia kei un. Zingciangin amaute mai-ah va ding un. Topa in note tawha
hong omkhawm ding hi.” (2 Khang. 20:17). Tua khit ciangin amaute in Topa bia uh
a, nakpi takin phatna late a sak uh hi.(2 Khang. 20:19).Pasian in amaute
adingin dosak ding hi mah talehh amaute in a galte uh langpan veve ding uh hi.
Tua panin kihemkhia lo ding uh hi. Ahi zongin hih kido na in kidona mawkmawk hi
lo hi. Jehoshaphat in Topa tungah phatna lasa ding mi a seh hi. Tua bangin
phatna lasak kawmin a mainawtna-vuah Topa in Ammon leh Moab mite a do hi.(2
Khang. 20:22). Khangtangthu gelhpa pulaak bangin Pasian in Ama kamciamte a um
mite adingin thakhat thu-in a honkhia pah hi. Amaute in Topa sianthona a phat
uh hi.(2 Khang.. 20:21).
FRIDAY August 26
Ngaihsutbeh
ding: Ellen G.
White, “Jehoshaphat,” pp. 190–203, in Prophets and Kings; “The Fall of
Jericho,” pp. 487–498, in Patriarchs and Prophets cihte sim in. “Tua hi-in i
lungsimte leh i mukte in tehpih om lo Pasian hong itna phat dingin kisinsak in.
I nuntakna in Kalvary mual panin a hong tangkhia khuavak sungah nungta dingin
makaih ciat ni. Eite khempeuh in vantung Kumpipa tanu tapate ihihlam mangngilh
ngei kei ni. Kua kua in hong do-in bangbang langpanna i tuak zongin Pasian
sungah daihna i ngah thei hi, cih pen eite hamphatna lianpi ahihlam phawk ciat
ni.” Ellehn G. White, The Ministry of Healing, p. 253.
“Topa phatin
Amah bek mah liansakin i om ciangin Topa a liansak khawm ihi hi.Khuamial sahpi
sung na tung zongin Topa phat tawntung in. Zia-etna na tuah ciangin Topa phat
in. Sawltak Paul hong hilh bangin a tawntungin Ama sungah lungdam tawntung in.
Na innkuan sungah bangin lungkham khuazinna hong tun hiam? Hi lo hi. Bang in
nitang khuavak hong tun hiam? Vanglian tawntung tokhom panin khuavak hong tang
ding a, na kimkot khempeuh in nuamna tawh kidim ding hi. Hih khuavak sung
kalsuan dingin kong hanthawn hi. Hih khuavak na kizelsak in. Na lampi bek tham
lo- in midangte pai nading lampi-ah zong na tangsak in. Na kiangah om mite
nunna a hoih zaw dingin ngimna nei in. A dinmun lamsang in. Vantung leh Pasian
vangliatna lamah amaute makaih in. Lehitung nate khempeuh sangin tawntung nate,
a kisia thei lo nate a bei ngei lo ding hauhna lampi lak in.” Ellehn G. White,
Testimonies for the Church, vol. 2, pp. 593, 594.
