LEHSSON 4 | JULY 16-22 Siksekpa Maimuhna

 

LEHSSON 4       JULY 16-22

SIKSEKPA MAI MUHNA

 

Tu Kaal Sung Sim Ding: Matt. 5:16, 1 Cor. 4:9, Eph. 3:10, Job 23:1-10, Matt. 25:1-12, Dan. 12:1-10,12 Eph. 4:11-16.

KAMNGAH: “Tua ahih manin eite khempeuh i maitang hong kiliah nawn loin Topa’ minthanna vangtaang i kilangsak hi. Topa kiang panin a hong pai Kha Siangtho ahi tua minthanna vang in amah tawh a kibang dingin eite hong bawlpha a, minthanna khat panin minthanna sangzaw- ah hong omsak hi.”2 Corinthians 3:18.

Carmichael in khangno honkhatte India gam kham kihahsiangna mun khatah vapaipih hi. Meihol lompi lian khat om a tua tungah a kuala kibawl tungkhuh khat om hi. Tua a tungkhuhin ci, makengtang leh lehisekvui kigawm khawm a kibawl ahi hi. Hih bangin a kigawmna lakah kham kiguan hi.Tua a kigawmkhawmte mei tawh akihal ciangin kham panin a niinte paikhia ahi manin tua kham in a siangtho amanpha kham hong suak hi. Kham seekpa in taiteh tawh tepkhia-in a kham tungah niin a baang hiam cih entel phot a, a sian nai keilehh tua meiphualpi sungah koihkik hi. Tua bangin kihahsiang hi mah talehh tua kham in niin tawh kidimlai veve hi. Tua bangin tua khamhahsiangna a kibawlsialin mei kisa sak mahmah hi. Tua bangin a et laitakun mi khat in bang hun ciangin kham in niin kihel nawn lo, a siangtho kham kici thei ding hiam, ci-in dong hi. “Kham ka et ciangin ka mai a kimuh theih ciangin tua in kham siangtho hi,” ci-in kidawngkik hi.” Amy Carmichael, Leharning of God (Fort Washington, PA: Christian Literature Crusade, 1989), p. 50.

Topa in eite hong hahsiang nuamin a hong zong hi.Ama zia leh tong

nei dingin a hong khel nuam hi. Hih in siansuah ding ngimna nei hi. Khrih zia leh tong a kilangsak thei dingin a hong hahsiang hi. Hih bangin hahsiangna-ah gimthuakna in bang dinmun nei hiam? Kidona Lianpi siksanin koi bangin hamsatna i tel thei ding hiam?

 

SUNDAY                              July 17

“Ama Meel Sungah”

 

“Pasian’ Tapa mi khempeuh lakah a upa pen a suahtheih nadingin Pasian in a teelkholhsa mite, a Tapa tawh a kibang dingin a sehsa ahi hi.”Rom. 8:29. A kipatcilin Pasian in Ama lim leh meel suunin mihing a bawl hi. (Pian.1:27), ahi zongin Pasian lim leh meel in mawhna hangin kisia (a mual) hi.

Bangci bang lampi tawh mihing sunga om Pasian lim leh meel in kisia hiam?

 

Mihing khempeuh in mawhna hangin kisia khin hi; mawhna in Pasian lim leh meel mualsak hi, cih i thei hi. (Rom. 3:10-19). Tua hi mah talehh Pasian in mihing sunga om akisia hi. Ama lim leh meel a hong bawlpha kik nuam hi. Tuni- a thusin in hih thu hong hilh phapha hi. Kha Siangtho tungah a ki-ap mi khat peuh in Pasian lim leh meel suun dingin a hong bawlpha hi.” (Rom. 8:29). Ahi zongin hih thu thudang khat a pulaak hi. “Mihingte sungah Pasian lim leh meel a hong bawlpha hi. Pasian pahtawi-na, Khrih pahtawina-ah Pasian tate in Ama kicinna a ngah thei uh hi.” Ellehn G. White, The Desire of Ages, p. 671.

 

Koi bangin Ellehn G. White gen thute na tel thei hiam? Job 1, Matt. 5:16, 1 Kor. 4:9, Eph. 3:10.

 

Khristian ihihna tawh kizui-in siatna leh thupha kido-na lianpi sungah a nungta ihihlam i phawk ding kisam hi.Kidona lianpi Khrih leh Satan kidona in i kimkotah a dim hi. Hih kidona lampi tuamtuam tawh hong kilang hi. I theih loh thu tampi om hi mah talehh Khrih nungzui ihihna tawh masuan khat ciat i nei hi. I nuntakna in Khrih min a thangsak thei hi.

 

Kimawlna inn lianpi khat sungah kimawl dingin kingaihsun in. Na kimkotah Topa tungah a citak vantungmite in tha hong pia-in a om dingin ngaihsun in. Na lang khatlamah Lucifer leh a pawlpite in munla-in a om dingin ngaihsun in. Tua kimawlna innpi sungah nai sawm nih leh li sung kimawl ding hi lehcin, koi lamin tha hong pia zaw ding hiam? Hih dotna na dawnkikna in na nunzia bang pulaak hiam?

 

 

MONDAY                       July 18

Hahsiangna Meipi sunga Upna

Gal kidona sungah galdo mi khat hihna leh tua kidonate galmuhna in kibang lo hi. Thu khat panin Khristian nuntakna-ah zong galdo den ihi hi. A gamla mun khat panin galte in hong do bang mahin i sung panin zong a hong do gal nei ihi hi. Tua hi mah talehh upna tawh a mainawt ding ihi hi. Akimu thei lo Jesuh sungah muanna nei-in a kal suan ding ihi hi (Heb. 11:27).

Job 23:1-10 sim in. Job thuak gimna a thu bulpi in bang hiam? Amuh loh thu in bang thu hiam? Tua bang hi talehh amah in gimna lianpi thuak hi mah talehh upna tawh kalsuan hi lo hiam?

Gimna a thuakna sung pan Job in Topa a muang veve hi. Bang bang thuak hi mah talehh Job in tua hamsatna nawktan dingin khensatna a nei hi.Kham siangtho ngah nadingin mei tawh hahsiangna a thuak bangin Job in zong hahsiangna gimna lianpi a thuak hi. A thuak gimnate mitsuan lo-in tua gimnate gala om Pasian bek mah mitsuuanin a nungta hi. Kham citak bang mahin a siangtho nunna a ngah nading a thuak tinten hi. Bang thu hangin tua gimnate hong piang hi, cih a thei kei hi. Eite tungah zong hong kihilh lo hi. Job tungah bangmah kipulaak kei talehh Amah in tua gimna lianpi tungah zawhna a ngah hi. Mei tawh hahsianna a ngah hi.

Mei na lau hiam? Mei phualsapi na kihta hiam? Bang in gimna hong piangsak hiam? Job thuak gimna i theitel zo kei hi. Inn thak lutna, nasep dang khat kipatna cihte hamsa- kisa ciat hi. Alungkham mi tampi om hi. Nasepna munah bawlsiatna, innkuan pihte langpanna cihte thuak hamsa hi. Langpan thuakna, bawlsiat thuakna cihte hamsa hi mah talehh Pasian in tua nate tungtawnin hong hah siang thei hi. Tua bang hamsatnate tungtawnin Pasian in i nuntakna sungah ama zia leh tong a bawlpha thei hi. Siangtho lohna panin sianthona hong tunpih thei hi. Kham bangin hahsiangna thuak Job in tua gimnate a nawktan zo thei hi. Ama nunzia mahmah in Khrih nunzia a kilangsak hi. Gim thuaknate lak panin sianthona lampi-ah a kalsuan hi. Tua banah Job in a thuak gim nate thu a thei loh hangin tua thute in ama nunzia a puahpha hi.

Na nuntakna sungah koi bangin hamsatna gimnate in hong hahsiangin, hong puahpha hiam? Gim thuakna sim loh a hong hahsiang ding lampi dang om lo ahi hiam?

 

TUESDAY                                 July 19

Jesuh Kammal Nunungte

 

Jesuh in Jerusalehm khua-ah omin a sawt lo-in thahna thuak ding hi. Matthew Gospel pulaak bangin Paisan Pawi annekma-in Jesuh in nungak sawmte leh keel leh tuu thugentehna zangin nungzuite thuhilhin a om hi. Hih thugentehnate in Jesuh hong kumkik ding lamenin a ngak mite nunzia ding hong hilh hi. Tua hi-in amaute nunziain tuhun nunzia ding ahi hi. Jesuh hong pai kik dingnai ta ahihna lim leh nalamdangtuamtuamte in honghilhhilh uh hi. Nungak sawmte thugentehna-ah (Matt. 25:1-12) Lai Siangtho thuthuk thei mi tampi pulaakna-ah namgimtui in Kha Siangtho limcing hi. Ellehn G. White in zong sathau in Kha Siangtho limcing hi, ci-in pulaak hi.

Ahi zongin sathau in zia leh tong zong limcing hi. Kuamahin midangte adingin zia leh tong hoih guan thei lo hi.

Nungak sawmte thugentehna thu sim in. Sathau in Kha Siangtho ahih keilehh nunzia limcingahi zongin, bangci bangin namgim thu in kikhelna thu pulaak ahihiam?

KhaSiangtho:  ______________________________

Zia leh tong: _________________________________

Tuu leh keel thugentehna Matthew 25:31-46 sim in. Tuu leh keel khentuamna-ah bang thu kizang hiam?

 

Kumpipa in tuu leh keelte a khentuamna-ah amau nunzia, amau gamtatnate tungtawnin a khenna thu ciaptehhuai hi. Nasepna tungtawnin hotkhiatna kingah hi, ci-in Jesuh in hong hilh lo hi mah talehh zia leh tong khantohna, picinna in thupi mahmah ahihlam kimu thei hi. Khrih hotkhiatna ngah mite in Khrih zia leh tong a kilangsak uh hi. Zia leh tong i cih in kuama muhloh kalin gamtatnate hi, ci-in kipulaak hi. Kuamah in hong muhlohna- ah bangci bangin na gamtang hiam? Hih dotna na dawnkikna in kikhel ding bangteng kisamlai na hihna hong hilh ding hi.

 

WEDNESDAY     July 20

Apil te

 

Zanni thusinna-ah Khrih hong kumkik ding lametna nei-in a ngak mite zia leh tong thupi-na tawh kisai i pulaak hi. Jesuh hong kumkik ciangin hingtangin a dawn ding mite zia leh tong zanni thusinna sangin a kician zaw- in i pulaak ding hi.

Daniel 12:1-10 sim in. Bang thu siksanin kipulaak hiam?Lehitung thupiang bang thu a pulaak hiam? A thupi-in ah tua thute in lehitung hun bei kuana Pasian zia leh tong bang pulaak hiam? Migilote tawh saikakna- in amaute gamtat zia leh tong in bangci bang hi ding hiam? Mang.22:11.

Daniel hong hilhkholhna-ah Jesuh hong pai madeuhin cikmah hunin a piang ngei nai lo gimna hong tung ding hi, ci hi. Daniel 12:3 sunga kigelh bangin Jesuh hong pai madeuha migilote leh mi siangthote in nunzia ettkak theih dingin hong hilh hi. Tua hi-in midikte leh migilote nunzia kitel takin hong hilh hi. Midikte ngah ding thaman leh migilote kisiatzia ding enkak in (Dan. 12:10). “Lungkhamna lianpi hun sunga gimna bang cikmah hunin a om ngei nai kei hi (Dan. 12:1). Migilote in tua bangin gim a thuak uh hangin Pasian geelna a thei kha kei uh hi. Ahi zongin midite in a hihlehh pilna nei uh a, tua Pau.1:7 in “Topa zahtakna in pilna kipatna hi” ci-in hong hilh hi (Pau. 1:7).Amaute in hih lunggimna hun sunga a tuahkhak uh gimnate bang hangin hong piang a koi pan hong pai cih thu a thei uh hi. Tua bang gimnate a tuah uh hangin amaute in lamdang a sa kei uh hi. Amaute in Lai Siangtho genkholhnate kantel uh ahih manin tua bang hun a nawk khak uh ciangin a lungmang kei uh hi. Genkholhna bangin tangtungta ahihlam a theithei uh hi. A thupi bel inah amaute in tua bang gimnate a nawk uh ciangin nunna kikhelna, hahsiangna ngah ahihlam a thei uh hi. Ahi zongin lamkhat panin migilote in Pasian langpanna-in nei zaw uh a, tua bangin gimna a thuak uh ciangin Pasian a mawhsiat semsem uh a, langpanna a hat semsem uh hi. Hih thute in hun nunung a piang ding thu hi mah talehh tuhun a dingin zong sianthona, hahsiana thu kisam ahihlam a hong hilh hi.

 

THURSDAY                         July 21

Zia leh Tonglehh Pawlpi

 

La dong khat sungah hih bangin kigelh hi: “Keimah in suangpi ka hi hi; keimah in tuikulh khat ka hi hi.” Tua bangin na kingaihsun kha ngei hiam? Kaht guak kisa-in na om ngei hiam? Midangte tung panin “ Pasian tawh ka nungtakna in kuama hong theihpih kholloh thute hi. Kuama tungah ka gen nuam kei hi,” ci-in a kigen thute na za ngei hiam?

Ephesians 4:11-16 sim in. Paul in bang thu pulaak hiam?

Pawlpi in bang panmun nei hi, ci-in pulaak hiam?

Paul in Ephesus pawlpi tungah a pulaak thu in pawlpi in pumpi tawh genteh hi. Jesuh in pawlpi lungtang hi; A mite in Ama tungah kinga thei uh hi. Ephesians 4:13 sim lehcin pawlpi panmun a mong bang thu pulaak hiam? Tua dinmun in Khrih sungah a khangcing ding ahi hi. Mihing khat leh khat i kisam hi.Khristian thu-um mi khat in amah guak ahih hangin ama upna sungah a nungta thei veve hi. Pawlpi tangthu sungah upna nusia nuam lo-in bawlsiatna a thuak mi tampi om ahihna i thei hi. Khat guak tangdinna a pian theih loh hun om hi. Bawlsiatna thuak hi mah talehh mi tampi in Pasian vangliatna a pulaak uh hi. Tua hi-in Paul in thuman a thupina a pulaak hi. Thu-um mite khat leh khat kipawlkhopna i neih ciangin Khrih sungah a kicing nunna i ngah thei hi.

Ephesians 4:11-16 sungah Paul in Khrih kicinna sunga zia leh tong pawlpi sungah koi bangin kimu ding hiam, ci hiam?

Mi khat in Khrih sungah kicinna a pulaakna sangin pawlpi ( mihon)in a pulaakna-ah koici bangin kilamdanna nei hiam? Hih thu in Kidona Lianpi siksanin bang thu hong hilh hiam?Eph. 3:10. Khualmi ahih keilehh nang kia in hamsatna khat om hi. I theih ngeiloh mite, i deih phat loh mite tawh kikholh hamsa zaw lai hi. Mite tungah hehpihna leh itna nei hi lehhang Pasian thuman i gen thute hong ngai zaw thei uh hi.

 

FRIDAY                       July 22

Ngaihsutbeh Ding: God Promises Us a New Heart of Flehsh,” p. 100, in Sons and Daughters of God; “ ‘To Meet the Bridegroom,’ “ pp. 405–421, in Christ’s Object Lehssons; “The Time of Troubleh,” pp. 613–634, in The Great Controversy sung sim in. “Zia leh tong kipuahna in mihingte tungah a hong kipia nasepte lak panin a thupi penpen hi. Nidang sangin tuhunin zia leh tong kipuahna thupi zawlai hi. Hun dangte sangin tu-in zia leh tong puah ding thupi zaw semsem hi. Nidang sangin tuhun in siatna hong tam zaw hi.” Ellehn G. White, Education, p. 225.

“Thugentehna-ah a hai nungakte in namgim tui ngen uh hi. A kisap hunin ngah zo lo uh hi. Hih in limcinna khat hi-in hamsat hun hong tunma-in zia leh tong kipuahphatna a nei lo mite limcing hi. Amaute in a vengte kiangah vapai uh a, na zia leh tong hong pia in, ci-in a ngen uh hi kha ding hi. Tua hi keilehh ka mangthang ding hi, a ci tawh kibang ding hi. A pil nungakte in meitui kentuah uh hi mah talehh amaute tungah a hawm thei kei uh hi.Zia leh tong in mi khat tungah akihawmsawn thei hi lo hi. Sum tawh kilehi thei kizuak thei zong hi lo hi; zuun toto-in puahtohtoh ding ahi hi.Topa in mimal khat ciat tungah zia leh tong kipuah phat theihna hun pha hong pia hi. Ahi zongin mi khat in ama zia leh tong mi dang khat tungah hawmsawn thei dingin hong koih lo hi. Hamsatna tuamtuam ahih keilehh Sia Lian penpa tung panin i sin ding ahi hi. Tua bangin hamsatnate nawktanin upna thasanna panin akihemkhia zo lo dingin i upmawh mual lian pipite kihemkhia thei hi.” Ellehn G. White, The Youth’s Instructor, Jan. 16, 1896.

 

Kikup ding dotnate:

1.  Zia leh tong zunna cih a khiatna in bang hi ding hiam? Koi bangin zia leh tong zuun i hiam? Na nuntakna leh pawl sungah koi bangin zia leh tong na zuun toto hiam?

2.  Thursday thusinna-ah Khristian nunna-ah pawlpi dinmun thupina i pulaak hi.Koi bangin na pawlpi in Khrih pumpi hihna bangin nasem hiam? Bangci bangin na pawlpi in Topa a pulaak hiam? Koi bangin kipuahpha thei ding cih na lawmte tawh kikum in.

3.  Upna bek tawh hotkhiatna kingah hi mah talehh bang hangin zia leh tong zuunna in thupi hiam, cih thu na lawmte tawh kikum in. Khrih dikna leh Ama nunna kicinna bek in hong honkhia ahih lehh bang hangin zia leh tong zuun kul hi ding hiam?

4.  Helehn Kellehr in a khangno lai kipan khuaza lo mittaw khangno khat hi-in hih bangin lai khat gelh hi: “ Zia leh tong zuunna in baih tak lehh thu ol mahmah khat hi. Gimna hamsatna in i nunna hong thahatsakin, muhna khangsak hi, tupna hong nei thei sak hi. Zawhna-ah hong tunpih hi.” Lehadership, vol. 17, no. 4. Na thukim hiam? Zia leh tong, gim thuakna leh Kidona Lianpi kizopna na lawmte tawh kikum in.