LEHSSON 3 | July 9-15 Vasa Buk

 

LEHSSON 3     July 9-15

VASA BUK

 

 Sabbath Nitak

Tu Kaal Sung Ding:Pai. 14; 15:22-27, 20; 17:1-7, Pau.3, Luke 4:1-13, 1 Pet. 1:6-9.

KAMNGAH: “Tua ahih manin tu laitakin mite’ bawlsiatna a tuamtuam na thuak manun tawlkhat na lungkham uh ahi zongin hih bang thuakna hangin lungdamzaw un’ 1 Peter 1:6.

Suun laitakin vasa khatin la ging khat (music) zak ciangin amah a kihilh thute a za theinawn kei hi. Tua vasa bu sung om vasa in a zak thute tawmtawm bek ciamteh thei hi. Tua vasa kempa ( a pu) in mun dang khatah paipihin tua munah la khat a ngaisakkik hi. Khuamial lakah koihin tua la kisa atheih mateng a ngai saksak hi. A sak theih mateng khuamial sungah a koi hi.

Tua khit ciangin tua vasa pen nitang ah koih khia-in a la sak ngei a sa thei hi. Tua bangmahin Pasian in a tate tawh hong kizopna-ah zong tua bangmah hi. Amah in i sak ding la a hong hilh hi. Gimna buainate sung pan Topa hong hilh la i sa thei hi.” Ellehn G. White, The Ministry of Healing, p. 472.

Khuamial sungah tua vasa kikoihna vasa bu a paipih pen tua vasa nei pa mah hi. Satan in gimna buai-na hong tun hi, cih pen i thei hi. Ahi zongin Topa Pasian mah in tua bang hamsatna buai-na lunggimna lak panin a hong makaih hi.

Pasian in gimna sungah a mite a paipihna thu Lai Siangtho mun tampi-ah kimu thei hi. I sak ding la thak Topa in hong hilh nuam hi lo hiam?

 

SUNDAY                                                  July 10

Sihna Mun Kantanin Khapsa Gamah

 

“Faro hong nai ciangin Israel mite khuadak to uh hi. En in, amaute’ nungah Egypt mite hong kuan hi. Amaute lau mahmah uh hi. Topa’ tungah Israel mite kiko uh hi. Pai. 14:10.

Supna bai-na lampi tawnin na kalsuan ngei hiam? Khat veivei ciangin tua bang lampite in nopsakna hi kha thei-in lamet loh laitakin na lawmte in “lungdam suahni’ ci-in a hong muak ngei uh hiam? Khat veivei ciangin tua bang thute in lamdangsa thei hi hangh. Noplohna hi talehh lamdang i sak hun om veve hi. Na sangkahna-ah mite simmawh khakin na om hiam? Ahih keilehh naseppihte nenniamna na thuak kha ngei hiam? Thu hoih hi kei talehh tua bang thute in lamet loh lamdangsak thute hi.

Israelte in Egypt nusia-in a paikhiat uh a kipan Khapsa Gam a tun masiah uh “Topa in suunin amaute meilompi tawh a makai hi; zan hun ciangin meikhuampi tawh a makaih hi. TUa bangin zan hun sung hi talehh suun hun sungin khual a zinkhia thei uh hi. (Pai. 13:21). Amau khualzinna khempeuhah Topa Pasian mahmah in a makaih hi. Ahi zongin a kipatkhiatna uh ngaihsun lehhang amaute mai-ah gun lianpi khat om a, a vei a tak uah mualpi lianpite a om hi. Pharaoah galkapte in amaute a umcih uh hi.

Pai. 14 sim in. Bang hangin Pasian in Israel mite lauhuai munte-ah a paipih hiam?

 

Meikhuamte zuihna-ah nopna tawh kidim tawntung lo hi. I kalsuanna lampi in hamsa mahmah hi talehh diktatna sungah a hong pantahna munte hi thei hi. Tua bang hamsatna in i lungsim hong sittelna hi thei hi; bang hang hiam cihlehh na khempeuh lakah mihing lungsim in a siahuai bel hi.(Jer. 17:9).Tua bang hamsate i thuak laitakin Topa theihtelna hong guan thei lampi suak thei a, ahi zongin Topa theihtel nadingin a kisam pelmawh hi lo hi. Tua bang hun ciangin a thupi in i lungsim kongkhak honin, Ama hong makaihna-ah kipum piak ding ahi hi.

A thuak uh hamsate panin Israelte in bang thu mu thei uh hiam? Pai. 14:31.

Pasian in kamciam tampi hong pia hi mah talehh khat veivei ciangin bang hangin Pasian muan nading hamsa hiam? Topa hong makaihna lampi-ah hamsatna na tuah hun om mah talehh ama sungah upna nei-in Amah zahtakna hong hilh thute na phawk a om hiam?

 

MONDAY            July 11

Tui Kha

 

“’ Thupiak bangin Israel mihon khempeuh Sin sehnel gam panin giahphual a ban banin sat uh a, Refidim-ah phual sat uh hi. Ahih hangin mite’ dawn ding tui om lo hi.” Pai. 17:1. Pasian tung panin i deih na khempeuh i ngahpah khol kei ding hi. Ahi zongin i kitangsap na khempeuh ngah dingin i lamen ngam kei hi. I kitangsap i ngah kei zongin i kitangsap taktak nate hong piaklam na phawk thei hiam? Israelte in zong kitangsap nate nei uh hi. A khualzinna uah dawn ding tui kisam uh hi. Pasian in San Tuipi a kantanpih sawt nai lo hi. Nisa ahih manin dangtakin tui omlohna mun sehnel gamah ni thum bang cing khin hi. Sehnel gamah tui ngah ding hamsa mahmah hi. Dawn ding tui om lo ahih manin amaute hamsatna i telpih hi. Bang hunin amaute kitangsap tui angah uh hiam? Tua hi-in Pasian in amaute koi munah paipih hiam? Amaute a makaih meipi in Marah mun lamah a makaih hi. A tawpna-ah dawn ding tui amu uh hi. Dangtakin om ahih manun tua tui a muh uh ciangin bangzahin lungdam ding uh hiam? Ahi zongin tua tui kidawn theilo tui kha citciat hi. A kam sung panun siakhia uh hi. Bang hang hiam cihlehh tua tui in kha lua hi. “Tua ciangin mihonpi in Moses tungah a heh mahmah uh hi. Amaute in Moses tungah “Dawn ding tui koi-ah om hiam? ci-in Moses amawhpaih uh hi.” (Pai. 15:24, ). Tua ciangin ni tawm vei khit ciangin Pasian in amaute kitangsap tui a pia hi. Ahi zongin hih munah na dangte tawh kibang lo-in lamdang takin Pasian in nalamdang a bawl hi.Meikhuampi in tua tui omna mun tun ciangin meilom in a khawl hi. (Pai. 17:1).

Pai 22-2; 17:1-7 sim in. Pasian in Israelte tungah Marah leh Rephidim munah koi bangin a kilangh hiam? Amaute in tua mun panin bang thu ngah hiam?

Rephidim munah Israelte in bang thu dotna nei uh hiam? Pai.17:7.Tua bang dotnate na dong ngei hiam? Dong ngei na hihlehh bang hangin tua bangin dong na hi hiam? Na dotna Pasian in hong dawnkik khit ciangin bang thu na phawk hiam? Dawnkikna i ngah ma-in dot loh mah hoih zaw hi, na cih hun a om hiam?

 

TUESDAY                 July 12

Sehnel Gama Kidona Lianpi

 

“Kha Siangtho tawh a kidimin Jordan gun panin Jesuh hong ciahkik a, Kha Siangtho in gamlakah paipihin, Dawimangpa in ni sawmli sung a ze-et hi. Tua hun sung Jesuh in bangmah ne lo a, tua ze-etna hun a bei ciangin a gil kial mahmah hi.” Luke 4:1, 2.

Luke 4:1-13 sim in. Hih thu panin bang thumanphana mu hiam? Mawhzolna zo-in mawhna tungah zawhna bangci ngah thei ding i hiam?

Mawhzolna in thuak hamsa mahmah hi. Bang hang hiam cihleh mawhzolna in mihing muhna panin deih huai tawh kibang hi. Mawhzolna in i thaneemna hunin hong tung hi. Luke 4 in Jesuh tuahkhak mawhzolna thu hong hilh hi. Ahi zongin thu hamsa pawlkhat zong i mu thei hi. Amasa-in Kha Siangtho in zia-etna thuak dingin Jesuh makaih hi. Ahi zongin Pasian in hong zia-et ngei lo hi ( James 1:13). I theihsa om bangin Pasian in hamsatna gimthuakna sungah hong makaih hi. A lamdang thu khat in Luke 4 in Kha Siangtho in khat veivei ciangin Satan zia-etna thuak dingin hong phal hi. Khat veivei ciangin tua bang zia-etnate khauh mahmahin Pasian hong makaihna a zui lo bangin i ngaihsut hun om thei hi. Ahi zongin hih in thuman hi, cihna hi pah lo hi. “Kha Siangtho hong makaihnate i muang mawh kha thei hi. Ahi zongin Jesuh in Satan zia-etna thuak dingin Kha Siangtho in a makaih hi. Pasian in gimthuakna-ah a hong makaih ciangin eite hoih zawk nadingin Pasian in ngimna a nei hi. Jesuh in Pasian kamciamte muanna nei lopi-in zia-etna thuak ding a kingaihsun kei hi.Pasian tungah kingak ding zong nusia tuan lo hi. EIte in zong tua bang ding mah hi lo i hiam? Ellehn G. White, The Desire of Ages, pp. 126, 129.

Khat veivei ciangin hamsatna i tuah ciangin siansuah mi hih ding sangin a kangtum mi i suak zaw kha thei hi. Tua hi-in zia-etna i tuah ciangin lametna nei ihih lam i phawk ding kisam hi. Tua in gimnate sungah lungnopna hong ngahsak thei hi. Bang hang hiam cihlehh Jesuh in mawhna sung phuk ngei lo hi. Jesuh in Dawimangpa zia-etna naang zo ahih manin eite adingin lungdamhuai thu lianpi khat hong suak hi. Eite thuak gimna, zia-etna sangin Ama thuak in lian zaw tham hi. Bangbang gimna zi-etna i thuak hangin Pasian in hong nusia lo hi. Mi mawhpen na kha zongin lamet bei na hi kei hi(1 Tim. 1:15).

Tu laitakin bang zia-etna na thuak hiam? Jesuh nunzia bangin na nuntak theih nadingin thungen inla Ama tungah ki-ap in. Zia-etna na zuih   kul hi lo hi, cih phawk in. Na khialhkhaklehh Jesuh Honpa nei na hihlam phawk inla, Ama kiang zuanpah vingveng in.

 

WEDNESDAY                              July 13

Upna Sungah Thuakzawhna

 

1 Peter 1:6, 7 sim in. Peter in bang gen hiam?

Peter in gim thuak mite tungah laikhak gelh hi. Tua bangin gim thuakte

in Pasian in hong ompih lo hi, ci-in ngaihsun kha pahpah uh hi. Amaute in Pasian teeltuam mite hi-in Pontus, Galatia, Cappadocia, Asia leh Bithynia” cih gamte ah kithehtang mite ahi uh hi (1 Pet.15 1:1). Tu-in hih gamte in Turkey gam nitumna gamte hi, ci-in i thei hi. Peter laikhakna sungah “Peter in amaute thuaknate thei-in “gimna dahna namcin tawh kidim uh ahihna zong a pulaak hi. (1 Pet. 1:6).

Peter in a kithehthang mite a cih ciangin bang a ci nuam hi ding hiam? Tua in amaute thuak gimnate tungah koi bangin kithehthangin a omna uh in behlap hiam?

Tua hunlai-in Khristian hihna in thu thakpi khat suak hi. Thu-um

mite tam nai lo uh hi. Mi tawmno khat ahih ban uah mun tuamtuamah kithehthang uh hi. Bawlsiatna thuak sawnsawnlai uh hi. Ahi zongin Peter in amaute tungah a gen thu in a thuak uh gimnate in a lamdang hi lo-in (1 Pet. 1:6, 7)Khrih nung zuihna-ah tua bang gimthuaknate a om mah hi, ci-in a pulaak hi. Upna manin hamsatna khempeuh a hong zawhpih hi.

1 Peter 1:6-9 sim in. A tawpna-ah Peter in gim thuakte tungah bang thu gen hiam? Hih in bang lametna hong guan hiam?

Bang bang thuaktalehh bangzahin gim thuak uh hi mah talehh Khrih hong pai ciangin tawntung nunna a lamen mite thuakna tawh ngaihsunkak in. Peter kammalte in bang bang i thuak zongin eite tungah zong a hong gen thute mah hi. Ahi zongin tua bang hamsatnate lehh gimthuaknate hangin i lametna mitsuan khial lo ding kisam hi; tawntung lampi panin lampial khak loh ding thupi hi.

Vanthak leh lehithak sungah gimna, thuakna om nawn lo ding hi.Tua bang kamciamte i mai-ah om a, Jesuh sihna tungtawnin tua kamciamte i ngah thei hi. Tua hi-in i upna nusiat loh ding thupi hi lo hiam? Gimnate lakah Topa in hong hahsiangin upna tawh i kalsuanna lampi-ah hong dongkholhsak nate a hong kantansak thei hi.

 

THURSDAY                        July 14

Mei Tawh Sittelna

 

Alex min nei khangno khat om hi. Khangno nopsakna tawh kidim khat hi-in, guih theih khamtheihte, gitlohna tuamtuamte tawh kidiah bek tham tuamtuam guksak thei hi. Alehx in Pasian theihna nei-in a nuntakna zong Jesuh tungah kipia hi. Tua hi mahta lehh a beisa a nunlui gamtatnate a nusia khin zo kei hi; Alehx in Jesuh sungah mi thak hihna nei hi. Pasian itna nei –in Ama thupiakte a nuntakpihna tungtawnin Pasian a itna a kimu thei hi (1 John 5:1, 2). Hun khat ciangin Alehx in Pasian na sem dingin khensatna nei hi. A nunzia in Pasian lamlahna ahihlam kiphawkin Pasian sapna bangin a kalsuan hi.

Collehge ah a sangkahna-ah bangmah buai-na nei lo hi. Ahi zong hun khat ciangin buai-na khat khit khat hong nawkkha hi. A nunzia kisia ding dinmun hong tung hi. Sum zat ding leh sangsap ding bangmah nei nawn lo-in om hi. A lawm a gualte in nawlkhin uh hi. A man lopi-in mawhsakna thuak hi. Tua banah damlohna tawh kidimin cina pahpah hi. Bang hangin tua bang natna nei cih thu a thei siavuan kuamah omlo hi. Khrih hangin gentheihna tampi thuak a, sangkah zomto thei nawn lo-in sangkhawl ding dinmun hong tung hi. Tua banah a kim a paam khempeuh in guihtheih khamtheih bekbek tawh kidim uh hi. Tua bang munte-ah khatvei vatung hi. Alehxin bangci bangin hih dinmun tung kahiam cih a thei zo kei hi. Topa makaihna tawh sangkah thei khit nungah hih bang siatnate sung lut kik cih thu a tel zo kei hi. Asangkah theih nadingin Topa in makaih hi. Tua hi napi-in, Alehx in bangkhialhna nei hiam? Tua ahih lehh Pasian tawha kizopna-ah khialhna nei hi dinghiam? Pasian a upna kip taktakmah ahi hiam, cih lunghimawhna hong lut hi. Tua bang buai-nate tawh kibangin mi tampi in zong a thuakkha uh hi. Alehx a kipan tua bang buai-na nei mi khat in tua bang buai-nate zawh nading lampi hong dong hi lehhkoi banginnalamlakthei dinghiam? Lai Siangtho bangmun siksan ding na hiam? Koi bangin hih a nuai-a Lai Siangtho munte in hong huh thei ding hiam? Pau.3; Jer. 29:13, Rom. 8:28, 2 Kor.12:9, Heb. 13:5.

 

Topa a zui mite in hamsatnate a tuakkha thei uh hi. Tua bang bawlsiatna a phutkhak uh ciangin Topa makaihna muanmawhna lungsim hong lut khazel hi. Tua bang hun ciangin Topa kamciamte mah lehn tinten ding thupi hi. Topa hong makaihnate phawkin upna leh thuakzawhna ngah nadingin thunget ding kisam hi. Topa in eite a hong nusia ngei kei ding hi. I kidot ding dotna khat in: Koi bangin zia-etna, bawlsiatnate tungah zawhna ngah ding i hiam?

 

FRIDAY                  July 15

Ngaihsutbeh ding: Ellehn G. White, “The Exodus,” pp.281–290; “From the Red Sea to Sinai,” pp. 291-302, Patriarchs and Prophets; “The Temptation,” pp. 114– 123, in The Desire of Ages sung sim in.

“Topa in a mite Rephidim munah tunpih hi. Eite zong a hong makaih ding hi; Ama tungah citakna a hong sittel hi. A nopna mun bekbekah hong paipih lo hi. Kisapna bangmah nei lo hi lehhang, Topa in eite hong huhpa ahihna i mangngilh kha thei hi. Ama tungah kinga ihihna i phawk tawntung ding kisam hi. I kitangsapna khempeuh a hong huhpa in Topa ahihna i phawk den ding hi. Topa in gimna, lungkiatna i tuah ding a phal hi. Tua bang thute i tuahkhak ciangin bangmah sem zo lo-in cimawh i hihna i phawk ding kisam hi. Ama huhna ngah dingin a hong hilh hi. Amah in suangpi kitaamkhamin a vot mahmah tui a phual khia sak thei hi. Topa tawh maitang i kimuh hun hong tun mateng tu-a i theih thute sangin a kitel zaw, siang zaw-in i thei tel zaw ding hi. Amah in bangzahin gim thuak hi mah talehh naupang bangin upna a nei mi khat in a nuntakna Topa tungah a kinga ding hi.”Ellehn G. White, “Rephidim,” Advent Review and Sabbath Herald, April 7, 1903.

 

 

KIKUP DING DOTNATE

1.  Zia-etna pen mi khat thuak bangin kipulaak pahpah hi. Tua pen hi mah hi. Ahi zongin zia-etna in pawlpi (mihon) in zong thuak hi. Tual pawlpi ahih keilehh innkuan ciat in zia-etna i do hi. Mihon (pawlpi) in a do zia-etna in bang zia-etna hi ding hiam?

2.     Nopkholhna munte-ah a va tung mite tungah bang hangin tua bangin thuak uh hi ding hiam? ci-in dong in.Tua bang thute in tu-in zong a piangpiang thute hi. Bang hangin amaute in a lamdang khatin ngaihsun uh hi ding hiam?

3.      Bawlsiatna leh hamsatnate tungtawnin hah siangna thu guipite bang hangin Pasian in phal hi ding hiam? Tuahsiatna pawl khat, gentehna-in lampi-ah mawtaw tuahsiatna hangin a nuntakna bei cihte a kipan koi bangin i telzawh loh thute nawktan zo ding i hiam? Na lawmte tawh kikum inla, hih bang thu hamsate koi bangin dawngkik thei ding na hiam?

4.     Khat leh khat thu kingetsak ciat unla, hamsatna gimna a thuakte khat leh khat thu kingetsak un.

5.      Na pawl sungahmite khat in gimthuakin genthei cimawh a omkha hiam? Tua bang mi a omkhak lehh, bangci bangin lampi man tunpihkik thei ding nahiam?