LEHSSON 2 | JULY 2-8 Alian Ze-etna Tuaknate

 

LEHSSON 2                JULY 2-8

A LIAN ZIA-ETNA TUAKNATE

 

 

 Sabbath Nitak

Tu Kaal Sung Sim Ding:1 Pet. 4:12-19, 1 Pet. 5:8- 11, Rom. 1:21-32, Jer. 9:7-16, 2 Cor. 12:7-10.

KAMNGAH: “Ka itte aw, note’ upna hong kize-etna-in gimna haksate na thuak manun a thu lamdangpi-in ngaihsun kei unla, na lungkham ngaihsut kei un. Tua bangin Khrih tawh thuakkhawm leh-uhcin ama minthanna hong kilat ciangin note lungdam mahmah ding na hih manun, tua banga na thuakna uhah na lungdamzaw un”1 Peter 4:12, 13.

 

Chemical thusinna-ah mun khata kikoih data khat leh a dang datte gawmkhawmin meisa mahmah tawh satsuah lehhang tua daatte in sa semsem ahih manin tua na koihna bung in kaang dektak phialin sa hi. Hih na koihna bung sungah a sa mahmah mei zong kikoih thei a, tua bung panin meikuang in a sunga om nate kikhelsak hi; a kim a paam nate lawh thei hi.Hih chemicalte nasepzia in thu upna thu tampi hong hilh hi. Hamsatna tam semsem lehh i upna zong hong khauh sem sem hi; zia leh tong picing zaw semsem thei hi. Pasian in i nuntakna nasemin i nunzia hong puah pha semsem hi. Hamsatna i tuah ciangin Pasian in hong bawlpha na hi zaw hi.Hamsatna na phutkhak ciangin bang thute na ngah hiam?

 

SUNDAY                       July 3

Lungsim Hongphawng Nate

 

“Ka itte aw, note’ upna hong kize-etna-in gimna haksate na thuak manun a thu lamdangpi-in ngaihsun kei unla, na lungkham ngaihsut kei un.”1 Pet. 4:12. Lamet loh hamsatna, lungdamna thute in lampi tuamtuam i tuakkha thei zel hi. Lampi-ah na pai laitakin mawtaw khat in hong nawk kha thei hi. Thakhat thu- in nasep taan cihte zong i tuakkha thei hi. Pumpi taksa damlohna khat na ngahkha thei hi. Na lawm it khatin hong taisanin hong lehhhek kha thei hi. Hih bang thute i thuah khak ciangin lungsim natna i ngah thei hi. Tu kaal sung i sin ding thu in lungkham sinkhamna i tuahkhak ciangin lamdangsak loh ding cih thu tawh kisai i gen ding hi.

Amasa-in 1 Peter 4:12 i en masa ding hi. Greek lai tawh kigelhna-ah (1 Peter 4:12) “lamdangsakna” cih kammal in ‘khualmi’ “ gamdangmi” ci hi. Peter in a laikhak gelhna-ah thu-um mite in hamsatna, lunggimna na tuah khak uh ciangin lunghimawhin om kei un; tua bang thute in Khristian upna tawh kilangdo hi mah talehh tua b ang thute i tuah ding mah hi, ci-in ngaihsun un,” ci- in hilh hi. Khrish nungzui mi khat in gimna, bawlsiatna a tuah ciangin lamdangsa- in lungman ding hi lo hi, ci hi. “ Lunggimna” cih kammal in Greek kammal khat panin hong pai hi-a, a khiatna in “meikuang” cihna hi. Mun khat khatte-ah “meiphualpi” ci-in kigelh hi.

Upna hangin bawlsiatna, gimna i thuak kha thei hi. Tua bang ciangin “sittelna a thuak hi hanga” meikuang sungah sit kihahsiang tawh kibangin tua bangin bawlsiatna, gimna i thuak hun ciangin lamdangsa-in lungman ding hi lo hi.

 

1 Peter 4:12-19 sim in. Peter thupuak in bang thupuak hiam?

 

Mi tampi in bawlsiatna, gimna a thuak uh ciangin lamdangsa-in lungmang uh hi. Bang hang hiam cihlehh Khristian nuntakna sungah tua bang gimnate a om dingin ngaihsun kha lo uh hi. Ahi zongin i phawk ding thu nihte in Pasian in hoihna tawh kidim Pasian hi; Satan ahihlehh siatna tawh kidim hi. Nop i sak thute Pasian kiang pan hong pai hi-in a hoih lo khempeuh Satan tungah i suankhia hi. Ahi zongin nuntakna in tua bang hi lo hi. Mihing nopsakna siksanin Pasian tawh kizopna ahih keilehh Satan tawh kizopna ci-in khensat theih thu hi lo hi. Khat veivei ciangin Pasian tawh lampaikhopna-ah zong hamsatna i tuakkha thei hi. Satan nungzuihna- ah zong thaman lianpi kingah thei veve hi. Job in thuman takin a nungta mi khat hi napi-in gimna lianpi a thuak kha veve hi. Tua bangin gimna a thuak ciangin Job in “ bang hangin mi gilote in khangcingin nungta uh a, vanglian semsem uh hiam? ci- in a dong hi (Job 21:7). Peter pulaak bawlsiatna leh gimnate in Khrih adingin nuntakna hangin a hong pia bawlsiatna hi, cih kimu thei hi. Ahi zongin bawlsiatna leh gimna hong tun thei thudang zong om veve lai hi.

Koi bangin 1 Peter 4:12-19 in bawlsiatna a thuak gimna a tuak mi khat a huh thei ding hiam?

 

 

MONDAY                                July 4

Satan Bawlsiatnate

 

“Note pilvangin khua phawk un. Na gal uh ahi Dawimangpa, humpinelkai bangin a nektheih ding zongin vak kawikawi hi.”1 Pet. 5:8.

1Peter 5:8 in nang adingin bang thupuak nei hiam? Hih thu limtakin na ngaihsun hiam? Limtakin kisittel pha in. Na nuntakna-ah thupi takin na koih thu khat koi bangin kilangh hiam?

 

A gilkial humpi na mu ngei hiam? Tua bang humpi in lamdang hi. Bang hang hiam cihlehh humpi in amuh bangbang a matkhak bangbang ne hi.  Satan in a gialkial humpi bangin vak kawikawi hi, ci-in Peter in hong hilh hi.  I kim leh pam en lehhang Satan in a suksiatnop na tampi kimu thei hi. Sihna, gimna leh gitlohna, tatsiatnate in mun khempeuhah kimu hi. Satan nasepna tawh i kipelh thei kei hi

 

 1 Peter 5:8-11 sim in. Koi bangin Christiante in a hawk buabua Humpi hi ding hiam? Bawlsiatna thuakte tungah Pasian in bang kamciam a pia hiam?1 Pet. 5:10.

 

Satan in Khristian upna neite tungah gimna lianpi a tungsak hi, cihthu tawh kizui-in a laikhak ahi hi. I pulaaksa om bangin Satan in lampi tuamtuam zangin thu-umte hong bawlsia tawntung hi. Ama vangliatna leh a nasepnate thei hi mah talehng Satan kihtaak ding hi lo hi. Jesuh in Satan zo khin hi, cih thu i phawk tawntung ding kisam mahmah hi. Satan pen a guallehl khinsa hi-a, Jesuh tawh i kizomin Ama tungah upna tawh i kingakna lehh i guallehl kei ding hi. Singlamteh tunga Khrih zawhna in eite zawhna hi ding hi. Satan in gim hong piak theihna lampite ngaihsun in.

 

Koi bangin 1Pet. 5: 8-11 na theitel hiam? Mawhna tawh kidim lehitungah i nuntak sungin i tuahkhak gimnate koi bangin na ngaihsun hiam?

 

 

TUESDAY                  July 5

Mawhna Hanga Gimnate

 

“Mihingte in a mawhna leh a gitlohna hangun Pasian’ thuman seelcip uh ahih manin van panin a hehna hong kilang sakin a gimpiakna dingzia hong kilangsak hi.” Rom. 1:18. I sep bangbang in gah nei hi. Nisatmahmah laitakin na nek theih tuikhal (ice cream) tawi hi lehcin tuisuak ding hi.Na khat peuhpeuh in hang nei ciat hi. Na khat peuhpeuhah a hoih thei penpen dingin i hanciam zongin mawhna tawh a kipelh thei khat beek a om kei hi. Tua pen mawhna gah i phu kha tawntung hi. Pasian in vantungah omin mawhna bawlte tungah siatna tungsak dingin ngak hithiat cih bang hi lo hi. Mawhna in a gah tawh tonkhawmpah hi.

Mi kimkhat in mawhna hemkhia thei ziau dingin ngaihsun uh hi. Mawhna in gah nei lo bangin ngaihsun uh hi. Tua bang hi ngei peuhmah lo hi. Paul in hih thu tawh kisai kitel takin hong hilh khin zo hi. Mawhna gah in tawntung sihna bek hi lo-in tu mahmahin zong gimna, hamsatna hong tun hi.

Romans 1:21-32 sungah Paul in mawhna sung a tung mite thu leh mawhna hangin a gah atkikte thuakna pulaak hi. Hih thu limtakin ngaihsun inla thungetna tawh Romas 1: 21-32 simpha kik in. Paul hong hilh thu bulpi in bang hi ding hiam? Bang mawhna pulaak hi ding hiam?

Romans 1 sung a masa lamah Paul in mawhna hang a Pasian hehnate hangin gimnate a pulaak hi (Rom. 1:18).Pasian hehna i cih ciangin mihingte in i vawh bangbang at ding Pasian in hong phal hi. Khristiante adingin Pasian in tua gimna hong lakkhiatsakpha kei hi. Tam veipi mah Pasian in i gamtatna bangin a gah at dingin hong phal hi. Mawhna in bangzahin siahuai hiam cih theihtelna nei dingin hong hilh hi. Pasian thukham palsatna hangin gimna lianpi hong thuaksak hi. Cidamna tawh kisai thukhunte palsat lehhang i pumpi in thuakpah hi. Cidam nading thukhunte a zuih nop keilehh zuih lohna thaman i at hi. I pumpi in Pasian teennaa inn hi. Tua hi-a i pumpi pen limtak kep ding kisam hi. Tua thukhunte awlmawh lohna in Pasian tunga mawhna hi. Tua i tuak gimnate in gimna lianpi piangsak hi.

Na nuntakna-ah na mawhnate hangin na thuak khak thu bang a om hiam? Tua bangin na thuakna panin bang thu na mu hiam? Tua bang thute na tuahkhak loh nadingin bangci bangin na kalsuan thei ding hiam?

 

WEDNESDAY                       July 6

Gim thuakna Pan Siansuahna

 

“Tua ahih manin Vanglian Topa in a cihin-ah,”En un, amaute a siantho nadingun suangtui-in ka ze-et ding hi” Jer. 9:7. “Kha Siangtho in Topa kammalte hong puakin na lungsim hong lawnkhak lehh tua in nunna kikhelna a piangsak hi, cih na theitel ding hi.”Oswald Chambers, My Utmost for His Highest (Uhrichsvilleh, OH: Barbour & Company, Inc., 1963), p. 271.

Koi bangin Jer. 9:7 na telthei hiam? Siansuahna kalsuanna- ah na tuahkhak thute in koi bang hiam?

 

Jeremiah 9:7-16 sim in. Topa in “Sittelna leh hahsiangna om ding hi, ci hi. Judah leh Jerusalehm in tuisuak dig hi (Jer. 9:7). Hih nihte mungtup in bang hi ding hiam?(Jer. 9:13, 14). Koi bangin siansuahna piang thei hiam?(Jer. 9:15, 16).

Pasian kiang pan hahsiangna leh sittelna in na lianpi hi. Sittelna leh hahsiangna in mungtup thu thum nei hi. Amasa-in Pasian phalna tawh hamsatna i tuahkhak ciangin i mawhnate a hong phawkpha-sak hi. Hih thu ma-in Jeremiah in hih bangin gelh hi: “Amaute gilpite in mei tawh kihaltum ding hi. Siansuahnate in a mawkna suak hi. Mi gilote in kihahsiangna a thuak kei uh hi”(Jer. 6:29). Tua hi-in khat veivei ciangin i lungsim hong la zo thei ding thu zong kisam hi. Nihna-ah mawhna hangin dahna lianpi thuak ihihlam i telthei hi. Thumna-ah lungkiatna i tuak ciangin nidang bang lo-in a tuam piankhatin i nungta hi.Tua bangin nuntakna nuam lo hi. Kum tampi sung i nuntakpih nate leh i nuntakna- ah a mannei mahmah thute nusiat ding hamsa hi.

 

Bang mawhna na buaipih hiam? Tuni-in Pasian in hong sittel leh hong hahsiang dingin kingaihsun in.Pasian in bang hong sittel ding a, hong hahsiang ding na um hiam? Pasian in Israel mite tungah a bawl bangin nangma tungah hong bawl ding hilehh bang na hih ding hiam?

 

THURSDAY                                          July 7

 Picinna Dingin Gim Thuaknate

 

“Ahi zongin hih a lamdang na tampite ka muhna hangin kisialin ka kisaktheih khak loh nadingin Satan’ sawltak bangin na a sem, keima pumpi sungah natna khat hong kipia ahih manin ka kisaktheih luat loh nadingin a hong kham hi.2 Cor. 12:7. Singkung khat a hiangte sattan khia cih thu leh heuhkhia cih kibang het lo hi. I deihnawn lohte bek kisattan khia hi. A hiangte khangin gah pha dingin i lamette a hiangte i heuh hi. Ahi zongin i sepdan kilamdang lua lo hi.Satkhiatna-ah ahi a, heuhna-ah ahi zongin temta tawh satkhia-in, temta mah tawh i heuh hi. Singhiang heuhna-ah singkung susia tawh kibangin i muh hangin singkung adingin a hoih zaw ding lametna tawh tua bangin i heuhkhia hi. Hih thu siksanin Bruce Wilkinson in hih bangin pulaak hi: “Pasian thupha tampi ngah nadingin thungen na hia, ahih keilehh Amah tawh kizopna kip nei dingin thungen na hi hiam?ci hi.

“ Tua bangin thungen mi khat na hihlehh temteh adingin zong thungen na hi hi.” Bruce Wilkinson, Secrets of the Vine (Sisters, OR: Multnomah Publishers, Inc., 2001), p. 60. Paul in “ ka pumpi tungah ling” a cih ciangin bang gen hi ding hiam, ci-in mitampi in ngaihsun uh hi (2 Cor. 12:7). Paul a langpangte’n a do-na uh hi ding hi, cih a kipan limtakin pau thei lo ahihna a gen nuam hi ding hi,ci-in ngaihsutna tuamtuam om hi. Mi pawlkhatte genna-ah a mit noplohna hi ding hi, a ci zong om hi.( Ellehn G. White Comments, The SDA Bibleh Commentary, vol. 6, p. 1107). Paul in tua “ling” in a hong kipia hi, ci-in a pulaak thu in lamdang hi. Paul in ka pumpi tungah a hong kipia ling ci-in a pulaak ciangin a khiatna in bang hi ding hiam, ci-in na ngaihsun hiam? Koi bangin Pasian in Paul pumpi tunga ling pen a hoihlamin heisak hiam?

Paul pumpi tungah ling in ngimna thu thum nei hi. “Kiphatsak nading panin a dal dingin kipia hi.”(2 Cor. 12:7). Mawhna khialhna khat a neih manin a kipia hi lo hi. A mawhkhak loh nadingin a kipia ahi hi. Paul in mawh zolna a zawh nadingin tha nei lo ahihlam a kiphawk hi. Tua hi-in apumpi tunga ling in a khialh khak loh nadingin a dal ding hi, ci-in pulaak hi.

2 Corinthians 12:7-10 sim in. Koi bangin Paul in a pum tunga om ling a thuak hiam?Paul in Pasian a kizopna-ah a thaneemna hangin phattuamna ngah ahihlam a phawk hiam? Na thuak hamsatnate (ling) na zawh nadingin Paul thuakna panin bang thu na mu thei hiam?

 

Pasian tawh na kizopna-ah a hoih zaw hong geelsak hi lo hiam?

Topa tungah na thuman zawk theih nadingin bang kisam na hiam? Singkung khat gah hoih nadingin a hiangte heuh khiat bangmahin, na thu upna-ah a picing zaw na suah nadingin Pasian tung pan bang na ngen ding hiam?

 

FRIDAY                  July 8

Ngaihsutbeh Ding: Ellehn G. White, “Effectual Prayer,”in Signs of the Times, Nov. 18, 1903; Ellehn G. White Comments, p. 1182, in The SDA Bibleh Commentary, vol. 4; “God Permits Trial and Affliction to Purify Me,” p. in My Life Today sim in.“Amaute ngaihsutna a thei Pa in amaute gamtat zia leh tong zong a thei hi. Amah in mi kim khat in Topa vangliatna nei uh a, kim khat in thaneemna tuamtuam nei ahihlam uh zong a thei hi. Ahi zongin limtakin zang uh hilehh Pasian nasepna mazang mahmah ding hi.Topa makaihna tawh amaute in dinmun tuamtuam leh nasep tuamtuam a sem thei uh hi; tua bangin kalsuan uh hi lehh amaute in a phawk loh uh itangsapnate uh phawk thei ding uh hi; tua kicinlohnate kipuahphatzia ding lampi amu thei ding uh hi; tua hilehh Topa nasepna-ah a lawhcing thei ding uh hi. Amaute in hamsatna a thuak ding uh Topa in a phal hi; tua bangin amaute a kisiansuah thei ding uh hi.” Ellehn G. White, The Ministry of Healing, p. 471.

 

KIKUPDING DOTNATE

 

1.  I sepna tawh kizui-in gah i atkik ciangin hamsa i sa hi. “Pasian tawh kizopna mantak ahihna i mu thei ding hiam? Tua bang gimnate i tuah ciangin upna nusia lo-in Topa tawh kizopna a kip nadingin Pasian in bang kamciamte a hong pia hiam? Paul in a nungciangin a gelh thute Romans 5:1-11 sungah kimu thei hi. Gimna a thuak mi khat tungah bang thu gen ding na hi hiam?

2.  Ellehn G. White in “Topa thupha” ci-in a pulaak ciangin a bang a cih nopna hi ding hiam? Koi bangin Topa thupha in nasem hiam? Koi bangin Topa lamlahna na mu thei hiam? Pasian lamlahna in gimna hong kantanzo sak thei hiam? Tu ciangciang thusinna sung pan bang thu na ngah hiam? Koi bangin thu piang khat pen Pasian lamlahna hi lehh hi lo hi, ci-in khentelthei ding na hiam?

3.  Tu laitakin mi khat in gimna a thuak lehh tua gim thuakna in thupi hiam? Bang thu hangin tua gimna thuak hi ding hiam? Bang thu bang thu hangin gim thuak hi mah talehh gim thuak mipa/ minu koi bangin tha na pia ding hiam?

4.  South America gamah khangno khat om a, gimthuakna tawh kidim hi. Tua gim thuakna khit ciangin amah pen Europe gamah kituahin anung ciangin a lawmte khat tungah ih bangin pulaak hi: “ Ka misi luang Sout America gamah ka nusia hi, ci hi.” A khiatna in bang hi ding hiam? Bang hangin “ka misi” ci hi ding hiam? Lam khat panin eite in zong mun khat teitei-ah “misi luang a nusia ding hi lo i hiam? Misi luang nusiatna-ah gim thuakna in bang dinmunah om hiam? Na lawmte tawh zato ahih keilehh huhna kisam mi khat peuh, hehpihna kisam khat peuh, gim thuak mi khat thapia dingin geel in.