LEHSSON 13 | September 17-23 Hamsatna sungah Khrist

LEHSSON 13      September 17-23

HAMSATN SUNGAH KHRIH

 

 SABBATH NITAK

TU KAAL SUNG SIM DING: Luke 2:7, 22-24; Matt. 2:1-18; John 8:58, 59; Luke 22:41-44; Matt. 27:51, 52; Rom. 6:23; Titus 1:2.

KAMNGAH: “Nitak nai thum hun pawl laitakin Jesuh nakpitakin kiko a, “Ka Pasian, ka Pasian, bang hangin kei hong nusia na hi hiam?” a cihna ahi, “Eloi, Eloi, lama sabakthani,” a ci hi (Matthew 27:46).

Hamsatnate ngaihsun lehhang hih bang dotna hong lutpahpah hi: “Kipatin koi bangin mawhna leh sihna hong om thei hiam? Mawhna leh sihna in Pasian hong piak suahtakna zatkhilhna hangin a hong piang ahi hi. Hih in a dang dotna khat hong tunpih hi: “Mihingte in mawhna sung tung ding hi, cih Pasian in a theikhol hiam? Pasian in mawhna hong om ding hi, cih thu mawhna hong pianma-in a theikhol khin hi. C. S. Lehwis in hih bangin gelh hi: ‘gim thuak huai hiam? Kua adingin gim thuak ngam huai hiam? Eite adingin Pasian in vantung tokhom tungah tu-in om hi. Tua bang hi lo hi. Mihingte suahtakna in Pasian hong piak hi-in suahtakna nial lo hi. Suahtakna zatkhialh manin a hong piang gimna thuak dingin Pasian mahmah in a hong thuak hi.Jesuh in gimna leh sihna a hong thuak hi. Ama hong sihna hangin vantung leh lehitung kizopna a nei thei ihi hi. Tua kizopna in a tawntung adingin kip ding hi.

Tukaal sung thusin a tomin pulaakna: Eite adingin Khrih in bang hong thuak hiam?Ama thuakna panin nuntakpih ding bang thu na mu hiam?

 

SUNDAY                              September 18

Lehitung Nite

 

Lai Siangtho sungah Jesuh hun masa lam thute tam kigelh lo hi. Tawmno khat bek kigelh hi. Lehitung Honpa-in a hong suahna khuahun tawmno khat bek hong hilhh i.

Luke 2:7, 22-24 (Siam. 12:6-8) Matthew 2:1-18 sim in. Jesuh tuahkhak thute bang hong hilh hiam?

Jesuh in gentheihna tawh a nungta masa pen hi lo hi; thahna thuak masa pen hi lo hi. Ama mai-a mi tampi in gimna, sihna a thuak khin mi tampi om hi. Ahi zongin Khrih thuakna in Ama mawhna hanga athuak hi lo-in, mawhnei mite suahtak nadingin a hong thuak ahi hi.

John 1:46 sim in. Jesuh thuak gimnate theih nadingin bang thu in hong huh thei ding hiam?

Mawhna omma Adam leh Eve cih simloh Jesuh bekmah mawhnei lo hi.Ama sianthona, mawhna nei lo-in mawh dim lehitungah a hong nungta hi. A neulai mahin mawh nei lo-in khangkhia-in tatsat lo-in mawhna tawh kipelh thei lo hi mah talehh mawhna nei lo hi.Mawhna hangin lungkhauhna tawh i nungta hi. Ei mahmah in mawhna sungah a nungta mi ihih manin siatna tawh a kikhangto khawm hi mai hi. Khrih thuakna ngaihsun in. Mawh nei lo, sianthona tawh kidim Khrih nunzia leh a kim a paam mite nunzia ngaihsun in. Bangzah in Khrih in gim thuak ding hiam?

 

Mawhna hangin na lungsim bangzahin gim thuak na hiam, nang leh nang kidong in. Mawhna in hong ukcip hiam, ahih keilehh mawhna hangin a lungkhauh mi na hi hiam? Mitmuhna, laisimnate in mawhna lam hong tunpih hiam?

 

 

MONDAY                     September 19

Mite Nawlkhinna Leh Simmawhna Thuak

 

Jesuh in Pasian hi, cih thu siksan-in, a nuai-a Lai Siangtho munte sim inla, van leh lehi a Piangsakpa mah in lehitung mawhna pan suahtak nadingin sihna a hong thuak hi.(Matt. 12:22-24; Luke 4:21- 30; John 8:58, 59). Koi bangin Jesuh thuak gimna leh sihna na theitel hiam?

Makaite leh midangte in Jesuh nunna, a thuhilhnate telkhial den uh hi. A hotkhiat ding mite in nawlkhina leh muhdahnate a thuak hi. Nulehpa in lampial a tate adingin ahih theihzahun hanciamin a tate puahpha nuam uh a, na khempeuh piakhia ngam uh hi mah talehh nulehpa in tua bang tate simmawhna leh langpanna a thuak uh hi. Nulehpa in a ta uh kisiatna panin honkhia nuam uh hi. Jesuh in zong mawhnei mite hong honkhia nuam a, mawhnei mite langpanna leh simmawhna a hong thuak hi. Bangzahin a na ding hiam?

Matthew 23:37 sim in. Jesuh thuak langpanna leh nawlkhinnate ngaihsun in. Na simna tungtawnin ngaihsun in.   Jesuh in tua bangin a thuak ciangin “ A lungkia-in na ngaihsun hiam? Nawlkhinna na thuak ciang ahih keilehh thu khat peuhpeuh tawh gimna na thuak ciangin bangci bangin na kalsuan hiam?

Nawlkhinna nuam i sa kei hi. Nangma khialhna hi lo-in tua bangin gimna leh nawlkhinna na thauk ciangin lunggimna na thuak hiam? A hong nial mite in Khrih a um mi hi thei hi. A hotkhiat ding mite in nawlkhin cih thu ngaihsun in. Tua bangin Honpa a nialna hangun a ngah ding uh thute, a nial mite thuak ding gimnate zong ngaihsun in. “Satan in mawh nei lo Jesuh a nial den hi” Ellehn G. White, Selehcted Messages, book 3, p. 129.

Midangte nawlkhinna, langpanna na zawh nadingin Jesuh tung pan bang thu na mu hiam? Etteh dingin bangci bang nunna hong nusia hiam?Koi bangin tua bangin na nungta ding hiam?

 

TUESDAY                          September 20

Gethsemane ah Jesuh

 

“Amah in, “Ka lungsim dahna lianlua mahmah ahih manin ka si dektak hi. Hih lai-ah om unla na ngak un,” a ci hi (Mark 14:34). Jesuh in lehitungah kum 33 sung bang a hong nuntak sungin gimna tuamtuam a thuak hi. Singlamteh tungah sihna hong thuakma-in a thuak gimnate tehpih ding bangmah om lo hi (Eph. 1:1-4; 2 Tim. 1:8, 9; Titus 1:1, 2) lehitung mawhna hangin a hong thuak ding gimna in Pasian geel kholhsak hi-in, tu-in a hong tangtung khin ahi hi.

A nuai-a Lai Siangtho munte in Gethsemane huan sunga Khrih gimthuaknate bang pulaak uh hiam? Matt. 26:39, Mark 14:33-36, Luke 22:41-44.

“Khrih in a gamla mun khat zuanin pai khia hi; a nungzuite tawh kigamla lo mun khat zuanin lehi-ah bok suki thu a ngen hi. Amaute in Jesuh thungetna a za thei uh hi. Mawhna hangin Jesuh in a Pa tawh kikhenkha dingin lunggimna a thuak hi. Pa tawh kigamla lua ahih manun Jesuh lungsim in gimna tawh kidim hi; khuamial sahpi bangin guamthukpi bangin gimna lianpi a thuak hi. Pasian vangliatna lo-in Jesuh in tua gimna vangikpi a pua zo kei ding hi. Mawhna thaman sihna a pua khia ding hi ta hi. Mihing ahihna tawh mawhna thaman, Pasian hehna a pua khia ding ahi hi.

“Khrih in cikmah huna a thuak ngei loh gimna a thuak ding hi ta hi.Kamsangpa in Khrih thuakna hih bangin a pulaak hi: Namsau aw, ka tuucingpa a su dingin kipan inla,kei tawh nasem khawm pa langpang in.Tuucingpa sat in.Tuute kithehthang ding a,ka tuute gim ka pia ding hi.” Zech. 13:7. Mimawh mi adingin Amah mah a hong kikhaam hi. Khrih thuak gimna in Pasian thuman thukhenna hangin gim a hong thuak hi. Amah in thuman amu hi. Tua hang mahin tu-in Amahmah in midangte adingin mawhthuumsakna hong neihsak hi.”Ellehn G. White, The Desire of Age, p. 686.

 

Gethsemane huana Khrih gim thuaknate ngaihsun in. Lehitung mawhna hanga gimnate Amah mah in a hong thuak khin hi. Tua bang gim thuakna in bang tawh kibang ding hiam? Mihing in tua bang gimna a kantan zo peuhmah kei ding hi. Khrih gim thuakna in Pasian hong itna bang pulaak hiam? Ama gim thuakna panin lametna bang na mu hiam?

 

WEDNESDAY                                September 21

 Thahna Thuak Pasian

 

Singlamteh tunga kikhailupna in Roman mite thuakna lakah a lian pen gim thuakna hi. Sihna tuamtuam lak pan a deihhuai lo pen sihna hi. Tua hi-in singlamteh tungah khailupna a thuak dingin Pasian Tapa in kilawm lo hi. Jesuh in ei mah bangin mihingin hong nungta hi, cih i phawk ding kisam hi. Sat a thuakna, teipi tawh kidawt a thuakna, a pumpi gihna tawh a khut a kikhainate kikek gawpin taksa gimna lianpi a hong thuak hi. Mi gilo khat nangawn in bang gim thuak dingin kilawm lo hi. Mawh nei lo Jesuh in tua bang gimna a hong thuak hi. Khrih gim thuakna in mawhna siatna tawh tehkak ding hilehh Ama thuakna in gentham lo ding hi. Ama thuakna in mawh nei lo mi khat thuakna sangin lian zaw hi.

Jesuh a sihin thupiangte in tua mite tungah bang thu phawng hiam?    Tua thupiangte in bang thupina nei uh hiam?

Matt. 27:45 ____________      _________________________________

Matt.   27:51,   52   ___________________________________________

Mark    15:38    _____________________________________________

 

Hih munah thupiangte in sihna thu sangin lian zaw hi. Mawh nei lo mi khat in sihna thuak cih thu in thuman lo hi. Lai Siangtho hong gen bangin i mawhna hanga Pasian hehna in Jesuh tung kibua khia hi. Jesuh hong sihna in lehitung mawhna hanga Pasian hehna hi. Tua hi-in Jesuh sihna in mihingte thuakna sangin lianzaw, thuk zaw hi.

Bangbang hamsatna na thuak zongin singlamteh tunga Khrih hong sihna panin bang lametna leh khamuanna na ngah thei hiam?

 

THURSDAY                             September 22

Gim Thuak Pasian

 

I nuntak laiteng gimna tawh i kipelh thei kei hi. Hong pai lai ding hun ah gimna hong tam semsemlai ding hi.I nuntna in mawhna tawh kidim nunna ahih bangmahin tua bangin a thuak ding mah ihi hi.Lai Siangtho kamciamte in zong gimna tawh kipelh thei dingin kamciam hong pia lo hi. Ahi zongin a langkhat panin hih munte in bang hong hilh uh hiam? Sawl.14:22, Phil. 1:29, 2 Tim. 3:12.

Gim thuakna sungah i phawk ding thunih kimukhia thei hi. Amasa- in Khrih i Topa in eite thuakna sangin a lian zaw gimna a hong thuak khin hi. Singlamteh tungah “i mawhnate leh dahna khempeuh a hong thuak hi (Isa. 53:4); mimal khat ciat in i thuak gimnate Khrih in mi tampi adingin ahong thuak hi; mi khempeuh adingin a hong thuak hi. Amah in mawh nei lo hi mah talehh mimawhte adingin mawhna hong suak hi (2 Kor. 5:21), mawhnei mi in ama thuakna i ngaihsun zo kei hi. Nihna-ah gim thuakna-ah Khrih gim thuakna i mangngilh loh ding kisam hi. Khrih hong thuaksaknate hangin a kamciamte ngakin i om hi.

John 10:28, Romans 6:23, Titus 1:2, leh 1 John   2:25 sim in. Eite bang hong kikamciam hiam?

Bangbang gimna i thuak zongin Jesuh tungah i lungdam ding kisam hi. I mawhna hangin Ama gim thuaknate hangin i lungdamna lian mahmah hi. A hong hotkhiatna lungdamna thu hangin i lungdamna lian hi.Upna tawh tu-in Jesuh sungah kicinna i ngah thei hi. Tawntung nunna kamciam i nei hi. Khrih hong sepsaknate hangin eite in kamciam nei ihi hi.Ama nunna kicinna hangin, Ama sihna kicinna hangin i nunna in gimna, natna, lungkiatnate tawh kidim hi talehh tawntung nunna, i luah ding vanthak leh lehithak in a hong ngak hi. Tua munin natna, sihna om lohna mun hi ding hi. Khrih thuakna hangin kamciam khempeuh i luah ding hi. Sihna a thuak khit nungah vankahto-in ni khat ni ciangin hong paikikin gimna sihna om nawnlohna munah lungkimna khempeuh tawh a tawntungin i nungta ding hi (Isa. 53:11).

 

FRIDAY           September 23

 Ngaihsutbeh Ding: Ellehn G. White, “Gethsemane,” pp. 685–697, leh “Calvary,” pp. 741–757, in The Desire of Ages sim in.

 

“Khrih in thum vei bang a ging khia-in thungen hi. Thum vei bang singlamteh lehlin a tuk hi. Tu-in mihingte thu in lehitung Honpa mai-ah a hong kilang hi. Amah in thukham palsat mite a hong mu hi. Amah in hong nusia hi lehh mihing khempeuh kisia khin ding hi. Amah in mihingte cihmawhna a hong mu hi. Amah in mawhna vangliatna a mu hi. Ama mai-ah dahna, khanate a kahto hi. Amah in a hong tung ding siatnate amu hi.Ama khensatna zong a nei hi.

Jesuh in bangbang a piang zongin mihingte honkhia ding hi. Amah in sisan tawh kiphumna a sang hi.Ama sihna hangin sim zawh lohin a tam mawhnei mi in tawntung nunna a ngah ding hi. Amah in vantung tokhom nusia-in, vangliatna, siangthona khempeuh nusia-in a mangthang tuu khat, thukham palsatna hangin a mawh hih lehitung honkhia dingin hih lehitungah a hong pai hi. Ama nasep nusia-in a nukik kei hi. Mawhna zolna khempeuh nial zo-in thungetna tawh zawhna ngah hi. “ Hih hai tawh hong kipelhsak in; ahi zongin nangma deihna bangin piangzaw ta hen, ci-in thu a ngen hi.” Ellen G. White, The Desire of Ages, pp. 690, 693.

 

KIKUP DING DOTNATE

1.    Pasian in Khrih sungah gimna hong thuak hi. Ama gim thuakna kuamah in i thei zo kei ding hi. I gim thuakna in Khrih gim thuakna bangci bangin hong theitelsak hiam? Eite aitangin Khrih thuak gimna in eite adingin bang khiatna nei hiam? Hih a lamdang thu panin khamuanna bang na ngah hiam? Na dawnna na ngaihsut kawmin Ellehn G. White gelh thu ngaihsun in: “Mawhna hangin hong tung gimna khempeuh mawh nei lo Pasian tapa angsungah hong kiguangsuk hi.” Selehcted Messages, book 3, p. 129.

2.  Tu kaal sung a Khrih thuak gimnate na lawmte tawh kikum in. Khrih in bang gimna a thuak hiam? Bangci bangin i thuak gimnate leh Ama thuak gimna in bang kilamdangin bang in kibatna nei hiam? Hih thu tungtawnin i thuak gimnate zozo thei ding i hiam?