LEHSSON 12 | September 10 -16 Khaici bangin Sihna

 

 

LEHSSON 12    September 10 -16

KHAICI BANGIN SIHNA

 

 Sabbath Nitak

 

Tu Kaal Sung Sim Ding: Phil. 2:5-9; Rom. 12:1, 2; 1 Sam. 2:12–3:18; 1 Sam.

13:1-14; Zech. 4:1-14.

KAMNGAH: “Ken a mantakpi kong genin ah buhhum khat in lehi tungah kia-a a sih keilehh amah bek a om ding hi. Ahih hangin a sihlehh ga tampi a gah thei hi.”(John 12:24).

Jesuh in a thuhilhna-ah mangbuhtang sihna tungtawnin Pasian tungah kipiak dingzia hogn hilh hi. Amasa-in khaici kituh hi. Khaigah in a kung tung panin kiasuk hi. Lopa a kipan a deep ding bangmah om lo ahih manin khaici muatin hong po hi. I nunzia in khaici bang hi-in khaici in si lo-in a kungpo kei lehh bang khiatna nei ding hiam? Thumna-ah sihna thu kimu thei hi. Khaici in si kei lehh ankung piang thei lo ding hi.Khaici in ankung khatin a po dingin khaici a sih kul hi. Tua sihna panin ankung khatin po a gah tampi a ngah thei ankung a suak ding hi.

Tu kaal sung thusinna tometna: Pasian geelna in ei adingin hoih pen hi, cih i theih naklehh bang hangin hamsatna pelh ding i hiam?Kipiakna tawh kisai-in Khrih in bangci bang etteh ding hong nusiat hiam? Khaici sih leh ankung pianna panin nuntakpih ding bang thu na mu hiam?

 

SUNDAY                                September 11

Nasem Dingin    Kipiakna

 

Philippians  2:5-9  sim in. A thupi thu bang hong hilh hiam?

.Tulai khuahun paizia in mihing suahtakna ultungsak phadiak hi. Mihing suahtakna in hoih mah hi; ahi zongin Jesuh tawh kizopna-ah mihing deihna nusia-a i Pa Pasian nasem dingin kipiak ding hi zaw hi. Hih in tawntung Pasian Gam adingin a kisam thu ahi hi. Mihing deihna nusiat ding cih pen a piang thei lo thu hi lo-a, mihing in eima deihna damdamin kinusia thei hi.

Tua bang dinmun in nopsak lohna leh gimna tuamtuam hong tun thei hi.

Jesuh nasepzai ngaihsun in (Phil. 2:5-8). Philippine sungah Jesuh in a Pa mai-ah ahong kiniamkhiatna thu thum kimu thei hi. A pat akipanin Paul hong hilh thu in: Khrih Jesuh lungsim bang na nei un” ci-in hong hanthawn hi. (Phil. 2:5).

Jesuh in mihingte a hong hotkhiat nadingin Pasian ahihna nusia-in Pa tawh kikimna zong hemkhia-in lehitungah mihingin hong piangin ciangtan nei mihing khat hong suak hi (Phil. 2:6, 7)

Jesuh in lehitungah a hong pai-in vangliatna nei mihing leh minthanna nei mihingbangin hong pai lo hi.Ahi zongin mihingte sila khatin hong pai hi (Phil. 2:7, 8 ). Mihing sila-in hong piangin Jesuh in nopna tawh nungta lo-in tawmvei sung bek hong nungta hi; ahi zongin Pa sawlna bangin a sih dongin a thumang hi.”A sihna-ah zong minphatna leh liatna tawh a si hi lo hi. A nuntakna a bei dongin sawlmang hi; singlamteh tungah a hong sih dongin thumang hi (Phil. 2:8).

Jesuh nunzia panin na nuntakpih theih ding bang na mu hiam? Mimal suahtakna leh mi khempeuh kiza kim hi, cih thu in thu hoih hi-in dalhuai thu ahih lehh, khat veivei ciangin mimal suahtaknate hepkhiat kul hun om ahih manin, hih thu koi bangin tel thei na hiam?

Philippians 2:9 sim in. Hih in bangci bangin Pa deihna tungah kipiak ding hong hilh hiam? Kha Siangtho tung panin pilna ngen in. “ Keima suahtakna (rights) lehncipin Jesuh tawh kizopna leh ka kim ka paam tawh kizopna bang in hong dal hiam? cih kisittel inla, nangma suahtakna ultungsak zaw ding maw, midangte phattuam nading leh Jesuh adingin nungta zaw ding maw, cih khensat in.

 

MONDAY                      September 12

Pasian Deihna Theihma-In Sihna Masa Zaw

 

Khristian tampi in a nuntakna uah Pasian deihna thei nuamin lungsim takpi tawh zong ciat uh hi. “ Ka nuntakna-ah Pasian deihna thei tel hi lehng, na khempeuh Ama adingin a piakhia ding hi, ci uh hi.” Hih bangin kamciam pia khin hi mah talehh Pasian deihna in bang hi ding hiam, ci-in mi tampi in lungbuai uh hi. Tua bangin lungbuai-na a hang thu in Romans 12:1, 2 in pulaak hi. Paul in Pasian deihna i theihzia ding a hong hilh hi; a thupi thu zong a hong hilh hi: “ Pasian deihna na theih noplehh na kipiak masak kisam hi.

Romans 12:1, 2 sim in. Paul in a laigelhna-ah Pasian deihna bang hi ding hiam cih sittel unla kantel un, ci-in hong sawl hi (Rom. 12:2); bang hun ciangin kantel ding i hiam cihleh

1.      Pasian hehpihna theihtelna na neih ciangin (Rom. 12:1).

2.    Pasian tungah ei mahmah a hing biakpiakna-in i kipiak ciangin (Rom. 12:1).

3.    I lungsim ngaihsutna thaksuaksak ciangin (Rom. 12:2).

4.    Lungsim ngaihsutna thaksuah ciangin Pasian deihna i theithei ding hi. Ahi zongin hih thaksuahna in angsung huaihamna sihna tawh thaksuahna hi ding hi. Khrih in ei adingin sihna in kicing lo hi; Amah a hong sih ding ahi hi.

 

Ci leh sa deihna a sih nai keilteh Kha Siangtho ngen in. Ci leh sa si-in Khrih deihna bangin na nuntak nadingin a kisamlai thute ahong huh dingin Kha Siangtho kisam hi lo na hiam?

 

TUESDAY              September 13

Thungaihnopna Lungsim

 

"Topa hong pai-in hong ding a, a hun dangte-a mah bangin, "Samuel! Samuel!" ci-in a sam hi. Tua ciangin Samuel in, "Hong gen in, na nasempa in za hi," a ci hi.(1Sam. 3:10). Kha Siangtho hong hopihna awneem na za ngei hiam? ahi zongin za lo na neih kha ngei hiam? Tua bangin Kha Siangtho hong hopihna na zak lohna hangin buai-na lianpi na tuakkha ngei hiam? Anung ciangin bang hangin Kha Siangtho hong hopihna ngai lo ka hiam , ci-in na ngaihsutkik hiam? Amasa-in Samuel in a pulaak thu in kamsangpa teekta-in a ta nihte in gitlohna tawh kidim uh hi.Amaute in Topa hopihna a ngai nuam kei uh hi. Pasian tung panin vauhilhna ngah mahmah uh hi talehh tua lamlahna, vauhilhnate awlmawh kei uh hi.

1 Samuel 2:12-3:18 sim in. Pasian hopihna a ngai mite leh a ngai lo mite kilamdannna ngaihsun in.

Eli tapa nihte in Pasian thu lungngaih ding sangin lehitung thute a ngaihsun zaw uh hi. Pasian in Eli in a tapate thu hilh dingin genkik kik hi mah talehh kamsangpa in bangmah a sem tuan kei hi. Atate in zong Pasian deihna tungah ki-ap lo uh hi. Samuel tawh kilamdang zensi!

Thuhilhsia Charlehs in Pasian hopihna tawh kisai a pulaak khat in "panna lam nei lo-in kalsuanna" cih thukhatpulaakhi.Amagenna-ah: "Kha Siangtho in thu theih nading bekin hong hopiih hi lo hi.Ama hong hopihna i dawnkik ding deihna tawh hong hopih hi. I geelna thute in i lungsim hong buaisakin Kha Siangtho hong hopihna i za kei kha thei hi. Kha Siangtho hopihna na ngaih keilehh, Amah in hong hopih nawn lo ding hi. Ama hong hopihna aw za-in Ama nungzui dingin hong deih hi." Charlehs Stanlehy, The Wonderful Spirit-Fillehd Life, (Nashvilleh, TN: Thomas Nelson Publishers, 1992), pp. 179, 180.

Stanlehypulaak sa lah sa lo alum milmial cihthu in bang a deihna nei hi dinghiam? Kha Siangtho honghopihna aw nazak ding hong khak thute bangci bangin na dal thei ding hiam?Pasian hong hopihna ngai-in Ama deihna bangin kalsuan ding na khensat ciangin koi banginAman hong makaih hiam?

 

WEDNESDAY          September 14  

Ei Leh Ei Kimuanna

 

Eve in Eden Huan panin mawhna sung hong tung hi. Bang hang hiam cih lehh amah in Pasian kammal muanlahna nei hi. Amah in ama ngaihsutna bul phuhin a sia leh a pha khentel thei dingin ngaihsun hi.Ama khensatna muangkha hi. Pasian kammal muang lo-in ei leh ei i kimuanna hangin siatna namcin in hong tuam hi. Saul tangthu in ei leh ei kimuanna hangin manlang takin gimnate in nungzuihpah ahihna hong hilh hi.

. Samuel in Pasian kumpi dingin Saul seh hi (1 Sam. 10:1). Tua ciangin Samuel in thuhilhna tuamtuam kiciantakin a pia hi (1 Sam. 10:8); ahi zongin Saul in tua hilhna a mang nuam kei hi.

Saul tangthute 1 Samuel 13:1-14 sungah sim in. Bang thu in Saul kiatna piangsak hiam?

Saul in kumpi a sep khit cinagin a kumpi tokhom akiatna a tunpih thu thum om hi. Hih thute in thusia hi pah lo hi. Ahi zongin tua thute sungah siatna hong tunpih thei thute kihel hi. Bang hang hiam cihlehh tua thute in Pasian tungah kinga lo thu vive   hi. Saul kiatna thu ngaihsun in. Amah in “ Ka galkapte in Samuel om loh kaalin mun citengah kithehthang mang khin uh hi” (1 Sam. 13:11). Saul in kim leh paam panin huzaap lianpi a thuakthuak hi. Amah mah in ama ngaihsutna suangin thu a khensat hi. Saul in ka mu hi cih thu panin ka pulaakkhia hi, ci-in a pulaak hi. Tua hunin Philistine mite in amaute a zo khin gawp uh hi (1 Sam. 13:12). Ama mih muh thute in a pulaak thute huzaap hi; amuhna siksanin upmawh thu a pulaaklaak hi. Saul in “ Ka pulaak hi,” cih kammal panin “ka tuakkha hi,”ci-in a pulaak hi. Biakpiakna pia dingin a sawl teitei hi (1 Sam. 13:12). Hih ngaihsutna in Saul thuakna lamlak hong suak hi.

A tunga i gen thute bangmahin mihing in muhna siksanin i kalsuan nuam diak hi. I phutkhak thute in i ngaihsutna hong huzaapkik lehulehu hi. Tua hi-in i tuah thute tungah a kinga nuam mite ihi hi.

Pasian in Saul limtakin thu hilh khin hi napi, bang hangin Saul in ama ngaihsutna zui veve nuam hi ding hiam? Mihing in khialhna tawh kidimin khial thei mihing theihna in kiciing lo hi, cih thei hi napi, bang hangin ei leh ei kimuang i hiam? Ei leh ei kimuan sangin Topa hong lamlahna muan zaw ding hi lo hiam?

 

THURSDAY                           September 15

Mi khat Taangin Kiguanna

 

Zanni taka i gensa bangin Pasian deihna tungah kipiakna in mihing thahatna sung kinga lo hi. Jesuh in Pasian taanga a hong ding khin hi. Mi kimkhat in lungkia uh hi. Tua bang lungkiatna a ven nadingin van deih tuamtuam lehi-in hun leh sumte zang uh a, tua bangin lungkhiatna panin suakta thei dingin lametna nei uh hi. Mi kimkhat in lunghianna, lungkim thei lo-in nungta uh hi. Tua bang mite in minthanna zong uh hi. Pasal kimkhat in a zite uh tawh hamsatna tuamtuam a neih uh ciangin nupa kizopna, kinaihna nusia uh hi.

Lunggimna tuamtuamte a veengsak thei ding lampi tampi om hi.Tua bangin buainate veeng tei hi mah talehh, mailamah a tuahkhak uh hamsatnate leh buai-nate zozo lo uh hi; koi bangin buai-nate kantan zo thei ding cih a thei kei uh hi.Pasian bek mah in tua bang buai-nate a beisiangsak thei hi. A tamzaw-ah i kingakna in Pasian tungah hi lo-in mihing tungah i kinga zaw hi. Pasian tangin midang i muan zawkna thu thumte

1. Pasian hotkhiatna tungah kingak ding sangin mihing ngaihsutna leh tuahkhak thute tungah kingakna hi.

2. Pasian ompihna tawh kidim lehhang i lungsim hong buaisak thei nate daltan.

3. Pasian tawh kizopna ngen lo-in thuman lampi panin lampialin Pasian makaihna pelhna

 

Zechariah in bang thute mitsuan ding leh zia-etna i tuah ciangin a hong huh thei ding thute mitsuanna. Kum tampi khit ciangin saltang innkuan tampi in Babylon panin hong ciahkiuh a, Jerusalehm biakinnpi lam kipanpah uh hi. Lamet loh khatin langpanna a thuak uh hi ( Ezra 4– 6). Tua hi-in Zechariah in nasep makaipi Zerubbabel tungah hanthotna thupuak gen hi. Hih thupuak in Zechariah 4 sungah kimu thei hi.Zechariah 4:6 sunga thu in bang khiatna nei hiam? Bangci bangin Kha Siangtho huhna leh panpihna tawh biakinnpi lam ding kizo thei hiam? Hih thu in Kha Siangtho leh nuntak kalsuanzia kizopna bang hong hilh hiam? Pasian in tua langpanna om dingin phal hi; Zerubbabel in lunggimna thuak dingin zong phal hi. Pasian in i phutkhak ding langpannate panin hong dal tawntung lo hi. Ahi zongin langpanna i tuah ciangin i tuahkhak hamsatnate in Pasian tungah kingak ding a hong hilh uh hi.

Na lunggim ciangin amasa penin bangci bangin na do hiam?Anne maw? Thungen maw? Telehvision en maw? Pasian tungah ki-ap maw? Hih dotna na dawnkikna in na nunzia leh bangteng kikhel ding kisamlai ahihna hong hilh hi lo hiam?

 

FRIDAY                       September 16

Ngaihsutbeh Ding: Ellehn G. White, “Eli and His Sons,” pp. 575-580, and “The Presumption of Saul,” pp. 616– 626, in Patriarchs and Prophets sim in. Pasian tungah kipia hi lehhang silehsa deihnate, angsung huaihamnate hongsi ding hi. Tua panin midangte adingin mantakin na nungta thei ding hi. Pasian tungah kipia masa lo-in Amah tawh nungta khawm kei lehhang Pasian hong hopihna aw i za thei kei ding hi. Vantung i Pa deihna bangin i kalsuan theih nadingin a lauhuai ei leh ei kimuanna hemkhia-in a vanglian Pasian kammal leh Ama tha i muan ding kisam hi. Khrih bangin Pasian deihna tungah i ki-ap hi lehhang hamsatna i tuah ciangin Ama tungah kinga ding a hong hilhna ahihlam i phawk thei ding hi.

“Eli gitnat lohna in nulehpa tung thuhilhna lianpi khat hong suak hi. Amai-ah a sep ding kilak khin hi napi a sep ding awl mawhloh manin a tanihte mawhna gah lianpi a atpah hi. Nulehpate in tate siatna a awlmawh kei uhlehh Pasian mai-ah mawhna thaman lianpi a sang ding uh hi. Pasian in tua bang awlmawhlohna mawhna mai nading biakpiaknate a sang kei ding hi. Ellehn G. White, Child Guidance, p. 276.

 

KIKUP DING DOTNATE

1.    Pasian Tapa in i mawhna a mai nadingin mihingin hong nungta-in gimna zia-etna lianpi hong thuakna na lawmte tawh kikum in. Hih thu in kipiakna leh angsung deihna nialin midangte phattuam nading nuntakna thu hong hilh hi lo hiam? Jesuh sep bangin sep zo lo ding hi mahta lehhang, i nuntakpih ding A hong lah thu guipi in i mai-ah om tawntung hi. Bangci bangin Jesuh in singlamteh tungah i nunzia ding hong hilh hiam?

2.                  Mi tampite adingin Pasian tungah kipiakna in bang thuak ding cih thei khol lo uh hi.Pasian tungah kinga lo-in mihing hihna tungah kinga mite bang lamlahna pia thei ding na hi hiam? Mailam thu ding theihkholh lohna hangin lau-na tawh a nungta mite tungah bang thu na pulaak ding hiam?

3.                   Pasian deihna a thei lo mite adingin thungetna nei in. A kip tawntung lungnopna sung a nuntak nadingun thungetsak in. Tua kawmkalin tua bang mite in Pasian tungah akipiak zawh nading leh Pasian lampi in a hoih pen lampi ahihna amuh nadingun bangci bangin na huh thei ding hiam, na lawmte tawh kikum in. Lamkhat panin gen lehhang, midangte in Pasian atheihtel nadingun nangmah hong zang thei ahihna , Ama itna a theihtheih nadingun leh kipiaknopna lungsim i neih nadingin koi bangin Pasian in hong zang thei hiam?