LEHSSON 11
September 3 - 9
HAMSATNA SUNG PAN NGAKNA
SABBATH NITAK
Tu Kaal Sung
Sim Ding: Rom. 15:4, 5;
Rom. 5:3-5; 1 Samuel 26;
Late 37:1-11.
Kamngah: Ahi zongin Kha Siangtho gah in lungduaina hi (Galatians 5:22).
Lehitung
mipilte in naupang kum 4 gual kimkhat tungah marshmallows (nektheih moh nam
khat) tawh kisai a theih nop thu khat uh amuh khiat nadingin experiment khat
bawl uh hi. Naupangte in amau nek ding tek marshmallow lehi dingin kisawl hi.A
lehi khit hangin ne nai lo-in a moh hong tawi kikte in nih ngah uh hi. Naupang
kimkhat in a lehi khit uhteh ne pah uh hi; pawl khat in a hihlehh ne un, ci-in
a kisawl mateng a ne kei uh hi. Tua bangin a ne pahte leh nek ding a ngak naupangte
ciamteh uh hi. Hih naupangte kum 10 val a phak dongun tua mipilte in ciaptehna
nei uh hi. A kipiakteh a ne pah lo naupangte in a nuntakna uhah picing zaw uh
hi, cih mu khia uh hi.
A hoih zaw
lampi zui-in hanciamte in bangmah hanciamna neilote sangin kimuanna a nei zaw
veve uh hi. Tua hi-in lungduaina in na thu leh leh thu hoih zaw a hong lak hi;
mihingte hoihna sangin alian zaw hoihna a hong lak hi. Tua hi-in mihing in
lungduai ding kisin tohtoh ding Topa in hong deih hi. Tukaal sung thusinna-ah
hamsatna nungah a kimu thei thute a diakdiakin ngakna tawh kisai thute i kikum
ding hi.
Tukaal sung
thusinna a tomin etna: Bang hangin na khat peuhpeuh i ngah nadingin ngak kul hi
ding hiam? Hamsatna sungah lungduaina tawh kisai-in nuntakpih ding thu bang na
mu hiam?
SUNDAY September 4
A Lungduai
Pasian
Romans 15:4, 5 sim in. Hih thute in bang thu hong hilh uh hiam?
Na khat peuhpeuh thu khat peuhpeuhah i lungduai zo kei hi. Kamciam khat a tangtun ding i ngaklah den hi. I lungulhna khat i ciang bekin a lungdam theite ihi hi. I deih na le thute i deih hunhunin i ngah thei tuan kei hi.I deih ngah hun ciangin hehsuak theilai, ki lungduai zo lo hi. Hih bang dinmunah i om ciangin lungdaihna le Pasian sungah muanna i nei thei kei hi. Ngak cih pen a hamsa mahmah khat hi. Hebrew tawh kigelhnate-ah ngak cih kammal in “lungduai takin ngak’ cih khiatna nei hi (Late 37:7); tham lo-in “gimna lianpi thuak’ “ kiling” “ lauthawng’ “ liamsakna” “ dahna tawh kidim” cihna zong hi. Lungduai kisin ol lo hi. Khat veivei ciangin lungduai i ci in hamsatna sungah om cihna hi.
Late 27:14, Late 37:7, le Romans 5:3-5 sim in. Hih munte in bang hong hilh uh hiam? Lungduaina in bang dinmun hong tunpih hiam?
I ngak kawmin thu nih i ngaihsun thei hi. I ngak thu i ngaihsun thei hi. Ahih keileh i ngah ding a hong Piapa i ngaihsun thei hi. Hun sawt ngak loh ding thu khat i ngak ciangin i lungsim puakzia in thupi hi. Topa muangin Ama khut sungah ki-ap hi lehang, i lungsim khempeuh Ama tungah pia-in, ei adingin a hoih pen hong sem ding hi, ci-in muanna nei hi lehang, bang bang hamsatna ahi zongin i zo thei ding hi.
Bang thute
ngakin nungta na hi hiam? Bangci bangin Topa tungah ki-apin na khempeuh Ama
hunhunin hong sem na ding hi, ci-in muang thei ding i hiam? Na lungsim khempeuh
le na nuntakna khempeuh Topa ap dingin thungen in.
MONDAY September 5
PASIAN HUN SUNGAH
Romans 5:6 le
Galatians 4:4 sim in. Pasian hun tawh kisai bang hong hilh uh hiam?
Hih munte-ah
Paul hong gen thu in Jesuh in ei adingin a kiseh hun a cin ciangin sihna a hong
thuak hi, ci hi. Ahi zongin Paul in hong hilh loh thu khat in bang hangin tua
hun in hun hoih hi thei hiam? cih thu hong gen lo hi. Hih thute simnop bilbelin
thu lamdang zong hi. Bang hangin Jesuh in mawhna hangin a hong sih ding hun kum
tul tampi ngak hi ding hiam? Vankhuanuai khempeuh in mawhna siatna thu theitel
lo hiam? Bang hangin Jesuh in a hong paikik ding hun ngak hi ding hiam, ci-in
zong i dong nuam hi. Ka thungetna hong dawng dingin Jesuh in bang hangin hun
sawtpi ngak hi ding hiam?
Gentehna-in nipi 70 genkholhna (Dan. 9: 24- 27) tawh kisai thu ngaihsun in. Hih genkholhna in Messiah a hong pai nading thu hi. Hih genkholhna in bang tan sawt hiam? Hun sawtpi-in i ngaihsut hangin, Pasian in Ama hun hong tun ciangin a sep ding thute ngakna tawh kisai bang thu hong hilh hiam?
I ngak hun
sungin thu upna tawh kisai i muh ding thu tampi om hi. Amasa-in ngakna in i
ngak “thu le nate” tawh hong kigamla sak thei hi; Pasian mahmah tawh hong
kinaisak zaw thei hi. Nihna-ah ngakna in i lungsim le eima deihnate hong
puahpha thei hi. Thumna-ah ngakna in lungduai-na, thu upna-ah thahatna hong
guan thei hi. Li-na ngakna in thu upna tawh kisai thahatna tuamtuam, upna le
muanna hong guan thei hi. Nga-na ngakna in i tel zawh loh thute-ah Pasian
muanna hong guan thei hi. Gukna i ngakna a thu i theitel khin zo kei ding hi.
Tua hi-in upna tawh nuntak ding kisin ding kisam hi. Ngakna a hang thu na thei
hiam?
Lai Siangtho
sung panin Pasian in Ama hunhunin a hoih penin nasemin Amah in nang adingin a
hoih pen hong sem ding hi, cih na pulaak ding aom hiam? (Gentehna-in Abraham le
Sarah tunga kamciam tapa thu ngaihsun in). Nang le nang kidong in thungetna
khat Pasian in ahong piak pah loh ciangin bang nasemkha thei hiam?
TUESDAY September
6
David: Ngakna-Ah Etteh Ding
1 Samuel
16:1-13 sunga kigelh thu in David in khangno khat hi-in kumpi dingin Samuel in
sathau nilh hi. Ahi zongin a pa lo nasepna panin Jerusalehm kumpi tokhom tung
atut nadingin kum tampi a ngak hi. Kumpi tokhom tunga tutma-in zong hamsatna
tampi a nawkkha hi. Amasa-in naupang David in Saul lunghamna a ven nadingin
tumging vatum hi (1 Samuel 16). A nungciangin David in Goliath migolpa thatin
Israel mite galhangpa khat hong suak hi (1 Samuel 17). Tua khit ciangin David in
a nuntakna huu dingin kum tampi sung galtai-in a om hi. Saul leh a tapa
Jonathan in David in a sawt lo-in kumpi suak ding hi, cih thu thei uh hi.(1
Sam. 23:17, 1 Sam. 24:20). Ahi zongin David in Pasian piak a tun nading mun
ngak hithiat lehl hi. A taktakin Pasian geelna langdo tawh kibang phial hi.
David in kumpi Saul puanmong a atkhiatsak hi. Tua bang bawl dingin a ngaihsun
ngei kei hi. (1 Sam. 24:5-7). Tua khit ciangin khat vei Saul in David a that
sawm lehulehu hi (1 Sam. 26:7-11).
1Samuel 26:1-11 sim in. Bang hangin David in Saul that nuam lo hi ding hiam? Pasian in i nuntakna-ah Ama geelna bangci bang tangtungsak hi, cih thu guipi hong hilh hiam?
1 Samuel 26:12-25 sim in. Koi bangin David in Saul a thahnoplohna hangin Saul nunna sukha hiam? Hih thu in Pasian ngakna hangin i hamphatnate bang hong hilh hiam?
David in kumpi tokhom tungah a tut theihna thu khempeuh laigual khat tawh
kipulaak thei hi mah talehh Pasian hong piak thuman i tel zo kei ding hi. Hoih
a sak hunhunin a hong piak Pasian lehtsongte in ei adingin a hoih pen pen hi; a
khut tung pan i san thuphate in a lian pen thupha hi. Tua bang thuphate i ngah
nadingin hun sawtpi i ngak a kul thei hi. Khaigah khat hun tomno sungin hong
khangin gahkhiapah thei hi. Ahi zongin gel sing khat a khan nadingin kum tampi
i ngak kul hi. Ahi zongin huihpi a nun ciangin tua singkung lianpi in kipuk zo
lo hi.
David in Saul
that nuam hi lehh olno takin a nuntakna laksak thei hi. (Bang hng hiam cihlehh
kumpi tokhom luah dingin Daivd in kamciam a ngah khin hi; Saul lah gitlohna
tawh kidim hi. Ahi zongin ama gamtat in Pasian sungah a upna kilangsak hi.
Ngakna tawh kisai- in David nunzia panin na nuntakpih ding bang thu na mu thei
hiam?
WEDNESDAY September 7
Elijah: Nawhtatna Hangin Buai-Na
Carmel Mual
tunga biakpiakna kizo khin hi (1 Kings 18). Vantung panin meikuang hong kia suk
hi; mi khempeuh in a nungta Pasian theihtelna nei uh hi. Kamsang zuau khempeuh
in thahna thuak uh hi. Pasian in mawh na thukhenna nei hi. Elijah in upna
thahat mah mah mi khatin na ciamtehkha ding hi. Hun hong pai toto-in thakhat
thu-in awging liapi khat a za hi. Tua bang teng a tuah nungah sih ding a
lunggulh hi.
1 Kings 19:1-9
sim in. A nunung kammalte in dipkuatna kammal vive hi. “Tua ciangin Elijah
tungah Topa kammal hong tunga “Hih munah bang hih na hi hiam? (1 Kings 19:9).
Kitel tak leh kician takin azak Topa hopihna kammal hangin Elijah lau-in a pai
loh ding munah a vatai hi. Karmel Mual tungah Topa vangliatna a muh khit
ciangin, Elijah in upna leh muanna tawh kidim buanglehh kilawm hi. Ahi zongin a
sihkhak ding lau ahih manin a tai khia hi. A hoih lo hih thu piang panin
nuntakpih ding bang thu na mu hiam?
Hih thupiang
in a thupi mahmah thu khat hong hilh hi. Thu ngaihsun lo-in nawhtatna in
khialhna hong tunpih thei hi. Elijah dinmunah lau-na hangin sehnel gam a tunpih
hi; tua mun atun ciangin mihingin a piankhak sese akisik hi. Tua hi-in Pasian
in ei ading ahong geelkholhsak thute tawh a hong kipelhsak thei thu tampi om
hi, cih i phawk ding kisam hi.
Pian.16:1-3;
Gam. 20:10-12; Thkn. Judg. 14:1-3;
Matt. 20:20, 21; Luke 9:52-56; Sawl. 9:1 sim in. Bang thute in Pasian deihna
tawh hong kipelhsak thei hiam?
Hehna,
thangpaihna, lunggulhna, uplahna, Topa ading ut luatna cihte in a lauhuai
dinmun hong tunpih thei hi. Hih bang dinmun i tun loh nadingin Pasian hong
hehpihna leh Ama hoihna a muan semsem ding kisam hi. Amah in eite adingin a
hoih bel a thei Pasian hi. Mihing ngaihsut bangin nate in hong piangpahpah lo
hi. Upna in Pasian hong piak lehtsong hi. Ahi zongin hih piakkhong pen
phungvuh, zuun toto kul hi; kepcing kul hi. Hazatnate dal kul hi
THURSDAY September 8
Topa Sungah Lungdam Dingin Kisin
“Topa sungah
lungkim in. Tua hilehh Amah in nalungsim deihna hong pia hi.” (Late. 37:4).
Late 37:4 in a lamdang mahmah kamciam khat hi. Na lunggulh, na deih khat ngah
tawntung ding cih thu ngaihsun in. Ahi zongin i deih khempeuh in Topa sungah a
kingak ding kisam hi. Tua hi-in “Topa sungah lungkim cih a khiatna in bang hi
ding hiam?
Late 37:1-11
sim in. Late 37:4 thu bulphuh lamdangsa thei ding hi teh. David in a gelh
laitakin a kim a paam a mite in Pasian langpan uh hi. Langpanna na thuak
ciangin i heh suak hi lo hiam? Ahih keilehh keima dinmun man hi, ci-in ngaihsun
hi lo i hiam? Ahi zongin David hong hilh thu in thutuampian hi.
Hih a nuaia-te
in langpanna thuak Pasian mite tungah David in bang hong hilh hiam?
Late 37:1
___________________________________________
Late 37:5
___________________________________________
Late 37:7
___________________________________________
Late 37:8
___________________________________________
Late 37:4
simkik in. A tunga Lai Siangthote na sim khit ciangin Topa sungah lungkim cih
thu koi bangin na tel thei hiam?
David in Topa
muanzia ding lampi tuamtuam tawh hong hilh phapah hi. Topa muan ding leh muanna
tawh kalsuan in. Heh kei in. Bang hang hiam cihlehh Pasian in nangma Pasian hi;
Amah in nangma adingin nasem hi; tumahmahin zong nasem hi. Nangma hoih saksak
bangin kalsuan kei in. Na khempeuh uk nuam kei in. Vantunga na Pa in na
khempeuh uk hi, cih thei in.Amah muang in. Na nuntakna khempeuh tawh muang ngam
in.
Hih thute
siksanin David in Topa sungah lungkim ding thu hong hilh phapha hi. Topa sungah
lungkim i cih ciangin muanna takpi tawh nuntakna hi. Tua lungnopna bang mahin
hong susia thei kei ding hi. Bang hang hiam cihlehh Pasian in ei tawh hong
omkhawm hi. Amah i phat thei hi; i nui thei hi. Bang hang hiam cihlehh kuamah
Pasian tungah a om kei hi. Hih bangin i nungta thei hi. I deih tak naklehh Topa
sungah lungkimna i ngah ding hi. Bang hang hiamcihlehh itna tawh kidim vantunga
i Pa hong piak nop khempeuh i ngah takpi ding hi, cih i thei hi. Tua thute in
eite hamphat ngah nading leh Ama gam adingin a hong pia ding hi.
Koi bangin “
Topa sung lungkimna ngah dingin kisin thei ding na hiam? Thungetna hun zang
inla, Pasian lamlahna ngen in.
FRIDAY September
9
Ngaihsutbeh
Ding: Ellehn G.
White, “The Anointing of David,” pp. 637–642, in Patriarchs and Prophets sim
in. Ei adingin Pasian hong geelsak thute ngak kul hi. Tua bangin i ngakna-ah
gimna hamsatnate i tuahkha thei hi. Tua bang hun ciangin lungduai-na kisam a,
Pasian mitsuan in Amah in eite adingin nasem hi, cih i muan ding kisam hi.
Ngak nading
ahang thu tampi om hi. Ahi zongin eite ngak bel in eite adingin Pasian hong
geelsak thute leh Ama gam a hong tun ding ngakin i om hi. Ngaklah luatna hangin
Pasian kamciamte tawh i kipelhkha ding hi. Ahi zongin Amah muanna nei-in Ama sungah
lungkim hi lehhang a kamciam tangtung i mu ding hi. Topa in i tuahkhak
hamsatnate ciamteh hi. “ Gim ka thuakna-ah Pasian deihna ka phawk theih loh
hangin Amah in kei adingin a hoih pen a thei hi; ka nuntakna, ka pumpi leh ka
ngaihsutna khempeuh Amah ka pia ding hi; Amah in citakin a ciampel lo kei hong
Piangsakpa hi. ‘Tua hi-a ka up pa ka thei hi. Amah tungah ka kipiakna khempeuh
tua ni dongin a kem cing ding hi, cih ka thei hi (2 Tim. 1:12). Upa nei semsem
dingin kisin hi lehhang, itna, leh lungduai-na, vantung i Pa muanna cihte zong
hong khang semsem ding hi; tua bangin i kalsuanna-ah gimnate nawktan hi mah
talehng lungnopna leh daihna i ngah semsem ding hi.
“Topa in Jesuh
khut tawh kigamla-in paikhia-a gimna dahna a thuak ding deih lo hi. Vilin ngak
ding kisampha mahmah hi.Lampi manah ka kalsuan mah hiam, cih muh dingin
lamlahna i lunggulh kha hiam? I lampi zuih tawh kituakin lamlahna (sign) a om
keilehh ka lampi tot in man lo hi, ci-in ngaihsun kei in.”—Ellehn G. White,
Selehcted Messages, book 2, p. 242.
KIKUP DING DOTNATE
1. Gimna hamsatna khempeuh Jesuh in tawikhai hi, cih thu
a khiatna in bang hi ding hi ding hiam? I ngakna-ah hih thu in bangci bangin a
hong huh thei ding hiam?
2. Ngakna tawh kisai na lawmte dong in. A lungimna ah
zongin nuamna a hi zongin pulaaksak in. Bangci bangin lau-na ahi zongin nuamna
ahi zongin zozo thei uh hiam?A tuah uh thute panin bang thu mu thei uh hiam?
Bang kamciamte tungah kinga uh hiam?
3. Topa hong pai ding ngakin gimthuak mite nang mah in hi
talehh na pawlpi in bangci bangin a huh thei ding hiam?
4. Lungduai kisinna-ah thungetna in bang panmun nei hiam?
Lungduai kisin mi khat peuh adingin thungetna kisam a om hiam?
