LEHSSON 10 AUG 27- SEP 2
HAMSATNA SUNGAH LUNGNEEMNA
Sabbath Nitak
Tu Kaal Sung Sim Ding: Ezek. 24:15-27, Pai. 32:1-14, Matt. 5:43-48, 1 Pet. 2:18-25, Late 62:1-8.
KAMNGAH: “A lungnem mite in Pasian’ ciamsa lehitang ngah ding uh ahih manin thupha ngah mi ahi uh hi” (Matthew 5:5).
Lai Siangtho
sungah Moses nunzia leh Mual Tung Thuhilhnate cihte sung lungneem cih kammal
kiza mengmeng lo hi. Bang hang hi ding hiam cih tel hamsa lo hi. Lungneemna i
cih in “lungsim gimna, hamsatna khat peuh lungduai takin thuak tinten” cihna
hi.Tuhun ciangin tua bangin a lungneem mi muh hamsa mahmah hun hong tung hi.
Khat veivei ciangin Lai Siangtho teikhiate in ‘lungneem” cih kammal hong zang
uh hi. I gensa bangmahin hih lungneemna cih pen mi tampi in deihhuai khatin
ngaihsun lo uh hi. Ahi zongin lungneemna in gima khat peuh lungduai takin
thuakzawhna, hehna leh thangpaihna om lo-in thuakzawhna zong hi. Lungneemna pen
Jesuh nunzia- ah tampi kimu thei hi; Ama nung a zuite in zong lungneem ding
kisam mahmah hi. Tau himah talehh lungneemna bek tawh a kicing hi pah hi lo hi.
Gimna hamsatna a thuakte in lungneeum takin a thuak zawhna uh in a vanglian
mahmah galvan khat bang hi.
Hamsatna i
tuahkhak ciangin lungneemna zong a kisinsin ihi hi. Eite lungneemna tungtawnin
Pasian vangliatna a hong kilangkhia thei ding ahi hi. Tu kaal sung thusinnate
tometna: Gimthuakna leh lungneemna kizopna in bang hi ding hiam?Koi bangin
gimthuakna leh lungneemna in mite adingin teci hoih khat hogn suak thei hiam?
Khristian thu-um mite adingin lungneemna in thaneemna hi lo zaw-in thahatna hi
zaw thei hiam?
SUNDAY August 28
Akibalneen
Anlum Leh Lehnggahtui
Oswald
Chambers in a genna khatah eite in midangte adingin a kibalneen anlum leh
lehnggahtui ihi ding hi,” ci-in pulaak hi. Akhiatna in bang hi ding hiam?
Lai Siangtho
sungah ama nuntakna in midangte adingin a kibalneen anlum leh lehnggahtui a
bang mite thu kigelh i mu thei hi. Moses in a mipihte Khapsa Lehitung luah
dingin a makaihna-ah midangte gensiatna leh langpanna a thuak dingin sapna ngah
makai khat hi. Joseph in a khualzinna-ah a sanggamte nawlkhinna, zuakna thuakin
Egypt gamah sila dingin zuakna athuak dingin sapna ngah hi. Moses leh Joseph
nuntakna en lehhang, Pasian in a mite a hotkhiat nadingin gimna, hamsatnate a
thuak dingin phal hi, cih kimu hi; tua bangin gimna lianpi a thuak uh hangin a
nungciangin amaute in nopna leh tawldamna sungah a nungta veve uh hi. Moses leh
Joseph in amau nopsak nading bekin nungta lo-in midangte nopsak nadingin zong a
nungta uh hi. Pasian in amaute a zat bangin eite zong hong zang thei hi.Amaute
thuak bangin a thuak hi lehhang eite in hehna thangpaihna tawh i kidim kha thei
ding hi. Ahi zongin zanni-a thusin a om bangin lungneemna in tua bang
hamsatnate a hong kantanpih zo thei hi. Lungduai taklehh thangpai lo-in i nungta
thei hi.
Ezekiel
24:15-27 sim in. Bang thupiang om hiam? Bang hangin Ezekiel in tua bang
hamsatna phu dingin kiphal hi ding hiam?
Ezekiel 24:24
sungah Pasian in hihbangin gen hi: “Ezekiel in nang adingin lim hi ding hi; ama
sep bangin nang zong na sem ding hi. Tua thu hong tun tak ciangin nangmah in
Top aka hihna na thei ding hi.” Ezekiel thuak bangin Israelte in zong a thuak
ding uh hi; amaute in Topa Pasian in kua hi-a cih thei-in Ama vangliatna a
theihtel ding uh hi. Ezekiel genkholh bangin a tangtun ciangin amaute in
kamsangpa thuak thute leh ama phutkhak thute a thei thei ding uh hi. Mi bangzah
in i thuak gimnate tungtawnin Vanglian Topa theihna a nei uh hiam?
Gimna tawh a
kiphel thei kuamah i om kei hi. Bangci bang kitapkhapna na thuak ngei hiam? Tua
thu pani bang thu manpha na ngah hiam? Na thuakna tungtawnin midangte in
phattuamna a ngah nadingun Topa in koi bangin a hong zang hiam?
MONDAY August 29
Hehpihna Ngah Nading Thuumsakna
Pai. 32:1-14
sim in. Moses in bang masuan nei hi ding hiam?
Israel mihonpi
in kham tawh kibawl bawnglim a biak khit uh ciangin, amaute lampialna in lian
lua khin ahih manin Pasian in amaute tungah thu a khen hi. Amaute khempeuh
susia dingin a ngaihsun hi; tua ciangin Topa Pasian in a mite tungah hehpihna
lak dingin Moses in Topa tungah thuumna nei-in amipihte a susia lo dingin a
ngen hi. Moses ngetna Topa in a dawng hi. Pai.32:1-14 in a thupi thunih a
pulaak hi. Amasa-in a ngawngkhauh mite suksiat ding leh Moses tungah sittelna
kimu hi. Moses in langpanna lungsim tawh a kidim a mipihte tungah hehpihna
nei-in a lungduai ding hilh hi.Moses in tua sittelna a zo thei hi. Jesuh
bangmahin mawhneite adingin mawhthuumsakna a nei hi. Hih thu in lamdang hi.
Khat veivei ciangin Pasian in langpanna i tuah ding phal hi; tua bangin
hamsatna i tuah ding a phalna a hang in Amah bangin eite in zong lamkial mite
gimtuak mite tungah hehpihna lungsim i neih nading ahi hi.
Topa in Israel
mite a suksiat loh ding Moses in a ngetna-ah bang thute siksan hiam?
Nihna-ah Pai.
32 in langpanna leh thuman lohna om hi mah talehh hehpihna hong phawksak hi.
Hehpih taak cing lo-in i om laitak nangawnin hehpihna a hong kilang hi.
Hehpihna ngah dingin kilawm loh hun sung mahin Pasian in a mite hehpih dingin
Moses in ngen hi. Ahi zongin Moses sanggamnu Miriam in Moses a gensiatna hangin
paaknatna ngah hi mah talehh Moses in tua phaknatna a dam nadingin thu a
ngetsak hi (Gam. 12). Pasian in Korah leh a nungzui mite tungah a hehna hong
tuntak ciangin suahtakna a ngah nadingun Moses in mawhthuumsakna a nei hi.
Azingsanglam khat ciangin Israelte in Moses tungah lumkim lo-in a phunsan uh
hi.
Moses in a
mipihte adingin mawhthuumna nei-in, amaute mawhmai nadingin Joshua tawh manlang
takin mawhthuumn a nei uh hi (Gam. 16). Ama lungneemna hangin langpanna thuak
hi mah talah amaute in hehpihna ngah dingin kilawmna nei lo hi ta zongin Moses
in a mipihte aitangin hehpihna a ngen hi.
Na kim na paam a mite in hehpihna ngah dingin kilawm lo uh hi mah taleh kua
in hehpihna ngah dingin kilawm sa na hiam? Koibangin kiniam khiatna leh
lungneemna in midangte tungah Pasian hong hehpihna kilangsak hiam?
TUESDAY August 30
Hong Nasak Itna
Mi khat in hih
bangin pulaak hi:”I galte i it ding hi. Hih bangin i pulaak ciangin kep tuii a vuknelh
lehivuite i it ding hi; lehivui laka om kep tuii i it ding hi. Mihing in it
huai ihih manin Pasian in hong it hi lo hi. Ahi zongin Pasian in hong it ahih
manin eite in ithuai mi i suak thei hi.”
Na galte na et
ciangin bang na mu hiam? Kep tuii mu maw, ahih keilehh lehivui mu na hiam?
Matthew
5:43-48 sim in. I galte ading thungetsak ding leh i it ding Jesuh inhongsawlhi.
Igalte i it ahihnakimlehpaam nate tung panin muhtheih ding aom hiam? Galte it ding hong hilhna-ah bang hong hilh
nuam pe hi ding hiam?
Matt.5:45
sungah Jesuh in vantunga A Pa in gimna hong pia mite a itzia hong hilh hi. Gim
hong pia mite hi talehh midik leh mi gilote tungah Pasian in a kibangin
guahzusak ahihna hong hilh hi. Pasian in a thuman lote tungah guahzu sak
ahihlehh eite in zong amaute it ding hong hilh hi lo hiam? A piang thei thu hi
phial talehh gim hong pia mite tungah tatsat lo-in hehpihna lungsim nei dingin
Jesuh in a hong sawl hi lo hi.A thu bulpi in i galte it ding cih sawlna in
amaute tungah i lungsim va om tawntung ding cihna hi lo-in a kisap huna
awlmawhna leh kepna kilangsak ding hong deih hi zaw hi. Jesuh in a thuhilhna-ah
thukhupna a nei hi. Hih a gen thu in mitampite buaipih thu hong suak
hi.‘Vantunga na Pa uh a kicin bangmahin note in zong na kicing un”(Matt. 5:48).
A khiatna in kitel mahmah hi. Pasian kicinna bangin a kicing nuam mite in
Pasian in a galte a it bangin eite in zong i galte i it ding ahi hi. Pasian
mai-ah kicinna in i galte tungah itna neihna hi. Tua bangin i galte i it theih
nadingin lungneemna kisam hi.
Lungneemna cih
a khiatna in a hong na sak thu khat hangin heh lo-in thuak keeikaai cihnahi.
Topa in lungneemna ah ongpiak nadingin n akikhe lding thute gelhkhia inla, na
galte tungah lungsim hoih na neihzawh nadingin ahonghuh ding thute ngaihsun in.
WEDNESDAY August 31
Pau Lo-In Om
Lungneemna
tawh kisai etteh ding a lian penpen in Jesuh hi.Amah in lunggim mite aw, ka
kiangah hong pai un. Keimah in lungneemin kiniamkhiatna tawh kidimin ka om hi,
ci-in hong sam hi. (Matt. 11:29). Koici bang hi ding hiam cih thu i thei zo kei
hi.
1Pet.2:18-25
sim in. Peter in silate tungah bawlzia leh gamtatzia ding lamlahna pawl khat
pulaak hi. Tua munah Peter in Jesuh lungsim puakzia, gimthuakte tung leh thuman
lote tunga zia leh tong hoihte a pulaak hi. Jesuh in i etteh ding, i zuih ding
lampi hong lak hi.(1 Pet. 2:21, ). Peter thuhilhna panin Jesuh nunzia sungah
lungneemna leh kiniamkhiatna tawh kisai thu guipi bang na mu thei hiam?
Mi khat in
midang khat tungah thuman lo-in a gamtatnate deihhuai lo hi. Tua bangin thuman
lo takin i tungah a hong kibawl ciangin na kisa mahmah hi. Bang hang hiam cih
lehh mihing in thuman lo deih lo hi. Tua hi-in thuman lo-a nasepna khat peuh
thuman takin sep ding cih pen i lunggulh ahi hi. Thuman lohna khat peuh i heh
hong suaksakin thuman tawh kalsuan ding i lunggulh hi. Tua bangin nuntak ding
baih lo lehulehu hi. Thuman kiptakin i nuntakpih keilehh thuman lohna tawh
kidim lehitungah lunggimna i phu kha tawntung ding hi. Vantunga i Pa in na
khempeuh tungah ukna nei hi, cih i up ding kisam hi. Amah in eite adingin Ama
deihna tawh kituak in nasem hi, cih i tel ding kisam hi.Cihnopna-ah Jesuh in
thuman lohna a thuakkhakbangmahin eite in zong thuman lo-a gamtatnate i kipelh
thei kei hi, cih thu i phawk ding kisam hi. I nuntakna-ah thuman lo-a
gamtatnate i pelh thei kei hi.
Ahi zongin i
phawk ding thu khat in vantunga i Pa in, Peter hong lamlahna bangin, Jesuh
etteh a i kalsuan ding kisam hi. Tua bangin i kalsuanna- ah thuman lohna i
nawkkhak ciangin mihingte gamtat dikna sangin Pasian vangliatna a lian zaw-in i
muh zawk nading hi, i phawk ding kisam hi.“ Caiaphas leh Pilate thusitna a
thuakna-ah Jesuh in ama dikna pulaak thei hi mah talehh tua bangin amah leh
amah kipulaak tawm lo hi. Tua bangin a paukhiatlohna a hang in Ama lungneemna
kilangkhia zaw hi.
Thuman lo-in
na tungah hong kibawl ciangin koi bangin na thuhkik hiam? Tuni-a i sin thu
guipite siksanin koi bangin na nungta ding hiam?
THURSDAY September 1
I Suangpilehh I Bukna
Mi kiphasak a
tam zawte in lungkhauhin gitlohna tawh kidim uh hi. Tua banah amah leh amah
kineu muh mi kimkhat zong tua bangin kiphatsakna nei veve uh hi.Amau gitlohna
leh kiphatsaknate in lungneemna leh kiniamkhiatna nei lo-in, tua bang zia leh
tong a neih lohna uh a khuhcip nadingin tua bangin kiphatsakna leh gitlohna
lampi zui uh hi. Tua bang mite in gimna hamsatna a tuah uh ciangin amaute
kitangsap lian pen in bitna, man neihna, amau hihna bangbang santheihna hi; hih
bang zia leh tongte in Topa tungtawnin a kingah thei ding thute hi. A tomin
pulaak lehhang, lungneemna leh kiniamkhiatna in thaneem, zawngkhalna hi peuhmah
lo hi. Ataktakin a vanglian Suangpi tungah kingakna kip hi zaw hi, cih muhkhiat
theihna hi.
Late 62:1-8
sim in. Bang thu siksanin kigelh hi ding hiam? David in bang thu pulaak hiam?
Ama gen thute panin nuntakpih ding bang thu guipite na mu hiam? Athupi pen ah
tua thute koi bangin nuntakpih ding na hi hiam?
“Thu om lopi-in mihingte in gal nei lo hi. Pasian mite
lungsim puak in kitelkhial hi; lehitung mite bek tham lo-in Khritianpihte
kikalah zong kitelkhialhna om hi. Topa nasemte in hamsatna munah a om hun om
hi. Mual lianpite mualneu-in bawl uh a, angsung huaihamna leh thuman lo-in
gamtatnate phamawhsa nawn lo uh hi. Amaute gamtatnate theihkhialhna hangin
thuman lohna in khuamial bangin a hong tuam hi. Bang hang hiam cihlehh amaute
phutkhak thute in mihing ukna in a khaam zo kei hi; tua thute hangin amaute in
lungmang uh hi. Tua bang dinmunah a om uh ciangin mite muanna a ngah nawn kei uh
hi. Pawlpi mite mahmah in tua bangin muanlahna a piangsak uh hi. Pasian nasemte
in Khrih lungsim puak a neih ding uh kisam hi.Amaute in telkhialhna leh mite
hehnate tawh akipelh thei kei uh hi. Amaute upna in upkhialhna hi; a kineihkhem
mite hi, ci-in mawhsakna a thuak ding uh hi. Tua bang thute hangin amaute in
lungkia-in a om kei ding uh hi. Pasian in amaute makaih ding a, Ama min than
nadingin Pasian mi zat a suak thei ding uh hi.” The Upward Look, p. 177.
Midangte mawhsakna leh thuhilhna na zui thei hiam? I zui thei khol kei zaw hi. Koi bangin Topa bek mah beel tinten ding na hi hiam? Amah in nang tang dingin sihna hong thuakin man neihna hong pia Pa hi. Amah in midangte hong gensiatna panin hong dal ding a, hong kem thei hi lo hiam?
FRIDAY September 2
Ngaihsutbeh ding: Ellehn G. White, “The Importance of Seeking True
Knowlehdge,” pp. 453, 454, in The Ministry of Healing; “The Sermon on the
Mount,” pp. 298-314, The Desire of Ages; “The Worker and His Qualifications, p.
630, in Evangelism, cihte sim in.
“Khrih sungah
lungneem takin nungta hi lehhang hamsatnate hong tawm tuam ding hi. I Topa
kiniamkhiatna nei hi lehhang nisimin i tuah khak mite hong thu donlohna,
hehsaknate i kantan zo ding hi. Lungneu theihna meivompi hong theng ding hi.
Khrihtian hihna-ah a sang penpen leh a lian penpen picinnna in pumpi
ki-ukzawhna hi. Ama lungsim ki-uk lo mi in Pasian sunga daihna, leh thumanna a
nei thei kei hi. Ama zia leh tong kilangsak zia leh tongte a beisak hi.A
kiniamkhiat mi tungah Khrih in zawhna a pia ding hi; kiniamkhiatna lungsim in
vantung Pasian tawh kizom ahihna muhkhiat theihna hong suak hi. Ellehn G.
White, The Desire of Ages, p. 301.
KIKUP DING
DOTNATE:
1.
Koi bangin kiniamkhiatna in hehna leh na saknate hong zawhpih thei hiam?
A thupi penpen kiniamkhiata nungtakna koi bangin kimu thei hiam?
2.
Koi bangin na kim leh paam mite in kiniamkhiatna leh lungneemna ngaihsun
uh hiam? Nang mahmah in koi bangin na mu hiam? A kiniamkhiat mi na zahtak hiam?
Na simmawh hiam? Kiniamkhiatna leh lungneemna hong dal thei zia leh tongte in
bangci bang zia leh tong hiam?
3.
Tuhunin etteh taakcing a kiniamkhiat leh a lungneem mi na mu hiam? Na
muh lehh kuate hiam? Koi bangin amaute tung panin kiniamkhiatna leh lungneemna
mu thei na hiam? Amaute nunna panin bang thu na mu hiam?
4.
Bang hangin kiniamkhiatna leh lungneemna pen zawngkhalna thaneemna hi,
ci-in kingaihsunkha pahpah hi ding hiam?
5.
David in Topa sungah bukna zong hi, cih i thei hi. Koi bangin David in
Topa sungah bukna mu hiam? Topa sungah bukna in koi bangin kilangkhia hiam? Lam
khat panin pulaak lehhang koi bangin pawlpi in bukna mun hi thei hiam?Na pawlpi
in bangci bang bukna hong pia thei hiam?Bukna kisamte adingin koi bangin na
pawlpi bukna mun hi sak thei ding na hiam?
