LEHSSON 1| June 25 – July 1 Tuucingpa Gimthuakna

 

KITHAHNA THUAK PIANGSAKPA

 

“Na khempeuh in Ama piansak hi-in, Ama piansak loh a om kei hi. Na khempeuh in ama piansak ahi hi (John 1:3). Na khempeuh in Jesuh piansak hi. Ahi zongin “Jesuh in a kap hi” ci-in Lai Siangtho sungah kiciamteh hi (John 11:35). Piangsakpa kah cih thu in lamdang hi lo hiam? Tua banah Jesuh in nawlkhinna leh mihingte nialna a thuak hi; Amah in dahna tawh a kidim hi; khuaisatna a thuakkha ngei hi (Isa. 53:3). Piangsakpa in dahna gimnate tawh hong nungta bek tham lo-in mihingte langpanna leh nawlkhinna hong thuak hi. Amah in khat vei lai-in “ Ka Pasian, ka Pasian aw, bang hangin hong taisan na hi hiam? ci-in kiko hi (Matt. 27:46).

Koi bangin hih bangin Piangsakpa in hong thuak hiam? Bang hang hiam cihlehh Jesuh in na khempeuh a Piangsakpa, eite hong Piangsakpa leh eite Honpa hi; tua hi napi-in Amah in singlamteh tungah kithahna hong thuak Pasian hi. Piangsakpa in mihingin hong nungta-in mihingte thuak gimna leh sihnate ahong thuak hi.A tawpna-ah Romante singlamteh tungah kikkhailupna a hong thuak hi. Tua hi-in mihingte a hong Piangsakpa sungah eite in i nungta thei a, na khempeuh in Ama sungah a om hi.(Sawl.17:28), eite thuak ding gimna leh sihna Amah mah in ahong thuak hi. Eite in dahna gimnate i thuak hi. Amah in singkhuam tungah i dahnate leh i gimnate khempeuh a hong thuak hi (Isa. 53:4). Hih thu in vankhuanuai khempeuhah a lamdang penpen thu hi lo hiam? Hih thu siksanin i thuak gimna khempeuh i tel khin zo kei zongin bang hangin hih bangin leitungah gimna satnate thuak i hiam cih thu i kikum ding hi. Khrih tungah kipia hi mah talehng gimna leh satna tawh a kipelh thei ding ihi kei hi.Ahi zongin i pulaak theih thu khat om a, tua in Pasian in ki-itna hi (1 John 4:8); bang bang gimna dahna thuak hi mah talehng Pasian i muang thei veve hi. Bangbangin i genthei zongin Pasian hehpihna hangin hih gimnate i nawktan zo thei hi, cih i pulaak nuam hi.

Tu quarter sung i kikup ding thu in Pasian Kammal in koi bangin si leh sa hong suakin Gimnate lak panin upna tawh zawhna kingah thei lungkiatna, supna, thuman lo-in thuakna, nawlkhin thuakna cihte i kantan zo thei hi, cih thute i pulaak ding hi. Koi bangin lehitung siatnate hong piang hiam? Koi bangin tua gimnate tungah zawhna ngah thei ding i hiam? Kamsangte, sawltakte in hih gimnate panin bang thu na nuntakpih uh hiam? Amau nunzia in bang hong hilh hiam? Amaute nunzia, a tuahkhak thute leh amau phutkhak hamsatnate leh upna thu-ah sittelna a thuaknate eite in zong i tuakkha thei a, Singlamteh tunga Khrih hong thuakna siksan lehhang lehitung lunggimna hamsatnate in bang hong hilh uh hiam? Lehitungah gimna, dahna a thuakkha lo kuamah a om kei ding hi. Jesuh Khrih na khempeuh Piangsakpa leh Honpa in zong lehitung gimna leh sihna dongin a hong thuak hi.

I Pasian pen gimthuak Pasian hi. Albert Camus min nei khat pen Khritian upna na nei lo mi khat hi mah talehh amah in Singlamteh thu leh Singlamteh tunga a thuak gimnate a ngaihsun thei hi. “ Golgotha munah zanin a thuak thute in mihingte hong kihotkhiatna dingin thupi hi. Bang hang hiam cihlehh tua in Pasian hong thuakna lianpen pulaak hi. Lungmanna akipan sihna dongin a hong thuakna hong lak hi.” Albert Camus, The Rebel (New York: Vintage International, 1991), p. 33. Ellehn G. White in hih bangin pulaak hi: “Singlamteh in mawhna hangin gimnate i phawk theih lohnate a hong phawksak hi.Mawhna om a kipan mawhna in Pasian lungtang nasak hi.”Education, p. 263.Lehitungah bangzahin siatna tam hi talehh Pasian in nate a bawl khit ciangin nusia hi, cih thu i sang kei hi. I pulaaksa om bangin hamsatnate a hong zawhpih hi. Tua bangin gimna, hamsatnate i thuak hangin Pasian in hong nusia hi, cihna hipah lo hi. Tua bang gimnate i thuak ciangin lehitung in mawhna tawh kidimin mi khempeuh tawh kibangin a thuakkhawm ihi zaw hi.Khrih tungtawnin lametna nei mite ihi hi. Gimnate lakah nuntakna in man nei veve ahihna leh nuntakna in ngimna nei ahihlam hong theisak hi. Hih thute i telsiang khin zo kei zongin Pasian hong kamciamte i muang thei hi. “ Amah a it mite adingin na khempeuh in a hoih lamin nasem hi, cih i thei hi. (Rom. 8:28). Na khempeuh a piangsak Pasianin gimna khempeuh a hong thuak hi.Hih thu hangin eite in Amah i it hi.

 

 

LEHSSON 1                         June 25 – July 1 

TUUCINGPA GIM THUAKNA

 

 Sabbath Nitak

Tu Kaal Sung Sim Ding: Late 23, Rom. 12:18-21.

KAMNGAH: “Ka nuntakna tha hong dimsak a, Ama min adingin thuman lampi-ah kei hong kha hi (Late 23:3).

Sophie in a lupna inn sung kongkhakah kingamin kongvang panin khuadak kawikawi hi. Khituite kia-in tawl khat sung kidikdikin a om hi. Bangci bangin amah in gimna thuak hi ding hiam? A zak thu in a lungtang sukha lua ahih manin ki-ip zo nawn lo-in tua bangin om hi. A lawm kikholhpih khat mi muanhuai, mi thuman hi, ci-in a theih a lawmpa in zuau genin a man lopi thu gen kawikawi hi ding hiam, cih thu Sophie in tel zo lo hi. Lai Siangtho bu khat la-in a lupna tungah sim dingin akipat lehh “ Amah in ka nuntakna tha hong dimkik hi; Amah in dikna lampi-ah hong tonpih hi. Ahi zongin sihna limguam sung ka pai hangin Amah in kei tawh hong omkhawm ahih manin ka lau kei hi. Ama molhtum leh a ciangkhut in kei hong lungmuangsak hi.”(Late. 23:3, 4) a simkha hi. “ Hih bang thu a om thei ding mah hiam? ci-in a lungsimah ngaihsunsun hi; a piang thei lo ding thu dingin ngaihsun hi. Late sunga Tuucingpa in a tuute thuman lampi-ah a paipih hi. Ahi zongin Late 23 pulaak dikna lampi in sihna manawh lampi hi. Pasian in i lawmte tungtawnin ahih kei lehh dahna tungtawnin nasem hi.

 

SUNDAY                    June 26

Khualzin Na Lamlak: Tuucingpa

 

“ Topa in Tuu bangin kei hong cingpa hi-a bangmah ka kisam nawn kei hi (Late23:1). Naupang kim khat in Pasian lim suai thei uh hi. Lungsim takpi tawh a suai zong om kha ding hi. Bang hangin Pasian in mihingte hong it hiam?, ci-in a kidot ciangin amaute in kituak takin Pasian in ki-itna hi, ci-in a dawngkik uh hi. 

Pasian in ngimna hoih tawh kidimin, na khempeuh a hoihin sem hi,  cih pen ngaihsut hamsa lo hi. Ahi zongin i khangham semsem ciangin nuntak hamsatnate leh i tel zawh loh thute i phutkhak ciangin Pasian i muhzia hong kikhel hi; i naupan hunlai –a i ngaihsut bangin kingaihsun thei nawn lo hi. Pasian in kikhel ngei lo hi.(Heb. 13:8, James 1:17); mihingte in ihih lehh a kikhelkhel ihi hi. Thukhun Lui hunlai Pasian nasemte in Late 23 sunga kipulaak bangin Pasian in mihingte a hong kepna a pulaak uh ciangin tuu leh tuucingpa tawh genteh uh hi. Tuucing pa in a tuute a kep bangin Pasian in a mite hong kem hi. Hih a lamdang tuucingpa leh a tuute omzia in Pasian leh a mite kizopna hong hilh hi. Late 23 i etma-in Lai Siangtho gelhte in Tuucingpa leh tuute kizopzia bangci pulaak uh hiam, cih thu i en masa ding hi.

 

Hih a nuai-a Lai Siangthote in Tuucingpa thu bang hong hilh uh hiam?

Isa.   40:11   ________________________________________________

Jer.   23:3, 4   ______________________________________________

Ezek. 34:12    ______________________________________________

15 John 10:14-16 __________________________________________

1 Pet.  2:25_______________________________________________

Tun Late 23 sim in. Tuucingpa in a tuute tungah bang na sem hiam?

Late.   23:2   ________________________________________________

Late    23:3    ________________________________________________

Late.   23:4   ________________________________________________

Late    23:5    ________________________________________________

Late    23:6    ________________________________________________

Nang hong cing hong kem khat om hi, cih na theih manin na nuntakna-ah bang khamuanna thu na ngah hiam? Hih thu siksanin koi bangin a cimawh dongtuak mi khat peuh tungah Pasian hong cinna pulaak ding na hiam?

 

MONDAY               June 27

Khualzinna-ah Khawl Munte

 

Ama min adingin thuman lampi-ah kei hong kha hi.”(Late 23:3). “Na pai-na lampi-ah Thuman lampi cih thu ngaihsun in. (Late 23:3). Lampi tawp dong kimu thei lo hi mahtalehh lamtawpna in na tunna ding inn, Pasian inn hi, cih na theithei hi.

Limtakin tua lampi na et ciangin tua lampi in koi lam zuan hiam cih na thei hiam? Lampi mun khatkhatte kitel takin na mu thei hi. Ahi zongin lampi kim khatte –ah hamsatna leh lauhuai-nate na mu hi. Khat veivei ciangin kenkawm gammang tulakah tua lampi kimu lo-in lampi a bei tawh kibang hi. Lampi pawl khatte lampi nuam hi-in, kim khatte ahih lehh lam hamsa hi. Israelte zong Egypt panin Canaan gam zuanin a pai-na lampi un lamhaksatna a om bangin lamnuam lampi zong mu kha uh hi. Tua bangin a khualzinna uah a tuah khak thute in Late 23 sungah kimu thei hi. David pulaak bangin tuute in lampi man zui-in lamtawp dong zui uh hilehh Topa inn a tunpih hi.

Bang hangin “thuman lampi” a hih keilehh “lampi man”, ci-in kipulaak hi ding hiam? Thu li i pulaak ding hi. Amasa-in tua lampite in thuman lampi hi. Bang hang hiam cihlehh tua lampite in Tuucingpa inn hong tunpih hi. Nihna-ah tua lampite in thuman lampi ahihna a hang in thuman lampi in Tuucingpa tawh kizopna man hong guan hi. Thumna-ah thuman lampi a kicih theihna a hang in thuman lampi in a thuman dingin hong hilh a, Tuucingpa tawh hong nungtaksak hi. A lina-ah thuman lampi kici hi. Bang hang hiam cihlehh thuman lampi in a man teci hi. Thuman mi suahna hong guan hi. Tua lampite in lam haksa ahi keilehh lam ol hi mah talehh tua lampite in thuman lampi hi. Pasian in hong makaih hi, ci-in i theih ding thupi hiam? Pasian hong makaihna lampi in hamsatna a om lo hi lo-in ahi zongin hong kepna leh hong makaihna i ngah hi. Lai Siangtho sungah i etteh ding Pasian makaihna ngah mi tampi kimu thei hi; Pasian in Abraham a makaih hi. Iraelte zong mei leh meii tawh a makaih hi. Tua bangin Pasian in a makaih ciangin Pasian in Ama dikna sungah a mite a tonpih hi.

Tuucing pa in na dang dangte sangin dikna thupi ngaihsut zaw hi, cih koi bangin na phawk thei hiam? Koi bangin hamsatnate in na nunzia a hong khel hiam?

 

TUESDAY                               June 28

Lamet loh Lampialna: Zangkuam

 

“Hi mah hi, sihna lim guam sung na ngawn ka nawk hangin siatna ka kihta kei hi. Bang hang hiam cihlehh nangmah in kei tawh nong omkhawm hi (Late 23:4)..D ikna lampi-ah i kalsuanna-ah lopate in tuivok lui tui luanggei zong nuamtakin i tot hun zong om ding hi. Ahi zongin David pulaak in tua bangin nopna tawh kidim lo hi. Tua bang lampi-ah i pai nuam kei hi. Khat veivei ciangin guam thukpi leh kendaang khawng i nawktan hun a om hi; lamet lohin tuicin tui khang zong i tuakkha thei hi.Lamsak lamkhang in lauhuai keen tawh kidim hun zong i tuak kha thei hi. Hih lampite in lam kawcik lampi zong om thei hi. Sihna guam in lamhaksa, khuamial sahpi limcing hi. “Sihna guam sungah kalsuanin na om hun ngaihsun in.” Tua in bang tawh kibang hiam? Tuucingpa in hong cing hi, cih thei hi mah ta lehcin, tua bang hun ciangin na lau hiam? Tua bang hun ciangin bang Lai Siangtho mun manpha hiam? Bang hang hi ding hiam?

 

Koi bangin tuu khat in zangkuam tung thei hiam? Tuu in ama thu-in zangkuam a va tung hiam? Ahih keilehh Tuucingpa in vapaipihin a tung thei hi zaw hiam? Na dawnna bang siksan ding na hi hiam?

Elisabeth Elliot in hih bangin laigelh hi: “Tuu khat in sihna guam sung a tunlehh mi khat in makaih khialhna tawh va tung hi ding hi. Launa tawh kipelh nadingin tua khualmial sahpi kikhelin khuavak a kisam hi.Tuucingpa in a tuu tawh a omlai hi.” Elisabeth Elliot, Quest for Love (Grand Rapids, MI: Revell Books, 1996), p. 218.

 

Zangkuam sungah a hong kimakaih khial kha nei hiam? Tua bang hunin Pasian tawh kizopna na nei hiam? Bang hangin Tuucingpa in a nuntakna lauhuai dinmun tung hi talehh khualmial nawktan dingin hong phal hi ding hiam?

 

 WEDNESDAY                     June 29

Lamet Loh Lampialna: Sabuai Kimkotah

 

“ Ka galte mai-ah kei adingin sabuai nong phahsak hi; ka lu sathau nong nilh a, ka hai a dimleht hi. Late. 23:5. I nuntak sungin gal leh langpannate tawh i kipelh thei kei hi. Koi bangin na galte leh nang hong langpante tawh kizopna nei na hi hiam?Zan kim laitakin ihmutna pan khanglo-in, lupna tungah kilehk suk kilehk to, na tungah hong khialte tungah thuhkiknopna tawh kidimin ahih keilehh na nasepna hong susia hi lo hiam? Koi bangin Khristian khat in galte zawh sawm ahi hiam? Bangci bang gal na nei hiam? Koi bangin nang hong na sak mite tawh kizopna na nei hiam? Nang hong langpan mite leh limtakin hong cing hong kem mite tawh koi bang kizopna na nei hiam? Koi bangin Khrih hong thupiak Matthew 5:44, ahih kei lehh Paul hong hilh thute Rom. 12: 18- 21 na nuntakpih hiam?

 

Late 23:5 sim in. David in galte tawh kizopzia ding a hong hilh hi.Pasian in mihingte adingin a sepnate mitsuan ding kisam hi. Pasian in a galte mai-ah sabuai hong bawlsak hi. David hunlai-in zahtak zin khat peuh ahih keilehh lehengla khat a neih uh ciangin a lu tungah sathau nilhsak uh a, tua khit ciangin annekna inn sungah a lut uh hi. Sathau in olive leh a namtui paknamtui gawm uh hi.Tua ciangin zinpa zinnu nek dingin an lui uh hi.

Late 23 sunga kipulaak satbuai, sathau, hai cihte in zangkuam sungah i om laitakin Pasian hong kepna leh hong cinna pulaak uh hi.

Paul hong genna-ah “ Eite do gal in si leh sa tawh kido ihi kei hi. Ahi

zongin khuamial tawh kipawl vantung vangliatna neite, thuneihna neite, kha gilo galkapte tawh kido ih hi (Eph. 6:12). I galte in a kimu thei hi talehh a kimu thei lote zong kihel hi. I deih a i deih kei zongin i galte in hong umcih uh hi. Ahi zongin eite in Tuucingpa tawh i omkhawm hi; I galte in Tuucingpa hong piak thutphate hong guksak thei hi.

Tuucingpa hong kepna ngaihsun inla, na galte in na kim leh paamah om uh hi, cih phawk in. Hamsatna tawh kidim na hih hangin Tuucingpa hong piak thuphate hangin Ama tungah na lungdam tawntung ding hi.

 

Thursday                 June 30

Khualzinna Lampi-Ah Kamciam

 

“Hoihna leh hehpihna in hong zui taktak ding a, Topa inn sungah ka om tawntung ding hi.” (Late. 23:6).Zangkuam sungah galte umcihna i tuah ciangin Pasian in hong nusia ta hi, ci-in i ngaihsut hun hong om hi. Pasian nasepna khempeuh i phawk nawn kei hi. Pasian in hong huh hi, cih i phawk ciangin hih bang dinmun in i kipatna hi lo ding hi, ci-in i ngaihsun kha ding hi. Ahi zongin David in hih bangin ngaihsun lo hi. Gimnate tawh kidim hi mah talehh David in Late 23:6 sunga a pulaak bangin a khamuang thei hi. ( Eph. 1:4; 2Pet. 1:10; Heb. 11:13-15.)

 

Lai Siangtho kimkhatte in hoihna leh a kiam ngei lo itna in (Pasian thuciamte tungah a citak hi) ka nuntak sung tawntung hong zui ding hi.Ahi zongin “sepna lak kammal in khauhtakin nasepna hong hilh hi. Late 23: 6 in hoihna leh ciampel lo itna in ka nuntak sung tawntung hong zui ding hi. ( A taktakin Hebrew tawh kigelhna-ah Pian. 14:14; Joshua 10:19 leh 1 Samuel 25:29 zui cih thu kician takin hong hilh hi)

Hoihna leh ciampel lo itna in nang hong zui   hi, cih thu na ngaihsut ciangin bang na phawk hiam? David in Pasian in hong kepna a pulaak ciangin bang na phawk hiam?

 

 

 

Bangzahin guamthuk talehh, galte in tatsat lo-in hong delh talehh Pasian hoihna leh Ama hong makaihna in kip tawntung ahihna muanglah ding na hi hiam? Hih thu siksanin Khrih in singlamteh tungah sihna tungah a zawhna in eite zawhna hi lo hiam? Khat veivei ciangin i kin thute in lungmuanna tawh kigamla hi.David bang mahin i kin thute in Pasian sep theihnate hong phawksak lo hi. Late23:6 pulaak bangmahin, midangte tungah i phutkhak thute gensawnna tungtawnin Pasian sungah khamuanna hong guan thei hi.

 

Na nuntakna sungah Pasian hoihna leh ciampel lo hnong itna tawh hong ompih den ahihna bangci ciangin na theithei hiam?Lai Siangtho bang mun siksan ding na nei hiam?Pasian hong kepna a muangmawhte tungah koi bangin pulaak ding na hiam? Koi bangin Singlamteh in a lian mahmah Pasian hong ompihna kilangsak hiam?

 

FRIDAY                     July 1

Ngaihsutbeh Ding: Ellen G. White, “Missionaries in the Home,” p. 143, in Testimonies for the Church, vol. 4; “The Divine Shepherd,” pp. 476- 484, in The Desire of Ages cihte Sim in.

“A tawpna-ah a gualzo ding mite in gimna lungkhamna lianpi thuak uh hi mah talehh, Pasian a muanna uh a nusia kei uh hi. Tua bang gim thuaknate in Khrih sungah sangkahna khat hi; hih in niitna siatnate hong siansuahna lampi hi. Pasian sila mi khat in galpa langdo-na kip takin a do hi; amah in a mai-a om gimna hamsatnate khempeuh anawktan zo hi. Na kalsuanna lampi- ah Satan koih hamsatnate na kantan zo ding hi. “Ahi zongin tunglam bek enin na kalsuan ciangin na hamsatnate na mitsuan nawn kei hi. Tua bangin kalsuan hi lehcin na pai-na lampi-ah na tuk kei ding hi. Jesuh in a khut tawh hong lehnin ama hong makaihna na muang thei hi. Ama hong makaihna in muanhuai-in lametna tawh kidim tawh na nungta thei hi. “Zia leh tong hoih kiptak na ngah nadingin Khrih sungah huhna na mu thei hi. Satan in tua bang zia leh tong hoih a kilangsak thei kei hi. Pasian in a hoih penpen lehtsong a hong pia hi. A tapa khat bek neihsun a hong pia hi.Ama nunna kicing a hong pia hi. Ama kumpi gam sungah omna inn na mu ding hi.” Ellehn G. White, Messages to Young Peopleh, pp. 63, 64.

 

KIKUP DING DOTNATE

 

1.      Na nuntakna-ah hamsatna leh gimnate in na nunna hong sekna hi; Khrih tung pan thusinna sanginn ah sangkah na hihlam na phawk thei hiam?

2.     Tuucingpa hong pi-na lampi-ah gimna a thuakte koi bangin na huh, na hehneem hiam? Na pawlpi in cimawh dongtuakte bangci bangin na huh thei hiam?

3.     Hoihna leh hehpihna in bangci bangin hong zui hiam cih thu na lawmte dong in. Na lawmte phutkhak thute panin bang thu na nuntakpih ding hiam?

4.     Khrih in a sih kuanin a thuak zia-etna liante leh a gim thuakna ngaihsun in. Ellehn G. White ahih keilehh Lai Siangtho sung panin Khrih in a mihing hihna tawh bang gimnate thuakin zawhna ngah hiam? Zia-etna lianpi thuak hi mah talehng, Jesuh nunzia panin bang thu na nuntakpih ding hiam?