Angola Gam (A moi
Nungak khat gensak in)
Pastor khat’
innkuan sungpanin ka khangkhia a, tua munah Topa
Pasian’ thu bek sinkha in, Ama’ Sabbath thu ka sin kha kei hi.
Ka pa pen Pasian’ nasem sia khat hia, biakna khempeuh thupi sim dingin hong hilh hi. Ahihhangin, Angola gam, Luanda khuapiaa Seventh-day Adventist pawlpi ah cikmah hunin a kikhawm ngei ding hilo hi. Adventist pawlpi thu a kigensiatna a zak manin amah lauthawnga, kei leh ka innkuanpihte hih pawlpi sungah ka luut dinguh hong khaam hi.
Ka nungak ciangin na sem dingin a dang khuapi khat ah ka lala, ka pano leh ama’ innkuanpih tawh
ka omkhawm uh hi. Naseppih tampi tawh sunan ka neek simun,
nisim Lai Siangtho thu ka sinkhawm uh hi. Adventist pawlpimi khat in Lai Siangtho thu
sinna ah hong makaih hi. A dang thusin khempeuh in Sunday pen Topa Pasian’ ni hi ci-in ngaihsun uh hi. Amah in Sanini pen Lai Siangtho hong lah Sabbath
ni hi khauhtakin hong
gen ciangin ka lung hong
buaisak hi. Sabbath
thumaan theihbeh nuam kahihmanin Adventist pastor
khat in Pasian’
thu a genteng a khumna DVD kop khat leh Adventist
pawlpi panin akibawl laibu khat hong pia hi. Tua laibu ka sim baanah, a thugente zong ka et ka ngaih ciangin
Sabbath ni Sanini
in zui ding maw? Ahihkeileh Sunday
ni-in zui ding maw? Cih kei aadingin
buaina lianpi hong suak hi.
Ni
khat, inn ka ciah ciangin meeltheihte khat in ka DVD sungaa Pasian’ thugenna na
en na ngai hi. “Hih Pastorpa kua ahia? Thugen siam mahmah hilo maw. Lai
Siangtho sungaa kigelh bangin gen hi ven” ci-in ka pano in hong dong hi.
“Kei zong Lai Siangtho
sungaa ki-at banglianin um in saang nuam ing” ci-in ka ngaihsuna, Lai
Siangtho thu kei mahmah in sim ka kipan hi. Ka sim kawmkawm in mite ngeina tawh
kisai khempeuh zuinawn loin, Topa Pasian’
deihna bek kan ding leh zuih ding ka
khensatta hi. Inn ka ciah ciangin, ka pa leh
pawlpi makaiteng tawh kimuhkhop ding ka kuna, ka muhkhiat Pasian’ thumaante amau ka hilhcian hi.
Piancil 2:2-3 sungaa Topa Pasian
in Sabbath ni a sianthosakna thu, leh Pai. 20:8-11 sungaa Thupiak sawmte Topa Pasian
in a khutme tawh suangpeek
nih tungah a gelhna thu ka gencian hi.
Topa Zeisu in zong hih
leitung ah Sabbath ni limtakin a zuihna thu leh vantung a kahtoh khit ciangin, Ama’ nungzuite in zong a zuihna thu amaute ka genphapha hi.
“Banghangin
hih thumaante i pawlpi sungah kihilh lo ahi hiam?” ci-in ka dong hi.“Pawlpi
makaiten ni sagihni pen Sabbath ahihlam thei ciat uh hi” ci-in ka pa in hong
dawng hi. Amaute’n Suanday a kizuihna thu ahang hong gen theilo
uh hi. Ahizongin, Adventist
pawlpi sungah ka luut ding amau hong khaam tentan uh hi.
Makaipa khat in, “Adventist pawlpi sungah na luut leh tu aa na nasep na zaa ngah nawnlo ding nahi maw” ci-in hong gen hi. “Ka zaa ka ngahkik
leh Lai Siangtho sungpan thumaante kong hilh dinga, Adventist pawlpi’ thuhilhnate kong
gengen ding hi” ci-in ka
dawngkik hi. Ka pawlpi lui makaite in kei pen amau pawlpimi
khat ka hih lam leh Adventist pawlpimi hong suak
ngeilo ding in Adventist pawlpi ah lai na khak uh hi. Ahizongin,
Lai Siangtho thu ka sinzoma, Adventist Pastor khat in kei tui hong phum hi.
Tuni,
ka nasepna
ah Lai Siangtho thu sin hun sung
tawntung Sabbath thu hong hilh tangvalpa tawh ka kiteeng hi. Ka nau
pasal thumteng tui hong kiphum ahihmanin ka lungdam lua mahmah hi. Ka nulehpate’n zong Lai Siangtho
thu sinsaan uha, amau zong a sawt loin tui hong
kiphum dingin ka lamen hi. Ka nulehpa, ka
nau pasal thum leh ka tanaute’n Lai Siangtho sungaa Topa Pasian’
deihna bang a kan nadinguh hehpihna tawh na thungetna uah hong phawksak un.
Tu
quarter Sabbath 13na sumpi pawlkhat pen Cristina
teenna Angola gam aa geelna sa innpi 4 lam nading, Luanda khuapi aa Adventist pawlpi
sang zong a kihel, Adventist pawlpi biakinn khat, Belize khuapi aa tan nga pan tan 8 dong
sang khat, Lombe khuapi aa ngaihsutna hoih kikumkhopna phualpi leh Huambo
khuapi aa Angola gam’ Adventist university aadingin
pasal bawda khat lam nadingin kizang ding hi.
Phaltak aa sumpi hong pia ding note tungah
lungdam kong ko khol hi.
MUC
in Lezang le Tamu biakinn huang umna dingin kizeek ding hi.
