May 21 | Covid-19
Natna Kawmkal Pan Lametna
Agen nu: Antonia da
Conceicao Miguel, 40
Angola Gam (Khangkhin Numei khat gensak in)
Covid – 19 natna in ka nuntakna hong kikheelsak hi. Topa Pasian ka muang dena, ka khangno laiaa kipanin pasal hoih khat ka ngah nadingin Topa Pasian’ kiangah thu ka ngen hi. Topa Pasian a itaa, a zahtaak leh kei tawh biakinn ah kikhoppih ding pasal khat ka deih mahmah hi. Ahizongin, ka buaina khat pen bang pawlpi ah kikhawm ding cih thu ahi hi. Ka neu lai-in Angola gamah ka nulehpa’ pawlpi ah ka kikhawma, citak-takin pawlpi’ thukhun khempeuh ka zui khin hi. Ahizongin a kisam khat omlai veve hi. A pahtaakhuai pasal khat tawh ka kiteen khit ciangin pawlpi dang khatah ka luut uh hi. Tuakhitzawh kum 4 ciangin pawlpi a thumna ah ka luut leuleu uh hi. Ahizongin, ka nuntakna ah a kisam khat om laailaai hi. Hih pawlpi thumna pan ka zak Pasian’ thute ka kha nuntakna aadingin thangahna omlo hi. Topa Pasian in ka mawhnate hong maisak takpi hiam cih zong kiciantakin ka thei kei hi. Topa Pasian’ gamtat luheek bangin keima’ gamtat luheek Ama’n hong kheelsak lam zong kiciantakin ka theikei hi. Tua baanah, ka pasal pen kei tawh biakinn ah kikhawm nuamlo sawnsawn hi.
2020
kum in Covid-19 pulnatna hangin gambup ah paisuk paitona kikhakcip hi. Biakinn
khempeuh zong kikhakcip ahihmanin biakinn ah zong ka kikhawm thei nawnkei hi.
You Tube panin Pasian’
thu a kigente ka zon leh Hope Channel TV ah Seventh-day
Adventist pastorte’ makaih hunzeekna nih ka mu hi. Ka et ka
ngaih kawmkawmin, amau gen Lai Siangtho munte leh kei Lai Siangtho sungaa a
munte limtakin ka enkaak hi. Tua ciangin,
Lai Siangtho thu a thei lua naailo ka hihlam ka kithei saan hi. Lai Siangtho
sungpanin ni sagih ni Sabbath
ni zuih ding
thu in ka lungsim hong
bun phadiak hi.
Ka et ka ngaih
kawmkawmin Pastor khat
in, “Kua nung zui nuam nahi hiam? Mihingte’ thu maw? Ahihkeileh Lai Siangtho sungpan
a hong lah bangin Topa Pasian’
thu maw?” ci-in hong gen ciangin kei
mahmah tangtakin hong gen tawh kibang hi.
Hih dotna in ka lungsim
hong buaisak lua ahihmanin ka lungsim
tawng panin, “ Topa Pasian in Nangma’ kam pan thu nong piak mahbangin ka zui nuam hi” c-in ka
dawng hi.
Ka
inn nasep hong huh nungakno khat ka phawk hi. Inn nasep hong kipat tuungin
nisim ninga ni (Friday) ni dong inn sung innpua hahin anhuana, Sanini in na sem
lo hi. Sanini simin Seventh-day Adventist
biakinn ah a khopthu ama’n hong
gen hi. Ahizongin, a nunung lam ciangin Sani ni-in biakinn ah amah kikhawm
nawnlo in inn nasep hong huh hi. Sabbath ni a thupiitzia ka tel ciangin,
“Nang pen Sani
ni-in biakinn ah kikhawm
nawnlo in ka inn bek ah na sem nuan hive cin maw.
Tuni aa kipanin Monday pan Friday dongbek
ka inn na hong sepsak
in. Sani ni pen siangtho hi” ci-in ama’ kiangah ka gen hi. Hih hun
sungin, pulnatna hanga khaktannate kikhiamta ahihmanin tua numeino pen biakinn ah kikhawmkik theita
hi. Tuni-in tui kiphum theih nadingin Lai Siangtho
thusinna ah amah a kah laitak hi. Hih hun sungin, Sabbath ni thu ka theihbeh
nop manin online pan a phone nambat ka muh khak Adventist Pastor khat ka hoipih
pah hi. Amah pen gualhuai in, ka sim ding laibu tampi hong pia hi. A tua kaal Sabbath ni-in
biakinn ka kikhawm
pah a, 2021 kum in tui ka
kiphum hi.
Tuni
in, Topa Zeisu
sungah mi thak ka hita a, nisim
in kikheel toto in kipuah tohtoh
lai ding ahihi.
Topa Pasian in ka mawhnate
hong maisak lam ka thei hi. Ka gamtat luheek
pen Ama’ gamtat luheek bangin Topa Pasian in hong puahpha
hi. Ka pasal zong Topa Pasian’ thu hong tel semsema, Sabbath
ni sim biakinn ah ka nih un
ka kikhop theih nadingun hehpihna tawh thu hong ngetsak un.
Tu quarter
Sabbath 13na sumpi pawlkhat pen
Antonia teenna Anglogam aa
geelna sa innpi 4 lam nading, Luanda khuapi aa Adventist
pawlpi sang zong a kihel,
Adventist pawlpi biakinn khat,
Belize khuapi aa tan nga pan tan 8 dong sang khat, Lombe khuapi aa ngaihsutna
hoih kikumkhopna phualpi leh Huambo khuapi aa Anglogam’ Adventist university aadingin pasal bawda khat lam nadingin
kizang ding hi.
Phaltak aa sumpi hong pia ding note tungah
lungdam kong ko khol hi.
MUC
in Lezang le Tamu biakinn huang umna
dingin kizeek ding hi.
