Agen pa: Graca
Muene, 25
Angola Gam
(Khangcingsa pasal khat gensak in)
Khristian innkuan
pan khangkhia ka hihhangin, Angola
gam ii khuapi thupipen Luanda khuapi ah khatvei beek biakinn ah ka kikhawm
nuamkei hi. Pasalno
khat ka hihna tawh ka pawlpi
ah tui ka kiphum nading vai khempeuh ka peelmangh hi. Ka naupan lai-in rock
tumtheihte ka ngai nuama, rock tumtheih siamte
kizepzia leh a nuntakzia uh ka etteh
hi. Hih hun sungteng
mahin, Satan’ ciaptehna tuamtuamte in ka lungsim hong lain, ka pumpi bup tungah
lim tuamtuam ka suai hi.
Tan
sawm sangpi ah ka lawm hoihpen
Goth hia, amah tawh
tumtheihte, bass leh dram tawh
a kithuah tumtheih rock tumtheihte ka deih mahmah uh hi.
Punvom silh in bombitual vom ka teenga, ka khutmete a vomza ka nuh hi. Ka
lawmpa’n zong rock tumtheihte uuk ahihmanin ama’ lupna
inndei sungkawm tungah rock tumtheih tawh
kisai kawmbelh taangkona limte leh Satan tawh a kibang
limte suangletlat hi. A
sawtloin, zu leh guihtheih khamtheihte ka zangta
hi. Pasian omlo hi cih upna ka saang ka uma, Topa Zeisu’ thu pen lungsim sehtawm bek hi
ci-in hangsantakin ka taangko hi.
Kum sawm val ka phak ciangin
rock tumtheihte tum ka kipana, dawigilote tawh kipawl hi ci-in khauhtakin a gen uh rock tumtheih siampa khat tawh ka kimu hi.
Ama’ ngaihsutna hoih kasa a, zan khat in, tumtheih lam ah gualzawhna ka ngah
nadingin Satan’ khut sungah ka kha ka aap hi. Ahizongin, a nungsang ciangin
haksatna lainpi ka tuak hi. Ka nu thakhatin hong sih manin zukhamkham ka pa a
zu dawn hong uangh semsem hi. Unau 4 lak ah a u pen
ka hihmanin innkuan sung nuntak nadingpen kei mawhpuak hita hi.
Leptuah zawhloh buainate hangin naak theilo zahdongin ka lungsim hong neu lua hi.
Hih
haksatnate kawmkaal ah, cikmahin zu dawn nawnloa, za ka teep nawnloh nadingin
keilehkei mah ka kiciam hi. Topa Pasian’
kiangah thunget kipan bekloin, tumtheih khempeuh zong ka nusiata hi. Seventh-day Adventist
pawlpi hong theisak nungak khat tawh kiteen ni ding a
ni ka seh uha, Sabbath ni biakpiakna ah ka nih
un ka kikhawm uh hi. Ahizongin
ka kikhenkik uha, ka lawm luite tawh kikhawlkik in ka gamtatna
lui ah ka bualkik
pah hi. Bangbang
hileh, nuam kasa thei nawnkei hi.
Zan tampi takmah zu khamsain,
ahihkeileh guihtheih khamtheih uangh
zatin ka ihmu zeelzeel hi. Ka lungsim
sungah kei leh kei kithah ding bekbek ngaihsutna hong dim mawk hi. Ka
nuntakna pen ngiimna leh khiatna a nei vetlo tawh hong kibangta hi.
Thuak haksa ka
hihmanin ka
kap hi. Topa Pasian ka
phawkkika, hong huh nadingin thu ka ngen hi. Ni tawmno sungbek
a nungta lai dingin ka kingaihsun hi. Ka lawmngaih thak nungak kiangah ka
lungkhamnateng ka gen leh ama’n zong a sanggam pasal khat kiangah hong
gensawnsak hi. Amah pen Psychology (lungsim lam pilna) lam ah lukhuneelkaai a ngah khinsa hia, Angola gam ah zandeuhmah in a hong ciah
ahi hi.
Ama’
sanggampa pen gamdang ah pilna a sin lai-in Adventist pawlpimi a suak ahi hi.
Amah tawh kimu a, ka kikup uh ciangin, Topa Pasian’ tung bekah nuntak khuasak
ding leh bangcih ding cih ama’n hong gen hi. Ka nuntakna ah Topa Pasian ka
masak pen ding ka khensata,
cidam nadingin thasaanna tuamtuam hih ka kipan pah hi. Khensatna khat
peuhpeuh ka neih ma-in thu nget masak ding leh Topa Pasian’ deihna
kan ding ka khensatta hi. Thungetna
pen ka nuntakna ah ka ngeina hong hita in, mangh matkik ding zong ka ngaihsun
ngamta hi. Nuntak tohtoh
ding zong thu le la hoih ka mu toto hi.
Adventist
pawlpimi ahi, ka lawmngaih nu masa phawkkik ka hihmanin ama’ pawlpi ah kikhopkik
ding ka khensat hi. Sabbath ni kikhopna ah bang kaci thuak
peuhmah tam maw ci-in lamdang kasa hi. Biakinn
sung ka luut phet leh, tui kiphum ding ka lunggulh pah hi. Kikhopna a
man ciangin, tui kiphum dingin Lai Siangtho thu sinna ah ka min ka pia pah hi.
Ka naupan
lai nuntakzia tawh kibang
nawnlo in, tu-in
tuikiphumna a deihna ka theih nop mahbangin tui kiphum dingin zong a kiging kahi hi. Tui kiphum
nading Lai Siangtho
thu sinna ah Topa Zeisu’ thu leh Gupkhiatna geelna thu
ka theih masak pen ahi hi. Tui kiphumna
tawh Topa Zeisu sungah ka lungsim ka
pum-aap ciang bekin Ama’ hong itna hong khang toto hi.
Tuni in kei pen a suakta
hita ing ci-in
ka gen ngamta hi. Ni khat
khit ni khat, ka nuntak tohtoh mahbangin uphuai lo zah dongin ka lung hong nuam
hanhan hi. A mangthang khate Honpa leh na khempeuh a bawl Topa kiangah
tunpih ding pen ka ngiimna ahih mahbangin mawhpuak zong ka
nei hi.
Khatvei
lai-in,
ka huzaapna
pen
kha
manphate
meilipi sungah tunpih nadingin ka zat hangin,
tuni-in, tua pen Topa Zeisu hong panpihna tawh kha mangthangte vantung tunpih
nadingin ka zangta hi.Tu quarter
Sabbath 13na sumpi pawlkhat
pen Graca teenna Angola gam, Luanda khuapi ah Seventh- day Adventist pawlpi saang khat lam nadingin
kizang ding hi. Phaltak aa nong piak uh sumpi hangin
lungdam mahmah ung.
MUC
in Lezang le Tamu biakinn huang umna dingin kizeek ding hi.
