April 9 | KEI A SI KA HI HI: Khen Masa

 

April 9 | KEI A SI KA HI HI: Khen Masa

Alfred C. Machona

ZIMBABWE

 

Zimbabwe gamah Lungdambawl ma ni khat ni nih sung lampi-ah tuahsiatna na neih khak leh a nungta dingin kilamen kei in. December 23 ni-in ka zi tawh Harare khuapi panin khuadang khatah ka zin khia uh hi. Ka tate un a pi le pute tawh om uh a, amau tawh Lungdama bawl va bawl kham dingin a zinkhia ka hi uh hi. Tua khualam zuanin ka lampi-uah lamgei mun khatah mi hon khat ading ka mu uh hi. Tua mite’n a khut uah laan neuneu tawi-in ulian a muak bangin om ngeingai uh hi. Lungdambawl hun ma hi-in khualzin mawtaw khempeuh midim hi. Innlam zuanin a zin khualzin mi tampi om hi.Lamgei khatah nupi khat tawlnga ka mu uh a, mawtaw hong tuang dingin ka sam uh hi.

Amah zong mawtaw sungah hong tuangin, akhualzinpihte zong mawtaw tuangsak dingin hong ngenin, amaute ka theih ngei loh uh ahih hangin mawtaw sungah ka sam uh hi. Tua mite maitang puakin lunggimna tawh kibang hi. Mi thum pen mawtaw nunglamah tu uh hi. Mawtaw in hong khop hi ding hi ven, lampi tawh kisawh kha pahpah hi. Tha khat thu-in khua hong mial vat a, ka kawnggak hong kigak zaw hi, cih ka phawk hi. A gamla mun khat panin hong hopih awging khat ka za hi. A lauhuai thu khat piang hi, cih ka thei hi. Mawtaw kilok gawpin hi, cih ka thei hi. A sawt lo-in cina pua mawtawte hong tung hi. Tawlkhat khit ciangin mawtaw sung panin ka pusuak khia hi. Mawtaw sung pan hong kipua khia-in cina puakna mawtaw sungah hong kikoihlam ka phawk hi. Nurse khat in “ bangci nai vua, “ci-in hong dong hi. “Mawtaw tuahsia” ci-in ka dongkik hi. Pawlpi pastor le Uppa sam dingin a minte uh ka pia hi.

Zato ka tun uh ciangin pastor pa in hong hopih pahin, “ Harare khua-a zato ah hong puak nung” ci-in hong hopih hi. Zato a tun uh ciangin nurse khat dong a, ka nung uah mawtaw khat hong pai om a, amah le khualzin mi dang nihte nawkkha- in tuahsia uh hi. Ka khualzinpih mi nihte zong tuahsia-in amau pen zato dang mun khatah ka paipih uh hi, ci-in gen hi. Tua numei pen liam pha mahmahin si tampi luangkhia hi; tua manin ka zato ah ka puak hi, ci-in pastor pa in pulaak hi. Cina pua mawtaw nih ka sam uh a, Fortunate le kei pen Harare zuan dingin kong pai uh hi.

‘Zato panin hong kipaikhiatpih in ka phawk nunung pen hi. Tua zawh ni nih Dec. 24, 25 khit ciangin Fortunate le keimah in thum vei bang ki-atna ka nei uh hi. Ka zi pen a gilpeeng ki-atin gimsim tham hi. Siavuante in letmat 16 (40 centimeters) a gilzang atkhiatsak uh hi. A khut veilam le a khe veilam ah liamna lianpi khat zong ngah hi. Siavuante’n tua munah sik thunsak uh hi. Ka veilam khut le ka tak lam khe ah zong kitanin tua ah zong siavuante’n sik hong thuahsak uh hi. Ka nungguhte kizong kilawi ahih main hong bawlsak uh a, ka gim peuh mah hi. Ka tal tungah liamna omin, siavuante’n hong bawlsak uh a, ka gawlguh 4na le 5na zong hong bawlsak uh hi. X-ray ka kilak khit ciangin siavuanpa in hih pen leitunga siavuan siampente kiangah va kilak lecin “nang pen mihing hi lo na hiam” hongci ding uh hi. Hih X-ray siksan hi lehang nang pen misi na hi hi. Na sih kei leh zong pumzawcip ding na hi hi, ci-in pulaak uh hi. Nipi kaal nih khit ciangin Fortunate tawh inn ciahthei ding hong gen uh a, inn pan physical therapy (pumpi thasan lakna) nei dingin hong hilh uh hi. Nipi kaal guk sung lampai ka kisin uh hi. Tua bang tuahsiatna hangin mi nga si uh hi, cih a za masa uh hi. Tua mawtaw pen zu kham khat ii hawl hi-in, kimaituahin kiphu kha uh hi. Tua mawtawte zong ka mu uh a, kisia peuhmah hi. Mawtawte pen a nihin kibang hi-in Honda Fits a san nih a hi hi. Nai khat tai 105 bangin hatin a tai-in kitaihkha hi, cih ka thei

uh hi.

Mawtaw sunga tuang numei a phualah hong nusia pah hi. Mun dang pan hong tuang minihte bel nakpi-in liamna ngah uh a, a zing ciangin si uh hi, cih ka za hi. Ko tuanna mawtaw hong phu-kha in midang thum zong phu kha hi. Mawtaw hawlpa in zukhamin a gei-s tu piteek khat zong tua munah sip ah hi. Pasal khat pen zato-ah kipuak suak hi. Nunta ding maw nungta lo ding kithei lo-in kikhoi hi phot hi. Fortunate tawh ka nihun lamdang kasa uh hi.Hih bang thuteng hong kigen ciangin Pasian in lamdang takin hong kem ahihna ka khua nung phawk pha sansan hi; na lamdang tua tawh a khawl hi lo hi. Kha li khit ciangin April kha sung khatin Solusi University ah thu-um mite makaihzia ding thusinna khat ka kipan thei hi.

2015 kumin Sabbath School 13na sumpi in Solusi university ah kipuakin sangnaupang 1000 khat bang a tat nading annekna innpi khat kilam hi.

MUC in Lezang biakinn le Tamu biakinn huang umna dingin kizeek ding hi.