April 23 | Midangte
thupha pia
Blessing
Chatambudza, 31
ZAMBIA
Kei ka min Blessing
hi. Ka nuntakna in Pasian thupha tampite
pulaak hi. Zimbabwe gamah
ka teeng uh hi. Ka innkuanun
Sunday ni hong tunsialin biakinnaah ka kikhawm uh hi. A min bekin Khristian ka hi uh hi. Ka khangno hun a kipan Pasian nasem nuam mi khat ka hi hi.
Pawlpi makaite tungah Pasian nasem nuam khat ka hihna ka pulaak hi. Khrih
adingin kipia-in pasal neih ding ka sawm kei hi. “Lawm ngaih na nei hiam, ci-in
pawlpi makai khat in hong dong hi. “ Nei keng” ci-in ka dawngkik hi. “Itna va
ciam masa in. Tua khit ciangin hong
paikik in,” hong ci hi. Tua a kipan biakinn ka pai nawn kei uh hi.
College sangkahna-ah kikholhpih hoih lote tawh ka kithuahkha hi. Zudawnin party cihte –ah ka
pai kawikawi uh hi. Tua hunin kum 18
ka pha hi. Lawmngaih khat zong ka nei a, amah pen kum 23 pha hi.Pawlpi makaipa hong gen bangin itna
ka ciamkha hi; naupaai-in ka
om hi. Ko ngei-na-ah naupaai khat pen a lawmngaih pasal tawh a omkhop
kul hi. Tua hi-a ka lawmngaihpa tawh a teek nu innah ka omkhawm
uh hi. Tua ciangin ka lamet bangin nate hong piang lo hi. Ka
nupa-un nasep nei lo-in ka om uh hi. Nupa kikaal kitotna tawh kidim hi. Ta nih ka nei uh hi.
Nupa suahna a manphatna ka thei kha kei hi. Lamet le ngimna
tampi ka nei uh a, tuate a mawkna hong suak hi. Ka teek nu zong a gilo mahmah
khat ahihlam ka thei hi. Sunday ni hong tun ciangin ka pasal kikhopna biakinnah
zui-in kei zong ka kikhawm hi.
Ka cinuam lo ahih manin ka nu kiangah ciahin tawlkhat ka om hi. Ka nu tawh ka omkhopna sungin cihmah hunin ka ngaihsut ngei loh thute ka ngaihsun kha hi. Mangmat ka nei a, hih mangte in kibang hi, cih ka thei hi. Ka mang sungah mikim khat lau-in tau-uh a, a tai ngeingai ka man hi. Vantung panin suangtum lian mahmah hong kia suk ka mu hi; thal tang khat in singlamteh lam maingatin hong hilh ka mu hi. Tua munah mi tampi ding uh ka mu hi. “ Kisik un, leitung bei ding hi ta hi, cih thu ka za hi. Ka lungmang mahmah hi. Ka pasal pawlpi in leitung bei ding Jesuh hong pai kik ding thu a gen kei uh hi. Tua ka mangmat in bang deihna nei hi ding hiam cih ka thei kei hi.
Ka pasal
tungah zong ka mangmat ka pulaak hi. Aman zong bang deihna nei hi ding hiam cih hong genthei tuan lo hi.” Jesuh
zongin ka pai ding hi,” ci-in ka pulaak hi. Ka muh hun ciangin Ama thu ka
pulaak ding hi. Ahi zongin koi-ah Jesuh kimu ding hiam?
Zimbabwe
gamah nasep nei lo mi tam mahmah hi. Nasep ngah ding hamsa mahmah
hi. Nasep zong dingin ka pasal tawh Botswana ka zuan uh hi. Hih gam ka
tun uh ciangin Seventh- day Adventist upa khat tawh ka kimu kha uh hi. Hih upa
pa in Lai Siangtho hong hilh hi. Tua bangin
thusinkhopna ka neihna uah a masa penin leitung beita ding hi; Jesuh hong
paikik ta ding hi, cih thu hong hilh hi. Lai Siangtho sim ding mun tampi hong pia hi. A tawpna-ah
hun khat lai-a
ka mangmat ka phawkkik
hi. Nuam cihtakin ka nuam hi.
Tua bangin Lai Siangtho
thusinna tungtawnin Jesuh Khrih ka mu thei hi. Tui kiphumin
Adventist Pawlpi mi khatin ka om hi. Jesuh nung zui
dingin ka khensat
hi. Jesuh ka mu ta hi. Midangte
tungah Ama thu gen ding nuam kasa hi. Zambia gam a om Rusangu University ah Lai Siangtho
sinin ka om hi. Ka pasal in zi dang hong neihsan hi. Kei le ka tate nih tawh ka om uh hi. Ka
sangkah nadingin hanciam takin na ka sem hi. Tua
bangin nasep kawmin sangkahin ka om hi. Lai Siangtho ka sin nopna hang in Pasian thu theihtelna nei-in
midangte zong ka hilh sawn nuam
hi. Lametna nei lo mite tungah
ka nei lametna ka hawmsawn nuam hi. Bangbangin khial khin
phial mah taleng, Pasian in hun hoih hong pia tawntung hi. Amah mah ei tungah hong kilang hi. A mangthang mi
tampi om a, Ama kiang va tunpih ding hong deih hi. Ka mang sunga hong hopih
awging khat ka zah bangmahin ka nunzia khel dingin Jesuh in zong kei
hong sam hi, cih ka um hi. Jesuh in “ na mawhnate kisik in leitung in a bei ding hi ta hi. Jesuh in hong pai baih ding hi ta hi.
Ama hong pai ding ka ngaklah mahmah hi.
MUC
in Lezang biakinn le Tamu biakinn huang umna dingin kizeek ding hi.
