April 16 | | KEI A
SI KA HI HI: Khennihna
Alfred C. Machona
ZIMBABWE
Kum 11 sung laibu zuakin Pasian nasem khat in ka om khit
ciangin Solusi university ah Lai Siangtho thu thuk sin dingin huhna ka ngah hi.
Ahi zongin ka sangkah kipatma kha li in a sap hun deuh khatin ka zi, Fortunate
tawh mawtaw tuahsiatna khat ka thuak kha uh hi.
Mawtaw tuahsiatna panin ka zi bangmah ci kha lo-in
aomna thu ka tel zo kei hi. A tuanpih midangte in ahihleh si khin phial
uh a, a si lote zong nak liam mahmah uh hi. Kei zong bang mah ci lo-in ka damna
a hang pen ka tel zo kei hi.Physical therephy ka bawl a kipan hong hilh pa in “
thu nget hat mi khat na hi hiam?
ci-in hong dong hi. “Ka X-ray lakna amuh ciangin hih bangin ka om theih pen
lamdangsa mahmah hi. A taktakin na pumpi a zawcip ding hi, hong ci hi. Hih
bangin a tuahsia mi a nungta kuamah om lo hi, hongci hi. Ka tuahsiatna uah cina
pua mawtaw hong tunpah zong ka tel zo kei hi. Ka nung uah hong pai mawtaw in
khamkhuk a nasem khat hi-in, amah in ka
tuahsiatna uh hong mu kha hi. Ka tuahsiat uh ciangin aman cina pua mawtaw hong
sapsakpah hi. Kha thum khit ciangin Solusi ah sangkah nadingin sangsum ka ngah
theihna zong lamdangin ka tel zo kei hi. Huhna ngah lo-in ka innkuanun tua
bangin sangkah ding hamsa mahmah hi.Mawtaw tuahsiatna hangin zong sum tampi bei
hi. US $ 36000 val bang hong bei hi. Hih zah sum pen Zimbabwe gam mite adingin
tampi hi.
Ka
aawng hong khei ding siavuanpa in nisimin nasem lo-in dongtuak mahmahte
bek bawl hi ding hiam cih thu ka tel zo kei hi.
Zingsanglamin kikhei-in tua nitak lam ciangin France
gamah khualzin dingin letmat
lei khin sawnsawn hi. “ Topa tungah
bang hangin hong nungtasak na hi hiam” ci-in ka dong hi. Mawtaw
tuahsiatna-ah ka nuntakna a bei thei hi lo hiam? ka ci hi.Hih bang dotna ka
ngaihsut ciangin thu nih ka mu khia hi. A si dingin kiging nai lo, ka upna uh kip nai lo hi ding hi, ci-in ka
ngaihsun hi.
Topa Pasian in ka nupa-un kipuahphattheih nading hun hoih hong pia lai hi, cih ka phawk
hi. Thawhkik Ni zingsang
ciangin a tho dingte lakah a kihel thei dingin kiginkholh hun hong pia hi kha
ding hi. AHih keileh Pasian in nuntakna huu hong kop pen Ama lenggah huan
sungah nasem thei lai ding cih hong deih hi kha thei ding hi.
Mawtaw
tuahsiat a kipan ka thungetzia hong kikhel hi.
Nidang sangin thu ka ngen zaw hi. Nisim in na hoih a sem thei
ding, thupha a bawl zo den dingin thu ka ngen hi. Bangbang thaneemna nei mah tase leng in Pasian in hong zang dingin ka kiap den hi. Ka si zongin Pasian tawh
ka kizopna a tan ding kisam kasa hi.
Topa taisan lo-a Amah beel
tinten den dingin zong thu ka ngen hi. “Topa aw na nasepna-ah ka sep bangbang
hong sang in. Ka sep theih
bangbang sepzawhna tha hong guan in,” ci-in thu ka ngen hi. Ahi zongin khat
veivei ciangin sepkhialh hong om kha thei zel a, tua bang hun ciangin
Topa tung pan mawhmai-na ka ngen hi. Kicinna bang mah nei lo ka hih manin ka
khialh khak loh nadingin tha hong guan in,” ci-in
thu ka ngen hi. “ Topa tawh
kizopna kip ka neih zawh nadingin zong thu ka ngen hi.
“Topa aw,
nong
sepsak nop bang bang hong semsak in,” ci-in thu ka ngen hi. “ Ka khialh khak loh nadingin
hong huh in,” ci-in huhna ka ngen hi. December
23, 2015 ni-in
bangci bangin Pasian in nasem
hiam cih ka thei zo kei hi. Ahi zongin ka thei khat om a , tua in ka nungtak
sung tawntung Topa Pasian na bek ka
sem ding hi.
2015
kum Sabbath School 13na sumpi in Solusi University
ah kipuakin sangnaupang 1000 bang in a zat ding annekna innpi lamna-in kizang hi.
MUC in Lezang biakinn
le Tamu biakinn huang umna dingin kizeek ding hi.
