LESSON 8 MAY 14-20
KAMCIAM
SABBATH NITAK
Tu Kaal Sung Sim Ding: Pian. 22, Heb. 11:17, Siam. 18:21, John
1:1-3, Rom. 5:6-8, Pian. 23-25,
Rom. 4:1-12.
KAMNGAH: “Tu-in Abraham teekin a kum tam mahmah ta hi. Topa in na khempeuhah Abraham thupha pia hi (Pian.24:1).
A tawpna-ah Pasian in a kamciam bangin Sarai in Abraham tungah tapa khat a nei hi. (Pian. 21:2);
Abraham in naungek a min dingin Isaac a phuak hi (Pian. 21:1-5). Abraham in a tapa
tonpihin Moriah Mual tungah meihal biakpiak nadingin a pai uh hi, cih thu in mihingte ngaihsutna panin a lamdang mahmah kipiakkhiatna hi. Ahi zongin Isaac asih tangin Pasian in tuutal khat a pia hi (Pian. 22:13), hih thu in Pasian in Ama
tapa tungtawnin
minamte thupha pia ding a hihna hong lak hi.(Gen. 22:17, 18). Tua tapa in Jesuh Khrih ahi hi. (Sawl.
13:23).
Tua hi-in alamdang hih kipiakna in, mi
kimkhat adingin lungmanhuai phial taleh, hotkhiatna thu a hong hilh hi. Tua thupiangte
hangin Abraham le a innkuanpihte in lungmang kha ding hi. Abraham
mailam thu ding bangmah kitel nai
lo hi. A zi Sarah a sih sawtnai lo hi.
Moriah Mual panin inn a ciah khit deuhin Sarah a si hi (Pian. 23), tua banah Isaac in zi nei nai lo hi.
Tua ciangin Abraham in a gamh luah ding a
vaihawmta hi. A tapa zi dingin Rebekah tawh lak ding a ngaihsun hi.
(Pian. 24); Rebekah tawh Isaac in ta peeng anei uh hi. (Pian. 25:21-23), Abraham mahmah in Keturah tawh kiteengin ta tampi a nei uh hi.
(Pian. 25:1-6). Tu kaal sungin Abraham nuntak abeina thute i entoto
ding hi. (Pian. 25:7-11).
SUNDAY May 15
Moriah Mual
Pian. 22:1-12 le Hebrews 11:17 sim in. Hih
sittelna in bang khiatna nei hiam? Hih a lamdang thu panin nuntakpih ding bang thu
na mu hiam?
___________________________________________________________
Pian. 22 sunga thute
in Lai Siangtho thuthuk kante bek hi lo-in leitung mipil le siamna tuamtuam neite in a thangahna mun khat hi. Hih sittelna a
khiatna in telhamsa hi. Hih in Pasian
sawl hi-in, mihing tawh biakpiakna a
deih lo Pasian in mihing tawh biakpiakna pia dingin a sawlna thu in mihing tel zawh loh thu thuk khat hong suak hi.
(Siam. 18:21), Isaac tungtawnin Pasian tawntung kamciam a tangtung takpi
ding ahihna tawh kituak thei lo hi (Pian.15:5).Tua ahih leh bang ngimna tawh Pasian in
meihal biakpiakna dingin Isaac ngen
hi ding hiam? Bang hangin hih a lian sittelna
kisam hi ding hiam?Lai Siangtho sungah “nissah” a khiatna in
sittel cihna hi-in, a kibang lo thu nih gawmkhopna hi. Hih kammal
in thukhenna pulaak hi.
Mi khat in bang ngaihsun hiam, a lungsimah bang thu om hiam, cih sittelna ahi hi (Thkna.. 8:2; le Pian.
22:12 enkak in). Ahi zongin
sittelna a thuak mi in Pasian sungah khamuanna a ngahna suak thei hi (Pai.
20:18-20). Hih thu-ah Pasian sungah
Abraham upna in mailam ah a ngah ding nopsakna khempeuh nusia ngam hi. Tua hi mah taleh amah in Pasian a muang hi. A tel zawh loh
thute hi mah taleh Pasian sawl bangbang sem dingin a kigingkhol hi. A tawpna-ah i muh loh na khat i theih loh
thute muanna nei kei
lehang upna i cih in bang hi ding hiam?
Lai Siangtho pulaak upna in Pasian a dingin
sepzawhna, zawhna thu kihel hi mah taleh tua thute sangin zai zaw
hi (Rom. 12:1); upna i cih in Amah i muan ngamna, i hihna bangbang kitheitel a, Ama hehpihna i sanna hi. Hih thu tawh kisai i sinbeh ding
hi. Abraham sepna khempeuh, a lawpna khempeuh, a tapa tawh lunggimin a khualzinna ahi zongin, Pasian sawl bangbang mang dingin kigingkholhin a hoih penpen mah Topa tungah a piaknate in honkhiat ngah nadingin kicing zo lo hi. Bang hang hi ding hiam? Bang hang hiam cihleh meihal biakpiak nadingin Topa in tuutal khat a pia khin hi. Tua
tuutal in Khrih a limcingkhol hi.
Abraham in hehpihna thu thei
tel hi. Gamtatna phate hangin Pasian in eite hong honkhia hi lo hi. Pasian in i sungah nasem ahih
manin hotkhiatna ngah
thei ihi hi. (Eph. 3:8; le Rom. 11:33 enkak in); ahi zongin Abraham bangmahin Pasian ading nasem
dingin sapna ngahte ihi hi. Abraham gamtatna in vanglian mahmah hi (James 2:2—23).
Moriah Mualah Abraham le Isaac thu in bang
hong hilh hiam? Na upna bang pulaak
hiam?
MONDAY May 16
PASIAN IN HONG SIK DING
HI
Pian. 22:8, 14, 18
sim in. Pasian in a meihal nadingin a sikna tungtawnin koi bangin a kamciam
tangtung hiam? Bang kisik hiam?
__________________________________________________________
A tuam vilvel meihal biakna pia
dingin a pai-na uah Isaac in a pa tungah biakpiak nading tuuno koi-ah om hiam,
ci-in a dot ciangin Abraham in “Pasian in amah mah hong kisik ding hi, ci-in a
dawngkik hi.(Pian.22:8). Hebrew tawh kigelhna-ah Pasian in amah mah tuuno hong
kisik ding hi, ci-in pulaak hi. Sepna lak kammal “yir’eh lo” a khiatna in hong
sik ding hi, cihna hi. Amah le amah hong kimu ding hi. Amah le amah hong kisik
ding hi. HIh thu in hotkhiatna laigil hong hilh hi. Topa mah in gimna sihna
hong thuakin i mawhna thaman a hong thuak hi.
John 1:1-3 le Romans
5:6-8 sim in. Koi bangin hihte in SInglamteh tunga thupiang hong theitelsak
hiam? Moriah Mual a biakpiakna in singlamteh tunga Khrih hong sihna ding a
pulaak khol hi.
__________________________________________________________
Singlamteh ma pekin Moraih Mual
tunga sawlkawm lakah tuutal in (Pian 22:13) in Jesuh a pulaak hi. Amah in hong
kiiskpa ahi hi. A nungciangin Abraham in
“Mual tungah Topa in hong kisik hi, ci-in pulaak hi. (Pian.22:14). Jesuh mahmah in zong Abraham thu a pulaak hi.
“Na pa uh Abraham in Kei hong mu khin
ahih manin a lungdam hi,” (John 8:56). Abraham lungtang tungah lungdamna thu
kigelh khin hi. A upna sittel a thuakna-ah Pasian in Isaac tawh biakpiakna pia
dingin a ngen hi. Abraham lungsim in upna sittel a thuakna-ah Lungdamna thu bek
mah tawh a kalsuan thei hi. A lungkham thuakna zan khuamial vangikpi bangin pai
nading thei lo-in cimawhin om taleh zawhna angah thei hi. Launa le lunggimna
thuak dingin Pasian in zong phal hi. Tua bangin a thuakna hangin mihingte a
hong tatkhiat nadingin Pasian Tapa a hong kipiakna a phawk thei semsem hi.” Ellen G. White, Patriarchs and
Prophets, p. 154.
Abraham nunzia in
singlamteh tunga eite adingin Pasian hong thuakna koi bangin hong theitel sak hiam? Koi bangin Topa hong
sihna na dawngkik ding hiam?
TUESDAY May 17
SARAH SIHNA
Pian 22:23 sim in. Rebekah nausuahna thu
kipulaakna-ah Isaac le Rebekah mailam hun ding zong a pulaak suak hi pah hi (Pian.24). TUa bangmahin Abraham zi sihna thu leh a
kivui-na thu in (Pian. 23), A zi dingin Keturah a lakna thu zong a hong hilh hipah hi
(Pian. 25:1- 4). Pian.23
sim in. Pasian in Abraham tungah a kamciam tangtunna-ah Sarah sihna leh kivui-na in bang
dinmun nei hiam?
___________________________________________________________
___________________________________________________________
Isaac a piakkhiat khit thu le Sarah sihna kizomto pah hi. Moriah
Mualah Isaacc
a kipaipihna thu in a nu lungsim sukha mahmah hi kha ding hi. A nuntakna nangawn lawngkha hi phial ding
hi. Lamkhat panin Sarah zong Abraham sittel thuakna-ah kihel hi, kici
thei hi. Patate in Moriah zuanin inn pan a paikhiat uh a kipan Sarah lungsim in a tapa tung bekah om hi ding hi. (Pian. 12:11-13).
Sarah in thu khat peuhpeuh a imcip thei
nupi hi lo hi. Hih bang thute hong om ciangin Pian. 16:3-5; Pian. 18:15; Pian. 21:9, 10
simkak in, a lungsim
sungah a ngaihsut thute a pulaak khiat loh hang in thupi hi. Tua thu piangkhit ciangin a sihna in zong ama
pianzia hong hilhna suak pah hi. Sarah pen a kum tampi pha khin hi.( Pian. 23:1),
Abraham tawh kitamkhaih
lua lo hi (Pian. 24:1), Sarah nunzia in Abraham le Isaac tungtangah a thupi khat hong suak hi.
Thukhun Lui sungah numei kum phazah a
kipulaak Sarah bekmah om hi. Tua hi-in amah pen hih thu-ah a thupi mahmah khat hong
suak hi. Sarah
a sih ciangin a kivui nading leitang lei-na tawh kisai-in, a sihna thu sangin a kivui nading thu in thupi zaw hi. Bang hang hiam cihleh
a kivui na mun in Khapsa Leitang tawh kisai hi. A sihna mun a kipulaak
bangmahin “amah in Khapsa Leitang” Canaan
gamah a kivui hi. (Pian. 23:2); Sarah sihna in Pasian kamciam leitang a ngahna
uh pulaakna hi. Khapsa Leitang tungah a kivui masa pen hong suak hi. Abraham
lunghimawhna lian bel in “pemta khat le khualmi khat ahihna tawh” a zi
kivui nading mun hi pipen hi (Pian. 23:4),
Seth tate tung pan leitang a nget ngitngutna a hang in Abraham in leitang ngah ding bek ngaihsun lo-in a tawntungin a teen nading munkip ahihna ding ngaihsut lianpi-in nei hi.
Pian. 23:6 sim in. Abraham in bangci bang
minphatna nei hiam? Bang hangin Topa in zang hi, cih i theih ding thupi hiam?
WEDNESDAY May 18
ISAAC ADING ZI
KHAT
Pian. 24
sungah Isacc zi neihna thu le
Sarah sihna thu kiciamteh hi. Hih thu nihte in kizopna nei hi.
Pian. 24 sim in. Bang hangin
Isaac in Canaan mite teenpih lo ding hi, ci-in Abraham lunghimawh hi ding hiam?
__________________________________________________________
Abraham in a zi vui nading leitang deih hi. Bang hang hiam cihleh a suan le khakte tungah Pasian in thupha ngah ding
hi,ci-in Pasian in kamciam pia khin hi. Amaute in tua leitang luah ding
uh hi; ahi zongin tu-in Isaac in tua
leitangah teeng nai lo hi. (Pian. 24:7). Tua banah Isaac in a zi pen Sarah puan bukah kituahsak nai lo hi.
Rebekah in zong a teeknu sihna
hangin a pasal a hehneem nai kei hi. (Pian.24:67) Sarah sihna hangin Isaac dahna in a suah dingin a nu
gimna tawlnate hong phawksakkik hi. Hih
tangthu in thungetna le Pasian in a ngetnate a piakna thute kimu thei
hi. Mihing deihtel theihna le suahtakna thu zong hong hilh hi. Amasa-in
Abraham thungetna tawh kipan hi. Amah in Topa min tawh kiciamna bawlin “ Topa aw, vantung le leitung Pasian “ ci-in a pulaak hi.(Pian. 24:3)
Hih thunget in Pasian in Piangsakpa ahihna kipulaak masak penna hong suak hi (Pian.1:1, Pian. 14:19); Pasian in
Abraham suan le khakte a kipan
Messiah mahmah ahong pianna khanggui ahihna a pulaak hi. ‘Ama vangtungmi” le ‘Vantung Topa Pasian” cih kammalte
in Moriah Mual tunga Isaac sihna ding panin ahonkhia Topa Vantungmi, Top
amah ahihna hong hilhkik hi. (Pian. 22:11).
Pasian in vankhuanuai khempeuh a uk Pa
hi-in, Topa Vantungmite in sihna ding panin Isaac a honkhia hi. Hih thu panin
Isaac zi neih ding thu in zomtosuak hi. Isaac zi ding in Pasian sapna a
ngai numei ahih ding Abraham in masuan lianpi khat nei hi. Pasian in vanglian mahmah
ahih manin mi khat peuh Ama thu mang dingin thagum sawl lo hi. Rebekah in Pasian geelna
bangbang zui ding hi mah taleh ama khensatna bangin a kalsuan ding a hi hi.
Eliezer in a zuih nop kei leh zong ama khensatna bangbang hi dinga mimal deihtel
theihna Pasian in zong hong suksiatsak lohi. Tua hi-in hih thu-ah a lian mahmah
Pasian hi mahta leh mihingte
tungah deihtel theihna suahtakna a hong piak pen mihing hamphatna khat hi, ci-in i thei hi. Pasian in mihing
deihtel theihna hong lakkhiatsak hi leh tua pen deihtel theihna kici thei nawn lo
ding hi. Mihing in bangbangin deihtel theihna nei hi phial taleh a tawpkhakna-ah na khempeuh in
Pasian deihna a zui ding
hi. Ama deihna bekmah in lianpen ding hi.
Mihing in deihtel theihna nei hi mahta leh
Pasian in na khempeuh tungah
ukna nei hi, cih thu in bang hangin khamuanna hong guan hiam? Koi bangin Daniel
2 sunga genkholhnate in bang thu hong hilh uh hiam?
THURSDAY May 19
ABRAHAM ADINGIN ZI KHAT
Pian. 24:67-25:1-8 sim in. Abraham
hun nunung a thupiangte in bang thupina nei hiam?
__________________________________________________________
Sarah sihkhit ciangin Abraham in zi kik nei hi.
Isaac bangmahin Sarah sih khit nungah
Abraham in zong hehnepna a ngah hi (Pian. 24:67). Sarah phawknate Abraham lungsim ah mangnai lo hi. Tua hi mah taleh
a zi ding kua hi ding hiam cih kitel
nai lo hi. Lai Siangtho gelhte in Keturah min pulaak lo-in ama tate le Hagar tate a kibangin pulaak uh hi. Mi kimkhatte ngaihsutna-ah Keturah in Hagar
mah hi, ci uh hi. Abraham in Keturah tate le Hagar tate deidan nei lo hi. A kibangin kizopna nei hi, cih thu in thupi hi.
Abraham in Hagar tate sawlkhia hi. Bang hang hiam cih leh amaute’n
midangte huzaap kha leh hoih lo ding hi, cih a ngaihsun hi. Sarah tawh a neih tapate le a dangdangte kisawh kha lo
dingin tuam koih hi. A neihsa khempeuh
a tapa Isaac tungah a pia hi (Pian. 25:5). A zikikte zong letsong tampi a pia hi (Pian.25:6).
A zineute lakah Hagar bangmahin Keturah zong kihel hi. Keturah
in kua hi ding hiam cih tawh kisai-in Hagar cihna zong hi kha ding hi,
ci-in a ngaihsun zong mi om hi. Sarah
a phawkna-in Keturah-Hagar tenpih hi, ci-in a pulaak zong om hi.
A theihhuai thu khatah Pian.25:1-4, 12-18 sungah Abraham
in Keturah tawh a neih a tate le Ishmael
tate zong kigelh hi. Keturah tawh a kiteen khit uh ciangin Abraham khanggui ngimna in Pasian in a kamciam a
tangtunna, Amah in minam tampite pa hi
ding hi, a kamciam a tangtunn hong hilh
nading ahi hi. Abraham in Keturah tawh tapa guk nei-in a dang tapa nihte
in Isaac le Ishmael hi. Abraham in minamte pa
hi ding hi, cih Topa kamciam a tangtunna kimu thei hi.
Khanggui nihna kigelhna-ah Ishmael suan le
khakte hi-in, hih sungah minam sawm le nihte kihel hi (Pian. 17:20 tawh enkak in), Jacob
tunga thupiangte in zong
tua bang mah hi (Pian. 35:22- 26). Pasian thuciam in Isaac tunga thuciam tawh kilehbulh hi mah taleh, Ishmael
tungtawnin Abraham suan le khak kiciamteh lo ahihlam hong hilh hi. ( Pian.17:21)Tua
khanggui nihte kikalah Abraham sihna thu kipulaak hi (Pian. 25:7-11) Tua banah Pasian thuphate
zong a pulaakna kimu
thei hi. Kum tampi a pai khin Abraham tunga kamciam in tu-in a tangtung hi ta hi; Abraham in kamciam a ngah hunin
amah teek ta hi. (Pian. 15:15) kum cing khin hi. ( Thuhilhsia 6:3 tawh simkak in).
A tawpna-ah Topa in a nasempa Abraham
tungah a kamciam a tangtun mateng citak hi, cih kimu hi. Abraham upna in thu-um mite etteh
ding ahi hi. Upna tawh nuntakna-ah Abraham in etteh hoih pen ahi zo kei zongin
Thukhun Lui sung panin etteh
taakcing pen hi, cih i thei hi. (Rom. 4:1-12).
FRIDAY
May 20
Ngaihsutbeh
Ding: Abraham in kamsang
picing mahmah khat hi-in Pasian in Ama sep
ding na khat peuh Abraham tungah a pulaak hi (Pian. 18:17), Pasian in Abrahm tawh thuciam a bawlna-ah Ama
Tapa tungtawnin a hong piak hotkhiatna
thu honpi khat zong apulaak hi. “Isaac in Pasian Tapa limcingkhol hi. Amah in leitung mawhna puakhia
dingin sihna a hong thuak hi. Abraham
in mawhneite kihotkhiatna lungdamna
thu a galmuh hi. Mawhnei mite ahong honkhiatna dingin Amah in
Abraham upna a sittel hi. Meihal
biakpiakna pia dingin a it mahmah a tapa Isaac
a ngen hi. Tua thu hangin Abraham in
lungzinna le lungkhamna lianpi a thuak hi; khuamial zingpi in Abraham tuamcip a mawhnei mite
kihotkhiat nading Pasian hong kipiakkhiatna
a ngaihsun thei hi. Amah mah in Pasian hong kipiakna a thuakpih hi. Tua
thuakna mihing in a pulaak thei kei hi.
A kisia leitung mite a hong
hotkhiatna-ah Pasian in A tapa ahong piakna in angsung deihna nialna kihel a, tua sangin a lian zaw
kipiakkhhiatna a om kei hi. Pasian sawl bangin a manna-ah Abraham thuakna in tehpih ding a om kei hi; ama kipiakna in Pasian in a Tapa a hong piakna tawh
kilamdang lo hi.”Ellen G. White, Testimonies for the Church, vol. 3, p.
369.
“Abraham in a kum tam semsemin a sawt lo-in
a nuntakna bei ding hi
ta hi. Ahi zongin amah pen tangzang mahmahlai hi; Pasian kamciam amuh nadingin a nuntakna khempeuh Topa
adingin nungta hi. Pasian thukham a kemcing ding leh teltuam mite pa ahi dingin
Isaac bekmah a nungta lai hi. Ahi zongin Isaac in zi nei
nai lo hi. Canaan gama a teng mite in milim biakna tawh kidim uh hi; Pasian in namdangte
tawh kipi kiteen ding
a phal kei hi. Tua bangin kiteenna hangin thuman lampi panin lampial khin uh hi. Abraham in kim le paam siatnate
in Isaac tungah huzaap a neihkhak ding lunghimawh mahmah hi ............................................................... tua hi-in Abraham in a tapa zi ding a thupi pen
khatin a koih hi. Isaac in Pasian
azuihna panin a zi in lam apial pih khak ding Abraham
lunghimawh hi. Isaac in zong a pa deihsakna
le lamlahna a muang thei hi. Isaac zi zonna-ah Pasian mahmah in a makaih hi.” Ellen G. White,
Patriarchs and Prophets, p. 171.
KIKUP
DING DOTNATE
1. Abraham kipiakkhiat zawhna na lawmte tawh
kikum in. A tapa Isaac piakhia dingin Abraham upna in
lamdang hi. Hih thu in dipkuathuai thu hi mah taleh a lamdang kipiakkhiatna hi lo hiam?
2.
Deihtel theihna thu ngaihsun in. Bang hangin upna om kei
leh mihing deihtel theihna in bang suak ding hiam? Deihtel theihna
tawh kisai Lai Siangtho
sung pan pulaak ding a om hiam? Bang hangin
mihing in bangbang
geel zongin a tawpna-ah Pasian deihna bangin hong piang ding hi lo hiam?
