LESSON
12 June 11 - 17
JOSEPH, EGPT KUMPI TAPA
SABBATH NITAK
Tu Kaal
Sung Sim Ding: Pian. 41:37-46; 1
Kum.3:12; Pian. 42; Rom. 5:7-11; Pian. 43; 44, 45.
KAMNGAH: “Tua ciangin Pharaoh in Joseph tungah, ‘En in Egypt leitung khempeuh a uk dingin thu kong pia hi (Pian. 41:41).
Tu-in Joseph
in Egypt gam ukpi hong suak hi. A
sanggamte in amah kua hiam cih thei lo uh
ahih manin a mai-ah hong kun uh hi (Pian. 42). Joseph in a sanggamte tungah vaciah phot unla Benjamin tawh
hong paikik un, ci-in a sawl ciangin a
sanggamte in ama mai-ah kiniamkhiatin kun uh hi (Pian. 43) Benjamin nuntakna
lauhuai kha ding cih a patau uh hi. (Pian.
44); Amaute in Joseph pen Pharaoh bangin mu uh a, hehpihna a ngen uh hi. A tawpna-ah Joseph in amah le amah a
kipulaak ta hi. Gimna launate lak pan
in Pasian in amaute adingin thuhoih piangsak ahihlam a thei uh hi. Hih thu piang khempeuh a banbanin kizomto dimdiam hi, cih i mu hi.
Hih thute khempeuh in a sanggamte kisikna
sangin Joseph lawhcin nadingin
thu piang vive ahihlam zong i tel thei hi. Egypt ah pai-in an tawh ciahkik, tua bangin Joseph kiang le Jacob kiangah kilehsuk kilehtohnate, Joseph tungah a tatsiatnate
uh leh a pa tungah a gamtatnate un Pasian tungah a tatkhialhna ahihlam a phawk
uh hi. Joseph sanggamte in Pasian thukhenna a tuakkha uh hi mah taleh tua thute in
khitui luanna le nopna a ngahna uh a suak
hi; amau tatsiatna hangin mawhmai-na thu zong kihel hi.
SUNDAY June
12
Joseph in Ukna nei Ding Kipan
Pasian in a sep dingin nate Pharaoh mang
tungtawnin a pulaak hi. (Pian. 41:28). Ahi zongin Joseph in Ama biak Pasian bia
dingin Pharaoh tungah
pulaakna nei lo hi. Joseph nasep masak pen in gam sung annek ding vaihawmpah hi; gam sung vanzuak vanlei-na tawh kisai geelna
lianpi neipah hi. Pharaoh in Joseph vaihawmna
gam sung vanzuak vanlei-na bek
lunghimawh lianpi-in koih a, tua a mangmatna-ah Pasian in bang deihna nei hiam, cih kantel ding a ngaihsunkha kei
hi.Pian. 41:37-57 sim in. Josuah
lawhcinna -ah Pasian panmun in bang hiam?
Pharaoh in gam vaisai dingin Joseph a telna-ah
Joseph in mang a khiatna genthei ahih
manin a tel hi masa lo hi. Ahi zognin Joseph in Egypt gam sungah a tung buai-na ven nading pulaak thei ahihna tawh tua bangin dinmun sangpi kipia hi zaw hi; ama
lamlahna pen Pharaoh in hoihsa hi (Pian. 41:37); Pharaoh nasem dangte in
zong Joseph gen bangin ngaihsutna nei uh hi;
Joseph pulaak thu in biakna vai hi lo
zaw-in a kizang theipah ding lamlahna
hi.Tua hi mah taleh Pharaoh in Joseph sungah
Pasian Kha Siangtho om ahihna a phawk thei hi (Pian. 41:38); tua ahih manin Joseph in pilna le thu khentelsiamna
anei hi (Pian.41:39); Pasian piak
pilna ahihlam Pharaoh in a phawk thei hi; Pasian piak pilna ahihlam amu thei uh hi (Pian. 41:33; le 1 Kum. 3:12
enkak in).
Lai Siangtho hong hilh thute in Egypt gam
tangthute mah a pulaak hi. Tua
hunlai gam ki-ukna-ah Pharaoh in gam makai dingin Jospeh a seh hi; tua bang dinmun nidang Egypt gamah a kizang ngei
khat ahi hi; gamdangmi tua bangin gam
makai khatin kikoih thei zel hi. Kum sagih sung gam sung in nopsakna tawh kidimin gam sung an piangte in theih zawh lohin tam hi (Pian.41:49; tua in a lamdang
Pasian thupha khat hi. “Tuipi gei
sehnel zahin tam hi” cih thu in (Pian. 41:49) in Pasian thupha piak a pulaak hi (Pian. 22:17). Joseph in tua
thuphate tungah cihtakna a kilangsak
hi. Hih thupiangte in Pasian nasepna ahi hi. Josep tapa nihte min in Pasian thupha piakte a pulaak hi; tua minte in gimna dahna panin lungdamna (Mannaseh); gimna panin
tuahphatna (Ephraim)a pulaak hi.
Tuahsiatna panin a hoih mahmah thu khat ahong piang hi.
I nuntakna panin midangte in Pasian
vangliatna bangci bangin a mu thei ding uh hiam?
MONDAY June 13
JOSEPH
IN A SANGAMTE TAWH MAITANG KITUAH
Pian. 42 sim in. Bang thu piang om hiam?
Mihing siatna le gitlohnate lakah koi bangin Pasian lamlahna kimu thei hiam?
Jacob in atate in an leikik dingin Egypt ah a
sawlkik hi. Khualzinkik ding a pulaak masa Jacob mah hi (Pian.42:1). Teeknung
guainungah a hingim Jacob in ama letzawh loh thute a thuakkha hi. Dahna
piangsak thu khat khit khat in kum
sawtpi a kikhenpih a tapa tawh kimukik ding hun a ngaklah mahmah hi. A lamdang hih kimuhkhopna in thupiang nihte tungtawnin hong kilang hi. Amasa-in, Joseph mangmatte in a tangtung ding hi ta hi. “Note buhvui in keima buh
vui mai-ah hong kun uh hi.
(Pian.37:7). Joseph in Egypt gam ukpi suak hi (Pian.42:6); Gam mite topa a suak hi (Pian. 42:30, 33).
Joseph vangliatna in a cimawh a sanggamte dinmun tawh etkak
theih dingin om hi; “A sanggamte in Joseph
mai-ah a kun uh hi.”(Pian. 42:6); a sanggamte in Joseph mangmat le a
tangtunna zahpih uh hi (Pian. 37:8). Nihna-ah
Pasian lamlahna tawh hih kimuh kikna in kialtunna pan annek ding zonna tungtawnin kimuhkhopna hi. Kammal zatte
leh a thu mungtupte in thukhenna thu
hong hilh hi. “Amaute khat le khat kiho uh hi,” cih thu in (Pian. 42:21) Joseph tungah a sep ding uh a kikum
uh hi. (Pian.37:19). A sanggamte
khualzinna-ah thongtaang uh hi (Pian. 42:17) cih thu in Joseph
thongkiatna hong phawksak hi (Pian. 40:3, 4). A taktakin Joseph sanggamte in a beisa kum 20 hunlai-a Joseph
tungah a bawlzia thute a phawkkik uh
hi. Tua hangin amaute khat le khat kiho uh a, “I sanggampa tungah i khial taktak hi. Amah in hong thuum mah hi ven, ama
hong thuumna ngai lo ihih manin hih gimnate hong tung hi, a kici uh hi (Pian. 42:21). Reuben kammalte in: “ Ama sisan
in i tungah thu hong genkik hi,” ci
hi. (Pian. 42:22), hih kammal in “ sisan luangsak kei in” cih hong phawksak hi. (Pian.37:22), tu-in a tuah uh
thute le a beisa a gamtatnate in
kizopna nei hi, cih a phawk uh hi.
I gamtatnate tu-in i kisik om hi lo hiam?
Koi bangin kisik a tawm theithei
dingin gamtaang thei ding i hiam? Jesuh in ei adingin a sepnate hangin bang
hangin Pasian tung pan mawhmai-na sang lo ding i hiam?( Rom. 5:7-11)?
TUESDAY June 14
Joseph le Benjamin
Jacob in Benjamin tawh a kikhen ding ham
sasa mahmah hi; Rachel
tawh a neih amah tawh a om khawm Benjamin bek hi. Joseph tawh kikhen khin ahih manin Jacob in
Benjamin a manthankhak ding lau hi;
(Pian.43:6-8). Nek ding an a om nawn loh ciang bekin Benjamin paisak dingin a khensat hi. (Pian. 43:2) Judah in Benjamin
hong ciahkik takpi ding hi, ci-in kamkhap hi (Pian. 43:9); a tawpna-ah Jacob in
Egypt ah a sanggamte kiangah pai dingin
Benjamin a phal hi. Pian. 43 sim in. Benjamin hong tun
ciangin bang kilamdanna om hiam?
__________________________________________________________
___________________________________________________________
Benjamin
in a thu paizia khempeuh huzap khin hi. A sanggamte in Joseph mai-ah ding uh a, Joseph in Benjamin en hi (Pian.
43:16). Benjamin bekmah in “sanggampa
aw” cihna ngah hi. (Pian. 43:29) Benjamin min bek kilo-in a
dangte minte bangmah kipulaak lo hi; a sanggam dangteng ‘mite’ ci-in kiciamteh hi. (Pian. 43:16). Joseph in
Benjamin pen “ka tapa” ci-in sam hi; laiguizom ki-itna pulaak
phapha hi (Pian.43:29 le Pian. 22:8 enkak in). Joseph
thupha in “hehpihna” ci-in kipulaak hi (Pian. 43:29), a sanggamte tung pan hehpihna a ngetna hong phawksak hi; ahi
zongin a sanggamte in ama tungah hehpihna nei lo uh hi. (Pian. 42:21). Joseph in Benjamin kiangah hong paikik hi; a
sanggamte tung pan a ngah khak loh
hehpihna Benjamin tungah a lak hi. Joseph in dum sung khatah
khiat a thuakna-ah a sanggamte’n sum tawh a zuak uh ciangin dum
sung pan suakta thei hi. Tu-in Benjamin
hong tungta ahih manin Joseph in
pawipi khat a vaihawm hi. Benjamin hong tunna hangin na khempeuh kikhel hileh kilawm hi. A sanggamte zahtak piakna-in a kum uh tawh kizui-in tutna gual uh hi; Benjamin in nek
ding a sanggamte ngah zah nga a ngah
hi. (Pian. 43:33, 34). Hih bangin Benjamin a tuam bawl hangin a sanggam dangte in phamawhsa nawn lo
uh hi; tuma kum tampi lai-a Jacob in Joseph a tuam pawl ciangin hazatna
lungsimte a nei nawn kei uh hi; tua bang hazatna hangin Joseph le Jacob
tungah gimna le dahna lianpi a hong tung hi
(Pian. 37:3, 4).
“Benjamin in a tuam diak hamphatna a ngah
ciangin Joseph tungah hazatna muhdahna lungsim puak bang uh a nei lai dingin a
ngaihsun hi. A sanggamte in suakta takin
kiho uh hi; Joseph in a sanggamte lungsim puak a khensat thei hi. Amaute a sittel nopna hangin a paikhiat uh ciangin Benjamin ip sungah tuidawnna hai koih
dingin a nasemte a sawl hi.” Ellen
G. White, Patriarchs and
Prophets, pp. 228, 229.
WEDNESDAY June 15
AISANNA HAI
Pian. 44 sim in. Bang hangin Joseph in
Benjamin ip sungah aisanna hai koihsak hi ding hiam?
Hih thu pianma-a thupiang le hih thu piang in
kizopna nei hi. Hih thua pianma-in Joseph in hilhkholhna limtakin nei hi. A sanggamte ip dimin an guansak ding limtak a hilh hi. Ahi zongin tu-in
Joseph in a thu tuam khat vaihawm hi;
a manpha hai khat Benjamin ip sungah koih dingin sawl hi. Tua hi-in tua bangin a sawlna a hang in deihna tuam khat nei hi.
Tua ma-in a sanggamte in Egypt ah a
ciahkik uh ciangin Benjamin hong tonpihkik
dingin a vaikhak hi. Tu-in Joseph tawh kimukik dingin Benjamin hong tonpih uh hi. Hih thu pianma-in a
sanggamte ip sungah antang dim mu uh
hi. Tu-in Benjamin ip sung bek kisit hi; ama ip sungah Joseph aisanna hai om hi. Benjamin pen zinmangpi-a
kipaipih hi-in pahtawi-na lian mahmah a ngah hi. Ahi zongin tu-in amah
in van manpha khat gu hi, cih thu tawh
thongkia thei ding dinmun hong tung hi.
Joseph in aisanna hai a neih hangin amah in
aisanna a um hi lo hi. Joseph in aisanna tungah kinga ngei lo hi. Ahi zongin
tua aisanna haite kep
ding phamawhsa lo hi; tuate tungtawnin midangte nunzia kithei thei hi.” Ellen G. White, Patriarchs and
Prophets, p. 229.
Aisanna hai in mihingte sangin a lian zaw
vangliatna nei khat om hi, cih a pulaak hi. Tua ahih manin a sanggamte in Pasian
tungah mawh ahihlam
uh kiphawk thei uh hi. Judah in Joseph mangmat a pulaakna-ah hih thu mah pulaak hi. Tua bang mawhna a
sanggamte sungah kimu ahihna kilang hi.(Pian. 44:16).Tua banah a manpha hai a guksakna
hangin gimna lianpi
thuak ding hi; tua hi-in a sanggamte ngaihsutna a sittelna hong suak hi. A sanggamte hehna in thupi hi.
Amaute a vekpi-un kithuhual uh hi, cih kimu thei hi. A vekpi-un dah khawm thei uh hi.
Joseph bangin Benjamin
zong a manthang ahih khak ding patau ciat uh hi. Joseph in ama khialhna hi lo-in Egypt gamah
sila-in aom hi. Tua hangin Judah in Benjamin a kilak tangin ama kila zaw dingin
a ngen hi (Pian. 44:33), khialhna nei lo Isaac tangin tuutal in meihal biakpiak
nadingin a kizang hi (Pian. 22:13
tawh enkak in). Judah in amah le amah biakpiakna ganhing bangin akipiakhia hi; ama ngimna in a pa in hih
bang thute a thuak zawh nading deihna
ahi hi. (Pian. 44:34). Judah dawnkikna-ah itna zungpi bang
thu kimu thei hiam? Koi bangin tua bang itna in hotkhiatna hong pia itna hong hilh hiam?
(Rom. 5:8.)
THURSDAY June
16
“KEIMAH IN NA SANGGAMPA UH JOSEPH HI ING “
Pian. 45
sim in. Hih sungah itna, upna le lametna thu bang hong hilh hiam?
___________________________________________________________
Tua hun laitakin Judah in ka pa (Avi) tungah
“siatna” tung ding hi, ci-in pulaak hi (Pian. 44: 34); Joseph dah mahmah
hi (Pian. 45:1) tua ciangin “Joseph in a
sanggamte tungah akipulaak hi.” Tua bangin a kipulaakna-ah Pasian kipulaakna bangin kipulaak hi (Pai. 6:3,
Ezek. 20:9); Pasian in Amah le Amah
kilaak hi. Mihing gitnat lohna om hi mah taleh Topa in Ama thupha piakna-ah minthanna tawh a kidimsak hi.
Joseph a kipulaak ciangin a sanggamte in
amuh a zak thute uh um thei lo uh hi. Joseph in “Keimah in na sanggmpa uh Joseph ka hi
hi,” ci-in kipulaak
hi. (Pian.45:4); a nihvei-na pulaakna-ah “Egypt gam ah nong zuak pa uh ka hi hi” ci hi (Pian. 45:4). Joseph in “Pasian in kei
hong sawl hi” ci-in a dawngkik hi (Pian. 45:
5). Hih thu-ah Pasian in ngimna tampi nei hi. A sanggamte khamuan nading a gen phapha hi. Joseph in a sanggamte muhdahna nei lo hi. Hih in upna, lametna pulaak
hi. Bang hang hiam cihleh tua in ama suan le khakte nuntak khuasakna
hong suak hi (Pian. 45:7).
Jacob in Egypt gamah a hong pai theih
nadingin Joseph sanggamte in Jacob kiangah paikik dingin Joseph in a sanggamte kun hi.
A pa in zong Joseph
kiang zuan dingin kigingkhol a, Joseph omna mun Goshen mun in gam hoih mahmah na mun khat ahihlam zong a
mu nuam hi; tua mun in Egypt
gam sungah mun hoih pen ahi hi” (Pian. 45:18, 20). Amah in lampi-ah a tuan nading sakolte le late, vanpuak nading a
kisam khempeuh a vaihawm hi: leengte
geelkholhsa-in om hi; tua ciangin Jacob in Joseph vaikhak thute zuau hi lo hi, cih a lungmuang thei
pan hi (Pian. 45:27). Tua bangin
Joseph in a pa khualzin nading a kisam khempeuh a vaihawmsakna amuh ciangin Joseph nungta lai takpi
hi, ci-in amuhnopna lian semsem hi. (Gen. 37:35, le Pian. 44:29 enkak in).
Tua ciangin amah in, “Na min Jakob, kici nawn
loin Israel, kici ding hi. Bang hang hiam cih leh Pasian le mite tawh na kilai
khinzo a, na zo hi,” a ci hTu-in vai khempeuh a hoihlam manawh hi. Jacob ta sawm le nihte in nungta lai uh hi. Tu-in Jacobh in “Israel” ci-in kisam hi (Pian.45:28);
Pasian lamlahna in vanglian takin kimu
thei hi.
Joseph in a sanggamte tungah dik tat mahma
hi; ahih theihzahin a sanggamte a don hi. I tungah hong tatsiate tungah diktat
ding hi mah taleh
Joseph bangin thu dik kingahkik khin lo thei hi mah taleh koi bangin tua bang mite tungah diktat thei ding i
hiam?
FRIDAY June 17
Ngaihsutbeh Ding: Ellen G. White, “Joseph in Egypt,” pp.
213-223; “Joseph and
His Brothers,” pp. 224-232 in Patriarchs and Prophets sungah sim in.
“Ni thum sung kituamkhum pen Jacob tate
adingin dahna le lunggimna
tawh kidim uh hi. Amaute in tua hun sung tengin a beisa huna a gamtatnate uh a ngaihsunsunkik uh hi; a diakdiakin Joseph
tungah a khelbawlnate uh a phawkkik uh hi.
Gam sung thukansim ahihloh lam uh amau
le mau kitel lua mahmah uh hi; ahi zongin thukansim hi, ci-in mawhsakna a thuak uhleh sihna thuak thei uh hi;
ahih keileh sila dingin omsuak ding
uh hi. A pa uh kiang panin a sanggampa uh Benjamin hong tonpih thei ding uh
hiam cih lunghimawh mahmah uh hi. A pa un Joseph tungtangin dahna lianpi thuak khin ahih manin tu-in Benjamin tungtangah bangci bangin a pa un thuak zo ding hiam
cih a lunghimawh mahmah uh hi.
Amaute’n sila suak dingin Joseph zuak uh ahih manin Pasian in amaute tungah thukkik hi ding hi, ci-in a
ngaihsun uh hi.
Joseph in a pa le a innkuanpihte thu a
lungngainai hi; nek ding a kisam ding uh hiam, bang kitangsapna a nei uh diam
cihpen a lunghimawh hi.
A sanggamte un Joseph tunga a bawlnate uh a kisikkik uh hi; Joseph tungah a
bawl bangun Benjamin tungah bawl nawn lo dingin a khensat uh hi.” Ellen G. White, Spiritual Gifts,
book 3, pp. 155, 156.
“Joseph pen lungkim hi. A sanggamte in amau
gen bangin lak thei ahih
manun a mawhna uh kisik takpi hi, cih a mu hi.” Ellen G. White, Spiritual Gifts, book 3, p. 165.
KIKUP
DING DOTNATE
1.
Thursday ni-a dotna na lawmte tawh kikum in. Joseph in a
sanggamte tungah
hehpihna tawh kidim ahih manin ama tungah thu hoih hongtungkha lo hi, ci-in na ngaihsun hiam? A
thupiang taktak hi thei khin zo kei
hi. Ahi zongin Joseph zia le tong in
hehpihna tawh kidim ahihna hong hilh hi lo
hiam?
2.
Koi bangin Joseph nunzia in Khrih nunzia ding le Khrih
thuak ding thute pulaak khol hiam?
3.
Joseph in a sanggamte sittel khin hi. Tua tawh kibangin
koi bangin Pasian
in eite hong sittel hiam?
4.
A
sanggamte in Joseph tungah a tatsiat uh kum tampi a paikhin hi mah leh a sanggampa uh tungah a khialhnate uh a
kiphawkpha sansan uh hi. Pasian hong piak mawhmaisakna
sang thei-in, umin i mawhnate mai thei hi mah taleh ei le ei kimaisakna kisin kul hi lo hiam?
