LESSON 10 MAY 28 - JUNE 3
JACOB-ISRAEL
SABBATH NITAK
Tu Kaal Sung Sim Ding: Pian. 32:22-31; Hos. 12:3, 4; Jer. 30:5-7;
Pian. 33; Pian. 34:30-35:29.
KAMNGAH: “Tua ciangin amah in, “Na min Jakob, kici nawn loin
Israel, kici
ding hi. Bang hang hiam cih leh Pasian le mite tawh na kilai khinzo a, na zo hi,” a ci hi (Pian. 32:28).
Jacobte innkuan sung in nopna le dahna buai-na tawh kidim hi. Tua hi mah taleh Pasian khutin Ama thuman cihtakna in thuciamnate a kilangsak veve hi. Tu kaal sungin Jacob in Laban kiang pan paikhia-in inn a ciahna thu , Esau tawh a kimuhna le Jacob ciampelhna hangin gim a thuak mite thu i pulaak ding hi.
A sanggampa tungah a khial ngei khin mipa
in tu-in bang a thuak ding hiam? Jacob in lau-na tawh nungta-in aom laitak Topa Pasian in ama tungah a kilangkik hi. Hih Jacob lungkhamna
in leitung bei kuana Pasian mite lunggimna om ding ahihna hong hilhkhol hi. Jer. 30:5-7).
Tua zan ciangin
zuau genpa Jacob in Israel min thak a ngah hi. A nunna zong a thak nunna hong suak hi. Hih min thak
siksanin Israel mi nam khat hong piangkhia hi.
Kamdang khatin pulaak ding hi leng, bang bang a piang
zongin Isaacte innkuan in Topa tungah a cihtakna uh kimu thei hi.
Amaute in gina lo hi mah taleh Pasian
in a kamciam bangin a sem veve hi. Mihing in tua kamciam tangtun ding dal
dingin nasem uh hi taleh Pasian in a kamciam tungah
a citak hi.
SUNDAY May 29
PASIAN TAWH KIBUAN PA
Laban kiang pan a pai khiat a kipan Jacob
in a sawt lo-in Pasian tawh kithuahna
a nei hi. A sanggam Esau in galkap za li tawh hong pai uh hi, cih a theih ciangin Jacob in Topa tungah a lungsim
khempeuh tawh thu a ngen hi. (Pian.
32:6) Jacob in Pasian hehpihna ngah dingin kilawmna khat zong a neihlohlam kiphawk hi.
(Pian.32:10). Topa hehpihna lianpi amuh khakna tungtawnin Jacob in hehpihna thu a
theithei hi. Koi bangin Topa in Jacob
lunggimna a dawngkik hiam?
Pian.32:22-31 le Hosea 12:3, 4 sim in. Nuntakpih ding thu bang
hong hilh hiam?
Jacob in lunggimin a om ciangin a tuahkhak
thute tungtawnin amah in a innkuanpihte
lauhuai-nate panin a huu thei hi. Zan ciangin giah phualkhat satin tha khat thu in mi khat in Jacob lai hi.
(Pian.32:24). Hih thu in Pasian kiang pan hong pai a tuam vilvel thu hi. Pasian ompihna ngenin aomna -ah (Isa. 53:3). Daniel
in vantung siampi Michael a pulaak hi.
(Dan. 10:5); Hih kammal mah Joshua in
zong Topa Galkap Mangpipa” ci-in a
pulaak hi. Hih thu mah Joshua in Topa YHWH mah hi, ci-in a pulaak hi. (Josh.
5:13-15).
Jacob in Pasian
tawh a kilai-na ah gimna lianpi thuak hi mah taleh “Thupha nong piak keileh kong khah kei ding
hi,” ci-in a pulaak hi (Pian. 32:26). Pasian beel tinten ahih manin thupha a ngah
matengin khahkhiat ding a ngaihsun kei hi. Topa tung pan mawhmai-na le
lungnopna a ngah mateng
a kalsuan nuam kei hi. “ Zuau thu tawh gamh luah ding a hanciamna thu khialhna lianpi ahihlam a
phawk hi. Pasian kamciamte muang lo hi taleh ama hanciam theihzah sit lo-in Pasian maipha
a zong ding hi. Ahi zongin
TOpa tungah a ki-ap ciangin Topa in hun a sak ciangin a kamciamte a tangtun hi. Ellen G. White, Patriarchs and
Prophets, pp. 197, 198.
Jacob mawhna kimaisak ahihlam a min kikhelna
tungtawnin kimu thei
hi. Amawhna a phawksak min, zuau phuakpa cih panin, Pasian le mi tawh na kilai-a na zo hi, cih a pulaak min Israel
a ngah hi. (Pian. 32:28).
Pasian tawh na kizopzia in koi bang hiam?Pasian tawh kilai cih
thu in a khiatna bang hi ding hiam? Khat
veivei ciangin bang hangin Pasian tawh
kilai cih thu in thupi hiam?
MONDAY May 30
UNAUTE KIMUHNA
Peniel panin “Topa mai mu hi” (Pian. 32:30)
cih thu-ah hih munin Pasian tawh kituahkhakna mun hi. Jacob in hih mun panin Pasian
tawh kimu dingin a dingkhia
hi. Kum 20 val a kikhenpih a sanggampa in mihing zali bang tawh hong pai uh hi (Pian. 33:1). Jacob in
lunghimawhna tawh kdim hi. Tua hi-in a sanggampa tawh kimu dingin a kigingkhol hi.
Pian. 33 sim in. Peniel munah Pasian tawh
a kimuhna le a sanggampatawh a kimuhna in bang kizopna nei hiam? Hih thu in Pasian tawh
i kizopna le midangte tawh kizopna-ah bang thu hong hilh hiam?
Jacob in a sanggampa mai-ah sagih vei kun hi.
(Pian.33:3) Tam veipi mah “ka topa aw”
ci-in a hopih hi. (Pian. 33:8, 13, 15) Jacob in amahmah Esau nasem khat
bangin a kingaihsun hi.” (Pian. 33:5; le Pian.
32:4, 18, 20, enkak in. Jacob in a
sanggampa mai-ah sagih vei maikun hi, cih thu in Pasian thupha dawl sagih a ngahna a pulaak hi. (Pian. 27:27-29); Hih thute
banah Jacob in kicamna a neih ciangin
a pa thuphate pulaak hamtang hi. “Minamte in na mai-ah hong kun ding uh hi. (Pian. 27:29). Jacob in a sanggampa tungah
lohkik dingin innlam zuanin hong ciah
ahi hi. (Pian. 33:11). Esau in a sanggampa Jacob a galmuh ciangin a lamet bang lo-in amah in Jacob kiang lam zuanin a
tai veva hi. Thah ding sangsikin Jacob
a nam hi; a nihun kikahhuan uh hi (Pian. 33:4).
A nung ciangin Jacob in Esau tungah “Na mai kong muh pen Pasian
mai amu tawh ka kibang hi, ci” a pulaak hi.
(Pian. 33:10). Hih Jacob kampau in Esau in a mawhna khempeuh maisak hi, cih a theih ciangin a pulaak kammal ahi hi.
Hebrew tawh kigelhna-ah “ratsah”
kizangin a khiatna in, “Lungdamsak” cihna hi. (Pian.33:10); Lai Siangtho tawh kituakin meihal biakpiakna tungah Pasian lungkimna a pulaak kammal hi. Pasian in sang
ahih manin lungdamna a pulaak kammal hi. Tua banah Pasian in a mawhnate khempeuh
a maisakna hangin lungdamna hi.
(Siam. 22:27, Amos 5:22).
Jacob in Peniel munah Pasian kiang panin mawhmai-na a ngahna thu
siksanin tu-in amah in a sanggampa mawhna
a maisak thei hi. Tua pen a sanggampa mai amuh pen Pasian mai a mu bangin a pulaakna a hang in mawhmai-na a ngahna hang ahi hi. Jacob in Peniel munah nih vei a
nungta hi. Amasa thu in a nihna thu adingin a kigingkholsak hi. Tu-in Jacob in
mawhmaisakna thu a theitel ta hi. Tua banah hehpihna thu zong a theitelta hi.
Midang khat in mawhmaisakna hong piak na
tuak ngei hiam? Topa tung pan mawhmaisakna na ngahna -ah bangci bangin na kalsuan thei
hiam?
TUESDAY May 31
DINAH
TUNGAH TATSIATNA
Tu-in Jacob in a sanggampa tawh kilemkhin uh
hi. Jacob in lungnuam takin Canaan gamah a teeng nuam hi. “Shalem” cih kammal
in “lauhuainate tawh
kipelh” cihna (Pian. 33:18). A khualzinna-ah lungnuam takin a khualna hih mun bek hi pan ding hi. Canaan mite tung
panin leitang a lei khit ciangin meihal biakna tau khat a dawh hi (Pian. 33:19); a
upna pulaak banah Topa tung bekah
kinga ahihna kimu thei hi.Meihal biakpiakna a pia mi khempeuh in Pasian a bia
hi pah uh hi. Tua hi mah taleh a nuntakna-ah Jacob
- Israel in a khat vei-na biakpiakna a pia thei hi. Isaac bang mahin Gerar
munah Abimelech tawh Pasian a bia uh hi. (Pian. 26:1-33), Jacob in Cannaan
mite nunzia bangin nungta dingin a kithukim uh hi.
Pian. 34. Tua bangin nuamtakin a nuntak uh bang thu
in kisia sak hiam?
Hih thupiang in amau nunzia le a gamtatnate
uh pulaak hi. Shechem munah si le sa noptatna hangin Dinah tungah mawhna hong
tung a, a thutang le itna tawh kidim Dinah tungah
siatna a tun uh hi. Amah in vunat dingin a kipia hi. Tua kawmkalah Simeon le Levi in Pasian
thupiakte le A thukhamte
palsat uh hi. Amaute in Canaan mite tawh kipi kiteen ding a nial uh hi (Siam. 19:29), napi zuau thu le
khemna tawh akidim uh hi (Pian. 34:13) thah ding le susia dingin a kigingkhol uh hi. (Pian.
34:25-27). Amau gamtanate in thukhenna tawh a kipelh kei uh hi; tua banah
siatna tampi a piangsak uh hi. Jacob in
ahihleh kilemna a lunggulh hi. A tanu kibuan thu a kigen ciangin Jacob
in bangmah a pulaak kei hi. (Pian. 34:5).
Ahi zongin a tate gamtatnate a zak ciangin
taihilh lo-in a om thei kei hi; bang hang hiam cihleh
a tate gamtatna hangin amah in
gimna lianpi a thuak hi: “Tua ciangin Jacob in Simeon le Levi kiangah, “ Hih
leitangah a teng, Canaan mite le
Perez mi tungah kei a muhdahhuai-in nong bawlna uh tawh kei tungah haksatna nong tun uh hi. Kei pawl mite tawm hi.Amau kei langah hong kikhawmin kei hong sim leh kei le
ka innkuanpihte hong susia ding uh
hi.” a ci hi.” (Pian. 34:30).
Jacob nuntakna sungah zuau khemna thuman lo-in gamtatna hi taleh
hehpihna itna thu kidawk kawikawi hi. Hih
thu in mihing pianzia bang hong hilh
hiam?
WEDNESDAY June 1
MILIM BIAKNA KIZEL IN
Pian.34:30-35:15 sim in. Hih mun panin
biakpiakna tawh kisai bang thu nuntakpih ding na mu hiam?
Jacob in Canaan mite tawh kinopmawhna a neih khit
a kipan Canaan mite nungzui hi (Pian.
34:30), a tate a thuhilh khit ciangin (Pian. 34:31), Jacob in Shehem nusia-in Bethel zuankik dingin
Pasian in a sawl hi. Tua munah Topa tawh a thuciamna thaksuahsak kik hi.
Jacob in tua mun a tun ciangin meihalna khat
lam dingin Topa in sawl hi. Tua hi-in Pasian in Jacob a sawl khit
ciangin a kiciamteh masa penin mite in Canaan pasiante hemkhia ding uh hi. Shechem khuapi in milim biakna tawh a kidim khua khat
hi. Rachael in inn sung vanzatnate a
gukna lakah tua milimte zong kihel hi.
(Pian. 31:19, 32). Milim bia lo ding cih
thu in Pasian tawh kiciamna-ah a thupi
mahmah khat ahi hi. Hih milimte kem uh a, Pasian biak ding sangin tua milimte a bia zaw uh hi. Canaan mite huzaap tawh kipelh
nadingin Shechem panin paikhiat kul bek
tham lo-in Jacob innkuante in a
nuntakna sung panun milimte hemkhia ding hi.
Mawh kisikna
in mun khat pan mun khatah kituah kawikawi-na sangin tangzai zaw hi; pawlpi khat pan pawlpi dang
khatah lutna sangin zong lian zaw hi. Koi mun koi munah i teeng zongin a thupi
bel in i lungtang panin
milim hepkhiat ding ahi hi. Tua hi-in Pasian hehpihna tawh i lungtang panin milimte hepkhiat ding kisam hi. Na khempeuh in Topa
tawh kizopna kikalah milim suak thei hi.
Jacob in Pasian sawl bangin a nuntak
ciangin a lauhuai, a kihtak nate panin Topa in a honkhia hi (Pian. 35:5). A
kim a om mite langpanna tawh kipelh thei uh hi. Amaute in Jacob a do ngam kei uh hi.
Tua ciangin amaute in Topa a bia uh
hi (Pian. 35:6,19 ) a kisia innkuan kipumkik uh hi. Jacob in tua mun min dingin “El Bethel” ci hi. Zan a a mangmat kahlei hong phawksak hi. Tuakah lei in vantung le leitung
kizopna limcing hi. Pasian le mihing
kizopna limcingin tawlpi khat sunga kisia hih Lamzikpi hong kipuahkik hi. Hih thu in Bethel a kilang
Pasian in mun le mualte ‘n ciangtan zo
lo hi; a nuntakna-ah Pasian ompihna a mu
kha hi. Jacob panin Isreal ah a min
kikhel hi. (Pian. 35:10), thuciam thunih a pulaak hi. Hih
thuphate in a masa-in suan le khak tampi neihna, Messiah hong khankhiatna khanggui hong suak hi; minamte pianna
pupi hong suak hi (Pian. 35:11);
Nihna-ah ttua thupha in Khapsa Gam pulaak hi (Pian. 35:12).
I lungtangah bangci bangin milim om thei hiam? Tua milimte
bangci-in hemkhia thei ding i hiam?
THURSDAY June 2
RACHEL SIHNA
Pian.35:15-29 sim in. Innkuan sung buai-na
a thuak khit bangah Jacob in bang
thu tuakkha hiam?
Jacob in Bethel mun panin a paikhiat khit phetin
Khapsa Gam zuanin a khualzinna-ah thu thum a phutkha hi.Jacob in a gamh
luah ding pa si hi; Rachel zong si hi. Leah
tawh a neih a ta upa zong si hi. Hih thu thumte in kizopna nei ciat hi. Hih thu thumte in Khapsa Gam
zuannin a khualzin kipatna ciaptehna
tawh kibang hi. A tapa tangvalte in bang thu hangin siatna bawl hi, ci-in hong hilh loh hangin
amah in Jacob ta nunung pen tungah
siatna tun ding ngimna le a ngaihsutna panin Rachel a phawkna bei leh deih hingel ding hi. I theihloh thu tampi
om ding hi.
Jacob ta tumpen suahna le Bethlhem in
kizopna nei hi (Pian. 35:19), hih thu zong Khapsa Gam kamciam sungah a kihel thu hi. Tua hi-in hih taneihna in Israelte tungah Pasian kamciam
a tangtung masa pen hong suak hi. Nausuaksakte khat in Topa kammalte tawh Rachel a
hopih hi. Tua kammal in Abraham a
hopihna kammal mah hi: “Lau kei in” ( Pian. 35:17 le Pian. 15:1 enkak in) Jacob in tua naupang min a khelna in thupi hi.
“ Ben-Oni” ci-in phuak a khiatna in “dahna tawh ka neih tapa” cih panin
a dahna, a gimnate siksanin a minphuana
hi-in, Benjamin tawh a laihsak hi; a
khiatna in “vangliatna tawh ka neih tapa” cihna hi. Khapsa Gam lametna
nei-in khanglam zuanin a khualzinna
kiphawk nadingin a phuak hi kha ding
hi. Khapsa Gam a tung uh ciangin TOpa in a kamciam bangin sem takpi ahih manin amuate in lungnuam takin a
teeng thei uh hi.
Ahi zongin hih hun sung tengin Reuben a pa zineu tanu a sanggamnu
Bilhah tawh na mawh uh hi. (Pian.35:25, Pian.
30:3). Mihing in siatna tawh kidim cih
ding simloh bang hangin hih bangin siatna Reuben in bawl hiam cih i thei kei hi. Ahi zongin a lamdang
thu khat in Jacob in tua bang siatna thukpah lo hi (Pian. 35:22). Mawhna siatna
tawh kidim mite hi mah taleng Pasian
in A kamciamte tangtungsak veve hi, cih i mu hi.
Jacob tapa sawm le nihte hong
hilh thu in hih thu mah hi. (Pian. 35:22-26). Midik mi kicing
hong khang khia ding ahihna zong
hong hilh hi. Innkuan
sung buai-na, siatna , Reuben in Bilhah a mawhpihna hangin Pasian in a kamciam pelh lo ahihna thu kimu thei hi.
Mihing in Pasian tawh kopin nasem hi leh
ama sungah Pasian deihna a kicin zawk nading
a mu thei ding uh hi. Gim thuakna kiamin, gimna thuakna cihte a kipelh thei lo ahih manin
hong tunghak zaw sak thei hi. A tawpna-ah Pasian deihna kicing veve ding hi.
FRIDAY June 3
Ngaihsutbeh Ding: Ellen G. White, “The Night of Wrestling,”
pp. 195-203, in Patriarchs
and Prophets sung sim in. “zan khuamial sung Jacob tuahkhak thute in gimna le lunggimna lianpite in Khrih Nih
vei hong pai madeuha Pasian mite nawktan ding gimnate a limcingkhol hi.. . Dawimangpa tawh kidona lian lua mahmah ding ahih manin Pasian mite in a
nunung pen galdo-na a do ding uh hi. Pasian in amaute upnaa, amaute thuakzawhna siatna panin
amaute a honkhia ding
Pasian vangliatna amuannate uh sittellna
a thuak ding uh hi. Satan in amaute zawhsawm mahmah ahih manin amaute in
lamet bei kisa uh hi; mawhmai-na ngah zo lo dingin mawhna lian lua
kisa uh hi. Amau kicin lohnate kiphawk uh hi;
lamet bei kisa uh hi. Ahi zongin Pasian hehpihna lian phawk thei uh a, mawh kisik takpi ahih manun amau lamet
bei-na panin lametna tawh kidim ahihna a kiphawk uh hi; mawhna khempeuh panin mawhmai-na a
ngah uh hi. Amaute upna in ling lo ding hi.
Bang hang hiam cihleh amau thungetna thakhat
thu-in Pasian in a dawngpah hi. Jacob in vantungmi a pomcip bangin amaute in Pasian vangliatna a pomcip uh hi. Amaute
kam panin “ Thupha nong piak kei leh
kong khah kei ding hi” a ci ding uh hi.
“Jacob tangthu in mawhna hangin dahna
thuakin Pasian kiang a zuan mi khempeuh in hawlkhiat thuak ngei lo ding uh hi, cih
khamuan nading hong hilh hi. Ahi zongin tua bangin Pasian a zuan mite in mawh kisik
takpi hi ding uh hi. Nuntakna ki-apin upna sungah muanna tawh kalsuanna in
Jacob ngah thuphate a ngah ding
hi. Tua thuphate in thagum hatna tawh a
kingah thei hi lo hi. Pasian ama nasempa
tungah Ama vangliatna le hehpihna bek in Jacob lungkimna ngah theisak hi, cih a hilh hi. Tua bangmah in hun beikuana a nungta mite in zong a tuakkha ding
uh hi. Lauhuai-na in hong kimkotin
lungkhamna le lau-na in mun citengah
mi khempeuh hong ukcip hi; amaute in Khriih hong hotkhiatna tung bekah a kinga
ding uh hi. Mihing in ama tha tawh bangmah a sem zo kei hi;.” Ellen G. White, Patriarchs and Prophets, pp.
201-203.
KIKUP DING DOTNATE
1.
Bang hangin Jacob thaneemna in Pasian hehpihna kilatna
suak thei hiam? Koi bangin
Jacob tuah thute le Paul pulaak “Ka thaneem ciangin ka tha a hat hi”cih thu tawh kizopna nei hiam? (2 Cor.
12:10).
2.
Bang hangin Lai SIangtho in khialna nei mi tampite thu
pulaak hi ding hiam? Hih thute in bang hong hilhnuam hi ding hiam? Bang thu
nuntakpih ding i hiam?
3.
Milim biakna tawh kisai ngaihsun in. Tuhun milim biakna
in bangteng bang hi ding hiam? Topa simloh kuamah dang bia lo thei ding na hi
hiam?
