PIANCILNA
Piancilna in Jesuh thu vive kigelhna thubu hi: Jesuh in eite
Piangsakpa, hong kemcingpa;
Jesuh in eite Honpa hi. Kum tul khat khit ciangin Moses in a gelh hi-a tua a gelh thute in tuanpupate thute hi.
Sawltak John in zong piansakna thu a pulaakna-ah: A kipatcilin Thu om a, Thu in
Pasian tawh om hi. Thu in Pasian hi. Thu in Pasian tawh om hi. Thu in Pasian hi. Amah in a
kipattung panin Pasian tawh a om hi. Na khempeuh in Ama tungtawnin kipiangsak hi.
Amah lo-in bangmah
a piang kei hi. Ama sungah nunna om a, mihingte khuavak a hong pia hi.”(John 1:1-4). Hih munah John in bang gelh hiam? “A
kipatcilin” na khempeuh in a kipiangsak
hi.A om ngei nai lo nate tu-in a hong om hi. Na khempeuh in Jesuh hangin
a hong piangkhia ahi hi. Na khempeuh aksi lompi a kipan DNA sunga nate in zong kipatna nei-in Pasian piansak loh bangmah
om lo hi. Tuihual lianpi a kipan mit
tawh kimu zo lo sisan sunga om cell khempeuh in Pasian piansak ahi hi. Jesuh in nate piangsakin kemcing hi.
Piancilna Bu in Lai Siangtho sungah
piansakna thu le piansaknate hotkhiatna thu a pulaak masa pen Thu Bu hi.
Lai Siangtho hong hilh thu in na khempeuh kipatna
thu man takin hong hilh hi. Manglai tawh
kigelhna-ah “Genesis” hi-in Greek panin kila hi-in a khiatna in “kipatna” cihna hi. Hebrew tawh kigelhna-ah
“bere’shit” a khiatna in “A kipat cili”
cihna hi. Lai Siangtho buppi-ah a masa penpen kammal hi. Piancil Bu in Lai Siangtho dangte bulpi, a kingakna a zungpi hong
suak hi. Bang hang hiam cihleh a masa
pen hi pah a, Lai Siangtho Bu dangte bulpi zong ahi hi. Lai Siangtho bu dangte in Piancilna siksan hi.
Piancil bu in thupi hi. Bang hang hiam
cihleh Lai Siangtho bu dangte sangin i piankhiatna hong hilh zaw thubu hi. Mihing
ihi hi. Tu-in hih thu in thupi semsem hi. Ni khat thu in a piang khia ziau ihi kei hi. Nate in
amau thu tawh hong piangkhia mawkmawk hi lo hi. Leitung mipil
khat in eite pen tungman panin a piangkhia mite ihi hi, ci hi. A manna ciang khat om hi.
Piancil bu in i kipatna hong hilh hi.
Kicinna tawh kidim leitungah ngimna khat tawh Pasian lim le meel suunin mihingin a
hong kipiangsak ahi hi. Piancil Bu in zong mawhna hong lutna thu hong hilh hi; mawhna hong om a
kipan leitungin siatna
tawh kidimin kicinna om thei nawn lo hi; mihingte zong siatna tawh i kidim hi.
Ahi zongin Piancil Bu sung mahah Pasian
hotkhiatna kamciam thu hong
hilh hi. Leitung in hong honkhia thei lo ding a, mihing in zong amah le amah kihonkhia thei lo ahih manin Pasian mahmah in a
hong hotkhiat kisam ihi hi; leitung in
siatna le sihna simloh hong piak theih dang om lo hi.
A lamdang thupiangte a hong hilh banah
(piansakna, na khempeuh piankhiatna, sakhi tuihup) thukhenna thu ( Tuicin, Sodom,
le Gomorrah) cihte in Pasian ompihna siangtho pulaak hi-in, Piancil Bu in
lametna lianpi hong guan hi. Piancil Bu in
mihingte ki-itna thu (Jacob le Rachel) le kimuhdahna (Jacob le Esau), ta neihna (Isaac, Jacob, Jacob’
tate), sihna (Sarah, Rachel, Jacob, Joseph) tualthahna (Cain, Simeon,le Levi), le mawhmai-na thu (Esau le
Jacob, Joseph le a sanggamte) hong hilh
hi. Tua banah Piancilna Bu in gamtat zia
le tong (Cain, Babel), upna thu
(Abraham, Jacob), le lametna le hotkhiatna kamciam (gulpi lutang
suzan ding, Khapsa Gam), cih thute zong hong hilh hi.
Tu quarter sung i sin ding thu in Piancilna Bu hi-in, hih
laibu a deihhuai-na le a zaknop thu tampi piansakna thu, Abraham, Isaac le Jacob
Pasian thu i kikum toto
ding hi. Tua kawmmahin mun le mual tawh kisai thu Eden panin Babel, Khapsa Gam panin Egypt cihte a kipan Khapsa Gam tawh kisai
thute i gen ding hi.
Hih thute sung panin mun khat pan mun khatah pai kawikawi-in nunzia, Khapsa Vantung Gam khualzinna vantung thak le leithak thute zong
kikumto ding hi hangh.
3
LESSON
1 March 26 - April 1
PIANSAKNA
SABBATH NITAK
Tu Kaal Sung Sim Ding: Late 100:1-3, Pian. 1-2; Pai. 20:8-11, Pai.
40:33, Matt. 25:14-30, Matt.16 19:7-9.
KAMNGAH: “A kipatcilin Pasian in vantungte le leitungte a piangsak
hi.” (Pian. 1:1).
Piancilna Bu in Lai Siangtho buppi kipatna hi-in, a
kipatna-ah Pasian piansakna tawh kipan hi.Hih thu in thupi mahmah hi. Bang hang
hiam cihleh eite a hong kipiansakna in tatkhiatna tangthu kipatna hi. Hih thu
mah in Piancilna Bu in piansakna thu in thuman ahihna hong hilh hi. Piansakna
thunihte Pian. 1-2 sungah Pasian thu le mihingte hong hilh hi. Tu kaal sung thusinna in ni sagih Sabbath
thu theihtelna hong guan ding hi. Pasian in Ama lim le meel suunin leivui tawh
mihing ahong piansakna thu zong i kikum ding hi. Sia le pha theihna singkung
ngimna thu le nunna singkung kizopna thu
zong i pulaak ding hi.
Piansakna thu-ah a thupi penpen khat in hehpihna thu hi. I
nuntak theihna in hehpihna hang bek hi. Pasian in vantungte le leitung a
bawllai-in mihing kuamah om nai lo hi. Hotkhiatna in Pasian kiang pan piakkhong
ahih bang mahin piansakna zong Pasian piakkhong hi. Tua hi-in hotkhiatna le
piansakna thu in a lamdang mahmah thu le a thupi mahmah khat hi. Hih thu nih in
ni sagih Sabbath in huam kha hi.
SUNDAY March
27
PIANSAKNA PASIAN
Late 100:1-3 sim in. Mihing in Pasian piansakna bangci
bangin kizopna nei hiam? Bang hang hi ding hiam?
_______________________________________________________________
___________________________________________________________
Pian. 1 in piansakna thu a
kipulaak masakna mun hi-in, Pasian tawh piansakna thu pulaak hi.” A kipatcilin Pasian in vantungte le leitung a
piangsak hi (Pian. 1:1). Amasa pen
laigualah Pasian kammal in piansakna-ah Pasian thupitna a pulaak kammal hi.
Piansakna thu kigenin tua khit ciangin Piangsakpa Pasian kipulaak hi.
Piancilna Bu in a taktakin Pasian muhziate hong hilh hi. A
masa thu in (Pian. 1:1-2:4) in mihing in Pasian vangliatna tawh kigamla
mahmah ahihna pulaak hi. Ama vangliatna,
Elohim, Ama min in Pasian vangliatna
pulaak hi. Elohim cih min in Pasian vangliatna le ama thahatna a pulaak
hi. Elohim cih min in a tam min pulaak hi-in, vangliatna le minthanna pulaak
hi. A thunihna a pulaak thu in (Pian. 2:4-25) Pasian in mihingte tawh a hong omkhawm Pasian ahihna YHWH, hih min in kizopna le
kinai-na a hong hilh min hi. Piancilna Bu khempeuh in Pasian bek
mah biak ding ahihna thu hong hilh hi.
Amasa-in Pasian in ciangtan nei lo a
vanglian le hatna nei Pasian hi. Tua bang hi mah taleh mihing khempeuh
in Ama tungah kinga ahihna hong hilh hi. Bang hang hiam cihleh Amah in eite
hong piangsak hi; ei le ei thu tawh a piangtawm, a nungta thei ihi kei hi (Late
100:3).Hih thu hang mahin Late sungah Pasian biakna le piansakna kizopna pulaak uh hi (Late 95:1-6; Late
139:13, 14 le Mang. 14:7).
Pasian vangliatna le a minthanna tawh kisai
muhzia thunih om hi; Pasian in
vanglian mahmahin itna tawh a hong kinai mahmah Pasian hi; Amah biakzia ding hong hilh hi. Zahtakna le
lamdangsakna le lungdamna le Pasian tawh kinaihna, mawhmai-na le itna sungah
lungmuang takin i om thei hi. (Late 2:11). Pasian hong kilakna thunihte -
Pasian tawh kinai-na leh Ama vangliatna sungah nuntakna kisam hi. Pasian kiang
pan hong pai hehpihna le lungdamnate lau-na, itna le lamdangsakna tawh i nuntak
ding kisam hi.
Pasian vangliatna lianpi
ngaihsun in. Amah in vankhuanuai
khempeuh a khut sungah a koih hi. Vanglian hi mah taleh eite tawh a hong
omkhawm Pasian hi. Bang hangin hih thuman in lamdang hiam?
MONDAY March
28
PIANSAKNA
Pian. 1:4, 10, 12, 18, 21, 25, 31; 6 2:1-3. Piansakna thu
a kipulaak masakna-ah “ hoih hi” ci-in a kipulaak kikkikna in bang thupitna nei
hiam? Piansakna tawh kisai a thukhupna in (Pian. 2:1- 3)? Bang hong hilh hiam?
Piansakna
thu a kipulaakna-ah Pasian in ama nasepnate sittelkikna nei-in, “tov’ hi, ci-in
mu hi, cih kimu thei hi. Hih thu in Pasian in piansak nasepnate mansiang hi;
piansak na khempeuh “Hoih” hi, ci-in mu hi. Ni hong tangkhia hi (Pian. 1:4).
Singkungte in gah tampi gah khia uh hi (Pian.1:12). Ahi zongin hoih hi, cih
kammal in piansaknate hoihna a pulaak hi bek lo-in Hebrew tawh kigelhna-ah
“tov” a khiatna in a hoih na khat peuhpeuh pulaakna kammalin kizang hi (Pian.
24:16). Hoih hi, cih kammal in siatna tawh kilehbulh hi (Pian. 2:9), siatna in
sihna tawh kizom hi (Pian. 2:17).
“ Hoih hi,” cih kammal in Pasian in nate a piansak ciangin
limtakin geelna tawh a piangsak hi. Piansakna in kicing hi; etlawm hi. Siatna
tawh akipiangsak hi lo hi. Leitung in tuhun leitung bangin natna, sihna om
leitung hi nai lo hi. Piansakna thu akipulaakna nihna-ah hih thu hong kihilhkik
hi (Pian. 2:5).
Piansak thu le nate in ama thuthu-in hong piangkhia-tawm
hi, cih thu in kilangdo hi; hih in nate in ganhing neuno khat hong kikhel toto-in mihing hong piang hi, ci
uh hi. Ahi zongin Lai Siangtho hong hilhna-ah Pasian in limtakin geelin nate a
piangsak hi ci-in hong hilh hi (Pian. 1:1).
Pasian in Ama kammal le a thupiakna tawh nate a piangsak
hi (Pian. 1:3). Tatna pulaak kammal “bara” in Pian. 1:1 sunga kizang kammal
hi-in “A kipatcilin Pasian in vantungte le leitung a piangsak hi. “Bara” kammal
in Piangsak Pasian a pulaak kammal khat hi-in Pasian in a thupiak bangbangin
nate in zong piangpah uh hi. Piansakna thu kigelhna-ah “na khempeuh in Pasian
geelna bangin a kipiangsak ahi hi,” cih kimu thei hi (Pian. 1:31),Piangsak Pa
pulaak bangin piansak na khempeuh in hoih hi, ci-in kipulaak hi (Pian. 1:31).
Piancil 1:1 in piansakna thu pulaak a, vantung le leitung kipiansakna thu hong
hilh hi. Pian. 2:1 pulaak bangin piansakna a kizo siang suak hi. Sabbath,
piansak ni sagih sungin na khempeuh kipiansak kizo siang hi.
Bang hangin leitung nate a pian nadingin kum mak tul zalom
tampi kisam hi, cih thu in Lai Siangtho
hong hilh piansakna thu nial hiam? Bang hangin hih muhzia nihte in kilangdo
hiam?
TUESDAY March 29
SABBATH
Pian. 2:2, 3 le Pai.20:8-11 sim in. Bang hangin piansak ni
sagih ni Sabbath in Piansakna tawh kizopna nei hiam? Koi bangin hih kizopna in
Sabbath ni tawlngakzia ding hong hilh hiam?
Bang hangin hiam ciihleh Pasian
in piansak nasepte “zo kkhin” kimansiang ahih manin Pasian in Sabbath
tawlngakna hong koih hi. Tua hi-in
piansak ni sagih ni Sabbath in Pasian in piansakna zo khin hi, cih i upna a
pulaak hi; Topa in tua piansak nate “hoih mahmah hi” cih a pulaak eite in zong
a pulaakkik ihi hi. Pasian in piansak nate manphatna le hoihna a pulaakna-ah
eite in zong Amah tawh a pulaak khawm ih hi. Pasian in piansak na panin a
tawlngak bangin eite in zong nisim nasep mabante panin i tawlnga hi. Sabbath
tawlnga cih thu in Pasian tungah piansakna in “hoih mahmah hi” ci-in a pulaak
ihi hi; hih sungah pumpi taksa zong a kihel hipah hi. Nidang mite upna-ah pumpi
taksa in siatna bulpi hi, ci-in um uh hi. Ahi zongin Lai Siangtho hong hilhna
in tua bang hi lo hi. Tua bangin pumpi taksa in siatna tawh kidim hi, cih upna
in milim biate upna hi; Lai Siangtho tawh kituak lo upna hi. A langkhat panin
Sabbath tawlngakna in i pumpi taksa a
kipan piansak nate hangin Topa tungah
lungdam a ko ihi hi. Tua hangin pumpi taksa kep ding kisam mahmah hi.
Sabbath in leitung bei-na ciaptehnate khat hong suak hi;
tua banah gimna dahna khempeuh beina limcing hi. “Nasep kizo khin hi” cih thu
in biakbuk kilamzawh ciangin zong
akizang kammalte hi. (Pai. 40:33), tua leh Solomon biakinnpi kizawh
ciangin zong kizangkik hi. (1 Kum. 7:40, 51); hihte in lungdamna thu (Gospel)
le hotkhiatna thu kipulaakna munte hi.
Mawhna hong lut khit ciangin Sabbath in, piansak nipi kaal
khat bei-na hi-in, a lamdang hotkhiatna thu a pulaak hi. Hih hotkhiatna in piansakna
thak tungtawnin a hong tung ding ahi hi. (Isa. 65:17, Mang. 21:1). Sabbath in
nipi kal khat bei-na lim hi-in, leitung gimna natna khempeuh a bei hun ding
zong limcing hi. Tua hangin Sabbath in
natnate damsak nading hun hoih pen khat hong suak hi.(Luke 13:13-16). Mihingte
ngeina tawh kibang lo-in biakna makaite in Sabbath a mawhsak uh ciangin Jesuh
in leitung gimna natnate a bei ding hun a pulaak hi gige hi. Hih in hotkhiatna mungtup lianbel ahi hi. Tua hi-in
Sabbath in hotkhiatna lametna hong hilh hi.
Koi bangin Sabbath ni tawlngakna in tawldamna le Jesuh
sungah hotkhiatna sungah nuntakna le gimna natna khempeuh aom lohna leithakah
tawlna pulaak khol hiam?
WEDNESDAY March 30
MIHINGTE KIPIANSAKNA
Piancil Bu hong hilhna bangin pulaak lehang Pasian na
khempeuh a piansak khit ciangin mihingte a hong bawl hi. Mihingte in leitung
nate kipiansak kizawhna hong suak hi. Mihingte adingin leitung kipiangsak hi.
Pian. 1:26-29 le Pian.2:7 sim in. Mihing a hong kipiansakna tawh kizui-in hih
nihte kibatlohnate in bang hiam?
_____________________________________________________________________
_________________________________________________________________
Pasian in Ama lim le meel suunin
mihingte hong piangsak hi, cih pen Lai Siangtho hong hilh ahi hi. Mihing bek
mah Pasian lim le meel suunin kipiangsak ahi hi. Pasian in ganhing namte amau
nam zui-in piangsak hi mah taleh mihing a hong piansakin Ama lim le meel suunin
hong piangsak hi (Pian. 1:25), “Pasian in Ama lim le meel suunin mihing a
piangsak hi” (Pian. 1:27). Pasian lim le meel in Pasian tawh kizop theihna
ciang bekin kingaihsunkha pahpah hi. Pasian lim suun cih ciangin Pasian tawh
kizop theihna le midangte tawh kizop theihna bek tham lo-in piansak nate tungah
Pasian ukna limcing hi. Hih thute in thuman hi-in ahi zongin hihte sungah a
thupi pumpi neihna kihel kha lo hi. Lim le meel cih thu inPian. 1:26 sung a
kigen thu in thu nih hong hilh ahihna kimu thei hi. Hebrew tawh kigelhna-ah
“tselem,” kigelha a kimu thei pumpi
taksa a pulaak kammal hi. “demut” cih in a kimu thei lo vangliatna nei Pasian
hihna a pulaak kammal hi. Tua hi-in Hebrewte ngaihsutna-ah Pasian lim le mel
cih ciangin mihing nuntakna buppi a pulaak kammal hi. Lai Siangtho hong hilh
bang mahin mihing (numei le pasal ) in
Pasian lim le meel suunin hong kibawl hi-in, pumpi taksa le kha nunna a nei hi.
Ellen G.White in kitel takin hih bangin
pulaak hi: “ Adam in Piangsakpa khut sung pan hong pusuah khiatin amah in
ngaihsutna, a meel asa puak, thu theihna in amah a Piangsakpa suun hi.”
Education, p. 15.
A taktakin Pasian mel buppi i gen ciangin Ama pumpi zong a
kihel hi; hih thu Piansakna thu in zong hong hilh hi. “Mihing in a nungta hong
suak hi.” (Pian. 2:7) “nephesh” cih ciangin nak ah huih diktoh diksuk theihna
nei mihing cihna hi. Hih pen thu nih kigawmkhawm ahi hi. Pasian in tungman tawh
mihing hong bawlin tua khit ciangin huu a muamsuk ciangin tua tungmanin
nuntakna nei mihing hong suak hi. Hih thu in mihing in leivui panin piang
ihihna, leivui panin hong kibawl ihihna hong phawksak hi. Tua tungman milim in
a nuntak nadingin nunna huu (nuntakna hi taleh Pasian tawh kizop theihna a nei hi. A nungciangin Pasian in mipa sung
panin minu a bawl hi (Pian. 2:21, 22), numei in pasal tawh dinmun kikim hi,
cihna hi.
THURSDAY March 31
MIHINGTE MASUAN
Pasian in mihing a bawl khit phetin Pasian in silpiak thum
a pia hi: Eden Huan (Pian. 2:8), an (Pian.2:16), le numei (Pian.2:22).
Pian. 2:15-17. Piansak nate le Pasian tungah mihing in
bang masuan nei hiam? Hihte geel koi bangin kizopna nei hiam?
________________________________________________________________
___________________________________________________________
Mihing masuan masa bel in
kimlepaam singkung lopate limtak a kep ding ahi hi. (Pian. 2:15,19). Sepna lak kammal ‘avad” a khiatna in “cingin”
“kem” nasem cihna hi. Silpiak ngahna bek tawh kicing lo hi. I ngahna tungtawnin
zatloh a phaamawh ahi hi; i ngah silpiakte a phungsak ding ihi hi. Jesuh in
zong sum (talent) thugentehna tungtawnin i ngah siamnate zatsiam ding hong hilh
hi (Matt. 25:14-30). Sepna lak kammal
“kem,” cihna kammal in i ngah siamnate pungsak ding masuan i nei hi.
Nihna-ah annek tawh kisai hi. Pasian in mihingte tungah
nek dingin an hong pia hi, cih i phawk ding kisam hi (Pian. 1:29). Adam le Eve in suakta takin nektheihna kipia
hi.” (Pian. 2:16). Mihingte in singkung piangsak lo hi; an zong i piangsak thei
kei hi. Hihte in Pasian hong piakkhong, hehpihna tawh a hong piak ahi hi. Ahi
zong thukhun a tuamkoih hi; tua in Pasian in cinghtakin a hong piak singkung
khat ciat hong piak nektheih tuamtuamte lungdamna tawh i san ding ahi hi. Hehpihna
sungah Pasian in khalna hong koih hi. Singkung nam khat panin a gahte ne lo
ding uh hi. Kikhalna omlo nopsakna sihna
hong tunpih thei ding hi. Hih thu in Eden Huan panin hong kipanpah hi. Tuhunin
zong a bei hi nai lo hi.
Mihingte tungah kipia a thumna masuan in numei tawh kisai
hi. Pasian piak thupha thumna in mipa in a nu le pa nusia-in a zi tawh sa khat
pum khat a suak ding uh hi.” (Pian. 2:24). Hih thu in nupa suahna thuciamna le
pumkhat suahna-ah vanglian takin hong hilh hi. “Sa khat” cih a khiatna in
mihing khat sihna hi ( Matt. 19:7-9 tawh enkak in). Pasal (numei hi lo) in a nu le pa nusia
cih thu in Lai Siangtho hunlai-a amau kammal zatdan hi-in numeite zong a huam
kha veve ahi hi. Nupa suahna in Pasian tung pan letsong hi mah taleh mihing
tungah zong masuan kipia veve hi. Hih letsong a ngah numei pasal in khat le
khat tungah a citak ding uh kisam hi.
Pasian in hong piak na khempeuh ngaihsun in. Tua nate
tungah bang masuan nein a hiam?
FRIDAY
April 1
Ngaihsut ding: Read Ellen G. White, “Science and the
Bible,” pp. 128, 129, in Education; “The Creation,” in The Story of Redemption,
pp. 21, 22 sung sim in.
“Piansak nate le Lai Siangtho in Pasian lungsim a kibangin
pulaak uh hi. Nate pulaak thu le Lai Siangtho pulaak thute in kilangdo lo hi.
Lampi kibang lo, kammal kibang lo hi mah taleh amaute pulaak thu in thuman
thutak hi; kipumkhat uh hi. Leitung pilna in a lamdang muh thakthak nei a, muh
thak ahih hangin Lai Siangtho tawh kilangdo lo hi. Lai Siangtho tawh kilangdo
dingin bangmah theihna a nei kei hi.
Piansak nate le Lai Siangtho in khat le khat kihuhin
thuman pulaak uh hi. Nate nasepzia in Pasian thu hong hilh hi. “ Piansak nate
tung pan a kingah thute in Lai Siangtho tawh kilehbulh ding hi lo hi. Piansak nate pulaak thu le Lai Siangtho in
kithuhual takin nasem hi. Mi kimkhatte pulaakna-ah amau muhkhiat thu in Lai
Siangtho tawh kituak lo hi. Leisung panin a kimukhia nate in Moses pulaak thute
tawh kithuhual thei lo hi. Nate a hong pian nadingin kum mak tampi kisam ding hi, ci uh hi. Piansak ni sagihte
in kum tampi huam hi, ci uh hi. Tua bang thute in a man lo thute hi; tua bangin
zong ngaihsut ding kisam hi lo hi. Lai Siangtho hong hilh bangin i up ding
thupi pen zaw hi.”—Ellen G. White, Education, pp.128, 129.
KIKUP DING DOTNATE
1. Lai Siangtho tangthute in a piang taktak hi
lo hi, ci-in a um hi lehang i upna in bang suak thei ding hiam? I up thute in a
piang takpi lo hileh bang dinmun i tung ding hiam? Lai Siangtho gelhte in
“Moses gelh piansak thute in phuahtawm thu hi lo-in a piang taktak ahihna koi
bangin pulaak uh hiam? Jesuh in hih thu tawh kisai-in bang pulaak hiam?
2. Piancil Bu in nate kepcingna tawh kisai bang
hong hilh hiam? Koici bangin nate kemcing
ding i hiam? Tua banah piansak nate biak loh ding hong hilh hi lo hiam? Piansak
nate biak loh ding le Piansakna in hotkhiatna thu hong hilhna hiam?
(Romans.Rom. 1:25.)
3. Mawhna in leitung a suksiat khit kum tul
tampi cingkhin hi mah taleh nate hoihna
in Piansakna in piangsakpa pulaak “ hoih mahmah hi’ cih thu akoi bangin a
pulaak hiam?
