PASIAN HUAN CING
TIMOR-LESTE | January 8
Mario da Costa, 44
Mehteh
mehgah ciinna huan in Pasian kammal thusinna mun dingin hoih hi. Tua bang munte
in thuman kiptakin let theihna mun hong suak hi. Timor-Leste-a mi tampi in huan
nei ciat uh a, khai gah nam tuamtuam cing uh hi. Khaigahte anin ne uh a,
gaihvalte zuakin sum ngahna khat suak hi. Tua bangin a ciin uh khai gahte in vaimiim, thawbat,
kawlkai, maipuang, maa-nawi, nahtang leh mii-pee cihte hi.
Huan
sungah nasemin ka om laitakin Seventh-day Adventist makai khat hong hawh hi.. “Kha
thum sung Lai Siangtho thusinna nei ding ahihlam uh hong gen hi. Hih
thusinna-ah kihel dingin hong zawn hi.
Kei zong Lai Siangtho thu sinna nei nuam ka hih manin lawp takin ka kihel hi. Jesuh hong itna pulaak khia ding ka lawpmahmah hi.
Thusinna
ka zawh khit uh ciangin ka vekpi-un Timor-Leste khuapi, Dili aom Adventist biakinn khatah ka kimu khawm uh hi.
Nasem dingin hong kiteel kha lo hi. Lai Siangtho thuhilh ding simloh nasep a
dang tampi om hi, ci-in hong kigen hi. Nitak ciahkikin ka huan sungah nasemin
ka om hi. Pawl sungah lawp takin ka om hi. Tawl khat khit ciangin Dili khua
panin pawlpi makai khat in hong sam hi. “Ngaihsut khat nei ing. Lai Siangtho
thu hilhsia ding na ut hiam? ci-in hong dong hi. Kei zong Lai Siangtho thuhilhsia sem ding ka
lunglut pah hi. Tawl khat khit ciangin Kodo khuano khatah ka tung hi. Adolfo
tawh kimu-in ka kiho uh a, hih khua-ah Lai Siangtho thuhilh dingin kong pai hi,
ci-in ka gen hi. Seventh-day Adventist
Pawlpi mi hi ing, ci-in ka gen ciangin aman
SDA pawlpi ka za ngei kei hong ci hi. Ka Lai Siangtho puak lemin Lai
Siangtho in ni sagih ni Sabbath thuman a gen thute ka hilh hi. Saturday ni in
Sabbath man hi-in, Sunday ni ahihlohna thu ka gen hi. Tua bangin ka kikupna
tungtawnin Kha Siangtho in Adolfo lungsim ah thuman theihtelna pia hi, ka thei
hi.
Ni
thum khit ciangin Adolfo innah ka hawhkik a, a vengte huan sungah nasem dingin
hong zawnin kei zong ka seppih hi. A
khuapihte thunuam thei mahmah uh a,
nasep kawmin Pasian thu kikumin ka om uh hi. Adolfo tawh a vengpa Angelo
ka huh uh a, tua kawmin Pasian thu tampi ka gen thei hi.
Timor-Leste
khuapi Dili ah Seventh-day Adventist biakinn le pawl sanginn khat om a,
tu quarter Sabbath 13na umpi in
sangnaupangte om nadingin innkhat lam nadingin kipuak ding hi. Khual
gamla pek pan sangnaupangte om nading inn omlo ahih manin boarder khat kisam
hi.
Adolfo
le Angelo vengta kiho thei mahmah uh a, nitak nasep ka man khit uh ciangin
Adolfo
in Lai Siangtho thusinna nei dingin hong sam hi. Tua bangin nitak sialin Lai
Siangtho thu sinna ka nei uh hi. Tua khua-ah electricity om lo ahih manin
meivak ka zang uh hi. Tua lo khuamial ma-in thusinna ka nei uh hi. Khuasung
mite huan nasep ka huh kawmkawmin Lai Siangtho thuman thute ka gengen hi.
Adolfo
in a khua sung panin Adventist Pawlpi hong lut mi masa pen hong suak hi. Tua ciangin Angelo in Lai
Siangtho thusinna nei dingin ngen a, kum 12 sung tawntung pawlpi makai sem hi.
Tua bangin Lai Siangtho thusinna a neih uh ciangin khua dang mite heh mawk uh
hi. Amaute in hong satsawm uh hi, cih hong kigen hi.
Angelo
zong lungmang mahmah hi. Lai Siangtho
thusinna khawl phot mai ding hiam, ci-in hong gen hi. Tua hun sungin amah tawh
huan sungah singgah keu tuamtuamte kaikhawmin ka ne uh hi. Coconut a keute zong
a no sel dingin kipan ta uh hi. Hih coconut kungsuan ding ka ngaihsun hi. Pasian in hih khua sung om takpi ahihleh
coconut kung hong hing suak ding hi. Kum 10 val bei khin coconut kung limci
mahmahin gah tampi gah hi. Angelo in hih thu thei-in a khua uhah ka pai kik uh
ciangin tui kiphum dingin hong gen hi.
Timor-Leste
khua a huan sung nasepna panin Pasian in Ama thu-um mi tampi hong kibehlapsak
hi.
