TIMOR-LESTE | January 22

 

LAI SIANGTHO IN SIAMPITE ADING BEK

TIMOR-LESTE | January 22

Angelo Pereira, 43

 

Lai Siangtho thu sinna neih dign ka lunggulh hi. Ahi zongin ka pawlpi makaite in Lai Siangtho bu in siampite bek sim ding hi, hong ci uh hi. Ka tangthu in hih bang ahi hi. Kei pen Kodo khuapi sunga teeng Khristian innkuan khat sung panin akhangkhia ka hi hi.

Kum 23 ka phak ciangin pawlpi khangnote makai khatin ka om hi. Kum 27 ka phak ciangin khua dang khatah Pasian thugenna nei dingin ka kithawi uh hi. Pawlpi makaite in ka lawpna hong mu uh hi. Kum 31 ka cin ciangin khuano khata om pawlpi khat makaih dingin hong kisawl hi. Hih pawlpi ah kum 12 sung ka makaih hi. Sunday ni sialin pawlpi thu hilhnate ka hilh den hi.

Tua leh Seventh-day Adventist Pawlpi nasem sia khat tawh ka kimu hi. Huan sungah nasemin ka om laitakin hong hawh hi-in “kong huh ding hiam? ci-in hongdong hi. Ka nihun nasemin ka om uh a, nasep kawmin Lai Siangtho thu ka kikumkum uh hi. Ka zak ngei loh thu tampi hong gen a, ka theibeh nuam semsem hi. Ni khat ka biakinn uhah pawlpi makai siate kimuhkhopna khat om hi. Lai Siangtho thusinna tuamtuam hong kipia a, biakinn kikhopteh sim ding cih bangin khen tuamtuamin hong kipia hi.

        “Sia aw” ci-in makaipa thu ka dong hi. “Ko, nang thu hong hilh thei lo ding” Bang hang hiam cihleh Lai Siangtho pen siampite et ding bek hi ven” ka ci hi.ci-in ka gen ciangin, “tawmno khat bek hi-ee, no Lai Siangtho thusinna tawmno khat na pawlpi mite tungah na hilh ding uh hi,” ci-in hong dawngkik hi.

Thukikupna ka man khit ciangin ka lungkim thei lo hi.

“Bang hangin ken Lai Siangtho thusinna nei thei lo ding” ci-in ka ngaihsun hi. Topa tungah thungetna ka nei a, “Topa aw, a man Pasian kua hi ding hiam? hong hilh in. A man Pasian thei hi leng ka pawlpi mite tungah zong ka hilh thei ding hi, ci-in thu ka ngen hi.

Inn ka tunkik ciangin ka lungnop thei tuanlo hi; Adventist sia khat zong dingin ka khensat hi. “Lai Siangtho thusinna nong  neihpih thei ding hiam?  Kum khat sung bang Lai Siangtho thusinna nei nuam ing” ci-in Mario ka dong hi.

        Lai Siangtho thusinna ka nei khawm uh a, SDA pawlpi upna guipi 28te a banbanin ka sintoto uh hi. Kha 4, 5 bang hong cin khit ciangin Mario in “tun thuman thei ta cia” hong ci hi. Upna man lo sungah om nawn kei in, hongci hi. A man lo upna na zuih leh vantung gam tung kei niteh” hong ci hi.

Mario hong gen thute ka sang thei mahmah hi. Jesuh in a Nungzuite tungah “Hih ka thukham a hilh mite pen vantung gamah a neupen hi ding uh a, hilhin a zui mite in vantung gamah a lian bel a suak ding uh hi,” ci-in hilh hi. (Matthew 5:19).

Vantung gam ah a lianbel ka hi nuam hi. A beisa hunte ka ngaihsut ciangin ka kisikna tam mahmah hi. Inn panin paikhia-in ka siapa kiangah ka paisuakpah hi. Ka pawlpi nusiat ding pen hamsa ka sa mahmah hi. Kum 6 sung bang Topa tungah  “Topa aw, na mite tawh bang hun ciangin biakpiakna ka nei khawm thei ding hiam? ci-in thu ka ngen den hi.

Ni khat ka paneute inn gei ah Mario ka mu hi. Khrih sungah tui kiphum ding ka lunggulh sawt khinta hi. Mario tungah “Bang hunteh tui kiphumna om ding hiam? ci-in ka dongpah hi. Tui ka kiphum thei ding hiam? ci-in ka dong hi. Mario in Adventist pastor khat hopihpah a, covid pulnatna zong bei nai lo ahih manin a tuam vilvelin tui kiphumna khat hong vaihawmsak uh hi. 2020 kumin ka sunghpate tawh tui ka kiphumkhawm uh hi.

Seventh-day Adventist pawlpi mi khat ka hihna ka nuam mahmah hi. Ka zi le ka tate in zong SDA pawlpi-ah tui kiphum dingin thu ka ngen den hi.

Tu quarter Sabbath school 13na sumpi in, tuma kum 6 lai-a Timo-Leste khua a biakinn kilamna munah sangnaupangte om nadingin inn khat kilam ding hi. Khua gamla panin sang hongkah sangnaupangte om nading inn hi ding hi. Hih sangah khangno tampi in Pasian thu nungta sin theihna nei uh hi.