LAMPI THAK TAWN
TIMOR-LESTE | January 15
Adolfo Monteiro, 40
Kodo village khua om ka pawlpi ka it hi. Sunday ni sialin biakinn ah ka kikhawm hi. Thunget kikhop cihte zong ka pelh ngei kei hi. Pawlpi nasepna khat peuhpeuhah ka kihel den hi. Mario zong ka khua uhah hong pai hi. Ka innah hong hawhin Mario in a gamla khua khatah teeng ahihna hong gen hi. Seventh-day Adventist pawlpi nasem sia khat in Lai Siangtho thu sinpihna nei hihlam zong hong gen a, SDA pawlpi ah ki-ap ahihna thu zong hong gen hi. Topa Ni i cih in Saturday ni hi zaw hi; Sunday hi lo hi, cih thute ka kikum uh hi. Lai Siangtho siksanin Saturday ni in Sabbath ahihna thu ka hilh a, Sabbath thuman amuh nading Lai Siangtho tawh limtakin ka hilh hi.
Ka
gen thute a tel nadingin zong thu ka ngen hi. Amah in Sunday ni zui suak ding
maw, Sabbath ni tawlnga ding cih a khentel zo kei hi. “Topa aw, lampi lui zui
ding maw, lampi thak zui zaw ding, hong hilh in, ci-in thu a ngen hi. Ni thum
sung tua bangin thu a nget ciangin zan a ihmut sung mang khat man hi. Ka mai-ah lampi nih hong lak hi. Ka mai-ah a
ding mipa in hong hopih in lamlui nusia inla, lam thak zui zaw in, ci-in hong
hopih hi.
Zingsang
ka khanlawh ciangin ka mangmat ka ngaihsunsun hi. Hih ni mahin Mario hong pai
hi. Amah tawh Lai Siangtho kikupna nei dingin a hong sam hi. Huan sung nasep
kawmin ka kiho ho uh a, Mario in Lai Siangtho thu sinpihna nei thei hi. Ama
hong gen thute in ka lungsim hong lawngkha mahmahin tua ni a kipan Lai Siangtho
thusinna zoptoh suak dingin ka khensat hi.
Kha
4, 5 khit ciangin tui ka kiphum hi. Ka zi zong Lai Siangtho ka hilh hi. Amah in
khuapih dang mi nihte tui kiphum khawm uh hi. Ka nupa un Adventist upna ka zuih
uh a kipan nupa sung nuam ka sa mahmah uh hi. Ka zi tui kiphum khit tawl khat
khit ciangin nidang a ka pawlpi lui a makai khat in ka upna uh nusia dingin
hong zawn den hi. Ka zi in a nial ciangin ka zi in sat thuaklai hi.
“Na
pasal bek in pawl dangah hong lutpih hi, ci-in ka zi tungah heh mahmah hi. “Na
pasal biakna zuihpih zo kei niteh, ci-in a upna nusia dingin ka zi tungah gen
den hi.
Ka
zi in a dawnkikna-ah “lampi lui nusia-in lampi thak a zui ka hi hi. Hih lampi
thak zuih dingin ka khensat khin hi, ci-in dawng kik hi.
“Ken
pasal nei khin. Ka pasal in innkuan sung makaipa hi. Ama upna ka zuihpih ding
hi, ci-in dawngkik hi.
Sabbath
nusia dingin ka beh ka sanggamte un zong hong gen thapaai den uh hi. Ahi zongin
Pasian in ko tungah hoihna tawh kidimin, ka beh ka sanggamte adingin thu ka
ngetsaksak uh hi. Pasian in kote tungah hoih mahmah hi. Ka zi tawh ka beh
tanaute adingin thu ka ngen uh hi. Ka nu le ka sanggamte nih in Adventist
pawlpi sung hong lut uh hi. Ka nasepna panin ka ngah sum tawh Pasian nasepna
–ah ka kihel zo kei hi. Ahi zongin midangte tungah ka upna thute ka hawmsawn
thei hi. Jesuh kiangah mite paipih ding pen ka masuan hi, cih ka thei hi. Bang
hang hiam cihleh mimal khat ciat in
Pasian mai-ah manpha hi. Ka muh mi khat peuhpeuh tungah Pasian in hong it hi,
ci-in ka gen tangtang hi. Timor-Leste khuapi, Dili ah biakinn khat le pawlsang
khat bek om a, tua khua kimteng ah hotkhiatna thu genin ka pawi zelzel hi.
Tu
quarter Sabbath School 13na sumpi in Dili khua-a pawlpite huh nadingin kipuak
ding hi.
