LAMPI MAN MUHNA
TIMOR-LESTE | January 1
Mario da Costa, 44
Timor-Leste khua-ah biakna pawi
tuamtuamte a bawl uh ciangin khua sung mun khempeu in gamlumna tawh kidim hi.
Kei zong sakol tuan kidemna-ah kihel dingin ka khensat hi.
Sakol tung tuan kidemna mun pai-na
lampia-ah Seventh-day Adventist biakinn khat kinawkkha hi. Tua lampi tawnin ka pai-na ah Mariano in hong
mu-in hong nungdelh hi. “Hun na ngah
leh Lai Siangtho sinkhawm ni, ci-in hong gen a, tua ciangin amah tawh Lai
Siangtho thu sinna ka nei khawm uh hi. Amau innah tua bangin Lai Siangtho
thusinna ka neikhawm uh hi. Tawlkhat khit ciangin kei ka khawl hi. Bang hang
hiam cihleh ama hong hilhdan le ka zakzak thute kilamdanna om lo hi. Tua banah
Lai Siangtho thuhilh mi khat in hong nungzuihin Lai Siangtho thusinna nei ding
ka lunggulh zaw hi.
“Lai
Siangtho thusinna nei nuam ing,” ci-in ka gen tak ciangin, aman ka innah hong
pai nawn dah in “na innah kei hong pai zaw ning hong ci hi. Sakol tuan kidemna
ka man khit ciangin Lai Siangtho thu
sinna ka kipan hi. Tua bangin ka nihun Lai Siangtho thu sinkhawmin ka om uh a,
Saturday ni ciangin Adventist biakinna h kikhawm dingin ka kigen uh hi. Sunday ni-in
biakinn ah kikhawm pai ding ka lunggulh vevelai hi. Sabbath ni ahi a, Sunday
ni-in ahi zongin biakpiakna phamawh kasa kei hi.
Tawlkhat khit ciangin Adventist thuhilhsia khat hong pai-in Daniel 7:25 thu ka kikum uh hi. “Amah sapi in Vanglian Pasian langpangin kampau ding a, Vanglian Pasian mi siangthote a bawlsia ding hi. Amah in thukham le nite a khel ding hi, cih thu ka muh ciangin Daniel genkholhnate ka thei nuam semsem hi.
Innah
keima Lai Siangtho bu simin ka om a, ka sim phakikkik hi. “Amah sapi in
Vanglian Pasian langpangin kampau ding a, Vanglian Pasian mi siangthote a
bawlsia ding hi. Amah in thukham le nite a khel ding hi”. Hih thu ka ngaihsut ciangin kum tampi sung ka zuih
biakna in man lo ahih lam ka phawkpha sansan hi.Lai Siangtho khupsukin ihmu
ding ka hanciam hi. Ka lungsimah Adventistte in hong khem sawm uh hiam; amau
pawl ka lut nadingin Lai Siangtho hong simsak hi ding hiam,” ci-in ka
ngaihsunsun hi.
Thoto-in
Dan. 7: 25 ka simkik hi. “Sapi in Vanglian Pasian langpangin kampau ding a,
Vanglian Pasian mi siangthote a bawlsia ding hi. Amah in thukham le nite a khel
ding hi” Tua bangin Dan. 7: 25 ka sim kikkik ciangin ka pawlpi in Sabbath le
thukham khel hi; ni sagih ni pen Sabbath hi zaw hi, ci-in ka ngaihsun hi.
A
nungciangin Kha Siangtho in Lai Siangtho thuman up zawhna tha hong guan hi.
Antangin thungetna ka nei a, “Saturday ni in Sabbath man ahi hiam? Ahih kei leh
Sunday ni in Sabbath hi zaw hiam? Ka pawlpi maw Adventist pawlpi in pawlpi man
hiam? ci-in theihtelna Topa hong piak
nadingin thu ka ngen hi. Kaal khat khit ciangin ngaihsutna khat hong lut
a, “Lai Siangtho hong gen bangbang zui
zaw in, cih ngaihsunna hong suak hi. Lai Siangtho hong hilh bangbangin Pasian deihna zui dingin ka
khensat hi. Saturday ni hong tunsimin biakinn ah kikhawmin ka pai hi. Pastor pa
in tui kiphum ding hong gen ngei lo hi. Kikhop mankhit ciangin annekkhopna-ah
ka kihel a, Lai Siangtho thu tuamtuam ka
kikum uh hi.
Sabbath
ni khat kikhop man khit ciangin Pastor in
tui kiphum nuamte in min hong pia un, ci-in thu zaksakna hong nei hi. “kua
teng in tui kiphum nuam ci-in hong dong a,” tui kiphum nading mun zong
geelsa-in nei-in, kei zong tui kiphum dingin ka khensat hi. Pastorpa tungah tui
kiphum nuam ing, ci-in ka pulaak ciangin pastor pa zong nuam mahmahin hong kawi pah hi. Pawlpi mite
zong lungdam thei mahmahin kikhawm mi khempeuh tawh khut kilenin ka om uh hi.
“Pasian sapna ngah hiteh” ci-in hong hopih ngei ngai uh hi. Tua thute ka zak
ciangin ka khitui hong luang hi. Pasian lampi man a mu kha ka hi hi.
Tu-in
Mario in Lai Siangtho nasem khatin om a, Lai Siangtho thu sinna tungtawnin mi
tampi tak Pasian kiang a tunpih Pasian nasem khat hong suak hi. Kha Siangtho
ompihna zong ngah hi.
Tuma
kum 6 hunlai-in Timor- Leste ah Sabbath 13na sumpi in Seventh-day Adventist
sanginn khat kilam thei hi. Tu quarter
Sabbath 13na sumpi in Timor-Leste mun tuamtuam ah kikhopna inn ding lam ding
hi. Note huhna in na tampi sem zo ahih manin Topa tungah ka lungdam mahmah uh
hi.
