TIMOR-LESTE | February 5

 

Upna khauh nadingin satna thuak

TIMOR-LESTE | February 5

Elizita Da Silva, 37

 

Khangno khat in “sanggam nu” aw ci-in hong sam khat om hi.

“Lesson thusinna le Lai Siangtho thu sinna ka nei uh a, nuamsa mahmah ing, missionary sem dingin zong ka kipia khia nuam uh hi. Tua bang thu ka zak ciangin ka lawp hi. Yuliana le a zi Luis tawh ka kimu uh hi. Amau nupa pen Lai Siangtho hilh sia hi.

“Lai Siangtho thu hong hilh un, ci-in ka ngen hi.” Dili khuapi-ah laisinin ka om uh hi.

Ka sanggamu Ermelinda in Dili khua-ah Tan sawm sangkah hi. Ko khankhiatna khuano khat hi.

Ka nupa-un nisimin Lai Siangtho thusinna ka nei uh hi.  Lai Siangtho thusinna nuam kasa hi. Pasian hong itna ka thei semsem hi.  Pasian ka itna lah theih nadingin lampi ka mu toto hi. Ka pumpi limtakin kepna, a siangtho anne nekna tawh Pasian ka itna ka lak thei hi. Pasian thukham sawmte limtakin nuntakpihna zong Pasian i itna khat mah hi. Jesuh in “kong nong it uh leh ka Thukhamte na zui in” hong ci hi. (John 14:15) Thukham sawmte ka sim ciangin ka lungdam mahmah hi.  Thupiak Li-na cih mahin ka za ngei kei hi. Tua thupiak in “Sabbath ni a siangtho a zat ding phawk in”(Pai. 20:8).

Pasian in Ama ni siangtho ni khel ngei lo ahihna thu ka thei hi.  Tua nupate tungah Sabbath ni ciangin kong kikhawm thei uh diam, ci-in ka dong hi.” Sabbath ni tawlngak ding ka lunggulhna thu zong ka gen hi. Ahi zongin ka pai nading biakinn ka thei kei hi, ci-in ka gen ciangin “Dili khuapi-ah SDA biakinn khat om hi, cih hong gen uh hi. “ Sabbath ni ciangin tua biakinnah na pai thei hi, ci-in Yuliana in hong gen hi.

Ermelinda tawh biakinn ah kikhawm dingin ka pai khawm uh hi. Nipi nih ka kikhop khit uh ciangin tui kiphum dingin ka khensat uh hi. Tui ka kiphum uh ciangin ka u te heh mahmah uh hi. Hong patau-sak den uh bek tham lo-in hong sat uh hi. Ka sanggamte khat in sang na kah thei nawn kei ding hi, hong ci hi. Innah hong ciahpih ding hi ung, hong ci uh hi. Ka sanggam khat in sangkhawl dingin hong gen den hi. Khualam ciahin inn ka tung uh hi. Voksa hong pia uh a, Sunday ni ciangin biakinnah kikhawm dingin hong paipih uh hi. Ka dah mahmah hi.

Ka heh suak lua ahih manin ka inndei sungah kikalhcipin ka om a, Lai Siangtho simin thungenin ka om hi. Ahi zongin ka upna nusia dingin hong satsat uh hi. Pasian nusia a, Ama thukhamte nial ding hong hanthawn thawn uh hi. Tua bangin kha khat sung bang ka om hi.

Ka sanggam numei in zato-ah kibawl thei hi. Adventist Pawlpi in kha nih sung Lai Siangtho thusinna nei dinging geel uh hi. Lai Siangtho thu hilh ding ka kin mahmah hi.

Yuliana le Luis bangmahin Lai Siangtho ka hilh nuam hi. Midangte tungah Pasian thu ka hilh nuam hi. Ni khat ka innkuanpihte zong gen lo-in mun dang khatah ka paisim hi.

Kha nih sung Lai Siangtho hilhzia ding thusinna ka nei hi. Tua khit ciangin Lai Siangtho thu hilhin ka om hi. Nisimin thungenin ka ki-ap hi. Ka innkuanpihte adingin zong thu ka ngen den hi.

Kum nih khit ciangin pasal ka nei hi. Ka pasal Reinaldo pen Adventist thu-um mi khat hi. Ka kiteen ni mopawi-in ka innkuanpihte khat zong hong pai lo uh hi. Pasian hong huhna hangin tu-in ka innkuanpihte tawh ka kiho thei hi. Pasian thupha tawh ta thum tawh ka om uh hi. Ka tate in Adventist sangah sangkah uh hi. Timor-Leste.

Ka innkuanpihte adingin thu hong ngetsak un. Ka sanggamte in naupang tampi Jesuh le Ama thu sungah a tunpih thei dingin thungetnah hong phawk un. Tuma kum 6lai-in Sabbath 13na sumpi in Timor-Leste gama om Seventh-day Adventist Sanginn adingin kipuak khin hi. Tu quarter Sabbath school 13 sumpi in Sanginn puah nadingin kipuak ding hi.