A LAMDANG MAWTAW
TIMOR-LESTE | February 19
Zelindo Joao Lay, 42
Zlindo
pen kum 42 a pha papi khat hi-in vanzuak
nasem khat hi. Amah pen Timor-Leste ah teeng hi. Khua sung mawtawte sungah za
kitep loh nadingin nisimin thungen den hi.
“Topa aw, zatep nawn lo, zu dawn nawn lo, sa sianglo peuhmah ka ngawl hi. Tua hi-in hih bang nate zong zuak ding ka ngaihsun nawn kei hi, ci-in Topa tungah lungdam ko hi.
Tua
hi-in a van zuakte lakah cigarettes, zu, coffee niangteh zong zuak lo pah hi.
Ahi zongin khua sung mite in zatep-in zu dawn dawn uh hi. Mawtaw khat a lei
zawh nadingin hanciamin tua sungah kuamah in zatep thei lo ding deih hi. Tua
hileh ka khuapihte in zatep khu-dik kha lo-in mawtaw tuangkha ding uh hi.
Zelindo
in Indonesian khuapi liankhat Surabaya ah om a sanggamnu tungah mawtaw khat in
bangzah man ding cih dongsak hi. Mawtawte in U.S.$35,000 bang man a, ahi zongin
a sanggam nu in $31,500 khat mu hi. Zelindo in a sanggampa Fernando tunga
zasakpahin Fernando in zong mawtaw lei nading $10,000 tawh a huh hi. Zelindo in
$ 15000 a piak masak ding kisam hi. Tua khit ciangin a cianlaiteng bank account
panin khak dingin kithukim uh hi. Kha thum khit ciangin Zelindo in $6,500
khakkik a, a leiba teng loh nadingin a sanggampa in $10,000piaksak hi.
Sum
piak dingteng a piak khit ciangin Timor- Leste khuapi Dili ah mawtaw hong
tungpah hi. Sunday ni zingsang khat Zelindo in mawtwa khawlna mun panin phone
sapan ngah hi. Na mawtaw ding hong tung khin, zingteh hong la in, ci-in
kivaikhak uh hi. $10,000 a piak ding
kisamlai hi. Ahi zongin Zelindo lungkham lo hi. Bang hang hiam cihleh a
sanggampa in piaksak dingin kamciamkhin hi.
Tua
nitakin Zelindo le a zi in a nungkal sunga a sumngah teng uh sim uh hi.
Nidangin $10,000 pan $13,000, ngah uh a, ahi zongin tu-in $28,000 ngah uh
hi. Zelindo le a zi in lamdangsa mahmah
uh hi. Bangci banga hih zah zah ngah
thei hiam cih kikumkum uh hi.
A
zingsang ciangin Zelindo in a sanggampa innah va hawhin a kamciam bangin sum
piak ding geelna nei hi. AHI zongin Fernando genna-ah “Nang kongsap ding ka
ngaihsun hi. Ahi zongin kong sap ding ka mangngilh kha hi. Kong kamciam bangin
hong huh zo lo ding hi ing, cih hong gen nuam ing, ci-in pulaak a hi.
Zelindo
lungdamin nuei hi. Bang hang hiam cihleh Pasian huhna tampi ngah khin ahihlam
kiphawk hi. A mawtaw deih leikhop nadingin sum a kicingin ngah khin hi. A
mawtaw min dingin Salvation (hotkhiatna) ci-in minvawhna nei hi. Tua khua
tuikulh sung khempeuh in thei khin uh hi. Naupaaite le naupangte in zatep kuamah
om lo mawtaw a tuan ding uh lawp mahmah uh hi. Zatep phal lo hi bek lo-in
mawtaw sungah la hoih tuamtuam zong kihong hi. Mawtaw tungah laisuan a gol
mahmah khat nei-in mawtaw dimphialin Mang. 14 sunga vangtungmi thumte
thupuakteng kigelh kawikawi-in Jesuh in hong pai baih ta ding hi, ci-in lai
kisuang hi.
“Mite
in tua mawtaw tuan nopsa mahmah uh hi, ci-in Zelindo in pulaak hi. “Bang hang
hiam cih leh mawtaw sungah kuamahin zatep lo uh hi. Palikte in zong hoihsa
mahmah uh hi. Ni khat pawlpi mite khat in Zelindo hopih a, Baucau khuapi-a
palikte in mawtaw khawlna munah hong pai uh a, mawtaw hawlpa tungah “Hotkhiatna
mawtaw hawl nuamsa hi niteh maw, ci-in hopih uh hi. Mawtaw sungah zatep kiphal
lo ahih manin mawtaw hawlpa in zong zatep lo hi. Khua dangte ah zong tua bang
mawtaw vaihawm dingin mipite in lunggulh mahmah uh hi. Zelindo in a dawnkikna-ah mawtaw leibeh zawh
nading thu ka ngenngen hi, ci hi.
Mawtaw
khat leibeh a, Zelindo huzaapna tawh mi nga in tui kiphumna nei uh hi. Pasian
in ka nasep thupha hong pia hi, ci-in Zelindo in Topa tungah lungdamna ko hi.
Ka van zuakna tungtawnin Pasian kiangah mi tunpih thei ka hih manin Topa tungah
ka lungdam hi, ci hi.
2015 kum Sabbath school 13na sumpi in Timor-
Leste khua-ah pawlsang inn khat kilam hi. Tu
quarter Sabbath school 13na sumpi in sangnaupangte giah nadingin inn
khat lam nadingin kizeek ding hi.
