TINA TUNGAH SITTELNA
TIMOR-LESTE | February 12
Tina Alves, 39
Tina le a pasal tawh ta li nei-in Timor-Leste gamah teeng uh hi. Innkuan sung nuntak hamsa hi. Tina in accountant le receptionist ( sum nasep le zinmuak nasep sem hi) A pasa set vam tuamtuam bawl hi. Nuam takin nungta thei uh hi mah taleh a tate Adventist sangaha kah uh akipan innkuan zung nuntak hamsa hi. Timor- Leste gamah Adventist pawl sang opm lo hi. Tua hi-in sum tampi bei-in Indonesia gamah sangkahin om uh hi.
A
tate sangkahna sum tam beisa lua ahih manin sangmgam numei hong tunpih hi. Tina
le zi in sum leiba tampi nei uh hi. Tina lungkham mahmah hi. Australia gam khua
khatah strawberry huanah nasep siau hi.
Pawlpi mite in a taneu kumkhat pha pan ahih manin tua bangin sumzongin nasema a
pai ding awi lo uh hi. Tua hi mah taleh innkuan sung hamsatna hangin pai veve
ding a khensat hi. Tua bangin nasemin leibate zong loh zo hi. Kha guk sung bang
sumkholin Tasmania gamah hong pai hi.A nasepna-ah ni guk sung nasemin Sabbath
ni tawlnga thei-in, Sabbath ni nasem lo-in a om hangin a nasepna pute in hehpih
ahih manin sum pia veve hi.
Sabbath
ni hong tun ciangin a innseppih nu in nasem kuanin Tina in ahihleh inn sungah
omin thungetna nei hi. Tua bangin kha nih sung a inn sungah Sabbath ni ciangin
thungetna nei-in om hi. Sabbath ni khat hong tun ciangin Seventh day Adventist
Biakinn zong dingin hong vak khia hi. Amau omna khua gei-ah Launceston khua
vatunga Timor-Leste tawh kibang lo-in naupangte in lampi-ah kuamah mi om lo hi.
Bang thu piang hi ding hiam, ci-in lunghimawha a nasepna huanlam ciahkik hi.
Nai nih sung bang lampai khit ciangin mi khat in huan hah amu hi.
Tina in zong tua mipa hopih a,
“Mawtaw khawlna koi teng hiam? ci-in dong hi.Tua mipa in “nang koi pan hong pai
na hiam? koi-ah pai ding na hiam? ci-in dong a, Tina in “ Kei pen Timor-Leste
khua pan hong pai hing. SDA biakinn a zong hing, ci-in a dawngkik hi.
Tua
mipa in “ka zi zong Adventist hi ven, ahi zongin kikhawm ngei kei, “ ci-in a
dawngkik hi. Tua mipi in ahi zongin midang SDA thu-um mite thei ing, ci-in
dawngkik hi. Tua mipa in SDA pawlpi mite innah a paipih hi. Tua Sabbath a kipan
Tina in Adventist biakinnah kikhawm thei hi. Tina in biakinnah a kikhop ciangin
pawlpi mite nuam mahmah uh hi. An nek ding pia-in puansilh akipan van le na
tuamtuam na pia uh hi. Tua bangin Tina in van tampi tawh hong ciahkik amuh uh ciangin
Lina lawmnu le a lawmdangte a heh uh suak hi. A naseppihte khat in Australia ah
bang ngimna nei-in hong pai na hiam? ci-in dong hi.
“Sum zong dingin hong pai hing, ci-in Tina in
dawngkik hi.
“Bang
hangin Saturday ni-in nasem lo na hiam; Saturday ni-in nasem lecin, a zahnih
hong kipia ding hi, ci-in kigen a, a lawmte khat in Amah bel Saturday ni nuamsa
mahmah hi, ci-in genbeh hi. Tina in “thuman lopi in mawhsakna thuak ing. Ni guk
sung nasemin Pasian adingin ni khat nasem lo-in ka om hi. Sum a zahnih ka ngah
loh hangin Pasian in a kitangsapna khempeuh hong sik hi, ci-in Tina in dawngkik
hi.
Nasem
dangte in Saturday ni-in Tina in zong nasemleh ut uh hi. Tina in nasep nei a pu
tawh kiho-in, nasep a lutcil dingin ni guk sung nasemin Saturday ni nasem lo ding
cih a kithukimna thu a pulaakkik hi. SDAte in Saturday ni-in nasem lo uh hi,
ci-in a pulaak hi. A pu un Australia gam ah gam mite in suakta takin amau ut
nini-un biakpiakna nei thei hi, ci-in pulaak hi. Tina in a pu tungah “Saturday
ni-in nasem kei ning, ci-in ama khensatna a pulaak hi. Timor-Leste ah nong
phawkkik zongin phamawh lo hi, ci-in Tina in dawngkik hi.
Tua
bangteng tawh Tina in Sabbath ni-in nasem lo-in om hi. Tawl khat khit ciangin
nasemte 2, 3 in ka upna thu hong thei nuam uh hi. Sabbath ni kikhopna-ah amaute
in hong zui thei zel uh hi. Kha 6 khit cinagin Tina in khensatna man nei hiam
cih ngaihsutna khat hong nei hi. A nasepna pan a ngah sumte in a tate sangsap
ding bek sik zo hi. Ahi zongi Timor Leste ah ciahkik ding hi leh sum khol thei
zaw dingin ngaihsun hi.
Australia
gam panin a paikhiatma Sabbath nunung penin pawlpi mite in letsong lai-ip khat
pia uh hi; Tina zong nuam mahmahin biakinn sungah hongkhia ngam lo-in dailenbuk
pai-in tua munah lai-ip hong khia hi.
Lai-ip sungah sum kikoih mu-in Saturday ni-in nasem a kuankhiat loh hangin a
pawlpi mite in sum tampi pia uh hi. Nuamlua kisa-in khitui luangsa-in thungen
hi. “ Topa aw, na tungah ka lungdam hi. A lamdang hih nong piak thupha hangin
na min kong phat hi. Nasep lohpi-in tua zahzah sum ngah dingin kilamen ngei
peuh lo ahih manin a lungdam mahmah hi.
Pasian
in a lamdangtakin nasem ahihna thu a phawk semsem hi. Jesuh in mihing sep theih
loh khempeuh Pasian in a sem thei hi, ci hi. Luke 18:27.
Tuma
kum 6 hunlai-in Sabbath school13na sumpi in Tina teenna khua Timor Leste ah
Pawlpi sanginn khat kilam hi.
Tu
quarter Sabbath school 13na sumpi in Timor Leste gammah kipuak ding a, pawl
sanginn lam nadingin kizek ding hi.
