A NU MAWHNA MAISAK: Khennihna
THAILAND | March 19
Charmaine Ku, 38
Nung Sabbath Mission news i zakna
bangin Charmaine in a nuntakna Topa
tungah a kipiak khit a kipan a nu zahtak thei hi. Koi bangin a nu zahtak thei
hiam?
Kum nih sung tawntung ka nu tawh
kizopna hoih nei dingin thu ka ngen hi. Khat vei vei ciangin Pasian tungah
dotna tampi ka nei hi.
“Topa aw, koi bangin hong khel ding na
hiam? Hong khel in, ci-in thu ka ngen hi.
Ka sanggam numei nih inn hong ciah uh hi. Ka innkuanun ka kim thei uh hi. Ka sanggam nu le a pasal USA panin hong tung thei uh hi. Ka sanggampa zong Thai panin hong tung hi. Mun tuamtuamah om ka hih manin hih bangin innkuankim ding hamsa mahmah hi. Ka sanggampa Luther in kum 11 pha pan hi. Ka nu tawh ka kilem lohlam thei hi. Ni khat Thai ah paikik hi. Laibu khat hong nusiat a, a zingsang ciangin ka mu hi. Luther in “lunggim pipi-in hih lai kong gelh hi. Topa aw, na tungah ka lungdam hi. Nang in thuman tampi na thei hi. Na nuntakna tampi kikhel cih ka mu hi. Ka sanggam nu in Pasian nasepna-ah kihel hi, cih ka thei hi. Nang kong muh ciangin ka lungkim mahmah hi. Pasian min thang tawntung hen. Thungetna leh ka nunzia ka ngaihsut ciangin mawhna tawh kidim mi ka hihlam ka thei hi. Ka nu tawh na kizopzia uh ka lungkham hi. Ka nu uh kicing lo hi. Thu ngaihsunkim thei lo, heh thei pahpah hi. Hi mah taleh amah pen a kicing Pasian in hong piak nu hi-in zahtakin it ding kisam hi. Ka nu bel kicinna nei lo hi, cih ka thei uh hi. A tate hong it mahmah hi. A tate adingin a sep thute ka thei khin zo kei uh hi. Nang zong a thei zo dingin ka ngaihsun kei hi. Thuak zawhlohna, kiphatsakna cihte a om thei kha mah hi. Hihte zong khe kisuih khakna a suah khak loh ding ka deih uh hi. Ka nu tungah na bawlzia le ka nu na gendan thute ka lungkim hi. Lunggimna lianpi tawh hih lai konggelh hi. Nang zong na kipuahphat ding kong lamen hi. Kong gendan zong siam keng. Kha Siangtho in ompih henla na lungtang tungah thu hong gen henla, kilemna hong guan ta hen, ci-in laigelh hi.
Hih bangin ka neulai-a ka lawm khat in laikhak
gelh ka sim khit ciangin nai khat sugna bang ka kap hi. Pasian tungah
mawhmai-na ka ngen hi. Tua kawm mahin ka sanggampa ka pakta mahmah hi. Ka
lungtang in ka nu zahtak thei lo hi mah taleh tua ni a kipan ka nu tungah ka
hehngam nawn kei hi. Pasian in ka thungetna hong dawng hi, cih ka thei hi.
Topa kamciam in: “Tua ciangin Amah ka
lungtang ka pia ding a, ama sungah lungtang thak khat ka guan ding hi. Ama
suang lungtang ka lakkhiat sak ding a, sa lungtang ka pia ding hi.
(Ezekiel 11:19).
Kha Siangtho nasepna hangin ka nu tawh
ka kizopna uh a kisia hong hoih kik hi. Inn panin ka paikhiat ma-in ka nu tawh
limtak ka kiho thei uh h. Ka sanggampa laikhak ka simkhit ni 6 khit ciangin Malaysia
ah ka pai a, Lai Siangtho thusinna leh pawlpi phutna khat ka nei uh hi. Ka nu
in vanlengtualah hong kha-in nuamtakin ka kikhen uh hi. Kum sawm khit ciangin
ka nu ka angkawi hi. Kha 6 khit ciangin Thailand ah ka pai a, Adventist
International Mission Sangah naupangte ka pantah hi. Ka nu tawh kiho thei
lopi-in a zinkhia hi leng zong kuamah in hong thei lo ding hi. Ahi zongin
Pasian in mawhna sung nuamsa ding hong deih lo hi. Pasian in a kicing
hi-in, a lamdangtakin nasemin ka nu
zahtak ding hong huh hi. Thai gam ka paima-in ka nu tawh ka kiho thei uh hi.
Topa tungah ka lungdam hi. Tuma kum 3 lai-in Sabbath School 13na sumpi in, Adventist
International Mission Sanginn lamna-in kizang hi. Tu quarter Sabbath School 13na sumpi in Korat
munah sanginn thak khat lambeh nadingin kipuak ding hi.
Mai Sabbath in quarter cin Sabbath 13na
ahih manin sumpi khiat ngei a zah thum tawi kim ciat ni, cih i kizasak hi.
