MITE MAWHNA A MAISAK NUPI: Khen Masa
THAILAND | March 12
Charmaine Ku, 38
Jesuh tungah ka nuntakna ka kipiak a kipan Kha Siangtho in ka mawhna hong phawksakin kum tampi ka nusiat zawh loh mawhna ka nusia thei hi. Thukham Sawmte lakah thupiak li-na ah “ na nu le na pa zahtak in”(Pai.20:12). Ka thunget sungin David thungetna ka phawk hi. David in: Topa aw, ka lungsim hong sittel in, ka lungsim hong thei in; tawntung lampi-ah hong kha in, ci-in thungen hi. (Late 139:23-24).
Ka lungkham hun sungin Malaysi tangval khat tawh ka kithei
kha hi. Tua nu pen Khristian hi lo hi.
Ka nu in tua bangin ka lawmngaih a thei ciangin hong awi lo hi.
Ka nu in ka lawmngaihpa tawh kiho nuam
lo hi. Ka lawm ngaih pa amuh ciangin ka nu in en nuam lo hi.Tua bangin kum 8
sung hong sawt hi.Kei zong a lungkhauh mi ka hih manin ka nu thugen ka nuam kei
hi. Zan ihmuh ding ciangin bekin inn ka ciah hi. Tua lo hun ciangin innah ka om
ding ham sa ka sa hi.
Pasian in ka mawhna hong maisak nadingin thunget ka kipan
hi. Thukham nga-na ka zuih zawh nadingin zong thu ka ngen hi. Nisimin tua
bangin thu ngen hi mah taleng, ka nu le pa zahtakna ka nei zo kei hi. Tua
bangin kum nih sung hong bei to hi. Ka lupna tungah thungenin tua khit ciangin
ka nu kiangah ka pai hi. Ka nu heh mahmah ahih manin ka hopih hangin ka nu in
hong dawng tuan lo hi. Thu ka lim nget zaw hi.
Anhuan buk kongkhak hong kikiu hi. Ka nu in an minta hi, anne dingin a hong sap
hangin ka lungdam thei kei hi. Kha 4, 5 sung bang ka nu ka hopih kei hi. Ka nu
in hong hopih sawm hangin aza lo ka kineih hi. Ka nu tawh bangci kiho kik thei
ding cih ka thei zo kei hi. Ka ngaihsutsut ciangin ka nu mawhna ka maisak zo
kei hi, cih ka thei hi.Pasian in Lai Siangtho tungtawnin hong hopih hi.
Zingsang khat Jesuh kammalte Matthew
6:14-15 ka sim hi. Midangte mawhna na maisak uh leh note mawhna zong hong
kimaisak ding hi. Midangte mawhna na mai kei uhleh vantunga na Pa in note
mawhna hong maisak lo ding hi. Tua khit ciangin Khrih Kiang zuatna laibu ka sim
hi. “Ci le sa lungsim galdona in a lian penpen galdona hi. Eima deihna nialin
Pasian deihna sungah kipia hi lehang, hamsatnate kizo ding hi. Pasian in hong
khel nadingin ama deihah kipiak ding kisam hi. (laimai 43).
A lauhuai mahmah mawhna sungah nungta
ka hihlam ka kiphawk hi. Ka nu mawhnate mai sak dingin ka kisin hi. Ahi zongin
tua bangin mawhmaisak zawh nadingin kiniamkhiatin ka nu ka hopih masak kul hi.
Pasian in ka sungah nasemin ka nu ka hopih thei hi. Ka mailam saupi om lai hi,
cih ka thei hi. Ka nu tawh kizopna kikalah itna le lungduai-na kisam hi, cih ka
thei hi.
Ka nu tungah gitloh ding bekbek ka
ngaihsun ngei a, ama ginat lohna laidal tung khatah ka gual suksuk hi. Limtak
in hopih taak lo bangin ka ngaihsun hi. Tua bang ngaihsutna ka neihlaisiah ka
nu tawh kizopna hoih thei ngei lo hi, cih ka thei hi. Ka nu gamtatzia ka
deihlohna ahang thu tampi om hi; limtakin hopih thamcing ka sa kei hi. Ka nu
ginatlohna bekbek ka mu hi.
Kha Siangtho in hong khel nadingin thu
ka ngen hi. Ka nu nunzia ka khel ding piang thei lo hi. Lai gelh siam khat
laigelh ka phawk khat om hi: “Khat veivei ciangin Pasian in na dinmun hong khel
thei lo hi. Bang hang hiam cihleh Amah in na lungtang hong khel nuam hi. Koi
bangin Pasian in hong khel ding hiam? Tu-in Charmaine in Adventist
International Mission Sangah Tanlang nuaisiah laihilhin om hi. Sangsia a
sepma-in a nu tawh kilem thei uh hi.
Tu quarter Sabbath school 13na sumpi in
Charmaine sangkahna sanginn puah nading leh sanginn khat lambeh nadingin kizeek
ding hi.
