LESSON 8 February 12–18
JESUH, THUCIAM THAK PALAAI
Sabbath Nitak
Tu kaal sung Sim ding: Heb. 7:11–19; Heb. 8:10–12; Jer. 31:31–34; Heb.
8:1–6; Pai. 24:1–8; Ezek. 36:26, 27.
KAMNGAH: “Ahih hangin Jesuh hong palaaina thukhun bel, thukhun Lui sang a thupizaw
hoihzaw kamciamte tunga kibulphuh ahih manin amaute nasepna sangin Jesuh
nasepna a thupi zaw hi (Hebrews 8:6).
Jesuh in a kicing nunna tawh nungta-in eite
thuak ding sihna a hong thuak hi. Jesuh a hoih zaw thuciam, Pasian leh mihing
kikaalah hong om hi. A hoih zaw thuciam thak a hong bawlsak hi. Hih thuman in
Hebrews 10:5– 10, sungah hong kihilh hi. Jesuh in palaai semin thuciam kalh a
kicing thumanna hong kicingsak hi.
Late 40 in David in Pasian sawlman nopna lungsim
anei hi.” En un kong pai khin a, , hiah ka om hi. Ka thu laizial sungah a
kigelh khin hi. Nangma deihna ka sem nuam hi, ka Pasian aw, nangma thukham ka
lung sungah a om hi, ka ci hi.(Late 40:7, 8). Late in Israelte tawh Pasian
thuciamna a pulaak hi: thumanna nuamsa-in thukham in lungtang tungah kigelh hi
(Thkna. 6:4–6). David sepnop khempeuh Jesuh in a cingsak hi. Paul adingin hih
Late in JMihingin hong piang Jesuh theihtelna nei hi. Jesuh in thuciam thak
hong sawl hong sawl sawlman a kicingsak hi. Amah in i tetteh ding hi. Hotkhiat
ngah mi suak khin ihih manin Jesuh sihna leh Ama kicing thumanna i ngah hi.
SUNDAY February 13
Thuciam Thak kitangsapna
Read Hebrews 7:11–19 sim in. Bang hangin thuciam
thak kisam I hiam?
___________________________________________________________
___________________________________________________________
Hebrews hong hilhna bangin Jesuh siampi hihna in
Melchizedek gui zui hi-in thuciam thak kipan hi.Thuciam Lui in Levi suan le
khak zui-in kipia hi.(Heb.7:11). Levi guizui-in siampi semte in Pasian le
Israel kikalah Palaai sem hi. Thukham in siampi lo khempeuh nawlkhin hi.
Laigelhpa in a thukhupna-ah, tua ahihleh siampi sem ding kilaihna tawh kizui-in
thuciam zong a kikhel hi.(Heb.7:12, 18, 19).
Thuciam Lui in kicinna hong pia zo lo hi (Heb.
7:11). Paul in Levi gui zui-a siampi hihna le siampi nasenate pulaak hi (meihal
biakpiakna, pawite). Ganhing tawh biakpiakna in mawhna pan hong siangthosakzo
taktak lo hi; Pasian tawh kizopna zong hong bawl thei hi. (Heb. 10:1–4; Heb.
9:13, 14; Heb. 10:19–23). Thuciam Thak in ahihleh Pasian in Israelte tungah
Thuciam Lui a piak in dik lo hi. Levi mite leh biakbuk nasep in milim biakna
panin amaute a dal ding hi; Jesuh nasep dingte zong a hilhkhol suak hi. Hebrews
in a hong tung ding a hoih zaw thute limtakin pulaak hi. (Heb. 10:1).
Jesuh a lahtelna tawh biakpiaknate in leitung
mawhna a puakhia Pasian tuuno sungah lametna leh upna a hilh hi. (John 1:29 leh
Isaiah 53 gelh in). Hih thu mah Paul in zong thukham in Jesuh kiang hong
paipihin upna tawh diktanna i ngah hi, ci-in a hong hilh i siapa hi, ci-in
pulaakin hong hilh hi.(Heb. 3:24) ahih keileh Khrih in thukham kicinna hi. Hih
thu hangin a um mi in dikna a ngah hi. (Rom. 10:4). A dangkhat in gen leng Thukham
Sawm in hoihin kicinna nei hi mah taleh hotkhiatna hong pia thei lo hi (Rom.
3:20– 28, Rom. 7:12–14). Thukham in dikna tawh nunna kitheihtelna hi. ahi
zongin thukham in dikna hong pia thei lo hi.Limlangah ki-etna in i mai-niin
siangsak thei lo hi. A kicing dikna ngah nading eite tangin hong ding hong si
Jesuh i kisam hi.
Bang hangin thukham in hong honkhia thei lo
hiam? A tawpna-ah thukham khempeuh paubaang lo zui-hi phial mah leng zongin
bang hangin tua in hong honkhia thei lo hiam?
MONDAY February 14
A thak le Thak Suahsakkik
Hebrews 8:10–12 le Thkna.6:4–6 enkak in.
Thkna.30:11–14, le Jeremiah 31:31–34 enkak in. Thuciam Thak thu bang hong hilh
uh hiam?
___________________________________________________________
___________________________________________________________
Hebrews sung kigen thuciam thak kamciam in
Jeremiah gensa thu pulaakkik hi. Jeremiah genna-ah hih thuciam in amasa-in
Moses tungtawn in Israelte tawh a kibawl thuciam thaksak kik hi (Jer.
31:31–34). Jeremiah 31 in thuciam ‘thak’ bek tham lo-in Israelte tawh a kibawl
Thuciam Lui thaksakna hi,ci-in kigen thei hi. A taktakin Hebrew laimal tawh
kigelhna-ah “thaksakkik le
‘ a thak sitset” cih khiatna nei hi. Israelte in
Thuciam lui palsat uh hi. Thuciam in paubaanna nei hi lo-in, Israelte in
paubaanna nei uh hi zaw hi. (Heb. 8:8, 9). Israelte in limciinnate tungtawnin
Messiah hong pai ding mukhol thei uh hi leh, Ama sungah upna nei ding uh a,
thuciam palsat lo ding uh hi. Ahi zongin a mantakin gen lehang, Israelte lakah
thu-um mi om a, amaute tungtawnin thuciam deihna tangtung hi; amaute lungtang
tungah thukham kigelh hi (Late 37:31, Late 40:8, Late 119:11, Isa. 51:7).
Thuciam thak in thuciam Lui thaksuahsakna hi; a
thak cihna hi. Jeremiah pulaak kamcian in “thuciam thak’ in saltanma-a amau
dinmun kipuahphatna a gen hi lo-in, amaute palsat tawntung thuciam hi. Bang
hang hiam cihleh amaute in Pasian kiang panin nungkik uh hi. Pasian tawh a
thuciam uh a tangtung dongin kip lo uh hi. (Jer. 13:23).Tua hi-in Pasian in “ a
thak na khat” sem dingin kamciam hi. (Jer. 31:22).
Topa in amaute tawh a bawl ding thuciam in a pu
a pate tawh a kibawl thuciam bang hi lo ding hi.(Jer. 31:32). Bang hang hiam
cihleh amaute in Moses thuciam nuai-ah nungta-in hih thuciam a tangtung kei hi.
Tu-in ahihleh
Pasian in a Tapa dikna tungtawnin a bawl ding
thuciam ahi hi. (Heb. 7:22), Pasian in hih thuciam a tangtungsak ding hi.
Pasian in a thukham khel ngei lo hi; Ama dinmun laih ngei lo hi. A Tapa hong
manin ama kamciam in tangtung takpi ding hi, ci-in hong khamuagsak hi.
(Heb. 7:22, Heb. 6:18–20).Tua hi sungah hih
thuciam in samsiatna kihel l o hi. Tua hnagin hih thuciam in thuppha bek hong
tunpih dingh i. Bang hang hiam cih leh thuciam deihna khemph Jesuh in a kiciang
sak hi.
2 Timothy 2:13 sim in. Pasian in a mite tungah a
cihtakna panin bang thu na ngah hiam? Mi tawh na kazopnate-ah Pasian ngimna leh
a deihnate ngaihsun in.
TUESDAY February 15
Thuciam Thak in a hoih zaw palaai nei
Hebrews 8:1–6 sim in. Bang hangin Jesuh in a
hoih zaw Palaai hi thei hiam?
_______________________________________________________________
______________________________________________________________
Greek lai tawh kigelhna-ah “mesitēs”
(Palaai) “mesos” panin a kila hi( a laizang) cihna hi. Mi khat in a kikaalah
lampai, ding cihna hi. Palaai khat in hih a nuaia thu khat teitei sem hi. (1) Nih
kikaalah kilemna bawlpa (2) a lemtuah ahih keileh vanzuak vanlei-na-ah agent
sem (3) thukhenna-ah teci pang hi. (4) mi khat adingin a kikham mi, kithukimna
theihpih cihna hi. Palaai cih kammal in Hebrew tawh kigelhna-ah “mesitēs”
sangin neu zaw hi. Bang hang hiam cihleh palaai kammal in den a i gen (1) le
(2) bek sem hi. Greek tawh kigelhna-ah nih ahih keileh thum pulaak hi. Hebrew
tawh kigelhna-ah nambat (4)na limgen zaw hi. Jesuh in ‘palaai’ sangin lian zaw
hi. Amah in Pa leh mihing kikalah kilemna hong bawlin a kicing lo khat hong
kicingsak hi. Pasian lungkimna a sem hi. Hebrew tawh kigelhna-ah Jesuh in
thuciam thak adingin a nuntakna hong kikham (surety) hi.(Heb. 7:22). Amah in
kamciamte tangtung ding ahihna Amah mah hong kikham hi.
Khrih hong sihna in thuciam thak hong
kipatkhiatna hi-in thuciam thak tangtungsak hi. Bang hang hiam cihleh tua in
Israel tawh thuciam kalhnte a tangtungsak hi. (Heb. 9:15–22). Hih tawh kituakin
Jesuh in a kipalsat, a kisia thuciamte amahmah in hong kicingsak hi. Cihnopna-ah
Jesuh in vantungah pahtawi-na a ngahna in mihingte tungah Pasian kamciamte
tangtung takpi ding hi, cih kipsak hi. (Heb.19, 20). Pasian kamciamte in
mantakpi hi, cih Jesuh in kipsak hi. Sihna pan thokikin PA ziatlam ah a tutna-
tawh a si mite thokikin Amah tawh hong omkhawm sak ding hi, cih Pa in hong lak
hi.Jesuh in Moses sangin a Palaai hihna lian zaw hi. Bang hang hiam cihleh
Jesuh in vantung biakbuk sungah nasem hi; a kicing biakpiakna-in Amah mah a
hong kipia hi. (Heb. 8:1–5, Heb. 10:5–10).
Moses maitangin Pasian vangliatna kilangsak hi.
(Exod. 34:29–35),ahi zongin Jesuh in Pasian vangliatna hi. (Heb. 1:3, John
1:14). Moses in Pasian tawh maitang kimu-in kiho uh hi.(Pai. 33:11), ahi zongin
Jesuh in Pasian kammal hi.(Heb. 4:12, 13; John 1:1–3, 14)
Khrih in thuciam hong kalh thute a kicingsak hi.
Hih tawh kizomin i nuntakna-ah sawlmanna in bang dinmun nei hiam? Bang hangin
sawlmanna in thupi hiam?
WEDNESDAY February 16
Thuciam Thak in A HOIH ZAW KAMCIAMTE A NEI HI
Thuciam lui sangin thuciam thak in kamciam hoih
zaw nei hi; a lian zaw thaman a hoiih zaw thaman nei hi,; vantung inn, tawntung
nunna cih hi ding hi, ci-in i ngaihsun kha ding hi. A taktakin Pasian in thaman
ding a kibangin hong pia hi. Thukhun lui mite ngah ding le i ngah ding a kibang
ding ahi hi. (Heb. 11:10, 13–16). Hebrews 8:6 “ A hoih zaw kamciamte” ci-in a
genteh kamciam a tuamtuam om hi, cih kilang hi. Israel leh Pasian kikaal
kamciamin khat le khat tungah a kipia kamciam hi. Pasian in amaute Egypt panin
a paikhiatpih dingteh Amah mah in lampi honsak hi. Pasian in amaute tungah
khapsa gam kamciam hi.
Pai. 24:1–8 le Hebrews 10:5–10 enkak in. hih
kamciam nihte kibatna leh a kilamdannate in bang hiam?
_______________________________________________________________
___________________________________________________________
Israel le Pasian kikal thuciam sisan tawh
kipsakna nei uh hi. Meihal tau tungah sisan kitheh kawikawi hi. Tua in Pasian
ompihna limcing hi. A khuamte in sawm leh nih pha hi; hihte in mipite limcing
hi. Israelte in Topa thupiak khempeuh ka mang ding uh hi, ci-in kamciam pia uh
hi. Tua in Pasian thupiak hi-in mihing in a zuih pelmawh ding ahi hi. Pasian
tawh thuciam bawlin amah tawh a nungta khawm ding ihi hi.
“ Tawntung nunna ngah nadingin dinmun kisam om
hi; mawhna omma Adam leh Eve tunga bangin Pasian thukham kicing takin a zui
ding uh hi; a kicing dikna hi. Tawntung nunna in tua bangin hong kipia ding
ahih leh leitung vantungah nuamna om lo ding hi. Mawhna lampi kihong ding a,
gentheihna leh gimna tawh kidim ding hi.” Ellen G. White, Steps to Christ, p.
62.
Pasian in thuciam thak hong kalh khempeuh eite
adingin akicingsak hi. Bang hang hiam cihleh Amah in A Tapa leitungah hong paisakin
a kicing nunna tawh hong nungta-in ama sungah thuciam tawh kipawl kamciamte
khempeuh a tangtungsak hi. Tua kicinna hong pia-in eite in upna tawh Jesuh
sungah kicinna i ngah hi. Jesuh sawlmanna in thuciam tawh kipawl kamciamte a
kipsak hi (Heb. 7:22). Tua in Pasian in thuciam thuphate a hong ngahsak hi. Hi
mah hi. Khrih sungah a om mite in amah tawh kamciamte sungah nuam a sa ding uh
hi.Nihna-ah eite in Pasian hong kalhna i cinzawh nadingin Pasian in Kha
Siangtho vangliatna hong pia hi. Khrih in thuciam kalhnate a kicingsak hi. Tua
hi-in Pasian kamciamte i tungah kicing zo lo dingin lunghimawh kei in.
Koi bangin hih thu in 2 Corinthians 1:20–22 a
khiatna hong telsak hiam? Ei adingin a lamdang lametna bang kimu hiam?
THURSDAY February 17
Thuciam Thak In Lungsim Buai-Na Vengsak
Thuciam na tawh kipawl kamciam Jeremiah 31:33
leh Ezekiel 36:26, 27 enkak in. Koi bangin tua in kizopna nei hiam?
_____________________________________________________________
____________________________________________________________
Thuciam masa pen Pasian in suang tung khatah
gelh hi. Thuciamna singkuang sungah kikoih hi. Tua in Pasian leh a mite
kikaalah thuciamna a thupi mahmah teci hong suak hi. (Pai. 31:18,THkna.10:1–4).
Ahi zongin tua suang in kisia-in, Jeremaiah tuahkhak bangin laizial tung khatah
kigelhkik hi. Tua laizial ki-at sia-in mei tawh kihal tum hi.Jer. 36:23). Ahi
zongin tu-in Pasian in mihingte lungsim tungah hong gelh hi. Lungtang cih in
pumpi nate khat hi-in naciamtehna, leh theihtelna hong pia hi (Jer. 3:15,
Thkna. 29:4), tua mun in thu khensatna mun hi.(Jer. 3:10, Jer. 29:13).
Hih kamciam in mimal khempeuh in thei lo-in lah
a tangtunna a ngah kha kei uh hi. A thupi zawdiakin Israelte lungtang a khel
ding hi. Israelte buai-na in amau mawhna siklai kung dawnah suang manpha tawh
lungtang tungah kigelh hi. (Jer. 17:1). Amaute in lungtangkhauh uh hi.(Jer.
13:10, Jer. 23:17); Tua hi-in amaute in na hoih sem thei lo uh hi (Jer. 13:23).
Jeremiah in thukham khel ding gen lo hi.Bang hang hiam cihleh Israelte buaipih
in thukham hi lo-in a lungtang uh hi zaw hi. Pasian in Israelte tungah a
sepnate hangin amaute in Topa tungah a cihtak ding uh a lamen hi. Tua hi-in
Pasian in amaute Thukham Sawm a pia hi. Amaute tungah kipia thukham in Pasian
in amaute a itna leh a kepna tangthu tawh thupatna kimu thei hi. (Pai. 20:1,
2). Pasian in Israelte in Amah thukham bangin a nungta dingin deih hi; thukham
in amaute tungah thu hoih hi ding ahihlam thei le-uh deih hi; Egypt gam panin
amaute suahtakna thute kilang hi. Amaute sawlmanna in lungdamna le Amah tawh
kizopna hoih pulaak hi.
Tuhunin zong Israelte mah bang hi lo i hiam?
Thuciam thak thupatna-ah Jesuh hong itna, hong kepna leh a hong sihna kipulaak
hi. (Luke 22:20). Sawlmanna mantak pen lungsim sung pan itna tawh hong phulkhia
ding hi.(Matt. 22:34–40). Hih bangin itna in Kha Siangtho ompihna kilang hi.
Pasian in Kha Siangtho tungtawnin Ama itna hong pia hi. (Rom. 5:5) tua itna in
kimu thei hi.(Gal. 5:22).
Nidang Israelte in Pasian a it ding uh hi napi,
Khrih hong sihna theihtelna nei lo uh hi mah taleh amaute sangin Pasian a it
zaw ding hi lo i hiam? Koi bangin sawlmanna in itna kilangkhiasak hiam?
FRIDAY February 18
Ngaihsutbeh Ding: “I lungtangte in Pasian suun dingin kipuahpha
hi leh, Pasian kiang pan itna in i lungtang hong tuam hi leh i nuntakna-ah
Pasian thukham kilang ding hi lo hiam? Itna thuman bulpi in i lungtang ah hong
kisuan hi leh mihing in Amah a piangsakpa suun dingin kibawlpha ding hi.
Thuciam thak tawh kipawl kamciam tangtung ding a, “Amaute lungtang sungah ka
thukham ka koih ding a, amaute lungsim sungah tuate ka gelh ding hi, a ci hi.”
Hebrews 10:16. Lungtang sungah thukham kigelh hileh i nunzia hong khel lo ding
hiam? Sawlmanna- itna tawh nasepna le cihtakna in nungzui taktak hihna hi. Tua
hi-in Lai Siangtho in Pasian i itna in: ama thupiakte manna ahi hi. Ama
thupiakte lah a haksa lua kei hi. Amah ka thei hi, a ci mi in Ama thupiakte a
zuih kei leh zuauphuak hi-a ama sungah thutak a om kei hi.” 1 John 5:3; 2:4.
Sawlmanna hemkhia lo-in upna bek in Khrih hehpihna sungah hong nungtasak hi.
Tua in sawlmanna lungsim hong guan hi.
Jesuh tawh kinai
semsem hi lecin, na mawhna na mu zaw semsem ding hi. Na muhna hong khang semsem
ding a, na kicinlohnate na telmuh tektek ding hi; Ama nunzia leh nangma nunzia
kilamdanna na mupha zaw ding hi. Hih bangin na nuntak ciangin Satan vangliatna
in hong zo lo hi, cih kilang hi. Kha SIangtho in hong tuamin na sung panin hong
phul khia ding hi.
“ Mawhna sungah nuam takin a om mi in Jesuh itna
taktak nei thei lo hi. Bang hang hiam cihleh ama mawhniin a thei mi in Khrih
zia le tong a deih ding h. Ama siatna amu thei lo mi in Khrih etlawmna, hoihna
mu nai lo hi, cih kilang hi. Ellen G. White, Steps to Christ, pp. 60, 64,
KIKUP DING DOTNATE:
1.
A tunga
Ellen G. White pulaak thu ngaihsunkik in. Khrih tawh kinai zaw-in na kalsuanna
leh na mawhniin bang hong hilh hiam?
2.
I mawhna
hangin upna nusia-in lungkia lo ding hong phawksak hi lo hiam?
3.
Lungtang
tungah thukham kigelh cih thu ngaihsunpha in. Hih in Khristian nuntakna-ah a
khiatna bang hi ding hiam? Sawlmanna mantak bang hong hilh hiam? Thukham zuihna
tawh hotkhiatna ngahding hanciamna in a si gamtatna hi lo hiam? (Heb. 9:14).
