LESSON 6 January 29–February 4
JESUH, A CITAK
SIAMPI
Sabbath Nitak
Tu Kaal Sung Sim Ding: Heb. 5:1–10;Pian.14:18–20; 1 Pet. 2:9; Heb.
7:1– 3; Heb. 7:11–16, 22, 26.
KAMNGAH: “Tua bang Tulpi khat- a siangtho, a kawkbaang lo, a siang, mawhneite
pana kikhenkhia, vante tunglam a akitawisang pa khat in, eite kitaksapna hong
pia zo mahmah hi.” (Hebrews 7:26).
Pasian le mihing
kikhal kigamlatna in mawhna hang hi. Mawhna in na khempeuh susia-in mihing
nuntakna khempeuh zong a kisiasak hi. Pasian in siangtho hi. Ama omna-ah mawhna
a om thei kei hi; tua hi-in a kisia i nunna in Pasian kiang pan hong khenkhia
hi. Sikhup nih a koih nading munah koih lo-in kimaituah sak lehang khat le khat
kisawn uh hi. Tua banah a kisia i nunna in Pasian thukham hong zuisak zo lo hi.
Mawhna in theihkhialhna a piangsak hi. Mihing in Pasian hong itna leh a hong
hehpihna mu thei nawn lo-in, hehna tawh kidim a gilo Pasianin amu hi. Tukaal
thusin ding thu in PA le mihing kikal kigamlatna a hong petkik dingin a lamdang
Jesuh nasepnate i pulaak ding hi. Jesuh siampi hihna thu i kantel ding
hi.Laigelhpa in Jesuh siampi kipatna leh a ngimna(Heb. 5:1–10) pulaakin tua
khit ciangin thu-umte in Jesuh siampi hihna a thupi ngaisut ding uh ahi hi.
(Heb. 5–6:8) Bang hang hiam cihleh tua in lametna sungah khamuanna a hong pia
hi.(Heb. 6:9–20). Tua banah Jesuh siampi hihna a pulaak thute zong hong hilh
hi. (Heb. 7:1– 10) Jesuh siampi hihna hangin Pasian in thu-um mite tawh a hong
kizopna zong hong hilh hi. (Heb. 7:11–28). Tukaal sungin Heb. 5:1–10 leh
Hebrews 7:1–28 siksanin i en ding hi.
SUNDAY
January 30
Mihingte adingin Siampi khat
Hebrews 5:1–10 sim in. Siampi in bang na sem
hiam? Koi bangin Jesuh siampi nasep kicingsak hiam?
_________________________________________________________________
______________________________________________________________
Siampi
nasep a thu bulpi in mihingte le Pasian kizopna bawlsak hi. Pasian in siampi
sem ding sehtuam nei a, mihingte tangin amaute in nasem uh hi. Tua hi-in siampi
in hehpihna nei-in mihing thaneemnate a theihkul hi. Hebrews 5:5–10 sungah Paul
in Jesuh in siampi nasep ngimna kicingsak hi, ci-in hong hilh hi. Jesuh in
siampi sem dingin Pasian in a koih hi.(Heb. 5:5, 6). Jesuh in i mihing hihna
tellua bek tham lo-in Amah mah in gimna a hong thuak hi. (Heb. 5:7, 8).
Hih
munah i phawk ding thupi pawlkhat om hi. Jesuh in mihingte lak panin a
kisehkhia hi lo hi.(Heb. 5:1). Jesuh in eite tang dingin siampi a sep theih
nadingin mihing nunna hong la-tawm hi. Jesuh in ama mawhna hangin biakpiakna
piak ding kisam lo hi.(Heb. 5:3) Eite mawhna hang bekin biakpiakna a pia hi.
Bang hang hiam cihleh Amah in mawhnei lo hi. (Heb. 4:15, Heb. 7:26–28).
Hebrews
in Jesuh thungetna hi bangin pulaak hi. “Ama sungah sihna pan hong honkhia thei
ding vangliatna aom hi.(Heb. 5:7).Hih sihna in sihna nihna hi-in Jesuh in sihna
nih nadingin sihna thuakin sihna pan a thokik hi (Heb. 13:20). Hebrews genna-ah
Jesuh in Pasian sawl manna tawh gimna hong thuak hi,”(Heb. 5:8, ESV). Sawlmanna
pen Jesuh adingin thuthak hi. Amah in thumang ngei lo hi lo-in Amah in Pasian
ahihna hang hi zaw hi. Amah in na khempeuh uk ahih manin Jesuh in kuama sawl
man a kul hi lo hi. Mi khempeuh in Ama sawlna a mang ding uh hi zaw hi.
Jesuh siampi hihna in singlamteh tunga a
gimthuakna leh a sihna tawh kipan hi. Gimthuakna in Jesuh gamtatna le a nunna
kicinna guan hi lo hi. Ama gimthuakna in hehpihna lungsim guan hi lo hi. Ahi
zongin Jesuh in leitungah hong nungta hi. Bang hang hiam cihleh Amah in
hehpihna tawh kidim hi. Tua manin amah in eite hong lainat hi (Heb. 2:17).
Hebrews
hong hilh nop thu in gimthuakna tungtawnin Jesuh in sanggam ki-itna, a mhing
hihna taktak Pa mai-ah mihing khempeuh tangin a vakilaaknate a hong hilh hi zaw
hi. Amah in tawntungin kicing i siampi hi. Ama nunna tawh PA sawl manna tawh
kidim hi. Tua khit ciangin singlamteh tungah kithahna a hong thuak hi. Tua khit
ciangin PA mai-ah mihing khempeuh adingin i siampi dingin va kilaak hi.1Peter
2:9 in “eite in siampi pawl” ci-in pulaak hi.
Jesuh
nunna in midangte tawh na kizopzia ding laak hi lo hiam? Bang hang hiam cihleh
mihing khempeuh in Pasian kiang pan nunna ngah hi lo hiam?
MONDAY January 31
Melchizedek Gui Zui-in
Pian. 14:18–20 and Hebrews 7:1–3. Kua hiam
Melchizedek koi bangin Melchizedek in Jesuh limcing hiam?
___________________________________________________________
___________________________________________________________
Melchizedek in kumpi le siampi khat hi. Amah in
Abraham sangin lian zaw hi. Bang hang hiam cihleh Abraham in Ama tungah sawm a
khat a pia hi. Tua bangmahin Jesuh in kumpi le siampih hi (Heb. 1:3); ahi
zongin Melchizedek in Jesub bangin mawhnei lo hi lo hi.(Heb. 7:26–28).
Hebrews 7:15 in hong hilhna-ah Jesuh in
Melchizedek tawh kibangin siampi hi, ci hi. Tua hangin Hebrews in Melchizedek
gui zui-in siampi hi, ci hi (Heb. 5:6, NKJV). Jesuh in Melchizedek suan le khak
sung pan a khangkhia hi lo hi. Ahi zongin Jesuh siampi hihna in Jesuh siampi
hihna tawh kibang hi. Gentehna-in Paul in Melchizedek in nu le pa, khanggui
simna, suahna leh sihna nei lo hi. Mi kimkhatin Melchizedek in Abraham
hunlai-in Jesuh mihingin a hong suahna hi, ci uh hi. Ahi zongin hih ngaihsutna
in Hebrews hong hilhna tawh kituak lo hi. Melchizedek in Jesuh sutna nei hi.
Cihnopna-ah Melchizedek in Jesuh tawh kibang lo hi.(Heb. 7:3). Mi kimkhat in
Melchizedek pen vantungmi hi dingin ngaihsun uh hi. Ahi zongin hih bang
ngaihsutna in Hebrews hong hilhna tawh kituak lo hi. Melchizedek in nu le pa,
kipatna leh bei-na nei lo ahihle amah in Pasian mah hi, cihna hi ding hi. Hih
thu i telsiang thei kei hi. Melchizedek vangliatna, Pasian siampi khat ahihna
in Jesuh nasepma hi. Tua hileh Hebrews genna-ah “Bang hangin Melchizedek gui siampi
dang kisamlai hiam?(Heb. 7:11)
Lai Siangtho in Melchizedek suahna, sihna leh
ama khanggui, limciina ahi zongin pulaak bangmah nei lo hi.Jesuh siampi nasep
ding Pian. 14:18– 20 sungah kigenkhol hi. bang hang hiam cihleh Amah in
tawntungin a nungta hi. A tomin gen leng Melchizedek in Canaan kumpi- siampi
tawh akibang Khrih a limcingkhol hi.
Khrih in Melchizedek tungtawnin thugen hi. Amah
in sangpen vanglian Pasian siampi hi.Melchizedek in Khrih hi l hi. Ahi zongin
amah pan leitungah Pasian hopihna aaw a za hi. Pa tangin hong nungta hi. A
beisa khanggui zui-in Khrih in thugen hi. Khrih in a mite makaihin leitung
khuavakin a zang hi.” Ellen G. White, Selected Messages, book 1, p. 409.
Melchizedek thu in Ama thu a za nei lo mite
lakah koi bnangin Pasian in na a sem hiam?
TUESDAY February 1
A Muibun Siampi
“Tua
hi-a a kicing siampi hihna dingin Levi suan sung pan hi ding hi( Thukhun in tua
mah ci hi )A kisamlai khat in siampi in Melchizedek gui pan hi ding hi; Aaron
suan sung pan hi lo ding hi, ci hi. (Heb. 7:11).
Siampite in Pasian le mihing kikaalah palaai sem
uh hi.Hebrews genna-ah Levi suan panin siampite in a kicing sepna tangtun zo lo
uh hi. Pasian tawh kizopna picing pia thei lo uh hi. Bang hang hiam cihleh
amaute in kicinna nei lo uh hi (Heb. 7:11, 18, 19). Amaute in paubaanna tawh
kidim uh hi. Amau mahmah in kicinna nei lo ahih manin midangte tungah bangci-in
kicinna pia thei ding uh hiam? Tham lo-in sisan tawh biakpikna in mawhna maisak
thei lo hi. Ganhing tawh biakpiakna in Jesuh leh a nasep pulaak khol hi bek a,
Amah bek mah in mawhna panin hong hahsiang thei hi.(Heb. 9:14; Heb. 10:1–3;20
10–14). T Levi suan siampite nasep leh amau biakpiaknate in hun tawmvei sung
bek kimang a, limciinna hi. Amaute nasepna tungtawnin Pasian a mite Jesuh
nasepna-ah a makaih hi. Amah in leitung mawhna apua khia Pasian tuuno hi. (John
1:29).
Hebrews 7:11–16 sim in. Bang hangin thukham khel
ding kisam hiam?
___________________________________________________________
___________________________________________________________
Hebrews 7:12 sungah siampi nasep kikhel nadingin
thukham akikhel kul hi. Bang hang hi ding hiam? Bang hang hiam cihleh Levi suan
lo buang kuamah dang in siampi sem thei lo ding hi, cih thukham om hi.(Gam.
3:10; Gam.16:39, 40). Hebrews 7:13, 14 hong hilhna-ah Jesuh in Judah gui panin
hong khangkhia hi. thukham in Siampi hih ding phal lo hi. Tua hangin Paul in
Jesu siampi hihna in Pasian in siampi tawh kisai thukham a khel kul hi, ci hi.
Jesuh hong paina in biakpiakna thukham zong kikhelsak hi. Mawhnei mi mawhmai
nadingin a mawhna tawh kizui-in biakpiak a piak kul hi. (Siam 1– 7), ahi zongin
tu-in Jesuh hong pai-in a kicing a nunna hong pia ahih manin ganhing tawh
biakpiakna kisam nawn lo hi.(Heb.10:17, 18). Ama hong sihna in thuciam thak
kicinna leh a kicing zaw hotkhiatna hong laak hi.
Jesuh limciinna ganhing tawh biakpiaknate
ngaihsun in. Ahi zongin tua ganhingte in khat beekbeekin mawhmaisak zo lo hi.
Bang hangin Jesuh sihna bek in mawhna maisak hi ding hiam?
WEDNESDAY
February 2
Tawntung Siampi
Hebrews 7:16 sim in. Bang thu siksanin Jesuh in
i siampi hong hi thei hiam?
___________________________________________________________
___________________________________________________________
Jesuh siampi ahihtheihna a ahang in Ama nunna in
kisia thei lo nunna hi.Tua banah Amah in tawntung hihna lenkip hi. Jesuh
nasepna in a tawntungin kimang ding hi. Jesuh in lamdang hi. Ama nasep bei mang
lo ding hi. Tawntung a nungta dingin Jesuh hong hona in kicing hi.(Heb. 7:25).
Jesuh hong piak hotkhiatna in a kicing leh a tawpna hotkhiatna hi. Mihing
nuntakna khempeuh hong huam khin hi.(Heb. 4:12, Heb. 9:14, Heb. 10:1–4). Jesuh
Pa Pasian mai-ah thuciamna thak pulaak thuphate tawh mawhthumsakna nei hi. Tua
in mawhmaisakna sangin lian zaw hi. Tua in i sungah thukham hong koihin mi
thakin hong bawlpha-in leitung khempeuhah lungdamna thu kizelsak dingin hong
makaih hi.(Heb. 8:10–12). Pasian tawh pumkhat ahih manun Jesuh in mihingte
adingin Pa mai-ah eite tangin na va omsak hi.
Jesuh in a nunna hongpia khin ahih manin Amah in
Pasian mai-ah a hoih pha maipha a nei hi.
Hebrews 7:22 sim in. Jesuh in thuciam thak tawh
bangci kizop hiam?
___________________________________________________________
___________________________________________________________
Jesuh in thuciam thak adingin hong kipia hi.
Bang hang hiam cihleh Pasian Jesuh asiampi hihna a kicing dingin thuciam hi.”
(Heb. 7:21). Hih thuciam a thupina theihtel ding kisam hi. Paul in hih kiciamna
Sennel gam mi adingin a pia hi, ci hi (Heb. 6:13–15). Hih kiciamna leh Pasian
in Tapa tungah a kamciam in bang kilamdang hiam?
Sehnel gam a mite ungah Pasian kamciam le
Abraham tungah kamciam in Abraham suan le khakte tungah a kip suaksuak ding
kamcim hi.( Gal. 3:29).Tapa tawh kisai-in Ama nunna in a kisia thei lo nunna
hi. Ama tungah Pasian kamciam in a tawntung a kimang ding kamciam hi. Mi dang
khat adingin anunna a kikhaam mi in gim thuak ding a omleh zong tua mi in zong
a thuakpih hi.
Sih ding ahi leh zong a sih kul hi. ahi zongin
Jesuh in eite adingin a nuntakna hong khaam hi. Amah in a kamciam pel ngei lo
ding hi. Jesuh sungah a hong kipia hotkhiatna in bangzahin lungmuan huai hiam?
THURSDAY February 3
Mawhnei lo Siampi
Hebrews 7:26 sim in. Hih sungah Jesuh hong piak
thu bang thute hong hilh hiam?
______________________________________________________________
___________________________________________________________
Jesuh in
a siangtho hi. Amah in Pasian tawh kizopna-ah khialhna paubaanna nei lo hi. (Heb.
2:18; Heb. 4:15; Heb. 5:7, 8).Septuagiant, Greek laimal tawh THuciam Lui
kigelhna sungah Greek laimal in Pasiantawh kizopna thuciam leh mi tawh kizopna
thuciam in tawntung thuciam hi, cih khiatna nei hi. Jesuh in mawhna tawh
kiniinsak lo hi. Amah in siangtho tawntung hi. Zia-etna namcin thuak hi mah
taleh Jesuh in siatna lawngkha lo hi. (Heb. 4:15; Heb. 2:18). Jesuh in mawhna
nei lo kicinna tawh a nuntakna in siampi a hihna –ah thupi mahmah hi. Thuciam
Lui biakpiakna-ah kizang ganhingte in paubaanna nei lote bek Pasian in sang hi.
(Siam.1:3, 10.). Jesuh in leitungah a hong nuntak sungin Ama thumanna kicing in
Pasian santham cing biakpiakna hong suak thei hi (Heb. 9:14).
Jesuh in
van a kahtohin mawhneite tawh kikhen hi. Greek lai tawh kigelhna-ah tua hun
laitak a Jesuh dinmun pulaak hi. Jesuh in mawhneite langpanna thuak hi. Ahi
zongin amah in zawhna ngahin Pasian ziatlamah a tu hi (Heb. 12:2, 3). Jesuh in
mawhneite tawh kikhen hi, cih a khiatna in Amah in mawhna nei lo hi. (Heb.
4:15). Jesuh in vantung dongah pahtawina a ngah hi.(ESV). Na khempeuh tungah
pahtawina ngah hi; Amah sangin a lian zaw kuamah om lo hi. Tua hi-in Jesuh in
Pasian tawh pumkhat suak hi. Late sungah kigelh bangin Amah in vantung sangin a
sangzaw munah pahtawina a ngah hi. (Late. 57:5, 11; Late 108:5).
Jesuh in mihing hihna bittakin nei hi. Amah in
eite bang hi lo-in mawh nei lo hi (Heb. 2:14–16, Heb. 4:15). Jesuh in kicing
hi. Amah in mawh nei lo hi. Bang hang hiam cihleh Amah in mawhna bawl ngei lo
hi. Amah in mawhna sukha ngei lo hi. tua hi mah taleh Amah in mihing hi. Amah i
etteh ding ahi hi. Amah in I nunzia ding hong hilh hi. (Heb.12:1–4). Ama
khekhap a zui ding ihi hi. (1 Pet. 2:21–23). Bang hang hiam cihleh Amah in
siangtho, mawhnei lo, niitna nei lo-in mawhnate lak pan kikhenkhia hi.(Heb.
7:26). Amah in eite Honpa hi; Ama zia le tong a kilangsak thei hi.
Jesuh in ei mah bangin mihing hi mah taleh amah
mawh nei lo hi. HIh thu in i nuntakna hong tuam ngei hiam? Ama bangzahin
siangtho hi, cih na ngaihsun ngei hiam? Tua ahih leh banghangin upna tawh
sianthona kamciam hong pia a, hotkhiatna sungah khamuang thei lo i hiam?
FRIDAY February 4
Ngaihsutbeh ding: Khrih in hong cing hong vil den hi. Amah in i
vangiknate, i kihtaak lauhuainate, I hamsatnate a thei khin hi. Amah in eite
adingin thu hong gensak hi. Amah in Peter ading mawhthuumna aneih bangin mimal
khat ciat adingin mawhthuumna nei hi. Amah in Satan hong mawhpaihna leh
zia-etna khempeuhah eima aitangin thugen hi. Galpa gamtatna khempeuh hong hilh
den hi. Amah in nate a khut nuai-ah koih hi.Ellen G. White, SDA Bible
Commentary, vol. 7, p. 931 (Letter 90, 1906).
“Satan in Pasian le
mihing kizopna a tawntungin kitat ding ngimna tawh nasem hi. Ahi zongin Khrih
sungah a mawh ngei lo mi bangin Pasian tawh i kipawl thei hi. I nunna tawh hong
nungta-in Honpa in eite tawh kikhen nawn lo dingin mihing hihna a kitat nawn lo
ding khau tawh hong khihkhawm hi. Hih in Pasian kammal a tangtun nading hi.
‘Eite adingin naungek khat hong suak a, eite adingin tapa khat hong kipia hi. A
liangko tungah kumpi ukna a om hi.”
Pasian in Ama tapa
sungah mihing hihna hong la-in tua mah tawh a sangpenna vantungah a kahpih hi.
Mihing Tapa in vankhuanuai tokhom tungah a tu hi. Mihing Tapa in “ A Lamdang,
lamlakpa, Vanglian Pa, Tawntung pa, Kilemna Kumpi kici ding hi. Isaiah 9:6.
Keimah ka hi, ci-in
a pulaak Pa in Pasian leh mihing kizopna-ah a khut hong nga hi. Amah in
“siangtho, dikna leh niinbaanna nei lo-in, mawhneite tawh kikhen hi. Amah in
eite ka sanggam cih ding a maizum kei hi. Hebrews 7:26; 2:11. Khrih sungah
leitung le vantung in innkuan khat bangin a om uh hi. Khrih in vangliatna tawh
kidim i sanggampa hi. Vantung in mihing hihna tawh kizem a, mihing hihna in
Mongnei lo itna a kimvel hi.”Ellen G. White, The Desire of Ages, pp. 25, 26.
KIKUP DOTNATE:
1.
Jesuh in
eite adingin thu hong gensak hi, cih thu in nangma adingin bang kamciam hong
pia hiam? HIh thu in Pasian hong itna bang hong gen hiam? Tua hi-in hih thu
thangahna tawh kidim hi lo hiam? Bang hangin eite adingin thugen ding khat
kisam i hiam?
2.
Mawhna
nei ngei lo bangin “Khrih sungah eite in Pasian tawh pumkhat i suak hi” hih
inbang khiatna nei hiam? Pasian tawh kipumkhatna panin, amah tawh naitakin
nuntakna in bang hong pia hiam? Eite adingin a sepna in na nunna-ah bang hong
guan hiam?
