LESSON 4 January 15–21 JESUH, A CITAK I SANGGAMPA

 

LESSON 4            January 15–21

JESUH, A CITAK I SANGGAMPA

 

 

 

Sabbath Nitak

 

 

Tu kaal sungsim ding:Siam, 25:25–27; Heb. 2:14–10 16; Heb. 11:24–26; 1 Cor. 15:50; Heb. 5:8, 9; Heb.1 12:1–4.

 

 

KAMNGAH: Tate in si le sa nei ahih nungsang Amah in zong a sihna tungtawn a, sihna vangliatna a nei Dawimangpa, a suksiat theih nading ahi hi.’ (Hebrews 2:14).

 

Hebrews 1 in Jesuh in Pasian Tapa ahihna pulaak hi. Amah in vantungmite tungah ukna nei hi-in, Ama vangtang le Ama liim a kilangsak hi (Heb. 1:3, NKJV). Hebrews 2 sungah Jesuh in Mihing Tapa, vantungmite sangin a kiniamsak zawkna leh mihingin a hong nuntakna pulaak hi. Amah in sihna hong thuak dongin thaneemna khempeuh tawh a hong kidim hi (Heb. 2:7). Hebrews 1, ah Pasian in Jesuh a pulaakna-ah: “Nang in ka Ta na hi hi,” ci hi (Heb. 1:5). Hebrews 2 in Jesuh a mihing hihna leh Ama sanggamte pulaak hi (Heb. 2:12). Hebrews 1 sungah Pa in Tapa ukna in tawntung ukna hi, ci-in pulaak hi (Heb. 1:8–12).

 

Hebrews 2 in ahih leh Tapa in Pa tungah a citakna thu pulaak hi.(Heb, 2:13a). Hebrews 1 sungah Jesuh in Topa leh Piangsakpa, Kembitpa, Ukna neipa ahihna pulaak hi. Hebrews 2 in Jesuh in mihing siampi lian pa, hehpihna leh thutakna nei hi, ci-in pulaak hi.

 

A tomin pulaak leng, Jesuh in a citak leh hehpihna nei sanggampa hi ci-in tawntung Tapa ahihna in pulaak hi, Amah in Piangsak Pasian hi (Heb. 1:1–4).

 

 

SUNDAY                       January 16

Sanggampa in Honpa bangin

 

 

Siam. 25:25–27, 47–49 sim in. Zawnna hangin a neihna a taan khat kua in tuate tankik thei ding hi.

 

_____________________________________________________________

 

______________________________________________________________

 

Moses thukham-ah mi khat zawnglua ahih manin a nuntak paisuak theih nadingin a neihsate banah amah mah kizuak thei hi, ci-in phalna pia hi. Ahi zongin Jubilee kum ciangin vannei mi tungah piakik ding uh hi. Tua Jubilee kum in amaute adingin “Sabbath kum” zong kici-in leiba khempeuh maisak uh a, silate in zong suahtakna ngah uh hi. Jubilee kum tun ding kum 50 bang ngak uh hi. Tua thu hangin Moses thukham in sanggam lak panin khat in leiba a neih leh a kinaipih pen in leiba lohsak ding hi. Van ahih leh zong tankik thei ding hi, ci hi. Tua hi-in sanggam khat in a sanggam dang khat tankhia thei hi.

 

Khat in mi a thah khak leh mi thatpa ading tavuan nei dingin a sanggamnai penpa hi ding hi. Sanggam nai pen pa in galte tungah phu-laksak ding hi(Gam. 35:9–15).

 

Hebrews 2:14–16 sim in. Koi bangin Jesuh leh eima thu pulaak hiam?

 

___________________________________________________________

 

___________________________________________________________

 

Dawi sila suahna panin hong tankhia ding Jesuh eite Honpa hi. Adam in mawhna sung a tun ciangin mi khempeuh in Satan ukna sung i tung hi. Tua thu hangin eite in mawhna vangliatna i nial zo kei hi.(Rom. 7:14–24). Tua sangin a siahuai zaw in thukham palsatna thaman sihna hong tung hi; mawhna thaman in eite lawh zawh ding hi lo hi. (Rom. 6:23). Tua hangin eite in lamet bei-in i om hi. A citak i sanggampa Jesuh in mihing hihna hong la-in si le sa tawh hong nungta hi. Amah in i kinaipih sanggampa hong suakin eite hong tankhia hi. Amah in eite sanggamte ci-in hong sap ding a maizum kei hi (Heb. 2:11).

 

A kilangdo thu in amah in i mihing hihna hong la-in eite hong honkhia hi. Jesuh in Pasian hihna hong lak hi. Thukhun Lui sungah, Israelte a tankhia takkak in, amaute tawh kinai pen sanggampa in Yahweh hi (Late 19:14, Isa. 41:14, Isa. 43:14, Isa. 44:22, Jer. 31:11, Hos. 13:14).

 

Koi bangin Khrih in nang tawh hong kinai hiam? Tua bangin na nuntakna in nangma upna-ah bangzahin thupi hiam?

 

 

MONDAY                       January 17

Eite Sanggam ci-in hong sap ding Maizum lo

 

 

Hebrews genna-ah Jesuh in eite Sanggam ci-in hong sap ding maizum lo hi, ci hi. (Heb. 2:11). Jesuh in Pasian tawh pumkhat hinapi-in ama innnkuanpih dingin eite hong pom hi. Hih bangin amah tawh kinaitakin kizopna-ah Hebrews pawlpi in bawlsiatna a thuak uh ciangin maizum uh hi. (Heb. 10:33).

 

Hebrews 11:24–26 sim in. Bangci bangin Moses khensatna in etteh dingin Jesuh in bang sem hiam?

 

___________________________________________________________

 

___________________________________________________________

 

Moses in Pharaoh tanu tapa cih ding a khiatna na ngaihsun ngei hiam? Ama hunlai-in Moses in vanglian mahmah khat hi. Amah in gam sungah theihna a sang pen nei-in galkap siamna lianpi tawh a kidim hi. amah in a lamdang mahmah nunzia nei hi. Stephen in Moses thu hih bangin gen hi: ‘nasepna leh thugenna-ah a vanglian mahmah hi.” (Sawl. 7:22). Ellen G. White in a genna-ah Egypt galkapte maipha ngahin Pharoah in ama tapa- kumpi tokhom luah dingin akhensat hi.( Tuanpupate leh kamsangte 245). Tua bang hamphatna lianpi nei hi mah taleh Moses in tuate a nusia hi. Amah in Israel khat bangin hong nungta hi; pilna le vangliatna nei lo sila khatin nungta hi.

 

Matthew 10:32, 33; 2 Timothy 1:8, 12; and Hebrews 13:12–15 sim in. Eite tung panin Pasian in bang hong ngen hiam?

 

___________________________________________________________

 

___________________________________________________________

 

Hih in Hebrews pawlpi buai-nate pulaak hi. Bawlsiatna leh nawlkhinna thuakin mi tampi in Jesuh nungzui ahihna uh maizumpih uh hi. Amaute gamtatnate in Jesuh pahtawi sangsikin mindai-na a suaksak uh hi (Heb. 6:6). Tua hi-in Paul in thu-um mite in tatsat lo-in upna lenkip ding leh upna sungah zungkha dingin hanthawn hi.(Heb. 4:14, Heb. 10:23).

 

Jesuh in eite Pasian leh sanggampa ahihna i theih ding Pasian in hong deih hi. Eite Honpa ahihna tawh kizui-in Jesuh in eima leiba hong lohsak hi. Tapa lim suun dingin nuntak theih nadingin Jesuh in lampi hong lak khin hi. Tua hi-in sanggamte lakah ta upa pen i suak thei ding hi (Rom. 8:29).

 

Eite in Ama sanggam dingin Jesuh in hong koihna thu limtak ngaihsun in. Moses sepna sangin Jesuh in bang sem zaw hiam? Tua in Pasian hong itna bang pulaak hiam?

 

 

TUESDAY                               January 18

Eimah bangin si le sa tawh nungta

 

 

Hebrews pulaakna-ah Jesuh in i mihing hihna bangin hong nungta hi. Tua hi-in

 

Amah in eite tangin nasemin ei adingin hong si hi. (Heb. 2:9,7 14–16; Heb. 10:5–10).

 

Hih hotkhiatna thu bulpi pulaak hi. Tua in tawntung nunna a dingin i lametna hi.

 

Matthew 16:17, Galatians 1:16, 1 Corinthians 15:50, and Ephesians 6:12 sim in. “ Si le sa tawh a nungta eite kitangsapna bang pulaak hiam?

 

______________________________________________________________

 

___________________________________________________________

 

‘Si le sa” cih kammal in a khial thei mihing le thaneemna (Eph. 6:12), theihtelna kitangsapna (Matt. 16:17, Gal. 1:16) leh sihna nuai-ah nungta ihihna pulaak hi. (1 Cor. 15:50). Hebrews genna-ah Jesuh in na khempeuhah eite sanggamin hong om hi. (Heb. 2:17). Hih in Jesuh in mihing taktak ahihna kidawksak hi. Jesuh in mihing tawh kibang, mihing meel hong pua hi cih bek hi lo hi; Amah mah in mihing hi takpi hi eite mah bangin mihing taktak hi.

 

Hebrews pulaakna-ah mawhna thu-ah Jesuh in eite tawh kibang lo hi. Amasa-in Jesuh in mawhna bawl lo, sem lo hi (Heb. 4:15). Nihna-ah Jesuh mhing hihna in “siangtho, dik, ninbaanna nei lo, mawhnei tawh kibang lo hi.” (Heb. 7:26). Eite in ihih leh mawhna sungah nuam i sa hi. Mawhna sila ihihna-ah i nunna khempeuh hong huzaapin i sungah mawhna in zungthukpi kha hi. Eite in mawhnei-in sihna nuai-ah i nungta hi.(Rom. 7:14; Rom. 7:15– 20). Kiphatsakna leh mawhna bawlnopna i nei hi. Na hoih khat i sep a sungah siatna kihel veve hi. I nuntakna khempeuh mawhna in hong khuhcip hi. Ahi zongin Jesuh ahihleh, mawhna in lawngkha lo hi. Tua bangin a nungta ihi hi.Jesuh in eite mah bangin mawhna tawh kidimin, mawhna nuai-ah nungta hileh Amah in Honpa kisam suak ding hi. Ahi zongin tua bang hi lo-in Amah mah in Honpa hi-in Pasian tungah a kipiakna hangin eite adingin honkhiatna lampi hong bawlsak hi. (Heb. 7:26–28, Heb. 9:14).

 

Tua ciangin Jesuh in sihna tawh Dawimangpa vangliatna a susiatsak hi. Mawh nei lo Mi in mawhneite adingin hong kipia hi. Tua manin eite in mawhmai-na ngahin Pasian tawh hong kilemkik sak hi.(Heb. 2:14–17). Jesuh in thuciam thak thupha tawh i lungtang tungah thukham hong gelhsakin mawhna vangliatna susia-in dikna tawh nuntak theihna tha a hong pia hi.

 

(Heb. 8:10). Tua hi-in Jesuh in galpa zo-in a nungta Pasian na sem dingin a hong suakta-sak hi. (Heb. 9:14). Tua hi-in a nunung pen thukhenna-ah Satan in tawntungin kisiatna a thuak ding hi. (Mang. 20:1–3, 10).

Jesuh tungtawnin zawhna kamciam nei ihih manin bang hangin mi tampi in mawhna zo ding hamsa sa uh hiam? Bangbang khialhna bawlbawlkha i hiam? A thupi-inah koi bangin Khrih sungah sapna lian tawh kizui-in nungta ding i hiam?

 

 

WEDNESDAY                               January 19

Gimthuakna tawh Kicinna Ngah

 

Hebrews 2:10, 17, 18leh Hebrews 5:8, 9 sim in. Jesuh nunna in gim

thuak mi khat adingin bang sem hiam?

 

___________________________________________________________

 

___________________________________________________________

 

Sawltakpa genna-ah Pasian in Jesuh gim thuakna tungtawnin kicinna a pia hi. Hih thu in lamdang hi. Laigelhpa in Jesuh in Pasian vangliatna kilangsak hi; Pasian hihna a tungah kikhen hi. (Heb. 1:3) Tua banah Amah in mawh nei lo hi, kawk baang lo-in siangtho hi (Heb. 4:15, 18 Heb. 7:26–28, Heb. 9:14, Heb. 10:5–10). Cihnopna-ah Jesuh in gamtat hoih lohna kicinlohna cihte a zo hi.

Ahi zongin Hebrews genna-ah Jesuh in kicinna lampi a kalsuanna-ah gimna a thuak hi. Tua hileh Amah a zuite zong kicinna a pia thei hi; Amah in i Honpa hi. Jesuh in gimthuakna tawh eite adingin Hotkhiatna Mangpa a hong suak hi (Heb. 2:10) . Jesuh in singlamteh tungah kithahna a hong thuak manin Pa thukham tawh eite hong hon hi. Jesuh bek mah in a tuam vilvelin a kicing kipiakna ahong suak hi. Pasian ahihna tawh Jesuh in eite tungah thukhen thei hi. Ahi zong eite ahong hotkhiat nadingin sihna thuak ahih manin thukhenna tawh ahong kipelhsak hi. Jesuh in gimthuakna tawh thumangin hong nungta hi. (Heb. 13 5:8). Sawlman nadingin thunih kisam hi. Amasa-in sawlmanna in Ama hong sihna santham cingsak hi. (Heb. 9:14, Heb.10:5– 10). Nihna-ah Ama gimthuakna in eite etteh thamcingsak hi.(Heb. 5:9). Jesuh in sawlmang dingin nungta hi. Bang hang hiam cihleh Amah in mihingin hong nungta hi. Pasian ahihna tawh Amah in kua sawlman kul hiam? Tawntung Tapa, Pasian tawh pumkhat ahihna zui-in Amah in na khempeuh a ukna tawh thumangin hong nungta hi. Tua hi-in Jesuh in thuman lo panin thumannna-ah nungta hi lo-in, ukna leh zawhna panin kipiakna leh thumanna-ah kalsuan in hong nungta hi. Pahtawi-na ngah Pasian Tapa in Mihing Tapa dingin thumang hi.

 

Gimthuakna in Jesuh pen hehpihna leh cihtakna tawh kidim Siampi Lianpa hi, cih pulaak hi. (Heb. 2:17, 18). Gimna in Jesuh hehpihna nei zawsak hi lo hi. A langkhatah Jesuh in hehpihna tawh kidim hi. Bang hanghiam cihleh Amah in eite hong hotkhiat nadingin singlamteh tungah sihna ahong tel zaw hi. (Heb. 10:5–10 leh Rom. 5:7, 8 enkak in). Ahi zongin gimthuakna in Jesuh in sanggam itna tawh hong it takpi hi, cih hong lak hi.

 

Jesuh in mawhnei lo-in gimthuak ahihleh ei mawhnei mite in gim a thuak mahmah hi zaw lo hiam? Koi bangin gimna kantan zo thei ding i hiam?A lamdang lampite tawh ama itna hong lak Topa tung pan lametna leh khamuanna ngah thei ding I hiam? Koi bangin gimthuaknate kantan zo ding I hiam?

 

 

THURSDAY                January 20

I Sanggampa Etteh Ding

 

 

Jesuh in mihingin hong nungta-in eite lakah hong nuntakna a thu in Amah in eite etteh ding hi. Eite etteh ding Pa in Pasian mai-ah dikna tawh a kidim ding hi.

 

Hebrews 12:1–4 sim in.Sawltak Paul gen bangin koi bangin Khristian nunna sungah kalsuan thei i hiam?

 

___________________________________________________________

 

___________________________________________________________

 

Heb. 12: 1-4 sungah upna thu-ah eite etteh ding mite kigelh I mu hi. Jesuh in eite upna a hong kicingsakpa leh upna piangsakpa hi. Greek laimal “archegos” (piangsakpa”)in “ mi masa cihna zong hi. Jesuh in minam khempeuhte makaipa hi-in thu-um mite lutang zong hi. A taktakin Hebrews 6:20 in Jesuh pen eite mai-ah a tai-pa hi, cih hi. “Kicingsakpa” cih kammal in Jesuh in Pasian sungah upna siangtho nei hi, cih pulaak hi. Jesuh in i nuntakna-ah zawhna hong pia pa leh upna a hong kicingsakpa hi cih hong hilh hi.

 

Hebrews 2:13 simkik in “tua ciangin” cih kammal in Ama sungah muanna ka koih ding hi. ‘Hih tengh om ing, Pasian ta suah theihna a hong pia hi. Jesuh in Pasian sungah muanna a koihna thu hong hilh hi. Hih thu in Isaiah 8:17, 18 tawh kizopna nei hi.

 

Isaiah in hih thu a genlai-iin Israel leh Syria gam sak lam panin lauhuai-na tuak hi. (Isa. 18 7:1, 2). Ama upna eh Ahaza up lohna hong enkaksak hi.(2 Kings 16:5–18). Pasian in Ahaz tungah Amah muang dingin gen a, amah a hotkhiat nading lim a gen hi.(Isa.7:1–11). Pasian in Ahaz kamciam pia khin hi. David tapa in Ama tapa bangin Ahaz dal ding hi, cih kamciam a pia khin hi. Pasian in tua kamciam tangtung takpi ding ahihna lim kipiatuah hi.Ahi zongin Ahaz in lim ngen nuam lo hi. A nget tangin kamtai khat Tiglath-pileser, Assyria kumpipa kiangah a paisak hi.”Keimah in na sila leh na tapa ka hi hi”(2 Kings 16:7). Bangzahnin dahhuai hiam!Ahaz in Pasian tapa hih ding sangin Tiglath-pileser tapa a teel zaw hi. Jesuh in Pasian sungah muanna koihin Ama kamciamte a muang hi. Amah in a khenuai-ah a galte a koih ding hi. (Heb. 1:13; Heb. 10:12, 13).Pasian hih bangin kamciam hong pia hi. Jesuh bangmahin eite in zong Amah I muan ding kisam hi (Rom. 16:20).

 

Koi bangin Pasian muang thei ding I hiam? Nisim nuntakna-ah Amah muanna i nei thei hi. A thupi deihtelna na neih ding bang kisam hiam? Koi bangin Pasian na muanna kilang thei hiam?

 

 

FRIDAY                  January 21

Ngaihsutbehlap Ding: Hebrews 2:13 sungah Pasian tungah Jesuh in a sanggamte thu a pulaakna kihel hi.

 

“Pasian in keimah hong piaksa tate tawh hiah ka om hi” (Heb. 2:13). Patrick Gray genna-ah Jesuh in a sanggamte a kemcing pa hi. Roman ngei-na-ah tutela impuberum in a pate uh a sih ciangin “ ta upate in a naute a picin masiah leh a pa neihsa kemcing uh hi. Tua hi-in u te in naute a kemcing ding masuan nei hi.Godly Fear: The Epistle to the Hebrews and Greco-Roman Critiques of Superstition [Atlanta: Society of Biblical Literature, 2003), p. 126.

 

Hih bang thu hangin Hebrew in Jesuh leh a sanggamte a tate thu hong gen hi. Jesuh in i u leh eite hong lamlak, hong kemcing leh hong hu hong dal pa ahihna hong hilh hi.

 

Khrihi in leitungah hong pai-in mihingin hong nungta-in mihingte tangin hong ding hi. Satan tawh kido-na-ah Pasian bawsa mihing in Pa leh Tapa tawh kizopna nei-in, Pasian thupiak khempeuh a nuntakpih hi. Ellen G. White, Selected Messages, book 1, p. 253.

 

Ama nunna in thu manpha tampi hong hil hi. Khrih in angsung zong lo nunna etteh dingin hong nungta hi. Angsung zong lo sepna in Pasian kiang pan hong pai hi. Pasian in Ama adingin nungta lo hi. Leitung a piansakna leh nate a kepcinna tawh Amah in eite tungah na hong sem den hi. “ Amah in mi hoih mi gilote tungah akibangin nisuak nitum, guahzu sak hi. Matt.5:45. Pasian in hih bang nasepna Tapa tungah a pia hi. Jesuh in mi khempeuh lutang hihna kipia hi. Ama nuntakzia in mi ading nasepna hong hilh hi. Ellen G. White, The Desire of Ages, p. 649.

 

Kikup Ding Dotnate:

 

1.     Hebrews hong genna-ah Jesuh in eite hong hotkhiat nadingin I sanggam hong suak hi. Pasian in eite hong hot nadingin a nasep tawh enkak in. Tua hi-in banghangin hih thu nial ding na hiam? Tua bangin a nial mite in lauhuaina thuak ding hi lo hiam?

 

2.   Bang hangin Jesuh in mihingte adingin mawhna tawh hong suah lohna in thupi hiam?(Rom. 7:14)Moses thu ngaihsun in. Bang hangin Israelte bangin amah in sila hi lo ahihna in thupi hiam? Koi bangin Moses nunzia in i ading Jesuh nasep hong theitelsak hiam?

 

3.   I nuntakna-ah gimthuaknate ngaihsun in. Khat veivei ciangin gimna panin na hoih hong piangthei i mah taleh hi mah taleh bang hangin gimna pen hoih hi, ci-in ngaihsun thei lo i hiam?