LESSON 12 March 12–18 A KILING ZO LO KUMPI GAM NGAHNA

LESSON 12          March 12–18

A KILING ZO LO KUMPI GAM NGAHNA

 

Sabbath Nitak

 

Tu Kaal sung sim ding:  Heb. 12:18–29; Pai. 32:32; Dan. 7:9, 10, 13–22; Hag. 2:6–9, 20–22; Late. 15:5; 16:8; Heb. 13:15, 16.

 

KAMNGAH: Tua ahih manin a kilingsak zo lo Pasian gam I ngah manin lungdamin zahtakna leh lamdangsakna tawh Pasian lungkimna bangin amah bia ni.” (Hebrews 12:28).

 

Tu kaal sungin Hebrews 12:18–29 sung i kikum ding hi. Hih munte in Hebrews sungah a thupipen hi. A hong hilhnop thu kidawk kikik hi. Pasian in Tapa tungtawnin eite tungah thu gen khin a, tua thute limtakin i ngai ngei ding hi.(Heb. 1:1, 2; Heb. 12:25). Jesuh a kipulaakna thu Hebrews 12:22–24 in Hebrew sunga kigen Jesuh thute a tomkaihna hi: Jesuh in thuciam thak a Palaai hi, ama sisan in a um mi khempeuh a honkhia hi. Ama siam hihna leh eite adingin a nasepna hangin vantung in lungdamna tawh a kidim hi. A tawpna-ah Heb. 12:25–29 a nunung pen le thupi hanthotna:Pasian thukhenna hong tung ding hi. Tua in Ama galte kisiat hi ding a, A mite dikna a hong kilang ding hi: (Heb. 12:28, 29).

A tawpna-ah singlamteh tunga Jesuh gualzawhna thupina leh Thu-um mite zawhna in Jesuh zawhna tungah kinga ahihna thu hong hilh hi. Paul in a gelhna-ah Daniel sunga limciinna tawh a hong hilh hi. Jesuh in kumpi gam luahin thukhenpa ahihna pulaak hi (Dan. 7:9–14) thu-um mite in tua Gam sung a luah ding uh hi: “ Vanglian Sangpenpa misiangthote in a tawntungin tua gam a luah ding uh hi.(Dan. 7:18).

 

 

 

SUNDAY                                       March 13

Zion Mualah Note nong pai uh hi

 

Hebrews 12:22–24 sim in. Paul in bang thu pulaak hiam?

 

___________________________________________________________

___________________________________________________________

 

Hebrews pulaakna-ah eite in Zion Mualah pai-in lungdamna pawipi sungah i kihel hi, ci hi. Ahi zongin note in Zion Mual leh a nungta Pasian khuapi-ah nong pai uh a, vantung Jerusalem leh simzawhloh vantungmite kikhopna-ah nong pai uh hi, ci hi. (Heb 12:22).Eite in upna tawh eite taanga om Jesuh tungtawnin tua mun i tungthei hi. Hih lungdam pawipi sungah a kisim zolo vantungmite leh Pasian mahmah om a, Jesuh tungah pahtawi-na a pia uh hi. Eite in gah masate kituahkhopna-ah a kihel thei ihi hi. I minte in Pasian mite min kikumna vantung laibute-ah kigelh khinin a om hi  (Pai. 32:32, Late 56:8, Dan. 12:1, Mal. 3:16, Luke 10:20, Mang. 13:8, Mang. 17:8).

 

Eite in ta upa ihi hi. Bang hang hiam cihleh eite in ta upa gamhluahte, Jesuh in i gamh hi. (Heb. 1:6).Tua hi-in eite in lengla hi lo-in gammite ihi hi.(Phil. 3:20 tawh simkak in). Eite in Kha Siangtho diktansakna a ngahte ih hi (Heb. 12:23). Hih thu in gentehna kammal tawh kipulaak hi-in i nunna vekpi a pulaak ahi hi. Kha thu-ah Pa thu a mang ihi hi. Hebrews 12:9 Pasian in mihing khempeuhte Pa ahihna leh eite in ama tanu tapate ihi hi.

 

Vantung kikhop lianpi in Jesuh kumpi hihna, Siampi nasep le thuciam thak kipatna pawipi hi. Hih pawipi in Zion Mual a thupiang hi.Late mun thum in hih thu pulaak hi.Hebrews 1:5–14 in Tapa in kumpi tokhom a luahna pulaakin, hih zong Zion Mual a thupiang hi. Late 2:6, 7; Late 110:1, 2; Late 102:21–27).

 

Zion Mual in Tapa in tawntung siampi dingin sathau kinilhna pulaak hi (Heb. 5:6) hih in Late 110:4 siksan in a pulaak ahi hi. Late 110 genna-ah Tapa in Siampi Lianbel in a kikoihna mun in Zion Mual mah ci hi. (Late 110:2).

 

A tawpna-ah Hebrews genna-ah Jesuh siampi ahihna in thuciam thak kipatna hi, ci hi.(Heb. 7:11–22). Tua hi-in Zion Mual in thuciam thak kipsakna mun hi.Hebrews 12:22–24 genna-ah vantung nopna pawipi kibawlna mun in vantungah Jesuh a kahtoh ahi hi.

 

Na nuntakna-ah Jesuh in siampi nasepna pawipi na nuntakpih hiam? Koi bangin i nuntakna leh biakpiakna-ah Jesuh siampi hihna le thuciam thak hihna tawh na nungta thei hiam? Thu-upna-ah tua pawlpi in a hong kipsak hiam?

 

 

MONDAY                       March 14

Nakhempeuh Tungah Thukhen

 

 

Hebrews 12:23 sim in Hih in lungdamna pawi ahih leh bang hangin Pasian in thukhenpa bangin thukhen hi ding hiam?Koi bangin thukhenna in lungdamna pawi hi thei ding hiam?  Daniel 7:9, 10, 13–22.

 

___________________________________________________

______________________________________________________

 

Heb 12: 22- 24 in a pulaak Lungdamna pawipi a hong tung ding thukhenna a pulaak hi. Pasian in Thukhenpa hi ding a, tua banah tua thukhenna-ah laibute kizang ding a, tua laibute siksanin thukhen ding a, Pasian mite in Ama gam a luah ding uh hi.(Heb.12:28).

 

HIh thupiang in Daniel 7 pulaak Sittelna thukhen pulaak hi; hih thukhenna-ah Pasian in Tang kumpa in mei tokhom tungah tu-in (Dan. 7:9), a kimkotah vantungmi a tul za tul sawm sim in a om uh hi.(Dan. 7:10). Laibute kihongsa-in om hi (Dan. 7:10), hih thukhenna in Sangpenpa mi siangthote maipha a pia hi; amaute in vantung gam a luah ding mite ahi uh hi (Dan. 7:22). Tua bangmahin Hebrews 12:22–29 in hih thukhennna, Zion Mual, vantung Jerusalem Pasian omna mun a pulaak hi. Pasian mi khempeuh tungah Thukhen pa hi-in a makimkotah vantungmi tul sawm tulza sim zawh lohin om uh hi. Hih in meikuangpi tawh kibang hi (Heb. 12:29). Hih thukhenna-ah laibute kizang hi. Bang hang hiam cihleh tua laibute sungah mi siangthote min a kigelh hi. . Heb 12:23, hih thukhenna in misiangthote maipha a pia hi.

 

Hih thukhenna-ah Jesuh in a bulpi hi(Heb. 12:24). Amah in Mihing Tapa-in kipulaak hi (Hebrews 2) Amah in eite tangin sihna a thuak khit ciangin vangliatna le pahtawi-na lukhu a khu hi. (Heb. 2:9). Hebrews in Jesuh in Mihing Tapa ahihna tawh mi tampi in vangliatna sung a tumpihtheih nading ahi hi. (Heb. 2:6) thu-um mite in Vangliatna le pahtawi-na a ngah nading uh a hi hi. “Tapa in” tu-in thuciam thak tungtawnin thu-um mite Zion, vantung Jerusalem, a hong tunpih hi (Heb. 12:22–24), tua munah amaute tungah a kipia kamciam bangin Pasian gamh a luah uh hi (Heb. 12:28). Tua hi-a hih thukhenna in thu-um mite adingin thu hoih hi taktak hi. Bang hang hiam cih leh hih thukhenna in amau maipha a pia hi. HIh thukhenna in amaute dikna a pulaak hi.A gal-uh gulpi, in a lauhuai sapi bawlsiatna a thuak uh hi (Daniel 7) mai lamah zong amaute a bawlsia-lai ding hi. (Mang. 13).

 

Koi bangin Sittelna thukhen in tuni-in vantungmi thumte thupuak in Pasian thukhenna in a lungdamhuai hi thei ding hiam? (Mang. 14:6, 7; le Thkna. 32:36; 1 Khang. 16:33–35) enkak in.

 

 

TUESDAY                                March 15       

Vantungte le Leitunga liingsak

 

Vantung ah Pasian pahtawi-na pawipi a pulaak khit ciangin Paul in thu-um mite tungah Pasian kampau limtak ngaihsun dingin hong hilh hi. Banghang hiam cihleh Pasian awgingin leitung banah vantungte kiliingsakin a bei mangsak ding hi. (Heb. 12:26). Paul in a genna-ah Jesuh in vantung kumpi tokhom tungah tu hi mahta leh eite hotkhiatna a kizo siang nai kei hi. I lungsim khempeuh tawh tua thu limtak ngaihsun ding hong hanthawn hi. Bang hang hiam cihleh tua thu in a hong tunglai ding thute adingin thupi mahmah hi.

 

Haggai 2:6–9, 20–22; Late 96:9, 10; Late 99:1; leh Hebrews 12:26, 27 sim in. Pasian in leitung le vantungte liingsak gawm hi, cih thu in bang deihna nei hi ding hiam? A khiatna in bang hi ding hiam?

 

_____________________________________________________________

___________________________________________________________

 

Thukhun Lui sungah leitung kiling gawp cih thu in Pasian in a mite ompihin suahtakna a piakna gentehna kammalin a kizang kammal khat hi. Deborah leh Barak in Siser do uh a, Pasian in vantung panin amaute adingin nasem hi. (Judg.5:20). Hih thupiang in a hat mahmah zinlinna piangsak a, leitung in kiliing hi. Bang hang hiam cihleh Pasian a mite ompih hi (Thukhente 5:4, 5). Hih bang thu mah Thukhun Lui sungah Pasian in a mite galte khut sung panin a hotkhiat ciangin a piang thute kimu thei hi (Late 68:7, 8;  Late 60:2; Late 77:17, 18). Tua hi-in leitung kiling gawp cih thu in Pasian in Ama thukhenna a hilhna ahi hi. Pasian in ama thuneihna a mite tungah a pia hi. Kamsangte in TOPA NI a piang ding thute a hong hilhkhol uh hi (Isa.13:13, Isa. 24:18–23).

 

Hebrews pawlpite adingin “vantung leh leitung kiliinggawp cih thu in Pasian a langpante kisia hi, ci-in ngaihsun uh hi. Jesuh in kumpi tokhom tungah tu -in a om ciangin Pasian a langpante in kisiatna a thuak uh hi. Pasian in Jesuh tungah “ Ahi zongin Pasian in Ama vantungmite tungah “ Na galte na khenuai-ah ka hong sikcipsak matengin ka taklamah hong tu in,’ ci ngei lo hi.”(Heb. 1:13). Tua hi-in Jesuh in amah a langpante tungah zawhna a ngah hi. (Heb. 2:14–16); amah in kumpi tokhom tungah a tu hi. (Heb. 1:5–14); ahi zongin tu-in Amah a langpangte kisuksiat hun hong tung nai lo hi(Heb. 10:11–14,1 Cor. 15:23–25). Ahi zongin Pasian in Amah a langpangte a susia ding hi; tua hun ciangin Pasian in leitung le vantungte a kilinggawp ding hi. Leitung le vantungte kilinggawp cih a khiatna in Pasian mite le leitung ukna neite kisiatna hi ding a, a thupi-in ah vantungte tungah ukna nei Satan le a vantungmite in leitung ukna neite le anaa neite tungah ukna kisiatna hi ding hi.

 

Bang hangin kamciamte hong tangtun ni ciangin thuman tawh na kisem ding hun leh siatna khempeuh leitung panin a beisiang ni hi ding hiam? Tua bang kamciam in lametna tawh kidimin a diakdiakin siatna ukcipna a thuakte adingin lametna lianpi hi lo hiam?

 

 

WEDNESDAY                                March 16       

A killing Ngei lo Kumpi Gam

 

 

Pasian in vantungte le leitung lingsakgawp ding hi, ci-in hong hilh khol hi. A khiatna in Pasian in Amah a langpan leitung minam khempeuh susia mang ding hi, cihna hi. Ahi zongin tua hun ciangin a kiling lo ding om, kisia lo ding uh hi.

 

Late 15:5,Late 16:8, Late 21:7, Late 62:2, Late 112:6,leh Hebrews 12:27 enkak in.Bang nate in kiling lo ding uh hiam?

 

______________________________________________________________

_____________________________________________________________

 

Tulai Lai Siangtho Bu tampite in Hebrews 12:27 sunga thu a gente uh en lehang: leitung le vantungte kilinggawp ding hi, cih thu in leitung le vantungte in a tawntungin mangthang ding uh hi, ci-in kigelh hi. Lai Siantho in ahong hilhna-ah Pasian in leitung le vantungte a thak bawl ding hi, ci-in hong hilh hi. (Isa. 65:17, Mang. 21:1–4), Khrih sunga site in zong pumpi thak le nunna thak tawh hong thokik ding uh hi. (1 Thess. 4:13–17, Phil 3:20) Tua hi-in “ kilinggawp” cih kammal in siansuahna le bawlthakna a pulaak kammal hi; nakhempeuh hepkhiatna thu a gennopna hi lo hi. Pasian in na khempeuh a thakin bawlpha kik ding a,tatkhiatngah mite in leitung thakah a teeng ding uh hi.

 

Ahi zongin tua hun ciangin a kiling lo ding om ding hi. Amaute in midikte in a ling kei ding uh hi. Bang hang hiam cihleh amaute in Pasian sungah muanna a nei uh hi. Piangsakpa in amaute a kembit ding hi.

 

Hebrews hong hilhna-ah Jesuh tawh a nungtate in kip tawntung ding a, kisia ngei lo ding uh hi. Hebrews 1:10–12 in Jesuh thu hih bangin a pulaak hi: “Tua banah Topa ahi nangmah in a kipatcilin leitung na piangsak a, na khut tawh vantungte na bawl hi. Tua nate khempeuh mangthang ding a, nang na hih leh na om paisuak ding a, puan khep bangin luisuak thei ding a, tua nate khempeuh kikhelkhel ding uh hi. Ahi zongin nang na kibang tawntung ding a, teek huncih na nei ngei kei ding hi” Heb. 1: 10-12. Tua banah Jesuh siampi hihna in a kip tawntung ding hi (Heb. 7:3, 24); tua bangmah in ama tatsa mite in zong a kip tawntung ding uh hi (Heb. 10:34). Thukhenna nunung ciangin Jesuh sungah a om mi in kiling lo ding hi. (Late 46:5).

 

Hebrews 12:28 genna-ah eite in akiling ngei lo ding kumpi Gam i ngah ding hi. Hih thu Daniel in zong gen hi.Dan. 2:44 – mi siangthote in a nungta tawntung ding uh hi. Hih gam in Tapa gam hi; amah in eite hong teengsak ding hi. Mangmuhna 20:4 sungah eite in siatna le hong bawlsia mite tungah thu i ken ding hi (1 Cor. 6:3).

 

Leitung le vantung kiling gawp ding cih thu koi bangin na thuak hiam? Tua kisiatna sung na tun loh nadingin deihtelna bang nei thei na hiam? Eph. 4:14.

 

 

THURSDAY                                    March 17

Lungdam Ciat Ni

 

 

Hebrews thukhupna-ah a lamdang na khempeuhte hangin lungdamna tawh Pasian biakpiakna nei dingin hong hanthawn hi.

 

Hebrews 12:28 le Hebrews 13:15, 16 simkak in. Koi bang biakpiakna Pasian in sang hiam?

 

___________________________________________________________

___________________________________________________________

 

Thukhun Lui mite biakpiakna-ah ganhingte tawh biakpiakna nei uh a, mawh kisikna leh lungdamna nei-in ahi zongin hih biakpiaknate in Topa tungah lungdam lahna le mawh kisik lahna ahi hi. Late sung leh kamsangte in ganhingte tawh biakpiakna in Pasian lungkimsak hi lo-in lungdamna, nunna hoih, diktatnate tungah Topa a lungdam zaw hi, ci hi. (Late 50:7–23, Isa. 1:11–17).

 

Tua hi-in Paul in vantung biakbuk aom Pasian biakna bia dingin hong sam hi. Pasian i biak ciangin lungdamkohna leh na hoihte tawh biakpiakna in biakpiakna man ahi hi. Hih bang biakpiakna-ah Topa a lungdam hi. Leitungah biakpiakna tuamtuam i nei a, tuate hangin vantung aom Pasian a lungdam hi. Paul in a laikhakna sungah lungdamna tawh Topa bia a, Jesuh min suangin biakpiakna nei ding hong hanthawn hi. (Heb. 3:1, Heb. 4:14, Heb. 10:23); tatsat lo-in na hoih na pha sem dingin zong a hong hanthawn hi. (Heb. 6:10– 12; Heb. 13:1, 14 16).

 

Paul in thu-um mite tungah “santhamcing biakpiakna tawh Pasian bia dingin hong sam hi. (Heb. 12:28 ) cihnopna-ah thu-um mite in tu-in siampi hi uh a, a kisiansuah mite ahi uh hi. (Heb. 10:10–14, 19–23). Hih in Pasian in Israel mite a teeltuamna a tangtunna hi. Amaute in siampi nasep sem ding uh a, Amaute tungtawnin nam dangte tungah lungdamna thu kizel ding hi. (Pai. 19:4–6; 1 Pet. 2:9, 10; Mang. 1:6; Mang. 5:10).

 

Hebrews 13:1–6 sungah na hoih sem cih thu leh i neih van leh nate mi hawm cih tawh kisai hilhcianna nei hi. Tua bangin nungta hi lehang, Jesuh hong it bangin eite in zong sanggam ki-itna a lak hi ding hi. (Heb. 2:11, 12). A cihnopna in zin le leng do siamna, thongkia mite vavehna leh a gentheite hehpih cihna hi (Heb. 13:3); numei pasal thangtatna le deihgawhna nial ding hong hilh hi.

 

Bang hangin na hoih sepnate le mi huhnate in Pasian biakpiakna-ah kihelin thupi hiam? Tua zah khatmahin Pasian tungah i biakpiaknate lakah deihhuai lo aom kha ding hiam?(Isa. 1:11–17)

 

 

FRIDAY                   March 18

Ngaihsutbeh ding: “Khrih hong pai masakna le thawhkikna nihna kikaal hun sungain migilote in thukhenna a thuak ding uh hi. Sawltak Paul genna-ah tua tawh kizomin Khrih hong pai ding hi. Tua hun a tunma-in bangmah thukhen kei un. Topa hong pai ciangin Amah in khuamial lakah a kiselcipte dongin a pulaak ding hi; lungsim sunga a om thute zong a kilangkhiasak ding hi. 1 Corinthians 4:5. Daniel in Taangtawn Pa ni hong tungin Sangpenpa mi siangthote in thukhenna a thuak uh hi, ci hi.’ Daniel 7:22. Tua hun ciangin midikte in Pasian adingin kumpite leh siampi bangin a mang tawntung ding uh hi. John in Mangmuhna Bu sungah ‘4Tua ciangin tokhom tungah a tu mi pawlkhat ka mu a, tua mite tungah thukhen nading aana a kipia ahi hi. Jesuh thu a genna le Pasian thu hangin a kithat mite’ kha zong ka mu hi. Tua mite in ganhing ahi a, a lim ahi zongin bia lo uh hi; a taltang uhah ahi a, a khut tung uhah ahi zongin ganhing ciaptehna nei lo uh hi. Amaute hong hingkik uh a, Khrih tawh kum tulkhat sung ukna aana a neikhawm uh hi. Hih thawhkikna masa sungah a kihel mite pen Pasian’ mi siangtho hi a, a hampha mahmah ahi uh hi. Nihvei sihna in tua bang mite bangmah cihzo nawn lo ding a, amaute pen Pasian le Khrih’ siampite hi ding uh a, amah tawh kum tulkhat sung ukna aana nei ding uh hi.”Mang. 20:4, 6.

 

Paul genkholh bangin hih hun ciangin mi siangthote in leitung thukhen ding uh hi. 1 Corinthians 6:2. Mi siangthote in Khrih tawh kopin migilote thu a khen ding uh hi. amaute gamtatnate Lai Siantho tawh sittel ding uh a, pumpi tunga sepna khempeuh in thukhenna a thuak ding hi. Tua ciangin mi gilote thuakna om ding a, amau gamtatna tawh kizui-in sihna a thuak ding uh hi.

 

“Satan le dawi gilote in Khrih leh a mite thukhenna a thuak ding uh hi. Paul genna-ah note in vantung migilote thu khen ding na hih lamtak uh thei lo na hi uh hiam, ci-in Korin pawlpi tungah a pulaak hi. Jude in zong vantungmi gilote in manthanna a thuak ding uh hi, ci hi. Amaute in tua Ni Lianpi ni ciangin khuamial sungah thukhenna thuak dingin a kikoih hi. Jude 6.” Ellen G. White, The Great Controversy,pp. 660, 661.

 

KIKUP DING DOTNATE:

 

1.                  Mi gilote thukhenna-ah mi siangthote in bang sem uh hiam?(1 Cor. 6:3, Jude 6 sungah Pasian in a thukhenna-ah thuman thu tawh thukhen ding a, imsim cih peuhmah om lo ding hi, cih thu in Ama hoihna le a thutanna bang hong hilh hiam? Koi bangin Pasian in mawhna le siatna mu hiam?

 

2.                Pai. 32:32, Late 56:8,Late69:28, Late 139:16, Isaiah 4:3, Daniel 12:1, Malachi 3:16, Luke 10:20, Mang. 13:8, leh Mang. 17:8 simkak in. Vantungah Pasian laibute om hi. Tua laibute sungah bang thute kiciamteh hi ding hiam? Banghangin Pasian in i khituite ciamteh hi, cih thu in thupi hiam? (Late 56:8) Pasian in theih loh nei lo hi napi-in, vantung thuciaptehna laibute deihna bang hi ding hiam?

 

3.                 Bang hangin Hebrews thukhupna in Daniel 7 sunga kamciam tawh kizopna in thupi hi ding hiam? Bang hangin hih thu in vantungah Jesuh nasep siksan ding thupi hiam? Dan.7 in na khempeuh a beina thu bang hong hilh hiam?