LESSON 10 February 26–March 4
JESUH IN KIDALNA PUAN HEMKHIA
Sabbath Nitak
Tu kaal sung sim ding: Heb. 9:24; Pai.. 19:3, 4; Heb. 12:18–21;
Siam.16:1, 2; Heb. 10:19–22; Col. 3:1.
KAMNGAH “Ahih hangin Khrih ahih leh a taktak tawh kisuun bek, mihing bawl a
siangtho mun ah a lut kei hi; Pasian mai-ah eite tanga a va kilang dingin
vantung mahmah ah a lut khin zo hi.” (Hebrews 9:24)
Jesuh van akah khit ciangin Nungzuite in Olives
Mual pangin hong kilehkik uh a, amaute in nuamna le zawhna tawh kidim uh hi.Amau
Topa le Lawm in a sanna munah pahtawi-na ngahin akilamsang hi. Ama min suangin
khamuanna tawh Pasian kiang zuan dingin a sam hi; Amah in amaute thungetna
maipha a pia ding hi (John 14:13, 14). Amaute in leitungah omlai-in siatna in
do den hi mah taleh amaute in lametna kip a nei uh hi. Jesuh in amaute om
nading bawlkhol dingin vankah ahihlam amaute in a thei uh hi. (John 14:1–3).
Amaute in Jesuh in amau kihotkhiatna Makaipa hi, cih a thei uh hi.
Ama sisan tungtawnin amaute om nading vantung
inn a koihkholsak hi. Jesuh vankahna in Hebrews thusinna-ah thu bulpi khat hi.
Jesuh vankahna in Jesuh uk kipatna hi-in eite tangin vantung Siampi nasepna a
kipatna hong suak hi.A tawpna le a thupi mahmah khat in Jesuh vankah a kipan
thuciam thak nasep kipatna hi-in tua in upna tawh maingal takin Pasian kiang i
zuan the a kipan ta hi. Tu-in Jesuh le ama dikna tungtawnin kimuanna tawh
Pasian kiang zuat theih hamphatna i nei hi.
SUNDAY February 27
Pa mai-ah Jesuh
Hebrews 9:24 sim in. Hih tungtawnin Jesuh
vankahna in bang ngimna nei hiam?
______________________________________________________________
_____________________________________________________________
Israel pasalte in kum khatin Jerusalem Topa
mai-ah thum vei va kilaak dingin, Pasian in thupia hi. A kiseh hun hong tun
ciangin PAISAN PAWI (silngo sawh loh anlum pawi) Topa tungah a pia hi. NIpi
Kaal pawi( Pentecost), le buk pawite a nei uh hi. Exod. 23:14–17, Thkna 16:16).
PAISAN pawi in Israelte in Egypt panin suahtakna a ngahna uh pawk nadingin
hi-in , Pentecost pawi in barley anlak khit lungdamna leh Sinai mual panin
Thukham kipiak phawk nading pawi hi.
Buk pawi in sehnel gama Israel mite Pasian in a
kepna le Ama thuphate hangin lungdamkohna pawi hi. Hebrews 9:24 in Jesuh vankahin
Pasian tawh omkhawm ahihna thu pulaak hi. Amah in vantung biakbuk, biakbuk
taktakah Pasian mai-ah a hoih zaw biakpiakna nei dingin Ama sisan tawi-in
vakilaak hi. (Heb. 9:23, 24). Jesuh hih pawi tuamtuamte limciin kholh thute a
tangtungsak hi. Amah in Paisan pawi ni ading kiginkholh ni nai kua hunin sihna
a thuak hi. Biakpiak nading tuuno kigo khin hi(John 19:14, Matt. 27:45– 50).
Jesuh in a nithum ni a cin ciangin hansung pan thokikin Ama sihna sungah
khamuanna ngah nadingin van akah hi.(John 20:17, 1 Cor. 15:20). Siampipa in
anpalte veina nei- hi (Siam. 23:10–12).
Tua ciangin amah in van a kah kum sawmli khit
ciangin Pa ziat lamah a tu hi. Pentecost Ni a thuciam ah hong kipan hi. (Sawl.
1, 2). Nidang Israelte in Pasian maipha mu ding ngimna nei hi. (Late 42:2). Hih
in Pasian maipha ngah hi. (Late 17:15). Tua bangmahin Hebrew pulaakna-ah Pasian
mai zong cih ciangin Pasian tung pan huhna ngen cihna hi. (2Khang. 7:14, Ps.
27:8, Late 105:4). Cihnopna-ah Hebrew pulaakna-ah Jesuh vankahna ngimna hi, cih
hi. Jesuh in a kicing ama sihna hangin Pa tawh kimu dingin van a kah hi.
Amah in Pasian mai-ah a paikhol ahi hi.(Heb.
6:19, 20). Amah in thu-um mi a hoih zaw gam zuanin khualzin mite, innlam a zuan
mite, Pasian bawl khuapi zuante tungah kamciam a pia hi. (Heb. 11:10, 13–16)
Khrih in tua bangin biakpiakna pia hiam? Singlamteh bek tham lo-in tu-in
vantungah a na sepna in hotkhiatna sungah hong kha muangsak hi lo hiam?
MONDAY February 28
Pasian hong Sapna
Hebrews 12:18–21 sim i. Sinai Muah ah Israelte
in bang tuak uh hiam?
___________________________________________________________
___________________________________________________________
Pasian Israelte Egypt panin a sap khiatlai-in
Ama geelna in amaute tawh kizopna nei-in nungta khawm ding deihna nei hi. Topa
in “Note in Egyptte tungah ka nasepnate na mu khin uh hi. Mu vanlai- a note a
kha tungah a puak bangin kei mah in note kong pua hi.(Pai. 19:3, 4). TUa hi-in,
Pasian in Moses tungtawnin Topa tawh kimuh nading kiginkholhna kisam thute a hilh
hi. Amasa-in mipite in ki-ap tawm ding uh hi.(Pai.19:10–15). A kigingkhol lo mi
in sihna a thuak hi. Bang bang ahi zongin, mipite in ni nih sung kiginkholhna
nei uh hi. Tua ciangin pengkul kitum a zak uh ciangin Pasian in a mite
mualtungah kahto dingin thupia hi. (Pai 19:13). Mipite in Moses phutkhak
bangmahin a tuah ding uh Pasian in deih hi. Mipite in mualtungah kahto uh a,
Topa omna-ah an a ne uh hi.(Pai. 24:9–11). A nungciangin Mipite in Pasian
vangliatna amu uh a, Pasian in amaute tungah thugen hi; ahi zongin mite in si
lo-in nungta thei veve uh hi.(Thkna.5:24). Ahi zongin a nungciangin amaute in
uplahna nei uh hi. Moses amaute tungah: “Note in meikuangpi na kihta kei uh hi;
note in mualtungah na kahto uh hi” ci-in a pulaak hi. Ahi zongin amaute in
Moses tungah Pasian tawh kikalah palaai sem dingin a kun uh hi. (Thkna. 5:5;
Thkna. 5:25–27, leh Pai. 20:18– 21 simkak in).
Sinai Mual tungah Pasian sianthona hong kilang
hi. Sinai in mipite tungah Topa kihta ding leh zahtak dingin a hilh hi. Topa
kihtakna in nunna, pilna le pahtawi-na hi (Thkna. 4:10; leh Late 111:10, Pau.
1:7,Pau. 9:10, Pau.10:27)tua banah Topa kihtakna in Amah in hehpihna nei-in
lainatna tawh kidim hi, cih hong hilh hi. (Pai. 34:4–8). Tua hi-in Pasian in
Israelte in Amah zuan dingin deih hi; Mipite in Topa kiang zuan ding lau uh
ahih manin Moses in amaute leh Topa kikalah palaai sem dingin a ngen uh hi.
Hebrews pulaak thute in amaute in upna nei lo-in kham tawh kibawl bawng lim a
bawlnate Topa a langpannate Moses in a pulaakkik hi. (Thkna 9:19). Mipite
dawnkikna in Pasian geelna bang hi lo hi; amaute cihtak lohna a kidawk zawsop
hi.
Jesuh hangin bang hangin a siangtho Pasian kiang
vanaih ding lau ding I hiam? Topa kiang i vanaih nadingin bang teng kisam hiam?
TUESDAY March 1
Dalna Puan Kisam
Dalna puan in thu nih sem hi. Hebrew tawh
kigelhna-ah (katepetasma) in thukhen zuminn a huang sung dalna pulaak hi. (Pai.
38:18), biakbukah lut nading dalna pulaak hi (Pai.36:37), ahih keileh Siangtho
mun leh Siangtho Bel mun kidalna a pulaak kammal hi. (Pai.26:31–35). Hih dalna
puante in mite pai loh nadingin akikoih ahi hi.
Siam. 6:1, 2 leh Siam. 10:1–3. Hihte in a
luahuai vauhilhkholna bang thu pulaak uh hiam?
___________________________________________________________
___________________________________________________________
Kidalna puan in a siangtho Pasian mai panin
Siampite a dal hi. Pasian in Moses tungah Khapsa Gam zuanin a pai-na lampi-ah
ka hong tonpih kei ding hi. Bang hang hiam cihte amaute in ngawngkhauhin ka thu
hong mang lo uh hi, ci hi.” (Pai. 33:3). Tua hi-in Moses in a gamla mun khat,
giahbuk pualamah, Kikhopna Puanbuk a khin hi.(Pai 33:7). Moses in mipite
adingin mawhthuumna a neihsak khit ciangin Pasian in amaute Khapsa gam zuanin a
paina uhah a tonpih hi.(Pai. 33:12–20), ahi zongin Topa in amaute tawh a omkhop
nadingin thupiak tampi a pai hi. Gentehna-in Israelte in biakbuk mun kiu li nei
a a siangtho mun khat bawl ding uh hi.Tua banah Levite in biakbuk kimkotin
giahbuk leh biakbuk vanzat migilote in a buluh loh nadingin a dal ding uh hi.
(Gam. 1:51,Gam. 3:10). Amaute in dalna puan bangin Israelte in a dal ding uh
hi: “ Levi mite in ahih leh Israel mipi tungah thangpaihna a tun loh nadingin
biakbuk kimkotah a puanbukte uh a lam ding uh hi. Levite in Tecipanna biakbuk
kep ding tavuan a sem ding uh hi.” (Gam. 1:53).
Jesuh, I Siampi in eite kidalna puan hi.
Mihingin a hong nuntakna tawh Pasian in eite tawh hong omkhawmin Ama vangliatna
lungngaingai thei dingin hong koih hi.(John 1:14–18). Amah in kicinna nei lote
lakah a siangtho Pasian a hong teengsak thei hi.
Pasian in Piangsakpa hi, cih thu ngaihsun inla,
Amah in vantungte a Bawlpa hi napi-in mihingte lakah a hong teeng hi. Hun khat
ciangin amaute in saltangin om uh hi. Hih in Pasian in eite tawh kinai takin
hong om ahihna bang thu pulaak hiam?
WEDNESDAY March 2
Kidalna puan tungtawnin Lam Thak le Nunna Lampi
Hebrews 10:19–22 sim in.Eite a hong sapna thu
bang kigelh hiam?
______________________________________
___________________________
Hebrews in Jesuh in vantung biakbuk sung lutin
Ama khekhap zui dingin a hong sapna pulaak hi. Hih in Jesuh in i makaipa leh
thu-um mite mai-ah a pai hi, cih hong hilh hi. (Heb. 2:10; Heb. 6:19, 20; Heb.
12:2). A thak le nunna lampi thuciam thak Jesuh in ama hong sihna leh vankahna
tawh hong pan hi. A thak leh nunna lampi cih thu in thuciam lui in teekin
guaikhin ahihna enkak hi.(Heb. 8:13). Hih thuciam thak in mawhmai-na hong
guanin i lungtang tungah thukham a hong gelh hi. Tua thu hangin kimuanna tawh
Pasian kiang i zuan thei hi. I hoihna le sepna siksan hi lo-in thuciam in hong
kalh thu khempeuh Jesuh in ei adingin kicingtakin a sepna siksan ihi zaw
hi.Hebrews pulaakna-ah thuciam lui hong kalhna thute le siampite ki-apnate zong
a hong hilh hi (Heb. 9:18–21 leh Pai. 40; Siam. 8, 9 enkak in). Thuciam ngimna in
Pasian leh a mite naitakin kizop nading ahi hi.(Pai. 19:4–6). Israelte in
Pasian tawh kizopna a neih uh ciangin Pasian in manlang takin biakbuk lam ding
a sawl hi. Bang hang hiam cihleh Pasian in amaute tawh a nungta nuam hi.
Biakbuk kilam kizawh khit ciangin Pasian vangliatna in amaute tawha om khawm
hi. Pasian le Israelte kizopna nei-in amau lakah Pasian vangliatna a om hi.
Thuciam thak zong tua bang mah hi. Thuciam thak in eite tangin Jesuh nasepna a
pulaak hi (Heb. 5:1–10, Heb. 7:1–8:13).
Jesuh in vankahin Pasian mai-ah vankahto-in
Pasian mite adingin nasep kipatna thak khat a nei hi. Zechariah 3 in Pasian
mai-ah A mite mawhpaihna nei hi ci-in pulaak hi. Amaute adingin siampi lian
Joshua bek a om hi. Mawhpaihpa in kibang hi; Pasian mai-ah Job mawhpaih zong
mawhpaihpa mah hi. (Job 1, 2). Jesuh hong sihna tawh Satan in vantung panin
hawlkhiat a thuak hi. (Mang. 12:7–12 le John 12:31, John 16:11 simkak in) Tu-in
Jesuh in eite tangin mawhthuumna nei-in ama hong sihna leh cihtakna tungtawnin
i adingin hotkhiatna thu a pulaak hi.
Pasian a phal hi zenzen leh, Pasian mai-ah Satan
in na tungah bang mawhpaihna pulaak thei nawn ding hiam? Satan in zuau genpa hi
mah taleh nang ahong mawhpaih nadingin bangzahin zuau gen hiam? Nang adingin
lametna lampi khat bek in bang lampi hiam?
THURSDAY March 3
Amaute in amai a mu ding uh hi
Hebrews 12:22–24 sim in. Bangci lampi tawh
vantung Jerusalem
Pasian kiang vatung thei i hiam?
_______________________________________________________________
______________________________________________________________
Thu-umte in Zion Mualah a pai uh hi, ci-in kigen
a, vantung Jerusalem i tun theihna in upna tawh hi. Thu um mite in lametna tawh
a nungta mite hi. Tua hi-in vantung Jerusalem in amaute ading ahi hi. Amaute in
a kimu thei lo nate a luah ding uh hi. Ahi zongin tua lametna in upna
tawntungin a ngah ding uh hi. (Heb. 11:1).
Tua hi mah hi, a hi zongin Heb. 11 pulaak
khempeuh in tua bang hi khin lo hi. Eite in Zion Mual Pasian omna-ah Jesuh
tungtawnin i ngah ding hi. (Eph. 2:5, 6; Kol. 3:1). Jesuh vankahna in upna thu
bek hi lo-in nuntakpih ding thu zong hi. Hih a piangtakpi thu in Hebrews pawlpi
tungah upna sungah kiptakin om ding a hanthawn hi. Tua thu mah in eite upna ahi
hi.(Heb. 4:14, Heb. 10:23). Paul genna-ah: “Vantungah siampi lian khat nei i
hih manin kimuang takin Pasian kiang vanaih ni” ci hi (Heb. 4:14, 16).
Tua hi-in eite tangin nasem Jesuh tungtawnin
kimuanna tawh Topa kiang vazuan ciat ni. Ama tungtawnin vantung hong piak khong
thute leh Pasian kammal hoihna, a hong tung ding hun i ciamkha thei hi. (Heb.
6:4, 5, ESV). Jesuh vankahna thu in vantung biakbuk in eite kingakna le
nuntakna kingakna sikkipna mun hi, cih i theitel hi. (Heb. 6:19); eite in tua
kamciam sungah nungta takpi thei ding ihihna Ama sungah khamuang takin i nungta
thei hi. Tua kamciam in a muanhuai hi (Heb. 7:22). Ei adingin upna kingakna
munkip i nei hi.Pasian deihna in Jesuh sung banah eite sungah tua hotkhiatna
kicing ding a deih hi.Jesuh vankahna in kumsimin a neih uh Israel mite pawi
nihte limciiinate tangtungsak hi. Paisan pawi leh Pentecost pawi tangtunna hi.
Hebrews le Mangmuhna Bu gen bangin Buk Pawi tangtunglai ding kisam hi. Buk Pawi
limciinna in Jesuh hong pai-in Pasian lamsa vantung khuapi sung i tun ciangin
tangtung ding hi.(Heb. 11:10, 13–16). Eite in buk i lam kei ding hi; Pasian in
hong lamsak ding hi. Vantung hong tuaksuk ding a, Pasian tawh a tawntungin i
teenkhawmta ding hi. (Mang.7:15–17; 21:1–4; 22:1–5; Gam.6:24–26).
Gimna leh natna tam leitungah koi bangin tawntung
nunna kamciam tawh nungta thei ding na hiam?
Tua bang thute in ngaihsutna bek hi, ci-in a
pulaak thu-um lote bangci dawnkik ding na hiam?
FRIDAY March 4
Ngaihsutbeh ding: Khrih vankahna in Ama nungzuite in kamciam tawh
kipawl thupha ngah ding hi, cih hong theihkholhsakna hi. Tua thupha ngah
nadingin hotkhiatna sung i lut kul hi. Khrih in vantung kongkhakte sungah lutin
vanglian takin vantungmi khempeuh pahtawi-na ngahin kumpi tokhom ah a tu
hi.Pahtawina pawipi khit ciangin nungzuite tungah Kha Siangtho hong kumsuk hi.
Khrih in vangliatna tawh kidimin a om hi. Tawntung panin Pa tawh vangliatna a
ngah khop bangin tu-in zong vangliatna a ngah hi. Pentecostal ni-a Kha Siangtho
kibua pen in Pasian in a mite tungah Jesuh in vangliatna ngah hi; pahtawina
kiman khin hi, ci-in a theihsakna hi. Kamciamsa bangin Amah in Kha Siangtho
hong sawlin a Nungzuite tungah Jesuh in siampi le kumpi hi; vantung le
leitungah ukna khempeuh anei hi; amah in a mite tungah sathau nilhna ngah hi,
cih a pulaak hi. Amaute in kimuanna tawh Jesuh min a pulaak thei uh hi. Bang
hang hiam cih leh Amah in amaute Lawm le Sanggampa a suak hi. Khrih tawh a
kinai kizopna nei-in amaute in vantung munte-ah a tu uh hi. Amaute in
vangliatna tawh kidimin a Topa adingin teci a suak uh hi.”Ellen G. White, The
Acts of the Apostles, pp. 38, 46.
KIKUP DING DOTNATE:
1.
Late
gelhpa in “A nungta Pasian kong deih hi; Cik ciangin kei hong pai-in Pasian
maitang hong mu thei ding ka hi hiam? ci hi. (Late. 42:2). Late gelh pa bangin
koi bangin Pasian deihna nei thei ding I hiam? Tu-in Pasian biakpiakna, Amah
tawh omkhopna-ah lungdam thei kei lecin, mailam hunah zong lungdam thei ding na
hiam?
2.
Upna
zahpihna-in kigelh laibu khat sungah mikim khat in Set khuak pil khat bawl uh
hi. Tua in mihingte adingin upna bawlsak hi. Hih in a piang thei lo thu hi mah
taleh, sehnel gam a Israelte bang hi lo-in uplahna tawh kipelh thei ding na
hiam? Midangte in ei ading upna nei-in Lai Siangtho simna nei uh hileh i ut hi.
Mi kim khat in midangte thungetna simin thungen nawn lo uh hi.Bang hangin tua
bang lungsim kinei zel thei hiam? Jesuh in i Siampi ahih manin nangmah mah in
Pasian mai-ah maingal takin na om thei hi.
3.
Hebrews
in hotkhiatna sungah khamuanna thu hong hilh hi. Koi bangin lungsim takpi hi
lo, khamuanna kidop ding kisam hiam?
