Hun nunung nite:
Hebrews Thupuakte
Thumasa:
Hih Ni Nunung Nite Sungah
Amah in
numei nu amuh masakna mun in biakinn khat sung hi. Amah pen kamtai-a kisawl
khat hi. Amah amuh a kipan a lungsim ah teeng den hi. Lim kisuai pi 6 a sang,
pi 9 a zai numei lim khat muvat hi. Hih tangval in tua lim kisuai amuh a kipan
a tua mun panin paikhia lo hi. En gige den hi. tua lim kisuai in kua lim hi
ding hiam? Tawl khat a ngaihsut khit ciangin tua in numei mitte hi. Tua lim
kisuai in tua numei mah hi. numei mit in a et gige na khat a om hi. Bang in ama
ngaihsut la zo hi ding hiam? Tua lim kisuai panin a paikhia zo kei hi.
Kum
tampi khit ciangin tua limsuai Arnold Jiménez in tua bangin lim suaih a siamna
thusim tua mipa tungah a pulaak hi. Tua limsuaih in numei mit la-zo mahmah hi,
tua thusim in a mit- nauta hi. Na khat peuhpeuh nai takin limtakin en lecin tua
na na et in na mit-nauta sungah teeng hi. Numei mit in singlamteh tunga Jesuh
amu hi.
Hebrews
laikhak honglah Jesuh lim leh mel in i nuntakna-ah huzaap lianpi nei hi.
Amasa-in Jesuh in leitung leh vankhuanuai khempeuh a UKPa hi, ci-in pulaak hi.
Amah in Pasian ziat lamah a tu hi. Sim zawh loh vantungmite in Amah abia uh hi;
Amah a pahtawi uh hi. Ama na a sem uh hi. (Heb. 1:5– 14, Heb. 12:22–3 24). Amah
in uk theihna vangliatna a ngah hi. Bang hang hiam cihleh Amah in sihna thuakin
siatna in a beimang ding hi. (Heb. 2:14– 16). Jesuh in Siampi Lian belah
pahtawi-na a ngah hi. Amah in mawhna nei lo hi. Kicinna khempeuh tawh a kidim hi.
Amah in vantung biakbuk sungah eite adingin nasem dingin a nungta tawntung
hi.(Heb. 7:26–8:5). Tua bangin a ngah theihna ahang in Amah mah in sihna a hong
thuak hi. Ama sihna in mi khempeuh in hotkhiatna ngah nadingin a kicing hi.
Mimal khat ciat adingin kicinna hi (Heb. 10:1–14). Jesus in Pa Pasian leh amite
kiklah thuciamna a hong bawlsak hi. Tua thuciam (Heb. 8:6–13). In a kiptawntung
hi.
Jesuh in mi tampi tungah huzaap a neih theihna a
hangin Ama nasepnate hang hi lo-in Amah in kua hi, cih in huzaap lianpi a nei
hi. Amah in eimah bangin numei khat sung panin hong suakin, zia-etna leh mite
simmawh zahpihna a hong thuak hi. Ahih hangin amah in vangliatna khempeuh a
ngah hi. ni, kha leh aksite i et ciangin tunglamom nate in mihing telzawh loh
dingin lamdang uh hi. I mit in vankhuanuai-ah a lian pen vangliatna nei PA
tungah kinga hi. Amah in lamdang takin eite a hong gen hi. Bang hang hiam
cihleh Amah in eite khat bangin hong nungta hi. Jesuh, eite Sanggampa in
vantungah a om hi. Amah in eite tangin maizumna leh mawhna hangin biakpiakna
pia-in a om hi. Jesuh pumpi sungah hotkhiatna maipuak kigawm khawm bilbial hi.
Amasa-in mimal tawh kisai hi. Khristian nunzia hamsa asa thu-um mite adingin
(Heb. 10:32–34), Jesuh in upna kipatna leh upna kicingsak PA hi. Hih bang mite
in mawhneite thahna a thuak Jesuh mitsuanin a kalsuan ding uh kisam hi (Heb.
12:1–4). A nihin mihon tawh kisai hi. Pasian mite, Pasian kamciam Gamzuanin
khaulzinte adingin Jesuh in athak Joshua hi. Hih bangin a nungta mite in Ama
nungzui dingte a hi uh hi (Hebrews 3, 4, 11,12). A mai thumna in vankhuanuai
tawh kisai thu hi. Jesuh in a thak Adam, Mihing tapa, Amah in Pasian deihna a
kicingsak hi.(Heb. 2:5–10, Heb. 12:22– 28).
Jesuh nunzia in Pasian in mihingte a hong itna
thukin zai hi. hih thu tu quarter sungin i kikum ding hi. Tangval pa in tua
Jesuh lim kisuai a khenlah bangin Hebrews laikhak sungah Jesuh hong kipulaak
thu in i et tawntung ding bek hi lo-in Amah itna leh deihna a hong guan hi.
Jesuh in vantung a om eite Sanggampa hi.
LESSON 1
December 25-31
Hebrews pawlpi leh
Eite tungah Laikhak
Sabbath Nitak
Tu Kaal sung Sim ding: Heb. 2:3, 4; 1 Pet. 4:14, 11 16; Heb. 13:1–9,
13; 1kum. 19:1–18; Heb. 3:12–14; Gam. 13.
KAMNGAH: “Pasian’ deihna bangin gamta-in, ama thuciam na ngahtheihna dingun
lungduai-in thuakzawhna na kisam uh hi.’ (Hebrews 10:36).
Jesuh ahih keileh Nungzui sawmlenihte lak pan
khat ii thugen na za nuam hiam?Amaute thugennate a tom a kigelhna leh amau
thugennate lakah thu pawl khat Lai Siangtho sungah kimu thei hi.
Ahi
zongin tuate lak panin Pasian adingin thuhilhna kicing khat in Hebrews pawlpi
tungah Paul laikhak hi. Hebrews Bu gelh pen Paul hi. Ama laigelhte in
“hanthotna thu” (Hebrews 13:22) hi. Tua bangin ama thuhilhnate in Jew biakinn
(Sawl. 13:15) ahih keileh Christian kikhopna munte-ah (1Tim. 4:13) a gen thute
hi, cih kimu hi. Tua hi-in, Hebrews laikhak in a kigelh masa pen Christian
sermon hi, ci-in kiciamteh hi. Hebrews in thu-um mite tungah laikhak hi-in,
amaute in Jesuh sangkhin uh a, tua ciangin hamsatnatuamtuamte a nawk mite hi.
Mi kimkhat in maizumna thuak uh a, kimkhat in ahihleh bawlsiatna a thuak uh hi
(Heb. 10:32–34). Kimkhatte in ahihloh sum le paai hamsatna thuak uh hi. (Heb.
18 13:5, 6). Tampi takin gimna tawlna thuak khin uh a upna sungah a picing
thu-um mi hong suak uh (Heb. 3:12, 13). Tuhunin zong eite in zong tua bang ding
hi lo i hiam?
Sawltak
Paul thugenna in lungsim phonglawng thugenna hi. Thu-um mite in hamsatna
nawktan zo ding leh Jesuh sungah upna kip a hong nei-sak hi. Thu-um mite in
Jesuh mah mitsuan tawntung ding ihihna Hebrews in limtak hong hilh hi. Tu-in
Amah in vantung biakbukah eite adingin nasemin a om hi.
SUNDAY December 26
A Vanglian Kipatna
Vangliatna tawh kidim a kipatna sermon kigen
khat i tel nading leh i zak bangin nuntakpih theih nadingin thuhilhna a ngai
mihonpi leh bang hun a sermon cihte in hong huh thei ding hi.
Hebrews 2:3, 4 sim in. Lai Siangtho hunlai-a
Hebrews laikhak a simkha masate kikhelna-ah bangthu piang om hiam?
_____________________________________________________________
______________________________________________________________
Hebrews 2;3, 4 sunga thute in tua hunlai
Hebrews- mite in Jesuh thuhilhna za kha lo uh hi. Ahi zongin amaute Pasian
thugen sawltakte tungtawnin lungdamna thu za thei uh hi. Amaute in hotkhiatna
lungdamna thu tangko kawikawi uh hi.”
Paul in zong amaute tungah a kigen thute a
thukimpih hi. Tua thute Pasian mahmah in zong nalamdang tawh a theihpih hi.
Pasian in lungdamna thu a pulaakna-ah nalamdang a tuamtuamte leh Kha Siangtho
piak letsongte tawh a kipia khawm hi. Thukhun Thak sungah lungdamna thu a kigen
ngei nai lohna munte-ah a kigen ciangin nalamdangte in zui-in tua nalamdangte
sungah damna, dawihawlkhiatna, leh Kha Siangtho piak siamna a tuamtuamte a
kihel hi.
Khristian pawlpi a hong kipatcilin Pasian in
Jerusalem a om sawltakte leh Khristian pawlpi in lungdamna thu a kigen nailohna
munte-ah a gen thei dingin amaute tungah Kha Siangtho a pia hi. Amaute theih
ngeiloh pau nam tuamtuamte lakah lungdamna thu a hong kizel hi. (Sawl. 2, 3).
Philip in Samaria a piang nalamdang tawh
akibangin nalamdang a bawl hi.(Sawl. 8), Peter in Joppa leh Caesarea (Sawl. 9,
10), leh Paul in Asia Minor leh Europe gam sungah a zin kawikawi-na-ah zong
nalamdang bawl hi.(Sawl 13–28). A vanglian tua thute in hotkhiatna thupuak,
Pasian gam hong kiphut diing nasepna in mawhpiahna leh siatna panin suahtakna
hi (Heb. 12:25–29).
Kha Siangtho in Khristian mi masate tungah
mawhmai-na kiciantakin kingah hi, cih lungmuanna a pia hi; mawhmai ahih manin
thukhenna kihtak ding hi lo hi. Tua hi-in, amaute thungetna in hangsanna leh
kimuanna a ngahsak hi. Amaute thu-upna in nuamna tawh kidim hi. (Sawl.
2:37–47). Kha Siangtho in Satan hencip thuak mite a honkhia hi. Hih in Pasian
in siatna tungah zawhna nei hi, cih hong laak hi. Pasian Gam in amaute sungah
hong kipan pan ta hi, ciha pulaak hi.
Na kikhelna thu in koi bnag hiam? Bangci bangin
Jesuh Khrih sungh upna kip nei thei na hiam? Banghangin khat veivei i nuntakna
sungah na hong sem hi ding hiam, ci-in phawk ding kisam hi ding hiam?
MONDAY December
27
Hamsa pipi-in mainawtna
Thu-um
mite in Khrih upna nei-in pawlpi khat sungah a lut uh ciangin amaute in gamgi
nei suak uh hi. Ahi zongin tua bangin omna in buai-na phulpi khat hong suak hi.
Bang hang hiam cihleh amaute in pawlpi leh pawlpi thuzuihnate a hoih lo in thu
a khen uh hi.
Hebrews
10:32–34 le Hebrews 13:3 sim in. Hebrews pawlpi in a kikhel khit uh ciangin
bangci bangin kalsuan uh hiam?
______________________________________________________________
______________________________________________________________
Hebrews
pawlpi in amau upna a langpan mite hangin kosiatna leh bawlsiatna thuak uh hi
leh kilawm hi.
(Sawl.
16:19–22; 17:1–9). Amaute in thongkiat thuak uh hi. Sat thuak uh hi kha thei
ding hi. Bang hang hiam cihleh biakna makaite in gimpiak theihna le thongkhiat
theihna thuneihna a nei uh hi. Thukhenzum innpi sung a sep le bawl nate bangin
amaute in thukhen mangpa in mawhpaihin gimpiak theihna nei uh hi.( Sawl. 16:22,
23).
Hebrews
11:24–26 leh 1 Peter 4:14, 16 sim in. Koi bangin Moses phutkhak thute leh
1Peter laikhak in bang hangin Khristiante in bawlsiat thuak uh hi ding hiam,
cih hong hilh hiam?
___________________________________________________________
______________________________________________________________
Khrih
thuhilhtai-in thuak cih ciangin a khiat in Khrih tawh pum khat suakin maizumna
a khawm uh hi. Mite muhna-ah Khristiante in mite muhna-ah langpanna leh
maizumna a thuak uh hi. Bang hang hiam cihleh amaute in upna sungah a kip mite
hi uh hi. Thu-um mi kimkhat in biakna kalsuanziate tungah lungkim lo uh hi.
Amaute in tua bang thute tel lo uh hi. Amaute nunzia in maizumhuai-na tawh
kidim a, siatna sung tung uh hi. Kum zalom zali sungin Tacitus in Khristian
khat le khat kimudah mawhna nei uh hi.”Alfred J. Church and William J.
Brodribb, trans., The Complete Works of Tacitus, (New York: The Modern Library,
1942) Annals 15.44.1. Whatever the exact reason for that charge,
Khristian
masate sungah up khialhna om hi. Paul in amaute tungah laikhak khat gelh a,
amaute upna hangin amaute in bawlsiatna thuak ding uh hi. Khristian khempeuh in
bawlsiatna thuak lo hi. Tu-in Khrih hangin bawlsiatna a thuak uh hi. Khrih
adingin bangzah gimna na thuak hiam? Eite deihtelna hangin bangzah gim na thuak
hiam?
TUESDAY December 28
Omdan nop lo
Hebrews pawlpi in bawlsiatna, nawl khinna thuak
uh hi taleh Khrih tungah upna kip nei-in Ama tungah a kipia thu-um mite hi. Hih
buai-na in hun sawtpi sung sawt hi. Amaute in limtakin do uh a, zawhna a ngah
uh hi. Ahi zongin gimna le tawlna tawh a kidim uh hi.
Hebrews 2:18; 3:12, 13; 4:15;10:25; 12:3, 12,
13; 13:1–9, 13 13 sim in. Hebrews pawlpi in bang hamsatna thuak uh hiam?
___________________________________________________________
______________________________________________________________
Hebrews hong gen thu in eite in tatsat lo-in
hamsatnate i thuak ding hi, ci hi. Zahko-nate le a tuamtuam langpanna lianpi a
thuak uh hi (Heb. 13:13). Thu-um mi kimkhatte in thongkiatna thuak uh hi. (Heb.
13:3) pawlpi sungah sum le paai hamsatna leh lunggimna lianpi hong tung hi.
Amaute in gimin tawl khin uh hi (Heb. 12:12, 13) lungkiat ding baih mahmah
dinmun tung uh hi (Heb. 12:3, NIV).
Mimal in ahi a, mihon in a hi zongin zawhna khat
a neih uh ciangin lungnopna ngah uh hi. Zawhna ngah khit ciangin gal do dingin
lawp zo nawn lo uh hi. Tua bangin a nihvei-na galdo ding hamsa ngaihsut zaw uh
hi.1 Kum. 19:1–4 sim in. Elijah tungah bang thu piang hiam?
______________________________________________________________
______________________________________________________________
Ahi zongin tua bangin a dawnkikna-ah upna lianpi
leh vanglian takin zawhna Elijah tungah hong tung hi. Amah in Carmel mual
tungah kikhelna in sawt khom lo ding hi, cih thei ahih manin Elijah lau-in
lungkia-in aom hi. Amah in Pisgah mualdawnah lapsangna ngah khin hi. Tu-in amah
in zangkuam sungah lungkia-in om hi. Vanglian Topa ompihna mu-in upna sittelna
a kantan khit ciangin amah in tu-in lungkia-in om hi. Jezebel vau-na awging
abil pan bei thei lo hi.Satan in hih numei gilo khatzatin nei-in kamsangpa in
lau-na tawh kidim hi. Pasian amuan ding le AMa tungah a kingak ding mangngilh
hi. Kamsangpa in pahtawina lianpi ngah khin hi napi, Jezebel a kihtakna lianlua
hi. Elijah in Pasian mangngilh in buk nading mun zongin a tai-na-ah gam simtham
kuama om lohna mun khat hong tung hi.” Ellen G. White, Prophets and Kings, pp.
161, 162.
Khristian thu zuihna-ah lawhsap hunte ngaihsun
kik in. Tua bangin lawhsapna a piangsak thu le late zong ngaihsun in. Koi
bangin tua lawpsapna na zo thei ding hiam?
WEDNESDAY December 29
Kituakin Mainawtkhawm
Thu-um
mite dinmun zui-in Sawltakpa in bang lamhilhna nei hiam? Hebrew pawlpi tung
panin bang thu na ngah thei hiam? Pasian in lungkia-in a om Elijah bangci
bangin huh hiam, cih kantel in.
1
Kum.19:5–18 sim in. Pasian in Elijah in upna
kip a ngah nadingin bang sem hiam?
________________________________________________________________
________________________________________________________________
Carmel a
thupiangte khit ciangin Pasian in Elijah tawh a kizopzia in lamdang hi. Bang
hang hiam cihleh Carmel khit ciangin Pasian in Elijah itna leh pilna guan hi.
Tua bangin a guatna ahang in a lunggimte leh lungkiate thaguan kik ding hi;
uplahna tawh a om mite leh uplahna neite in upna sungah a kip thei ding uh hi.
Pasian in Elijah adingin na tampi sem hi. Amasa-in kamsangpa pumpi kitangsapna
a pia hi. Annek tuidawn leh tawlngakna apia hi. Tua khit ciangin Elijah in
leihawm sung a tun ciangin Pasian taihilhna a ngah hi.
“Hih munah bangsem na hiam? ci-in thudong hi.
Elijah in Pasian nasepzia leh Ama ngimnate theihtelna a nei semsem hi. Pasian
in huihpi sung, zinlinna sung leh mei sungah om lo hi. Pasian in Elijah awdam
hiauhiau tawh a hopih hi. Tua ciangin Pasian in Elijah sep ding hilhin amah a
ompih ding zong a hilh hi.
Hebrews
2:1, 3:12–14, 5:11–6:3 le Hebrews 10:19–25 sim in. Thu-um mite in bang sem
dingin Paul in hong hanthawn hiam?
_______________________________________________________________
______________________________________________________________
Hebrews
Bu sung khempeuh in nidangin a upna kip sungah kalsuan dingin a hilhna thu kimu
hi. Tua bangin upna kip sungah kalsuanna-ah pumpi taksa kitangsapnate khat le
khat kihuh dingin hanthawn hi. Amaute in zindo a hahkatte hi ding uh hi.
Thongkiate kiangah hawh ding uh a, amaute kisapnate huh ding uh hi. Piaknopna
lungsim nei-in khat le khat tua bangin kihuh ding uh hi. Pasian in amaute nusia
lo diing ahihna thu zong a hilh hi (Heb. 13:1–6). Paul in amaute
theihkhialhnate zong a hilhin a hanthawn hi. Amaute in lam a pialkhak loh
nadinginna kidawm takin kalsuan dingin zong a hanthawn hi (Heb. 2:1) Thu-um lo
mite tungah lungsim sia koih lo dingin zong a hilh hi. (Heb. 3:12). Tua banah
amaute in thu upna leh theihtelna-ah khangto ding uh hi (Heb. 5:11–6:3). Tua
banah biak kikhopnate in thupi ahihna thu zong a hilh hi (Heb. 10:25). A tomin
pulaak leng Paul in amaute in mainawt khawmin, khat le khat ki-itna nei-in na
hoihte sem a, khat le khat tha kipia ding banah Jesuh leh vantung biakbukah
thu-um mite tangin a nasepnate pulaak dingin a hanthawn hi. (Heb. 14 8:1, 2;
Heb. 12:1–4).
THURSDAY December 30
Hih Nite sungah
Hebrews 1:2; 9:26–28; 10:25, 36– 38; 12:25–28
sim in. Hun tawh kisai-in Paul in bang thu gen hiam?
___________________________________________________________
___________________________________________________________
Sawltakpa in thu-um mite a hanthotna-ah a thupi
mahmah khat leh a kitangsam thu a pulaak hi. Amaute in hun nunungah a nungta
mite hi (Heb. 1:2) leh Pasian kamciamte in a tangtung ding hi ta hi. (Heb.
10:36–38). Paul in tua bangin a laikhakna-ah sehnel gam sunga om Israelte le
Khapsa gam lut ding hita, Canaan gamgi a tunna thute tawh a genteh hi. Paul in
amaute tungah “A sawt lo-in Topa hong pai ding a, ahong zekai kei ding hi,”
ci-in gen hi.(Heb. 10:37). Tua khit ciangin Paul in “ Thuman panin lampialte
bang lo-in hotkhiatna sung a kalsuante bangin nungta dingin a gen hi. (Heb.
10:39). Hih bangin a hanthotna-ah Paul in Pasian mai-ah thu-um mite in Ama
kamciamte a tangtunna mu ding uh hi, ci-in gen hi.
Gamlakvakna in hih thute tampi hong hilh hi.
Khapsa gam a lut ma-un Israelte in galte dona nihvei a thuak uh hi. Israelte in
galin om uh hi. Amasa gallelhna thu Gam. 13 leh 14 in hong hilh a, makaite
sungah uplahna in mipi lak dongin hong kizel hi. Amaute uplahna hangin guallel
uh hi. Tua thu hangin amaute in makai thak khat teelin Egypt ah kilehkik dingin
ngaihsun uh hi. Tua hunin amaute in Canaan gam a lut ding uh hi ta hi.
A nihna-ah Israelte in Baal Peor munah numei
pasal paaktatna nei-in milim bia uh hi (Gam.24, 25). Balaam in Israelte a
samsiat theih loh ciangin Satan in Israelte numei pasal paaktatna-ah maikaihin
milim biakna tunpih hi. HIh thute hangin Pasian hehna in amaute tungah hong
tung hi. Sawltakpa in Hebrews pawlpi in tua bang lauhuai-na sung a tun khak loh
nadingin a vauhilhkhol hi. Amasa-in Amahin Jesuh sungah upna leh Jesuh bek
mitsuan dingin ahanthawn hi (Heb. 4:14, Heb. 10:23, Heb. 12:1–4). Nihna-ah
amaute in numei pasal paaktatnate pelh ding leh huiahamna, mi neihsa
deihgawhnate nusia dingin a hilh hi (Heb. 13:4–6).
A nunung pen ahilh thu in amaute in makaite
sawlna nial lo-in thuman dingin a hanthawn hi( Heb. 13:7, 17).
Mite omzia theihtelna in khit ciangin mitphiat
kalin Jesuh Nihveina hong kum ding ahih na thu ngaihsun in. Bangci bangin
lametna a nei khempeuh in hun nunung sungah nungta ding uh hi, ci thei i hiam?
FRIDAY December
Ngaihsutbeh ding: David A. deSilva hilhcianna-ah Bang hangin Khristian
masate in bawlsiatna thuak uh hi ding hiam, ci-in a hilhcianna-ah: “Khristiante
in midangte tawh kibang lo -in nungta uh hi. Amau nunzia in tuam phadiak hi.
Pasian tuamtuamte tungah a citakte in biakpiaknate-ah kihel uh hi. Tua bangin
biakna kulhkal mite in Kumpi, Gam makaite, lawm le gual, innkuan tungah
cihtakna hi, ci-in ngaihsun uh hi. Biakpiakna pen gam sung khua sung bitna leh
nopsak nadingin ngaihsun uh hi. Tua bangin biakna a zui lo mite (Christiante
leh Jewte ) pen gam thukhun palsatte leh gam sung hoih nading a langdo mite hi,
ci-in ciaptehna ngah uh hi. Perseverance in Gratitude (Grand Rapids, MI:
Eerdmans Publishing Company, 2000), p. 12.)
Lungkiatna
dam nading zatui om hi. Tua zatuite in upna thungetna leh nasepna hi. Upna leh
gamtatna in khamuanna leh lungkimna hong pia ding a ni khat khit ni khat upna
kip semsem ding hi. Lungkiatna leh lamet bei-in na upna nusia ding na ngaihsun
kha ngei hiam? Na lampi in khuamial mahmahin kalsuan nading thei lo-in na om
ngei hiam? Lau kei inla, Pasian muang in. Amah in na kitangsap thei hi. Amah in
na khempeuh a sem thei hi. Mong nei lo Ama itna leh hehpihna in bei hun nei lo
hi. Amah in kamciam ombangin tangtungsak ding ahih manin lau kei in. Amah a it
mite tawh a thuciam khel ngei lo hi. Ama tungah a citak ama nasemte kisapna
khempeuh Amah in a pia hi. Sawltak Paul in hih bangin a pulaak hi: “Amah in ka
hehpihna nang adingin kicing hi; hong ci hi. Tua ahih manin Khrih vangliatna
kei tungah a om theih nadingin lungdam semsemin ka thaneemna ka kisialpih ding
hi. Kong it lawmte aw ka hih khempeuh uh note thakhauhsak nading ahi hi.” 2
Corinthians 12:9,18 10.”—Ellen G. White, Prophets and Kings, pp. 164, 165.
Kikup ding Dotnate:
1.
Khristian
upna hangin midangte bang lo-in kilamdan nei ding a piang thei ding mah a hi
hiam? Amaute tawh kikhen hi lo-in ahi zongin amau tawh kipawl lo-in i nungta
thei hiam? Midangte tawh kibang lo-in tuampianin kinungta thei ahih leh koi
bangin piang thei ahi hiam?
2.
Lai
Siangtho sungah “Hanthawn” cih kammal in khialhna khat a manin bawlpha kik,
thapia cihna zong kihel hi. Lampialin a lungkia mi khat lampi man a tunkik
nading leh tha ngah nadingin bangci huh thei ding na hiam?
3.
Hebrews
pawlpi tuahkhak thute leh Laodicea pawlpi dinmun a kibang a om hiam? Mang.
3:14–22? Kum tul nih bang a sawt khit hangin koi bangin i phutkhak thute in
kibang hiam? Tua kibatnate tung panin bang thu nuntakpih ding i hiam?
