OUDOMXAY KHUA-A MEIGONG NU
LAOS | March 5
Sadua Lee, 33
Sadua
in Laos gam saklam ah kituah nuam lo hi.
Pawlpi makaite in a dot uh ciangin pastor pa in paulap tuamtuam gen hi. Sadua in Laos gam sung Oudomxay cihna mun ah
teeng hi. Hih munah SDA mi khat zong om lo hi. A tawpna-ah a zi tawh sapna
ngahin phalbi sungin innkhat sapin om uh hi. Phalbi mawkmawk hi lo-in vot
cihtakmahin vot a, vukkhal leh tuikhal mangkhin hi. Ganhingte leh singkung lopa
si khin hi. Tua bangin cikmah hunin khua vot ngei lo hi. A innsapna uh inngol
khat hi-in lupna,
refrigerator, zan puan cihte bangmah nei lo ahih manin huih vot mahmah hi. Huih
a nun ciangin inn sungah huih lutin khua dam mahmah hi. Innvengte in zanpuan
hawm uh a, tampi nuamtuam mahmah hi. Ahi zongin Sadua in khuavotna hangin lungkham khol lo-in ama lunghimawh
pen in
bangci bnagin Hotkhiatna thu
Gen ding cih lungkham zaw hi. Hotkhiatna thu a langpan mite tungah hotkhiatna thu gen ding hamsa mahmah hi.
Amasa-in a zi bek tawh biakpiakna nei uh hi.
Amau kia bek hi-in lungkia uh hi. Hotkhiatna thu bangci gen ding cih pen thei
zo lo uh hi. Amaute in koi bangin lungdamna thu gen ding cih thei lo uh
hi. Hun khatlai-in ukna nei makaite in
amaute tungah thusitna nei uh hi. Amaute lau-in lungkia uh hi. Sadua in pawlpi
makaite tungah huhna ngen hi. Pawlpi makaite in zong bangci huh ding cih theithei
lo uh a, thunget ding simloh bangmah dang gen thei lo uh hi. Pasian in pilna
guanin thungetna tawh kalsuan ding simloh lampi dang om lo hi, ci-in gen uh hi.
Pastor Lee in zong pawlpi makaite cih bangin thungenin Topa tungah ki-ap hi.
Pastor Lee in khuakimkotin vak
kawikawi-in thungen hi. Khua nawl mualtungah kahto-in tua mun panin khua sungteeng enin thungen hi. Sabbath ni khat khua sung mite inn khatah
hawh hi. Tua bangin a hawhna-ah nupi khat dawivei amu hi. Tua mu kiangah
vanaihphei-in, tua nupi nu kol kibulhin om amu hi. Nupi dang nga zong dawivei
uh a, kha nih sung bang kolbulhin a om uh hi. Guaktangin om uh a, lungsim maan
lo-in om uh hi. Ui bangin gamtang uh hi. Sadau pasal a sih khit ciangin dawivei
ahihlam kithei hi. Khua hausate in thunget a phal nadingun ngen hi.
Hausate in zong thungetna neihsak uh a, ahi zongin bangmah
kilamdana om lo hi. Sadua in a khut a lutungah koihin thungen hi. A zingciangin
zong tua bangin thungetna nei hi. Kaal khat khit ciangin tua dawivei nupi in
annei thei, tui dawnthei-in damsiang hi. Midangte tawh zong kiho kikhawl thei
hi.
Ni khat ni-in
nupi in a lungsim Jesuh tungah ap hi. Dawi in bangmah bawlsia nawn lo hi. A
tawpna-ah hausapa in a puansilh ding pia,
kolte a phel khia hi. A innkuanpihte zong lungdam mahmah uh hi. Meigong
nu in ta nga anei hi. A tate in Sadua
innah om uh a, a nu tawh om ding lauhuai lai hi, ci-in agen uh ciangin tawlkhat
sung Sadua innaha om photlai uh hi.
Lai Siangtho thusinna a neih khit uh
ciangin meigong nu le a ta u zaw nihte
tawh tui kiphum dingin khensatna nei uh hi. Tua khua kimah amau innkuan in SDA
upna a um mi masate hong suak uh hi. Oudomxay khua le a kimle paam khuate ah
Jesuh thu a kizel hi. Khua sung mi tampi in Sadua innah hong pai uh hi. Mitampi
in lungdamna thu umin amau Honpa dingin Jesuh Khrih a sang thei uh hi.
Tu-in Oudomxay khua-a dawilut meigong
nu in khuapihte lo-ah nasemin anlak hun caingin ama nasep thamanin buh a ngah
kik hi. Amah in lo nei lo hi; ta nga nei hi. Hih meigong dawilutna panin damna
ngahin ama hangin a khuapih mi tampi in Jesuh thu-um mi hong suak uh hi. Ama
adingin thungetsak ni. Laos gama thu-um mite adingin thungetsak ni.
Tu quarter Sabbath School 13na sumpi in
Laos gamah kipuak ding hi.
