Upna hangin bawlsiatna thuak
LAOS | February 26
Kina, 14
Kina
in nawhsa takin Seventh-day Adventist
innah vatai hi. Amah pen kum 14 pha pan hi. A nu le pate in khau tawh hensawm
ahih manun amah le ama thu-in suakta thei-in pastor pa innah a vatai ahi hi. A
nu le pate in satin vua uh a, a u nu in
zong bawlsia-gawp hi.
Kina in bang mawhna bawl hiam? Bangmah siatna baw lo napi-in a innkuanpihte in Kina bawlsia uh hi. Kin in SDA pawlpi-ah tui kiphum ding khensat ahih manin a innkuanpihte in SDA a suah ding deih lo uh ahih manin tua bawlsia uh hi. Kina in SDA pawlpi ah tui kiphum hi. A kituiphum a kipan a innkuanpihte in bawlsia uh hi. Nidangin itna tawh kidim a innkuanpihte in tu-in a galte hong suak mawk uh hi. SDA upna nusia a pu a pate biakna zui dingin a nu le pate in genpih den uh hi. Ahi zongin Kina in bawlsiatna thuak taleh a upna nusiat ding ngaihsun thei lo hi. A lawm le gualte in zong nidang hunte bangin kithuahpih dingin a deih nawn kei uh hi. Ahi zongin thu-um mi tawmno khat om a, tuate tawh kikhawl thei hi.
Hih
thu-um mite in lokho, huan bawl nasep le a om bangbang nasemte ahi uh hi. Kina
in amaute tawh kikhawl thei ahih manin nuamsa hi. Jesuh in ompih ahih manin
Kina in hamsatna tuamtuamte a do zo thei hi. Kha Siangtho in ompih ahih manin
Kina in bawlsiatnate a naang zo hi. Kina in Jesuh adingin a nuntakna a kipia
hi. Bang bang hamsat gentheihnate thuak
hi mah leh a upna nusiat ding a
ngaihsun thei kei hi. A nu le pa, a
innkuanpihte bawlsiatna thuakin bang tan vei hih bawlsiatna thuak zo ding hiam?
Koi mun panin huhna ngah thei ding a, kua beel ding ahi hiam?
Kina
in pai nading, beel ding bangmahnei lo hi. Inn a ciah ding pen lau mahmah
hi. A sanggam dangte innah zong hawh
ngam nawnlo hi. Bang hang hiam cihleh a sanggamte in zong a upna nusia-a
dawibiakna zuikik ding hanthawn den uh hi. Hausa upate kiangah zong pai ngam
tuan lo hi. Bang hang hiam cihleh tua
bangin pai hi mah leh zong hausa pa pen a sanggamte khat uh hi-in na nu le pa
thu mang in, ci ding uh ahih manin koi mah pai ngam lo hi.
Nu
le pa thu man ding hi mah hi. Lai Siangtho in zong nu le pa thu man ding hong
hilh hi. Ephesians 6:1 sungah “ tate aw,
na nu le na pa thu na mang un. Tua in
Topa mai-ah a thuman ahi hi. Ahi zongin bangci ciang nu le pa thu mang thei
ding i hiam?
A
pumpi tungah liamna tampi dim hi. Kina in
Pastor pa innah tai-in a hamsatnateng va pulaak hi. Ahi zongin sawt thei tuan
lo hi. A nu le pa ten a zonma-in a sanggamte kiang khatah pai dingin a gen hi.
Ni nga khit ciangin a nu le pate in mu
zo nai lo uh hi. A innah ciahkik ngam nai lo hi. Bang hang hiam cihleh a nu le
pate in bawlsia lua hi. A pa in thau tawh kap a, Kina in laulua ahih manin a
awtgawp ciangin thautang a lu tungah pai suak
hi.
Bangbangin
bawlsiatna a thuak hangin Kina in a upna nusiat ding ngaihsun lo hi.
Bawlsiatnate naang zo-in upna sungah a kip
semsem nadingin Kina ading thungetsak ni. Vantungmite in na kemin lauhuaina
panin na dal ding uh hi. Kina nu le pa adingin zong thungetna ah phawk ni.
Kina
nu le pa lungsim neemin Pasian thuman sangthei-in a up theih nadingin zong thungetna
kisam hi. Pawlpite adingin zong thungetsak ni. Cimawh bawlsiatna thuak a pawlpi
mi khat uh a huh zawh nadingin thungetna kisam hi.
Tu
quarter Sabbath School 13na sumpi in Laos gam a om Kina khua-ah sanginn khat
kiphuan ding ahih manin tua munah kipuak ding hi. Naupang khangno tampi in
Pasian thuman amuh theihna mun khat hong suak dingin lametna kinei hi.
