PASIAN A NUNTAKNA PIA
13th Sabbath: Thailand | March 26
Charmaine Ku, 38
A beisa sipi kaal nih sungin Charmaine
in a nu a zahtak theihna thute i za khin hi.
Naupang kum 5, 6 gualte tungah music ka hilhna tungtawnin lamet loh thu khat ka tuak kha hi. Sanginnah leitung mite pawi tuamtuamte Santa Claus, elves, vanzuakna pawite ka mu ciangin lamdang kasa hi. Music sinna sungah zong dawibiakna hong lut hi, ci-in ka ngaihsun hi. Music sinna-ah zong dawi biakna vanzat tuamtuamte zong ka zang uh hi. Lamdang kasak thu in ka san gnaupangte lak panin a pil penpen nih, Ethan le Lucas in music sinna-ah hong kihel lo uh hi. Music vanzatte ka tum uh ciangin a bil uh na hum uh a, bawngki, sialki ka tum uh ciangin zong hong kihel nuam lo uh hi.
Laisinna ka man zawh khit uh ciangin
amaute tawh ka kiho uh hi.
“Bang hangin no hong kihel nuam lo na
hi uh hiam? “Bang hangin music sin nuam lo na hi uh hiam, ci-in ka dong hi.
Ethan in hong dawnna-ah “Kei pen Christian
thu-um mi khat ka hi hi. Hih bang music le awgingte ka ngai kei ding uh hi.,
ci-in hong dawng hi. Tua ciangin hih naupangte a khitui hong luang hi. Lucas in
hong dawngkikin thukim mahmah hi. Ka nuntakna-ah thu hilhna lian mahmah hi,
ci-in ka ciamteh hi. Pasian in hih naupangnote tungtawnin thu hong hilh hi;
bang hangin hih naupangte tungah dawi tawh kipawl thute hilh ding ka hi hiam?
ci-in ngaihsutna khat hong lut hi.
Pasian pen lawmkhat bangin maingap
takin le muantakna tak tawh thu ka ngen hi. “Kong it Pasian aw, ka nuntakna a
nunung penin kong pia hi, ci-in thu ka ngen hi. “A beisa hunin tam veipi thu ka
ngen hi. Ahi zongin kikhelna bangmah ka nei thei kei hi. Mawhna sung ka tungkik
pahpah hi. Thungetna in bang kimanna nei hiam, ci-in ka ngaihsun hi. Pasian
nusia vet ding ka ngaihsun hi. Nipi kaal nih hun sung ka nasepna pan hun awng
ka ngah hi. Inn panin mundang khatah om ding ka lunggulh hi. Tua hi-in Lai
Siangtho sangkah dingin ka kuankhia hi. Topa aw, tutunga ka thungetna in a
tawpna hi ta ding hi. Thu ka ngetnget hangin bangmah kilamdanna nei thei keng,
hong khahkhia ta mai in, ci-in thungen hi.
SDA innkuan sung panin a khangkhia
thu-um mi ka hi hi. Ka neutung a kipanin
biakinn pai-in biakpiaknate-ah ka kihel den hi. Ahi zongin nop ka sakna om lo
hi. Khristian hi lo nungak khat tawh ka kingaih uh kum 8 sung bang nuam kasa
zaw hi. Ka nasepna panin khasum tampi ngah ka hih manin ka lungkim lel hi. Ahi
zongin lungdaihna ka nei thei kei hi. Thungen denin ka om hangin lungnopna ka
nei thei kei hi. Lai Siangtho sangkahi ka om a, nip kaal nih sung bang biakbuk
thu thusinna ka nei hi. Biakbuk tawh kisai thu bangmah ka thei kei hi. Lai
Siangtho zong ka sim ngei kei hi. Khat veivei ciang bekin biakinn ka pai hi.
Pawlpi mite in a bangci SDA thu-um na hiam, hongci zel uh hi. Pasian tawh mimal
kizopna ka neihlohlam ka phawk hi.
Lai Siangtho sangkahin ka om laitakin Ezekiel
37:4-5 ka sim hi: “Topa in ka tungah thu hong gen a, “hih guh lompi tungah
thugen in; “no guhlompite aw, Topa thu ngai un. Hih guhlompite sungah ka om
dinga a nungta ding uh hi. Hih in kamsangpa mangmuhna hi-in Topa kammal
tungtawnin khanlawhna taktak hong tung ding ahihna thu pulaak hi. Topa huu-Kha
Siangtho in khanlawhna hong piangsak ding ahihna thu hong hilh hi. Tua in
Pasian tawh kizopna kip ahi hi. Tua hun a kipanin Kha Siangtho tawh kidim
dingin thu ka ngen hi.
Biakbuk thu ka sinna sungah Pasian hong
itna thu ka mukhia hi. Amah in mawhna khempeuh hong maisak thei ahihna thu zong
ka mu hi. Tua huna kipanin amah tawh nungta khawm den ding ka lunggulh hi. Pasian
hong itna in kicing hi. Nuntakna a hawmpi hong dimsakkik hi. Ka lungtang Jesuh
ka piak a kipan lungnopna tawh ka nungta hi.
Ka nasepna panin nipi nih ka tawlngak hun
sungin Lai Siangtho sangkahkik dingin ka ngaihsun hi. Hih munah Daniel le a lawmte thum in Topa tungah a cihtakna uh
thu ka sin uh hi. Amaute in Nebuchadnezar milim biak ding hang takin a nial uh
hi. Ethan le Lucas in Pasian tung bekah cihtak ding a khensat u hi.
Ka nasep nusia dingin Pasian in hong
deih hi ding hi, ci-in ka ngaihsun hi. Ahi zongin keima tha tawh nusia zo lo ka
hih manin Lai Siangtho thu hilh sia dang khat kiangah ka pulaak hi.
“Na teci panna thupi mahmah hi’ Ahi
zongin bangmah nasep om nai lo hi, hongci hi. Zingsang biakpiakna tungtawnin
Pasian in hong hopih hi. Ellen G. White gelh Christ’s Object
Lessons bu ka simna tungtawnin Kha Siangtho hong hopihna ka
phawk hi. Ama tungah i kingak ciangin muanhuai hi. “ Sapna na ngah ciangin zekai kei inla ka Leenggah huanah nasem
dingin na pai ding hi, ci-in Pasian hong sawlna ka phawk hi. Tu in “Ka leenggah
huan ah va kuan in. Tuni-in a aw na zak leh na lungsim khauhsak kei in.” Kha
Siangtho in Charmaine nuntakna makaihin hotkhiatna thu a thei nai lo mi tampi in a thei uh hi.
Tuma kum thum hunlai Sabbath School
sumpi13na in Charmaine sangkahna Adventist
International Mission Sangah kipuak hi. Tu quarter ciangin
sangbehlamna Korat ah sanginn khat lam nadingin kipuak ding hi.
Nung Sabbatha i
kizaksakna om bangin sumpi khiat ngei a zah thum khia ciat ni.
