A
lamdangthu thuk thumte
MONGOLIA
| October 23
Batzul
Ganbold, 30
Hih dotna thumte in Batzul lungmangsak mahmah hi. Naupang khat ahihna tawh thudot tampi nei hi. Bang hangin sakol pen sakol kici hi ding hiam? Ui pen ui kici hi ding hiam? ci-in a dot kawikawi hangin kuamah in dawng lo hi. Ni khat khuasung a vakna mun khatah signboard golpi khat mu kha hi. Tua signboard tungah zatep loh ding kigelh hi. A pa tungah “banghangin mite in zatepna in lauhuai hi, cih thu thei napi-in zatep veve uh hi ding hiam, dong hi. A pa in nuihsan ziau-in bangmah dang dawng nawn lo hi.
A tapa in sihna thu ngaihsunkha hi. A
pa in kaal natna nei-in cina-in gim hi. Amah in sih khit ciangin bangpiang hiam
cih pen thei lo hi. Kuamah in misite omzia a hilh thei om lo hi. A pa sih khit
ciangin Batzul nunzia tampi kilamdang hi. Amah pen kum 16 hi pan hi. A pa nusiat khit ciangin a nu leh a naute
numei thumte tawh omlai uh hi. Innkuan sung kisapna tuamtuam a vaihawm pipen
hong suak hi. mun khat ah nasep hong ngah hi. A nasepna mun panin zatep hong
kipan hi.
Ni khat, a sanggam numei khat a
kituahna South Korea panin hopih a, Batzul in biakinn ah kikhawm dingin vaikhak
hi. Tua hun a kipan amah zong kikhop kipan hi.
had started attending a church.
“U-B biakinn ah kikhawm in,” ci-in a u in sawl
hi. Mongolia mite in Mongolia khuapi Ulaanbaatar, pen “U-B” ci-in kiciamteh
hi. Batzul pen Khristian hi lo hi.
Khristian upna zui dingin ngaihsun ngei lo hi. Ahi zongin Phone nasem khat
tungah huhna ngen hi.
“Hehpihna tawh U-B omna hong hilh in,
ci-in dong hi.
Phone nasem nu in zong U-B omna mun
hilhpahh hi. Kha tampi khit ciangin a sanggam nu in Batzul biakinn ah na
kikhawm hiam ci-in dong kik hi. Batzul
in kikhawm ahih manin a sanggamnu zong nuam mahmah hi.
“Koi bangin Sunday nisial in kikhop
hun ngah thei na hiam? ci-in a sanggampa dong hi.
Batzul in “Sundays ee?” Kei kikhop ni
in “Saturdays” ni hi, ci-in dawngkik hi. Tua bangin Batzul in a dawnna thu a
sanggam nu in lamdangsa hi.
“Na kikhopna biakinn in bang pawlpi
hiam ci-in kidongkik uh hi. Batzul in
Seventh-day Adventist upna zui dingin ahihna a sanggamnu tungah ahilh hi.
Tua bangin SDA biakinn ah a kikhopna
panin gamtat hoih lohnate nusiat thu kigen hi. Zatepna in mawhna ahihlam hong
tel hi. 1 Corinthians 3:16 sunga kigelh I pumpi in Kha Siangtho hong tenna
biakinn hi, ci-in hong hilhna thu Batzel in a um thei hi. Ahi zongin a zatep
nusia zo lo hi.
Ni khat a innsung inn dei sung khatah
kibilhcipin om hi. Tua sungah a zatep hi.
“Pasian om takpi ahihleh zatep hong kideek
zosak in. A zatep tumbaang kongkhak ah paai khia hi. Aawm dimin huih dika,
nopna leh daihna tawh hong kidim hi. A zingciangin Batzul in a ip sung a
sawksuk kik leh zatepna meisah lawngkha hi. Tua ni suun tawntung zatep lo-in om
theih ahihlam hong kiphawk hi. Zatep nopna lungsim nei nawn lo hi. Biakinn ah kikhopna-ah a meisah
lakhia-in Lai Siangtho sinsak makai sianu tungah “ za ka tep nawn loh ni li
bang pha khin hi, ci-in a lungdamna thu pulaak hi.
“Jesuh munkhin nai ve” ci-in sianu in dawngkik
hi. Batzulin theihnopna lungsim Lai Siangtho sin hong kipan hi. Piancil sung a
sim ciangin Adam in ganghingte minvawh hi, cih simkha hi. Khrih leh Satan kikal
Kidona Lianpi thu zong hong theibeh hi. Satan in Khrih nasep kisia dingin
hanciamin nasem a, thu-um mite zia-et hi, cih hong mu to semsem hi. Amah in
sihna pen mang nei lo ihmuhna tawh kibang hi, cih hong thei to hi. Jesuh sungah a si khempeuh in Ama hong pai
kik ciangin nungta kik ding uh hi, cih thu a theihbeh hi. Amah in a lungsim
Jesuh tungah a kipia hi.
Tu-in Batzul in kum 30 phakhin
hi. A zi tawh Mongolia gamah Global
Mission tawh nasem uh hi. Nisim nuntak
khuasakna-ah i phut khak i tel zawh loh thute Lai Siangtho in a hong hilhna thu
thei to semsem hi. Jeremiah 29:13, pen a deih mahmah Lai Siangtho mun hi.
Pasian in “ na lungsim khempeuh tawh kei na hong zon uh leh nong mu ding uh
hi,.” ci hi.
A beisa kum thumlai-in Sabbath13na
sumpi in Mongolia gamah sanginn lamna-in kizang hi. Tu quarter Sabbath 13na
sumpi in Mongolia khuapi Ulaanbaatar ah Adventist Nunzia cih tawh kisai innpi
khat nadingin kipuakkik hi.
MUC in Sawbua pawlpi huang um nadingin
kipuak ding hi.
