Vantung
tawh kizopna
MONGOLIA
| October 16
Cathie
Hartman, 55
Narrator: Cathie leh a pasal Brad in Communist khit Mongolia gamah missionary nassem in avapai uh hi. 1991 kumin Adventist Frontier Missions tawh nasem khawm uh hi. Amah in Mongolia ah tuni dongin Pasian nasem lai hi.
Cathie, aw koi bangin thu na ngen
hiam?
Cathie: 1991 kumin Mongolia ka tun
uhteh Pasian in thungetna tawh nasem dingin hong hong
sawl hi, ci-in ka thei hi. Ahi zongin
Pasian tungah tatsat lo-in thungen zo kei ning, ci-in ka ngaihsun hi. Bangci
bangin Pasian adingin thungetna tawh galdo thei ding ka hiam, cih ka ngaihsun
hi.
Ka pasal a sih khit ciangin pasal ka
nei kik hi. Asia gam khatah ka kituah uh
hi. Tawmvei sung ka om khit uh ciangin Pasian in thungetna tawh nasem dingin
hongs am hi, cih kiphawk theihna khat ka nei hi. Hih zong ut lo pipi-in ka sang
a, “ni khat thum vei thungen dingin ka khensat hi.. Tua ka thunget a kipan
nalamdang ka mu hi. Ka pasal, ka tanu thumtawh ka innkuan un ni khat thum vei
thu ka ngen uh hi.
Kha 3,4 sung om nading inn zongin Pasian
in inn khat hong sik hi. Ka pasal tawh ka nasep Laihilhna ka taan uh hi. Pasian
in nasep hoih zaw khat hong musak hi. Amasa-in Pasian in thungen dingin hong
sawl hi. Nihna-ah, Thukhun Thak sungah Jesuh thugen “vil unla, ngak un” cih hong
phawksak hi.
Vilin
ngak un, cih thu tawh kisai Ellen G. White laigelhnate sung ka zong kawikawi
hi. ‘Vil” cih ciangin kampau-na, gamtatnate leh ngaihsutna kidawm siam ding
cihna hi, cih ka mu hi. Ka tanungakte in hamsatna a thuakkhak uh ciangin “vilin
thu na ngen uh hiam,” ci-in ka dong hi. Thungen lo uh ahihna ka thei hi. Ka inn
sungah uah thungetna mun khat ka koih uh hi. Mawhthumna ahi, Topa hong itna
kiniamkhiatna tawh ka ngen den uh hi. Innkuan sung kizopna a cidam nading ka
ngen den uh hi.
Narrator: Koi bangin Lai Siangtho na
sim hiam?
Cathie: Pawlpi makai William Miller
thu leh Lai Siangtho ka simkhawmkhawm hi. amau laigelh khat le khat enkakin,
Hebrew leh Greek ka sim toto hi.
Tulaiktakin Mongolian lai tawh kigelh
Lai Siangtho ka zawh nadingin ka hanciam mahmah hi. Ka laisimte ciaptehna
nei-in tua bangin ka simna-ah ni khat Thuhilhkikna 33:1, ka simkha hi.
Mongolian Lai Siangtho in Pasian mi Moses ci-in kigelh ka simkha hi. Hih thu ka
simkhak ciangin lamdang kasa hi. Pasian mi Cathie, ka ci thei diam cih ngaihsutna
ka nei hi. Tuni suun tawntung hih thu ka ngaihsunsun hi.
Narrator: Koi bangin teci na pang
hiam?
Cathie: Gam mun khatkhatte-ah gamdang mite in
hamsatna tuamtuam tuak uh hi. Tua kawmkalah Pasian adingin teci khat hi dingin
lampi ka zong uh hi. Mite’n thu hong dot uh ciangin limtak in dawngkik theih
ding thupi hi. Manglai hilh sangsia ka hihna tawh kizui-in ka sangnaupangte
minte laidal tung khatah gelh dingin ka sawl hi. Amau laigelhte hun sawtpi
la-in ka sim hi. Sangnaupang kimkhat in i genthute tel thei pah uh hi.
Sangnaupangte in hong maingap uh ciangin i hilh bangbang thei baih zaw uh hi.
Sangnaupangte ka inn ah hong hawh dingin ka sam hi. Tua bangin Mongolian pau ka
sintoto hi.
Nisimin ka thungetnate in Saul in
Damascus manawhin a lampi—ah Jesuh hopihna kammalte hong kilangkiksak hi. Amah
in,” Topa aw, bang sem dingin hong deih na hi hiam? ci hi. Pasian deihna hong
kilang dingin thungen lehang Pasian in nisim nuntakna-ah hong hopih tawntung
hi.
Tu quarter Sabbath 13na sumpi in
Mongolia khuapi Ulaanbaatar ah Adventist nunzia cih tawh kisai Inngolpi khat
nadingin kipuak ding hi.
