An
leh meh tungtawnin Gospel thupuak
JAPAN
| November 6
Sara
14
Sara in Sabbath hong tungsial in Seventh-day Adventist biakinn ah kikhawm hi. Ahi zongin amah pen SDA thu-um mi hi lo hi .A innkuanpihte Adventist hi lo uh hi. A innkuan sungah KHristian upna a nei kuamah om lo hi.
Banghanga Sara in Sabbath ni sial in
va kikhawm hiam cih leh biakinn ah naupangte nek ding a tuamtuam kihawm ahih
manin tua nate a nek nop manin vakikhawm hi. Kum 14 pha pan Sara in Sushi limsa
mahmah hi. A diakdiakin Sabbath ni-a biakinn ah kipia an leh meh limsa diak hi.
Hih annamte Japante in duh mahmah uh hi. Suun an nek khit ciangin Sara in Lai
Siangtho tangthu kigen ngai-in, lasakna zaknopsa mahmah hi.
Sara in kum 6 a phak a kipan Adventist
biakinn ah kikhawm hi. Amah pen a nu bek
tawh om a, ahi zongin biakinn ah kipia ante in cidamna tawh kituak an vive ahih
manin a nuta un cidam mahmah uh hi. Sara leh a nu-in tau uh hi. Japan gam in
gam hau khat hi. Annek tui dawn kicing takin nei uh hi. Ahi zongin leitung
khuahun paizia zui-in anei leh a nei lo kilamdang mahmah uh hi. A nei lote in
nek ding nei lo liangin cimawh hi sam lo uh hi. Inn sung vanzat kicingtakin nei
zo veve uh hi. Nektawm zong tate in mihaute tate ban zo lo uh hi. Japan mi 7
lakh mi khat a zawngin kiciamteh hi. Sara leh a pi zong mizawng sungah kihel uh
hi. A zawng nule pa in a tate uh annek
tui dawn gina pia zo lo hi; sangtuah khit ciangin kimawlna leh music cihte
sinsak zo lo uh hi. Mizawng nulepate in a tate uh homework (innlaite) bawlpih
hun nei lo uh hi. Mihaute tate bangin
laihilh ding mi cial zo lo uh hi.
Seventh-day Adventist pawlpi mite in a hau lah
hi lo a zawng lah hi lo, a lai hawl innkuan hi ciat uh hi. Tua hangin Sabbath
ni ciangin kikhawm mite adingin annek tuidawn a vaihawmsak thei uh hi.
Kashiwa khuapi sungah milip 410,000 teng
uh hi. Tokyo khuapi sung om mite in Kashiwa khua mite huh ding vaihawm uh hi.
Naupang 10- 30 kikal in Sabbath nisial in nektheih an pia zo uh hi.
Sara in biakinn hong paicilin a maizum
hi. Naupang dangte tawh kimawl ngam lo hi. Ahi zongin biakinn pan a kipia ante
limsa-in Lai Siangtho tangthute kimawlna
nuamsa mahmah hi. Sabbath khat khit Sabbath khat kikhawmin hong pai den hi.
A gol khit ciangin Sara in naupang a
neu zaw deuhte makaih thei hi. Khal sung in camp nei uh a, hih mun panin Jesuh
tungah a nuntakna kipia dingin a khensat hi. Hih thu a nu tungah a gen ciangin
a nu lungkim lo hi. A nu in a gol zawk deuh ciangin tui kiphum pan in. Tu-in
naupang lua lai teh, ci hi.
Sara tui kiphum nadingin kum 5, 6 bang
a ngak kullai ding hi. Japan gamah kum 18 ma-in nu le pa ukna nuai-ah omlai uh
a, amau ut thu tawh bangmah sem thei lo ding cih gam thukhun nei uh hi.Sara in
kum 14 phapan hi. Sara tui kiphum nai lo ding cih a theih uh ciangin pawlpi
mite dah uh hi. A nu phalnai lohna thu lamdang ngaihsut lo uh hi. Khristian hi
lo khat in tua bang lungsim puak a nei ngei-na hi, cihsan uh hi.
Sara leh a nu adingin thungetna na neihsak un.
Kashiwa Seventh-day Adventist Pawlpi ah
a kikhawm naupangte in thuman thei-in Jesuh Khrih Honpa-in a san theih nadingun
zong thungetsak ni.
Tu quarter Sabbath 13na sumpi in Japan
gam kipuak ding a, pawlpi nasepna a panpih ding hi.
MUC in Sawbua pawlpi huang um nadingin
kipuak ding hi.
