Vatungpan
Huhna
South
Korea | November 27
David
Kim, 53
David in a camry motor hawl in Utah State sungkhat aom Biakinn khat ah thugen dingin GPS zangin ong pai hi. Thakhat thu in aphone pan in a warning message ong suak vat a paisuak leh lampi lauhuai lua hi cih amu hi. Tua lampi ah motor lianpi, motor sangte ahihkei leh motor neu te pai zolo ding ahi hi.
David ahihleh lamsaupi hawl khin ahihman in ong paisuak veve a, a motor pan in warning mei ongsuak na pi’n ki theihmawhbawl leuleu hi. Mualtungah akahkhit asawtlo in a motor a engine ong mitvat hi. Aman zong atawhpan ahih kikkik hangin aset hingzo mahmahlo hi. Tuabang teng ong hihteh a cellphone ong etleh line omlo sawnsawn ahihman in beidongin ong omta a, atawpna ah cihnang theilo in buanlak ah khukdin in thu ong ngen hi. Lamkal ah amahbek ahihman in ganhing gilo, migilo aomding lau kawm sa mah in, “Topa aw warning ongpia na pi ci’n ka awlmawhloh nate hangin ong maisak in. Ken hibang ding salo kha hing, ahizongin kei thugen ding hinga bangkhialhna om hiam?” ci-in thu angen hi. Amah pen lau, patau, lungzing mahmah a, kha thum sungbang akhualzinna ah Internet tungtawn in Pasian nasep zia ding thuhilhna te ah Pasian ompihna hi napi’n tuate amangngilh hi.
A thunget khit minutes 5 ciangin truck
pi khat ong kahto amu hi. Tua motor sunga Nupa te in bang ci na hiam ci-in a
dot ciangun ahaksatna teng gen a, motor tawhtang a ngen hi, ahizongin David in
bangmah hih thei tuan kenteh cih aum hi. Tua mahbangin papi pa in ahihtheihtop
ahanciam hangin motor hingsak zolo ahihman in cellphone line omna ciangah ong
kha nung ong zui-in a ci uh hi. Tuabang laitak in Papi pa in motor tawhtang
ngenkik in ongsin kik leh a engine ong nuta kik in David bill ah music bangin
zaknop asa mahmah hi. Tuabangin lungdam lua, lungdam lua ci-in Papite nupa
akhut vansan in kikhen uh hi. David in warning thupi simlo in haksatna tuaka
huhding kua mah omlo mata seleh vantung pan in Pasian in ahuh na higige hi. Tua
ahihman in ama thugen nang zong buaihuai lo tak leh hunlap tak in tungthei hi.
David kim pen South Korea ah SDA missionary te lak ah khat ahi hi.
