Sumbawl
mi khat ii thungetna
OUTH
KOREA | November 20
Kiyong
Kwon, 56
Kiyong in thu a nget caingin a lamdangna khat peuhpeuh hong piang hi. Amah pen sum sazian nasep a sem khat hi-in a nasepna-ah milawhcing khat hi. Tua bangin thu a nget ciangin South Korea gamah Seventh-day Adventist Pawlpi kipan khia ding ngaihsutna nei thei hi. Pawlpi makaite in ama omna panin a gamla lo mun khat ah biakinn om ahihlam a hilh hi. A kipat tunglamin mi 40 tui kiphum uh hi.
Tua bangin Kiyong thu ngenngena kum 2
leh lang sungain mi 98 pha thei uh hi. Mi 100 a phak nadingun Kiyong in thungen
dingin a khensat hi.
“Topa aw, mi 100 hong pia in, ci-in
thungen hi. Thungen khit ciangin a khuadak leh
kum thum lai a- amuh ngei nupi
khat a hi. A kimkotteng en kawikawi-in Kiyong in tua nupi in naupangte
adingin limsuah kisinna sang hong ahihlam thei hi. Kiyong paak honpi khat
lei-in tua nupi nu a pia hi.
A kiho-kawmkawmun Kiyong in ama
geelnate a pulaak hi. Mi 98 in tui kiphum khin, mi 100 a ngah nadingin a hanciamna
thute a hilh hi. “Nang pen 100 a cinna hi leteh hoih in the ci-in a dong hi.
“aw, kei pen mi 100 a cinna-in a tui
kiphum hi mah ning, ci-in a dawng kik hi.
Kiyong in “hoih ei” ci-in a dong kik
hi. “Ahi zongin Lai Siangtho sinna nei masa lecin hoih ding hi, ci-in a gen hi.
Tua ahileh na innah nitak nai 7:30 in hong pai ning ci-in kiho uh hi.
Kiyong in tawl khat ngaihsun in “na
inn ah na pasal a om kul ding hi, ci-in gen hi. Kiyong in tua bangin a genna
ahang in amah in mi 100 a cin ding lunggulh hi.
Tua bangin akiho khit ciangin nupi in
a pasal phone tawh hopihpah hi. “Zingciangin Kiyong i innah hong hawh ding hi.
Lai Siangtho thusinna hong neihpih ding hi.
A pasal in Kiyong bangmah in nasem mi
lawhcing khat hi. Amah pen Khristian upna sungah om hi. Ahih hangin a si khin pupate bia hi. Sawtnai
lo hun khatlai-in a nasepna picin nadingin Mangpau sin ding ngaihsun hi.
Mangpau sinna laibu honkhat lei hi. Tua
labute lakah Lai Siangtho khat in kihel hi.
A
naseppihte khat in a zum sungah Lai Siangtho simsim hi. A sim thute a telthei
kei hi. Manglai sim thei napi-in a khiatna thei lo hi. Banghang a telloh cinthu
thei zo tuan lo hi. A tawpna-ah lungkia ahih manin Lai Siangtho Pasian tungah
thungen dingin a khensat hi.
“Nang in Pasian man taktak na hileh
Lai Siangtho hong hilh ding mi khat hong puak in, ci-in thungen hi. Tua
laitakin a zi kiang panin phone hong lut hi.
“Kiyong in zingciangin Lai Siangtho
hilh dingin i inn ah hoog pai hi, ci-in pulaak hi.
Amah zong lamdangsa vat hi. Tusuk in
tawl khat ding khia lo-in a om hi. A pumpi a khepanin a ludongah khuaphia
bangin vaangtang khat hong tung hi.
A zingsang ciangin Kiyong hong
paitakpi hi. A nupa-un lamdangsa mahmah uh hi. Lai Siangtho thusinna neihpih
ding mi a ngakngak laitak uh ahih manin Topa in innteekpa thungetna dawng hi,
cih a thei uh hi. Khangno dang mi nih in
nupate tawh thusinkhopna nei uh hi.
Kiyong leh in Lai Siangtho thusinna
nei uh a, Jesuh tungah a nuntakna uh kipia uh hi. Pasian in mi 100 bek hi lo-in
102 pia hi.
Tu quarter Sabbath 13na sumpi in South
Korea gam kipuak ding a, Ansan leh Daegu khuapi-ah naupang pantahna inn leh
khuasung phattuam nading inn golpi khat kilam ding hi.
